حياة مراهقة ليبيّة

الجزء التاني( القسم التاني )

حياة مراهقة ليبيه ❣
إسراء_ أل_ شهوب
❤🧡❤🧡❤🧡❤🧡❤🧡❤🧡❤
فرج : صباح الخير ...
غزالة : صباح الخير فرج كيف حالك ؟...
فرج بستغراب من سؤال أمه : حالي كويس باهي !!...
غزالة بشك : حقْ ؟!....
فرج : إيه يمي حالي كويس ....
غزالة : فرج راك ولدي وأني نعرفك، هي هي قول قول خيرك ...
فرج : يايمي مافيا شي ...
غزالة : باهي مادام مافيك شي خيرها المرأة جت أمس وجهها مغموم أه خيرها ....
فرج : خيرية ؟!!....
غزالة : إيه خيرية .... 
فرج : أخخخ شن بنقولك ....أه لو مانقولاش خير...
غزالة : فرج لهدّرجة مش قادر ..
فرج : يايمي خلاص ...
غزالة : شن خلاص ياولدي بالله تحكي راك خوفتني .....
فرج : يمي خيرية تعبانة الفترة هادي بالله ماتضغطو عليها ...
غزالة : خيريةتعبانه خيرها اللطف ؟!...
فرج : بعد أسبوع يتم العرس تبي تقعد عند هلها ...
غزالة : حطت يدها علي صدرها من الخوف ...
غزالة بخوف : علاش علاش يافرج راك خلاص تغطّلي على أعصابي قول ياوليدي قول خيركم شن صار ؟!!....
فرج : نزلت دمعه من عينه طول مسحها أوّل ماشافتها غزالة وهو يبكي عرفت و فهمت عليه عرفت إنه الموضوع نفسه شافت قدّاش هو مكبوت مش قادر يحكي شافت قدّاش كان مهموم ومش عارف شن يدير شافت قدّاش متحسر ومكسور الدّمعة رغم إنها دمعه إلا إنها نزلت تحكي ألام تفوق حد تحمله ....
"وكمايقال إذا رائيت الرجل يبكي فأعلم أن الألام ".....
فاقت تحمل الجبال💔
غزالة : طول خدت ولدها فحضنها ...
فرج : بدي يبكي أوّل ماحضناته يمي راني تعبان يمي راني معاش قادر خلاص معاش قادر
غزالة : يهون ياولدي يهون والله كله يهون كل شي يهون الصبر بس ربي يفرج يبّي الصبر ياولدي ...
فرج : العمر خلاص يايمي قدّاش بنصبر قدّاش..
غزالة : ماتقولش هكّي إنت مؤمن وتخاف ربك إن شاء الله هوا إلّي يفتحها عليك هوا بس أطلبه هوا يافرج أطلبه هوا ماتخاف نديرو كل شي نحلوها ماتخافش ياوليدي ....
فرج : أخخخخخخخ أخخخخخ ...
غزالة تنحل ياوليدي تنحل أني معاك ماتخاف أني معاك ....
🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂
الفرق بين عبدالله وفرج فرق كبير
بين إلّي فاقد النّعمة ويتمنى ويتحسر
وبين يلّي عنده ومش حامد ربه ويتكبّر ويتجبّر
"الحمدلله على نعمة العقل"....
💔💔💔💔💔💔💔💔💔💔💔💔💔💔💔💔💔💔💔💔💔💔💔💔💔💔
هبة : يمي ....
"غزالة مسحت دموعها بسرعة بس هبة شافتها"...
هبة : يمي يمي خيرك يمي خيرك تبكي ؟!..
غزالة : ماخيرني شي ...
هبة : شن ماخيرك شي ، لاش تبكي ؟!..
غزالة : قتلك ماخيرني شي خلاص نوضي وتي فطور خوتك وولاد خالتك هي ...
هبة : باهي هادي خيرية
"قاطعتها غزالة وإنفجرت فيها"....
"غزالةتفجرت فوجه هبة وقعد تعيط من الغضب"
خيرك أه إنتي خيرك ماتفهمي أه ماتفميش كم مرّة كم مرّة قتلك ماليك دخل بيها أخطيها أخطيها المرأة خليها فحالها قتلك ....
"ناضت غزالة ومشت خلّت هبة وهي فحالة صدمة من تصرّف أمها المفاجيء"...
🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁
وهكي فات يومين على أحداث اليوم وسعاد ومحسن تعودو على بعض ومكلامات كل يوم
وملاك وطارق تحت الروشن كل يوم
😁😅😅😆😆
🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀
"يوم الحفلة"....
حفلة أخت خيرية
وطبعا مانحكيش على حالة الحوش يوم الحفلة وبدّات حوش معبّي بنات
حرب عالمية تالتة
🤭🤭🤭😅😅😅😅
💐💐💐💐💐💐💐💐💐💐💐💐💐💐💐💐💐💐💐💐💐💐💐💐💐💐
"مشو للحفلة"
غزالة طبعا مشت قبلهم وهمّا لحقوها
خشّو للخيمة
وقعمزو مع بعض التلاتة
سعاد وملاك وهبة
وطبعا عزوزة سعاد هي وأمها مع بعض هما وخيرية
ناضت غزالة ومشت بش تقعمز مع بناتها فطاوله واحدة
بس فيه من إستغل وجودهم مع بعض
خيرية 
خيرية : عمتي أهلين كيف حالك ؟...
فاطمة : باه باهي الحمد الله وإنتي ؟!...
خيرية: الحمد الله ....
خيرية : أني من فترة سمعت بخطبة سعاد من محسن حق !!.....
فاطمة : إيه ....
خيرية : والله أني الحق كاني من زيك راني سألت النّاس قبل ....
فاطمة : علاش بنسأل بنت خوي وتربايته نعرفها ....
خيرية : والله حرام عمي الحاج ماهو عارف حاجة أسئليني أني ساكنة معاهم طول النهار واليل أمّا عمي يطلع يروح إليل تعبان
فاطمة : خيرية، شن تبي قولي شن عندك🤨😒؟.....
خيرية : شن ينقوللكم غير خطبتكم لسعاد كلها غلط فغلط يعني محسن زي خوي وأني مانرضاله بنت زي سعاد .....
فاطمة : شن قصدك ؟!....
خيرية : قصدي ياعمتي راهو هادي سعاد ماحد سلم منها من يوم ماوعت وهي ماخلت من كلّمت ....
فاطمة بصدمة : شنهو؟!!...
خيرية : والله زي مانقولّك أني كل يوم فليل نسمع فيها وهي تتكلم وتضحك سكتت قت بالك تتعدل لاكن لما جيتو قلت لا لا لازم تعرفو حرام والله مانقدر نسكت علي حاجة زي هكّي هكّي نظلمكم😈😈 ......
وطبعا هذا من غير إلسانها إلّي هكّي طوله يومها قلت خلّي نعاونهم كرّشت في زي المكلوبة والله ماخلت ماحطت علي كلام حتى ماني قادرة نتكلم بيه ......
"وطبعا هذا كلّه وخيرية تتكلم وفاطمة تستمع في صمت وهي مصدومة "....
فاطمة : وإنتي هادا وين قلتيلي علاش أه 😑😐🤨؟!....
خيرية والله مالقيت وماعرفت كيف نوصلهالك تو وين لقيت وقت ....
فاطمة : باهي صحّيتي
"قبّلت وجهها للجهة التانية وهي فرحانة ولاكن ملامح الغضب طاغيات على وجهها".....
مش مصدّقة إنّها لقت علّة
حتّى ولو كان كذب كانت فاطمة حتصدّق خيرية لأنها هي تبّي تصدّقها
فاتت الحفلة ومشت لعروسة
وروحو كل حد لحوشه بس سعاد كانت مستغربه وسرحانة تفكر فتغير عمتها فاطمة المفاجيء !!....
🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵
"وفيه نوع تالت"
إلإنسان يلّي رغم إنّه ربه حارمه من النعمة إلّا إنّه لايستاهل الخير ولا يبّي رحمة ربي تنزل علي غيره ....
خيرية من كثر غلّها وإحساسها بنّقص ورغم كل الضّروف إلّي مرّة بيها كل شي عاشاته من لحضة زواجها لحد هاللحضة خلّها تتصرف بكل حقد وغيرة وحسد تفكر وتسئل نفسها علاش علاش سعاد جاها الدكتو وهي جاها واحد حاله على قده علاش ؟!!....
هي أحلى من سعاد هي بيضة وسعاد سمرة هي نقشها حلو وسعاد نقشها إخّي علاش علاش سعاد تاخد خير منها علاش سعاد تعيش عيشة أحسن منها علاش
شعورها بنّقص شعورها بلهزيمة شعورها بلخيبة خلاّ حقدها وكرها وغيضها يعمو قلبها
"وزي مايقولو العمي هو عمي القلب".....
🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃
وطبعا فاطمة أوّل ماروّحت طووول لقتها فرصة كان تلقى تزغرط
حكت لمحسن علي كل شي
محسن فالأول رفض يصدق بعدين بدت الوساوس تلعب فدماغه
خش لداره وأول شي داره هو إنّه يتّصل بيها
بس المفاجئة إنها
مشغول
وهكّي عاد خلاص ثبتت عند محسن ماعاد فيه مفر
شن بيقول؟!...
بمن تتصل فهالوقت ومع من تتكلم ؟؟....
مافكّرش إنها يمكن تتكلم مع أختها أو خوها
حتى وكان ماكانتش عنده فكرة إن سعاد ماقررتش ترقد إلّا لما تقول وتحكي لأختها كل شي صار فلعرس يعني
وأصلا أوّل مرّة إدّيرها سعاد من يوم مابدو يتكلمو وهوا مش متعود يعني جت ورا بعضها لو كانت لضروف غير راهو ماكانش حيشك مثلا لو أمه ماقتلاش كان عادي أكيد حيعطيها عذرها
والشي هادا خلاص أثبت لمحسن إنه كلام أمه صح
حاول يرقد وينوض الصبح تمنى لو إليل يفوت فرمشة عين ينوض الصبح ويمشيلها ويفهم منها يستفسر يدير شي غير إنه ياكل ويحرق أعصابه
🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂
صبّح الصبح
وقرّر إنّه يمشيلها
🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃
سعاد : هبة ....
هبة : ها ....
سعاد : أسمعي عمتي فاطمة متغيّرة عليا هلبة ..
هبة : علاش خيرها ؟؟....
سعاد : من قبل عادي بس بعد ما جينا مروحين قلتلها هي بسّلامة طنشت وماردت عليا بكّل
هبة : هي من يوم يومها هكّي شن الفرق ....
سعاد : والله حاسّة فيه حاجة من أمتي شفتها أخر مرة مقعمزة جنبها خيرية طير إشّر هاديكا وأني معادش مطمّنة بكل ....
هبة : إن شاء الله خير ....
🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁
فتحي : سعاااااد سعاااااد ....
هبة : خش خش هاهي هنى .....
فتحي : سعاد أطلعي محسن جي ....
سعاد : اللطف جي عالصّبح خيره ؟!....
فتحي : وين ندري أني قالّي ناديهالي هيا قتلك الراجل عنده خدمة بيتسقّد ....
سعاد : باهي باه حاضر ....
"شبحت سعاد لهبة شبحة شك
وبعدين ناضت".....
🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀
محسن يراجي على أحر من الجمر
أوّل ماخشّت
سعاد : اسلام عليكم ....
محسن : وعليكم السلام ....
"قعمزت سعاد وقعدت تشبحلة في صمت تبي تعرف خيره "....
محسن : شوفي يابنت خالي أني ماعنديش فلّف وإدوران ومانحب نكذب على حد ولا نحب حد يكذب علي .....
سعاد : علاش إنت شن سامع !!....
محسن : سعاد بنسألك سؤال وإنتي بتجاوبيني عليه ...
سعاد : حاضر ....
محسن : أمس أني إتّصلت بيك طلع مشغول فمن كنتي تكلمي ؟؟....
سعاد : أختي غزلان مبارح كلمتها ...
محسن : ولاش معاودتيش علي بعد كمّلتي ؟...
"سكتت ماعرفت شن تقول "...
سعاد : كنت نحسابك رقدت قلت تو لصّبح إنكلّمه ...
محسن : متاكدة ؟..
سعاد : محسن............ أني مانكدبش راه ومتأكدة إيه كنت نكلم في أختي مبارح ....
محسن : أمس جاني كلام من أمي ...
سعاد : وشنهو الكلام ؟!....
محسن : سمعت بانك كنتي تكلمي فرجالة غيري ....
"سعاد فنّصت فيه "....
سعاد وإنت شن ؟!!....صدّقت قصدك....
"سكت محسن وقعد يشبحلها معاش عرف شن يقول الشّك قاعد "...
"سعاد صدمها صمته "...
سعاد : تمام وصلت خلاص مادام هكّي هي كل حد يمشي فطريقه ...
ناضت وهي مغمومة وعيونها معبيات دموع حاولت إنها تتماسك قدامه ناضت عطاته بضهر وطلعت خلاّته حاير على مصدوم على مش عارف شن يدير طلع ومشي ركب سيّارته
🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁
طلعت سعاد من المربوعة خشّت طول لدارها شدّت المخدة وقعدت تعيّط بكتمان وتبكي ....
هبة : سعاد سعاد خيرك سعاد قوليلي خيرك !!...
سعاد : شي شي ......... ماخيرني شي أطلعي أطلعي  وخلّيني بروحي ....
ملاك شن أطلعي هادي نوضي وقولي خيرك ....
"سعادناضت وقعدت تعيط عليهم"....
سعاد : مش قتّلكم شي شي ماخيرني شي أطلعو خلّوني فحالي خلّوني بروحي ....
"طلّعتهم من الدّار وسكّرت على روحها الباب
وبدت تبكي"....
🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃
قعدت طول اليوم وهي هكّي تبكي ومش عارفة شن إدّير غير البكي ......
🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂
غزالة : ماقتّلكمش خيرها ؟!!....
ملاك : من مبارح وهي ساهر تخمم واليوم جاها محسن من الصّبح بعدها خشّت لدّار تبكي وتعيط .....
غزالة : سكتت وقعدت تخمّم !...
هبة : هادي خيرية ....
غزالة شن ؟...
هبة : يمي تبي إتصدّقي ماتبي إتصدّقي هادي خيرية ....
غزالة : هبة راك زوّدّتيها خيرية شن دخلها ها ؟...
هبة : شن شن دخلها أه أمس شوفناها وهي مقعمزة جنب عمتى فاطمة وبعدها عمتي حتّى السلام ماردّاته على سعاد موطّية العين شن معناها تو هادا شن يقولوله أه أمي مانيش مدّخّله لاكن إنتي قوليلي تو معقولة إلمرأة لابيها لا عليها هكّي فجأة ....
غزالة : وخيرية شن بتقولها يعني ؟!...
هبة : أبصر شن كذبت وخنّست وسوست يكفينا شرّها ربي ....
"تدكرت غزالة إنّها خلّت خيرية مع فاطمة بروحهم "....
"بس يبقى المتّهم بريء حتي تثبت إدانته"...
طالما إنّك يا هبة ماعندكش دليل خيرية تعتبر بريئة ....
🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂
غزالة : شن تقولي إنتي !!....
سعاد : زي ماسمعتي أني لحد هنى وخلاص كل حد يمشي فحاله ....
غزالة : علاش شن السبب يابنيتي والله إلّا كويّس ...
سعاد : إيه إيه ، يمي هوا إلّي كويس والعيب فيّا أني هكّي باهي زيدي علي حتى إنتي باهي ....
غزالة بستغراب شن تقولي إنتي عيب شنو ؟!..
سعاد : تعرفي يمّي أني خيرية هادي يلّي تقولونا أخطوها أني كان ما قطعتها من هنى ماعاد نتسمّي سعاد باهي ....
غزالة : علاش شن دارت خيرها ؟!!...
"سعاد بدت تبكي وهي تتكلم "...
شن بتكون دارت أه الشّر كلّه داراته وحنى قاعدين ساكتين وصلت حتّى فنصيبي يمي وصلت فيه وإنتي قاعدة ساكته قاعدة ساكتة
علاش علاش إدّير هكي شن درتلها أني شن درتلها أخخخ بس أخخ لحد هنى وخلاص معاد فيها يا تتصرّفي معاها يأني نوريها الشّي إلّي دراته فيّا
شن إسمه
غزالة : باهي خلاص تو أني نعرف كيف نتصرف معاها ....
"قررت غزالة إنها تتكلم مع فاطمة وتفهم وتتاكد "...
فات اليوم وهما على أعصابهم وجي إلي بعده
سعاد علي عصابها
وخيرية فدارها
وهبة وملاك مسخّفتهم حالة أختهم غامة على حالها البطانية ولا تأكل لاتشرب وطول النّهار تبكي كل مرّة يديرو عليها طلة ...
🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁
هبة : كيف الحال تو ....
ملاك : اه ....
"خشت عليهم منيرة "...
منيرة : السلام عليكم ...
هبة : وعليكم السلام منيرة أهلين كيف حالك؟.
منيرة : الحمد الله هبة شن صار حق إلّي سمعته ؟!!...
🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃
وفات إلصّبح وجي العصر ...
وهكي جي الموعد المنتضر ...
غزالة نادت فاطمة ...
🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁
غزالة : نبّي نعرف علاش أه شن شن صار شن إلّي تغيّر ؟...
فاطمة : والله ياغزالة أني ماعندي مانقول ...
غزالة : شن ماعندك ماتقولي هادي أه معقولة هكّي فيوم واليلة تجيني بنتي تقولّي خلاص كل حد يمشي فحاله أه فاطمة راكي تكوني مدخّلة البنت فحاجة تخصٍنا حني ....
فاطمة : لا علاش، بس إلّي سمعته خلّاني نغيّر..
غزالة : بعد ماسمعتها تأكّدة وقتها من إلّي كانت شاكّة فيه وطول سئلتها ....
غزالة : شنهوا إلّي سمعتيه أه شنهوا ؟...
فاطمة : قولي لبنتك قوليلها هي تو تقولّك ...
غزالة : وشن تعرف بنتي بسببكم أه ...
فاطمة : محسن قبل يومين جي وتكلمو هي ماقتلكش ....
غزالة : فاطمة يفاطمة راني مش ناقصة ضغط البنت فحالة ليها تلات أياّم ماتاكل بتقولّي هيا قولي شن سمعتي ...
فاطمة : بنتك تكلّم فرجّالة غير محسن ...
غزالة بصدمة : شنو ؟!!!.....
شن تقولي إنتي فاطمة إنتي عارفة على من تقولي فيه الكلام هاذا أه عارفة شن إطّلعي من فمّك أه من بتكلٍم شنو قالولك علي أني ماربّيت بناتي بش يقعدو يكلمو فرجّالة أه شن هالكلام إلّي تقولي فيه وبعدين إنتي يافاطمة إنتي تصدّقي هالكلام أه خيرك ماتعرفي رباية خوك ولاّ شن ؟!!.....
فاطمة : رباية خوي ونعرفها لاكن ياغزالة البنات مش ربايته ....
"غزالة فنّصت وقعد مصدومة من كلام فاطمة وشن تدوي"....
غزالة : وخيرها ربايتي أه خيرها ؟!!...
فاطمة : شوفي ياغزالة أني هذا أخر كلامي والكلام هذا مجبتاش من أي حد ....
غزالة : ومن منو الكلام هدا ؟...
فاطمة : وشن دخل ...
غزالة : لا لا ، دخل لازم نعرفو من وين ومن هوا إلّي صدّقتي كلامه وكذبتيني الكلام إلّي كدّبتي العشرة على خاطره قولي قولي من هي؟...
فاطمة : خيرية ....
غزالة : من خيرية من هي ؟...
فاطمة : مرة ولدك خيرية قالتلي .....
غزالةبصدمة : يالله يالله يالله ....
غزالة : تعرفي يافاطمة تو كاني أني راني والله مانصدّق ولا عمري نصدّق النّاس ونكذّب العشرة لاكن باهي أهو تو تو نجيبلك نثبتلك ونخليك تعرفي قبل لا تروّحي من هو الصّادق ومن هو الكذّاب والله ماك طالعة من هني لين تعرفي ....
"سكتت فاطمة"....
"ناضت غزالة ومشت لدار"
غزالة : سعاد سعاد نوضي ...
سعاد : ها يمي خيرك شن تبي ؟...
غزالة : نوضي تو تو ...
سعاد : علاش ؟...
غزالة : والله وفوق هادا كلّه وماقلتيلي ساكته لتو علاش أه خيربلاك ؟!....
سعاد : وعلاش وكان قتلك بتصدّقيني .....
غزالة أسكتي أني نكذّب كل شي إلّا ربايتي فهمتي ربايتي بس مانكذبها وإنتي ربايتي نوضي نوضي تو أغسلي وجهك وتعالي نراجي فيك البرا ....
"ونتي ياهبة بري لدارها هالّي ماتتسمي وناديها"...
هبة : باهي حاضر....
"طلعت سعاد وسلّمت على فاطمة
وقعمزت راجت شوي وجت غزالة وفإيدها المصحف "
قعمزت غزالة جنبهم راجو شوي طلعت خيرية وطبعا أوّل ماطلعت ماكانتش فاهمة
بعدين لما جت قعمزت جنبهم وشافت المصحف ....
بدت شوي شوي تفهم وبدي الخوف
خيرية : السلام عليكم ...
قالتها وهي تشبح للمصحف
فاطمة : وعليكم السلام ....
غزالة بغضب : تعالي تعالي ...
خيرية : خيركم شن فيه ....
سعاد : وتسالي وقاعدة تقولي شن فيه أه شن ماتعرفيش شن درتي ولا نقولك ....
"غزالة شدّت بنتها من يدها وقعدت تهدي وتسكّت فيها "....
غزالة : خلاص قتلك أنتي وياها هي توا أزوز بتحطّو يدكم وبتحلفو ....
خيرية : بشن بنحلفو ؟؟...
غزالة : بتحلفي عالكلام الّي قلتية لفاطمة فعرس أختك ....
خيرية : شنو أما كلام أني لاقلت كلام لاشي
سعاد : شبحت لفاطمة وبعدين شبحت لخيرية
غزالة : هي سعاد حطي يدّك عالمصحف وأحلفي أحلفي بش فاطمة تعرف تعرف تربيتي أني شن ...
"أوّل ماقتلها غزالة طول حطّت سعاد يدها وحلفت "....
سعاد : والله والله لاعمري كلمت ولاشوفت راجل غير ولدك محسن ياعمتي والله ...
غزالة : خلاص ....
"هي تو دورك ياخيرية حطّي إيدك عالمصحف وأحلفي "...
"خيرية شبحت لفاطمة وشبحت لغزالة وشبحت لسعاد ".....
وطبعا لا فاطمة ولاخيرية قادرين يتكلمو بعد إلّي صار ....
فاطمة : روحت متعصّبة عالأخّر لا مش لأنه خيرية كذبت عليها ....
لا لأنه سعاد طلعت صادقة وهي تو بتطلع إلي ظلمت سعاد وخلاص معاش بتقدر تتخلّص منها ......
🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃
وطبعا الايام هادم فاتو على محسن زي مافاتو على سعاد
بين الشّك والحب
بس يا محسن كانك تحبّها حق كنت عرفتها وفهمتها وصدّقتها ....
حتّى أني فمواقف زي هادي ماني عارفة شن ندير وكيف نتصرف
إختفى محسن من الأنضار..
🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂
"خش محسن للصالة "....
قعمز جنب بوه ....
الجسد حاضر بس العقل غايب
مبروك : جيت يامحسن ...
"محسن لارد سرحان يفكّر"...
مبروك : محسن يامحسن خيرك ؟...
"محسن إصطاقض على بوه"....
محسن :نعم ...
مبروك : خيرك ؟...
محسن : أني ؟!...
مبروك : تي إنت خيرك سارح وين عقلك ....
محسن : لا لا ماخيرني شي ...
مبروك : أمّك اليوم مشت لحوش خالك ...
محسن : خالي، خالي مختار !!...
مبروك : إيه خالك مختار ....
محسن : وشن صار ؟...
مبروك : ماندري عليها هادي أمك ملي جت خشّت طول لدّار وماعاد طلعت ....
"وبدون أي كلمة تانية ناض محسن طوول مشي لدار أمه"
محسن : يمي ....
فاطمة : محسن جيت خش خش تعالي ...
محسن : يمي خيرك ؟...
فاطمة : خيرني ماخيرني شي تشوف في إنت
محسن : لا فيه حاجة قولي شن صار فحوش خالي علاش مشيتي ؟...
"فاطمةشبحتله وبعدين حطّت عينها لوطا "...
فاطمة : والله ماني عارفة شن بنقولك بنقولك شن صار ولا بنقولك عالكذب ولا شن ...
محسن : يمي شن تقولي أما كذب ؟...
فاطمة : إليوم نادتني غزالة ....
🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵
"سعاد تاكل بشراهة ".....
هبة : الحمد الله ياربي إلّي بديتي تاكلي ....
سعاد : ماحد يستاهل دموعي ينزلو حتى لو كان محسن ....
هبة : وشن قرّرتي ...
سعاد : خلاص صفحته طويتها ....
هبة : سعاد صح يمكن يكون غلط لأنّه شك بس حطّي نفسك مكانه يمكن تكوني شكّيتي ...
سعاد : صح لو كنت مكانه بنشك بس مش  نتخلى عليه بها البساطة هذا دليل على إنه حبه ماكانش حق بعدين هوا صدق الأكاديب وكدبني أني شن بعدهذا كله مازلت نرجعله أه...
🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀
يتبع .....
3075 كلمة