حياة مراهقة ليبيّة

الجزء الرابع

حياة مراهقة ليبية ❣
إسراء_ أل_ شهوب
❤🧡❤🧡❤🧡❤🧡❤🧡❤🧡❤
ملاك بحزن : خيرك طارق ؟....
طارق : شن خيرني من جدّك تحكي إنتي ؟!...
ملاك : إيه من جدّي وبعدين مافيها عيب شي زي هادا عادي !....
طارق : شن مافيها عيب أه تبّي النّاس يحكو عليّا ويقولو ماقدر يبني حوشه ....
ملاك : وإنت شن دخلك بكلام النّاس أه أني إلّي بنتزوّجك ولاهمّا 😤😤😤 ....
طارق : ملاك؛....... لا ، قلت لا أني ....
ملاك : طارق ياطارق ماتسكّرش راسك ...
طارق : أني تو سكّرت راسي إنتي إلّي تعاندي ...
ملاك : أني مانعاندش يطارق بس شيء زي هادا كانا ماإتّفقناش عليه بعدين كيف بنّتفقو فلحجات إتّانية أه هكّي بدايتها مش راضي تسمع حاجة وتسكّر فراسك بعدين حاجة زي هادي صعبة وأني فاهمة وعارفة علاش ماتخلّيني نعاونك بلعكس أني مايهمّنيش كلام النّاس خلّيهم إيقولو إلّي يبّوه المهم عندي إنت ياطارق ....
طارق : ملاك أني مش عارف علاش بعدين أني هاني نخدم من هني لين نتخرج إن شاء الله يكون الحوش تام علاش هادا كلّه !....
ملاك : طارق الشّي هادا إتقيل عليك وأني حابّه نعاونك بلّلهي ياطارق ماتسكّرش راسك إنت فكّر وبعدين قولّي ...
طارق : فكّرة ....
بسمة : وشن قرّرت ؟!...
طارق أخّر كلامي فاهم إنّك تبّي تريّحيني بس أني نبّي نتعب تعرفي علاش ؟...
ملاك : علاش ؟...
طارق : علي خاطر بش يقولو إنّك إنتي غالية علي وتسوي الدّنيا كلّها باش يقولو دار علي خاطرها كل شي وتعب ودفع دم قلبه وهذا يفرّحنى و حاجة زي هكّي ماتدخلي فيها حاجة رجاله فهمتي هي تصبحي ع خير ......
ملاك : وإنت من أهله ....
سكّرت الهاتف بعدين إتّكّت علي المندار
سرحت وهي تفكّر إدا كان إلّي قاعدة إدّير فيه صح ولاّ غلط
🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀
تصرّفك يابسمة صح وطبيعي 
لأنّ إلّي زي طارق يتامي بيكونو محتاجين يد العون فكل شي مهما كان بس همّا يتحشّمو يطلبو وبعدين طارق من من بيطلب من خالته إلّي حالها حال صغارها ولّا بوه إلّي متبري منّه إلّي زي طارق الضّروف ترغمهم إنّهم يعيشو شي مايبّوه ويكبرو ويحسّو بلمسؤليه فوقت غيرهم يلعبو ويعيشو فطفولتهم ولهذا السبب قررت ملاك إنّها تساعده فبني الحوش مش لأنه
ماقدر بلعكس لأنّها تحبّه وتبّي تبيّنله إنّه إيهمها وإنّه مش بروحه وإنّها معاه وإنّها مستعدة تتحمّل معاه المسئولية أمثال ملاك وطارق إنقرضو مع مرور الزمن
ياااااه قدّاش حبّك ياملاك كان
بريييييييء👼👼
قداش كان صاااافي 🤍
قداش كان حلووو❤
قداش كان زيك 💝
ملاك 🧚🏻‍♀️ زيّك
ملائكة علي شكل إنسان 😇
🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵
توا كان وحدة جاها وحد فقير ماتفكّرش حتّى إنّها تعطيه وجه وماتحاولش حتّى  حتى ولو كانت تحبه إنّها تعطيه فرصة وتساعده لاااا كل شي تطلبه هوا إلّي يجيبه ومن الغالي والكويّس وماترضي بأي شي وديما طلباتهم ماتّمش ويحمّلو فرّاجل فوق طاقته وكأنّه الفقير مش من حقّه يتزوّج   وتكون عنده عيلة ويجيب إصّغار وإنّ الغني بس هوا إلّي من حقّه يجيب الصّغار وبدل ما تراعيه و تتصرف تصرف يرضي ربي تعشمه وتخلّيه يحس كانّه هوا السّبب مع إنّ وضع البلاد توا أصعب من قبل لاكن الله غالب ماحدّش تو يقدِّر ويفهم ....
وأي بنت تفكّر إنّه لو قبلت بشي زي هدا مش معناه إنّها رخّصت روحها لا بلعكس الشّي هذا يبيّن قدّاش إنتي بنت أصول وقلبك من ذهب ووحدة واعية وفاهمة وراكزة المهم راجل تقدري تعيشي معاه مش مهم فقير ولّا غني المهم راجل يتقبّل نصايحك يحاول يتغير ويغيّر حاله للأحسن ويتقبّل مساعدتك ويفهمك ....
علي كلّ ربي يهدي البلاد والعباد 💔
🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃
في حوش مرام ⚘
خدت حكّة الطّن حطّتها فلكناسة وهي تقول
مرام : أفففف مش عارفة مش عارفة شن هارّيحة هادي وكيف قادر يتحمّلها ....
بشير جي للكوجينة وقف قدّام الباب لمّا شافها تحط في إطّن فلكناسة ....
بشير بصدمة : تي خيرك شن طرالك خيرك تلوّحي فنّعمة ....
مرام : مش قادرة يابشير مش قادرة ريحتها تعوّف ....
بشير : لااااااالاااااا؛  هكّي إنتي هبلتي خيرك عقلك وين ...
مرام فنّصت فيه وهيّا تأشّر بصبعها علي راسها
: هني عقلي هني ومافيّا شي خلاص هادي أكيد مدّة صلاحيّتها تمّت ....
بشير : وحدة ولّا إتنين مش الخمسة تلوحيهم خيرك يامرأة ....
مرام : بالل.....
قطع عليهم نِقاشهم إلّي كان علي وشك يكون مشكلة
صوة الهاتف ...
طلعت مرام من جنبه وعلامات الغضب علي وجهها بعد ماطلعت من الكوجينة وكيف خشّت للدّار بتاخد الهاتف من الكامادينو سمعت الباب تقربع بقوّة ...
مرام فنفسها مضّايقة من تصرّفاته إلّي بادية تتغير عليها بس من برّا قالت
خيره هذا ...
خدت الهاتف أوّل مافتحت تسمع صوت زغروطة صمغتلها ودانها نحّاته طول
وبعد شوي حطّاته وهي تقول : خير بلاك صمغتيلي وداني ....
مودة : نبّي هديّة عالبشارة قبل ....
بس مرام كانت ناسية علي شن تحكي وشن تقصد مودة تحسابه حاجة تانية
مرام بفرح : خيرك شن فيه ؟...
مودة بتسهويكة : حق ماتقوليش نسيتي
مرام : نسيت شني شنهوّا غار قولي خيرك شن فيه ؟!....
مودة : ألف ألف ألف ألف ألف مبروووووووك ياحنّة ياوخيّة ياودّادة إنتي حاااااااااااامل
مددت في الكلمة الأخير وبصوة عالي بش تستوعبها مرام ....
وقع الخبر علي مرام زي الحلم من الصّدمة سكّرت إلهاتف وقعمزت علي السّرير شوي
مرّت خمس دقائق تستوعب فيهم الخبر
قرصت روحها من يدّها
تأكّدت إنّها ماتحلمش باهي خيرها
صدمة
مرام رفعت يدّها وهيا تدعي من قلبها
تدعي يكون حق
وماتتخيلش
ماتحلمش
بعد مرور الخمس دقائق وهيا تحاول تستوعب
فنفس الوقت فحوش أمها
حطّت مودة إلهاتف علي إدّولاب الكوجينة وهيا تضحك بفرح شافت جنب الهاتف لقت ورقة التحاليل كيف خدتها وجاية بتطلع يرن الهاتف
فتحت إلهاتف وهيا تضحك تغيّرت ملامح لما سمعت أختها تبكي
مرام وهي تبكي  : متأكّدة قولي والله باللهي عليك أحلفي ترا ....
مودة: واللهي ياهبلة إلا طلعتي حامل خيرك مش مصدقة ...
مرام : لا لا، مش مصدّقة يامودة وأخيراً أخيراً مش قادرة مش قادرة نستوعب مش قادرة
"طبعا مرام قبل أسبوع حسّت بدوخة وأعراض حمل ومشت دارت تحاليل بس لأنّها كانت خايفة وموسوسة ماكانتش تبّي تعرف نتائج التّحاليل إلاّ بعد أسبوع قررت وأخيراً تبعت أختها تجيبلها التحاليل وتقوللها قررت وأخيراً تواجة الأمر الواقع بس إصدمها إنّه عكس ماكانت متوقّعة طلعت حامل 🤰🏼"....
هادي دعواتكم ياغزلان ومبروك 😅😂😂😂
قررت مرام تمشي لحوش أهلها وتبشّرهم
وطبعا خوتها ماعرفو وين يحطّو فرحتهم يومها كلهم كل حد جابلها هدية وصفرة حلويات وكانت القسمة الاكبر لمبروك طول مشي لمحل طورطات وجابلها طورطة وفرحلها أكثر من مافرح لنفسه ودارو حفلة وكان هدا اليوم أحلي يوم يمر على مرام ومبروكة ومودة وبلّغو مريم بلخبر جت اليوم إلّي بعده تلاقو كلّهم وزادو دارو غدي عصبان وطبعا ماخلّو ماجبولها كل ماتتشهي علي شي طول يجيها لأيديها تقول ماحملت كان مرام🙂🙂🤣🤣🤣
🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿
فحوش مبروك ....
مبروك : غزلان ياغزلان وينك ؟...
غزلان : خش هاني هني ....
مبروك : شن واتّيتي كل شي ....
غزلان : إيه كل شي واتي ....
مبروك : صحّة الأيدك هي ماناقص شي ماتبي شي ؟...
غزلان : لا لا، كلّه موجود ....
☘☘☘☘☘☘☘☘☘☘☘☘☘☘☘☘☘☘☘☘☘☘☘☘☘☘
مبروك أكثر واحد فلعيلة يحب يعزم صحابه وعيال صحابه وغزلان ماتخلّي ماتطيّب من خفيف ورزين ومشقشقات
🌯🥙🧆🍳🥘🍲🥗🍢🍝🍧🍩🍪🍤🍤🥠🥓🍔🍖🥩🌮🌭🍕🍟🥚🍜🥟
تغريد : ماما جعانة ...
مريم : هي تو إنّوض نركّب الغدي تبّي نص بجّبنة ....
تغريد : إيه ....
مالك : حتّى أني ...
مريم بخلعة : بسم الله أمتى جيت إنت أه ؟!...
مالك : توّا !...
"شافت مريم حالة ولدها معبّية تراب من راصه لرجليه"....
مريم : وين كنت بحالتك هادي 🤨😑😤😠؟...
مالك : نلعب ...
مريم : وين تلعب ؟...
مالك : كنت نلعب فكورة ...
مريم : هالكورة إلّي واخدتلك عقلك خش خش دوّش وتو نديرلك نص خش ...
مالك : باهي ...
"خش مالك وناضت مريم بتشوف شن فيه ماتوكّل صغارها "....
"خشّت للكوجينة فتحت الثّلاجة مالقتش غار كعبة بطاطة وطماطم".....
"مشت تحت الرّخامة نحّت الكتّانة إلي مغطّيتها بيها شافتها مالقت شي"...
مريم : صبرك ياربي وخلاص خنّتّصل بيوسف
🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂
طبعا صارت عركة بين مريم ومندر
قبل لا تعرف بأن أختها حامل
💮💮💮💮💮💮💮💮💮💮💮💮💮
Go to the past.....
الذهاب إلي الماضي ....
مندر : لا ...
مريم : وعلاش أه ؟...
مندر : هكّي شن ماعندك حوش إدّيري فيه عصباان إنتي ولّا شن ....
مريم إنفجرة فيه وقعدت تعيّط : تعبت، أني تعبت ومريضة ومعاش قادرة نتحمّل تبّي تاكل عصبان نرفعوه غادي ماتبّي تاكل جعلّك لا كليت ولا تغدين هكّي باهي ....
"طبعا مندر أوّل مرّة يشوفها تعيّط"....
مندر : ربي يعطينا العقل وخلاص ...
مريم إنت، إنت إلّي جنّنتني معادش عرفت الحل معاك نقولّك نبّي نعاين ماترفعني ...
مندر شبحلها شبحة إستهزاء وقال : علي شن بتعايني أه  علي عظامك ياودّي واضحة روماتيزيوم وباه ماهو قلنالك كبرتي خلاص  ولّيتي عزوز .....
مريم : عزوز طياح سعدك أني عزوز أه أني عزوز ولّا إنت إلّي مش لاقي حق خبزة ....
سكت مندر من الصّدمة معاش عرف شن يرد
مريم : هاه ه ه ، رد خيرك بلعت إلسانك وينه
مندر : والله يامراء إلّا ولّيتي ماتتحشّمي ...
مريم ضمّت صوابعها الأربعة وأشّرت علي روحها وهيا تقول : أني
مندر : إيه إنتي ...
مريم كمّلت بعياط : إنت إلّي ماتتحشم وإنت إلّي ماعندك لا ضمير ولا حيا صغارك بيموتو من الجوع من الشّر وإنت لا حس ولا شي تمشي تتغدّى وتاكل وتشرب عند إمّاليك ولا كأنّ عندك عيلة ها المن لمن مخلّيهم هادم أه ليّا أنى نطلع نخدم أني بش يقولو راجل بطوله بعرضه صغاره قاتلهم الشّر والجوع وينك يامندر فحوش أمي وينك يامندر فحوش أختي شنو أه شنو تعطي فيك فالمرضعة أمك ولّا شن أه تكلم
" وهي تسكت من هني
ويجيها كف رياحي من هني من الصّدمة لين وخّرت "
مندر وهوا يعيّط : سكّري فمّك يا كلبة ردّي بالك ها إلّا أمي ياكلبة ماك مش متربّية هادا علاش تو نربّيك أني كان ماربّيتك اليوم ماعاد نبدا إسمي مندر ...
وبدي عاد مندر طاح فيها ضرب يطلع مالك من الحمام مخلوع علي صوت أمه وهيا تعيط يمشي للصّالة يلقي تغريد تبكي ويتلفّت وعادا مالك مع أمه مايعرف حد يجي يجري يدف بوه لين وخر وطاح مدر علي رجله
مالك دموعه علي خدّه وهوا متعصّب عيّط  : إيدك علي أمي ياحيوان ....
تلفّت مشي لأمه يحاول ينوّضها بس مريم كانت فاقدة للوعي ...
تلفّت مالك لبوه وهوا يعيّط ويبكي
مالك : أمي أمي شن درتلها علاش علاش هكّي
شاف ولده وتلّفت شاف بنته تبكي من الموقف إلّي شافاته أستدرك بشوية شناعة الفعل إلّي إرتكبه ناض طول وبعد مالك خدي مريم ومشي بيها للمستشفى ...
ومالك يجري وراه وهوا يبكي هو وتغريد
مالك : وين رافعها أطلق أطلق أمي وين رافعها ...
مندر : أركب أركب وإنت ماعندك غار الدّموع ...
ركّب مندر مالك وتغريد وإتّصل بأخته تلحق الحوش قعدت سلسبيل صغيرة بروحها فلحوش
عرف مرروك بلموضوع طول طار للمستشفى بعد ماغدّي جماعته وتسقّد كل حد فيهم لحوشه طلع طول للمستشفى وطبعا أوّل ماوصل تعارك هوا ومندر بس إلّي فلمستشفى حزّوهم ...
روّح مالك بأخته لحوشها وطبعا مندر من يومها معاد طق فلحوش
وقعدت مريم هي وصغارها بروحهم وليوم التّاني قررت مبروكة تمشي لحوش بنتها بش تسايرها
🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁
روّح مبروك لحوشة بعد ماإطّمّن علي أخته
دار دوش وجي بيرقد ....
غزلان : مبروك ، كيف حالها ؟...
مبروك : كويّس هالكلب هادا لو مش مستشفى راهو ورّيته لاكن حسابي معاه ...
غزلان : 😏 إلّي يدير يلقي  ...
مبروك بصدمة : شنهوا ؟!!....
غزلان : زي ما سمعت يامبروك  بالك تحساب إلّي درته فيّا نسيته شفت أه تو ربي ردهولك فأختك ....
مبروك : نعم ،🤨شن تقولي إنتي ناقص ولله مراتي تقعد تتشمت ...
غزلان : حشاني لاكن يامبروك ورّيتك أن ربي ماينسى حد ...
مبروك : تي شن تفتفتي إنتي أه شن تقولي قالّك عليّا أني كل يوم نبيّت فيك بطريحة ولّاشن أه، ماهو مش منّك كان كنت حق كل يوم نبيّت فيك بطريحة راك ما إطّلعيه لسانك تو لاكن باهي تعوّدتي على التّدليع هلبا هادا ماناقص ....
غزلان : لاتعوّدت لاشي لاكن الحمد الله هيا وراها خمسة خوة لاكن أني شن ورايا غير بوي ...
مبروك وصلت حدّها عنده قال بصوة يخوّف : سكّريييي ........ سكّريلي فمّك ترا خيرك إنتي هبلتي أه شن بلاك ؟!!...
غزلان : ماخيرني شي ....
مبروك : لا لا ؛ فيك حاجة إنتي مش صافيه مانيش ناقصك أني ياتكلّمي كويّس ياضمّيلي فمّك ماعنديش بال واسع راه هادا ماناقص غار إنتي مالقيت لمن نحكي أني ......
تلفّت وعطاها بضّهر وولّا رقد ....
🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃