حياة مراهقة ليبيّة

الجزء التالت

حياة مراهقة ليبية❣
إسراء_ أل_ شهوب
❤🧡❤🧡❤🧡❤🧡❤🧡❤🧡❤
وهكي مرّة 6سنين على زواج مبروك وغزلان وعلاقة ملاك وطارق كانت كل يوم تزيد فيه هالعلاقة تزيد تقوى ويزيد يربطهم ببعضهم الضّروف والصّعاب وسعاد ومحسن يلّي سعاد قررت خلاص تطوي صفحته وتنساه إنفصلو نهائيّا من بعض وطارق إلّي قرر يخش للكلية العسكرية يبعد علي حبيبته لاكن مع هادا كان كل سنة يجي يزورهم ويزور خالته وبنت خالته أو بلمعني الأصح عشقه وحبيبته وعمره
لعند ماطق عمر 30 سنة تأخر صح بس قرّرإنه خلاص يتقدّملها ويخطبها وتبدا فيه خطوة رسمية بيناتهم يعني ياسر من الوقوف تحت الرّوشن 😁😆😅😅😅🤣🤣
وتخطبت ملاك من طارق وأخيرا بيولّو لبعض وفرحة ملاك مش لاقيه وين تحطها لأنه فعلا كان راجل وحبها بجد ووفي بوعده ليها وما عشمها
🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀
حوش غزالة
أصوات فرح وضحك فدار البنات

هبة : ياهبلة شفتي ياهبلة يامطقوقة مش قتلك مش قتلك أني من الأوّل .....
ملاك : ههههههههههه ....
سعاد : تضحك هالهبلة شوفيها تضحك ...
سعاد للحضة وقفت وبعدت عنهم وهي تفكر لوكانت تو مكان ملاك يعني لو ولّت لمحسن لوعطاته فرصة بعدماترجّاها وجي على بابها أكثر من مرّة وهو يستسمح ويعتدر ويحاول بكل الطّرق حاول حاول بس مافيش جدوي كل محاولاته راحت هباء سعاد طوت صفحته
سعاد من النوع القوي من النّساء صعب تسامح صعب تنسي الألم إلّى علي خاطر كرامتها قررت تدعس على قلبها وخاطرها وحبها كانت تفكر لمدا بعيد وتقول إنّها مستحيل مستحيل تعطي نفسها لشخص شك فيها من أوّل مرّة وماصدّقها عناداها وكبريائها كان طاغي علي كل أفكارها كان طاغي على قلبها وعقلها ونفسها
وكل شي كل شي بس العناد والكبرياء يخلّي الزّهرة تذبل من غير حب "....
🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁
مرّت الأيام لين جي اليوم المنتضر نهاية الشهر في عطلة طارق
فحوش غزالة ....
دارو بيان لملاك
وطبعا دارو سهريّة ودبحو فيها خرفان ودارو بيان هكّي طوله هكّي عرضه .....
عزم طارق العيله كلها ومن ضمنهم مبروك وخواته وخوته إلّي همّا يوسف خوه الكبير أدم إلّي بعد مبروك أنس إلّي بعد أدم ومعاد أخر العنقود أصغر واحد فخوته وخواته تلاقت غزالة هي ومبروكة مع إنّها مش طايقتها علي خاطرغزلان بس رحّبت بيها علي خاطر ملاك تجنبا للمشاكل وعلى خاطر خاطر طارق كل وحده منهم مقعمزة فجيهة ولاهية بحالها غزالة ترتّب وتساوي وأتنضم هي وبناتها لبيان ولد أختها وبنتها وبينما مبروكة هيا وبناتها جو زيّ البرّانيّات وغزالة مش قادرة رغم كل هادا تفرح على خاطر كلْ ماتشوف وجه مبروكة تذكر بنتها إلّي واجعتها .....
وهكذا داروه البيان وفرحو فرحة وكانت هاليلة من ضمن أجمل إلّيالي بنّسبة لملاك وطارق
بس ملاك كانت تشوف لاختها وهي تحاول تخفي المها وتحاول ماتبكي رغم إنّها مغصوصة حاولت غزلان إنّها تكون فرحانة وماتنكد ع أختها وتفرحلها ....
غنّو وزغرطو ودربكو وداروها سهرية مافي زيّها
خششو خوات طارق السّابتات والمنضر إلّي موجود صدمهم كلهم لاكن ماكانتش صدمتهم كلهم تعادل صدمة مبروكة هيا وبناتها شافو قدّاش طارق يحبّها وقدّاش يموت عليها
وتتوسّط مجموعة السّباتات سبات فيه طاقم دهب ودّبلة
وها الشّي فرّح غزالة بس مافرّح ملاك إلّي كانت خايفة وشاكّة هي عارفة إنّه قاعد يقرا ومايخدم من وين جوه الفلوس
وبينما الجو مشحون داخل وكأنه على وشك بدء حرب
❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤
وفنفس الوقت
البرا الجو سخون نااااار
بنّسبة لمني ؟...
لطارق ....
"مسكين باكو كنينكس كامل تمّه من كثر التّوتّر🤭🤭🤭🤭🤭 يصب بلعرق 😅😂😂😂😂🤣🤣🤣🤣🤣".....
أنس : هي طارق خيرك شد روحك ....
طارق : 😶😳😳😳😳😳😳😳😳 🥵🥵🥵🥵🥵🥵🥵🥵.....
أنس : طارق ههيييي ، يا طارق تسمع فيّا قالها وهوا يلوح بيده قدّام طارق إلّي مفنّص عيونه وجهه أحمر مغصور غايب عن العالم مش مصدّق بتولّي ليه بتولّي معاه أخيرا الدّنيا خسّراته حاجة 💔
بس عوّضاته ❤....
لاكن الأم ماتتعوضش وخسارتها ماتتعوضش وحبّها وحنانها وإحساسها مايتعوضش ياطارق
هوا عارف أصلا
مكانة أمه فقلبه ماياخدها حد
إلفراغ إلّي خلاّته فحياته مايقدر يملا مكانه حد
الحياة إلّي شافها فعيونها ماشافهاش فعيون حد هوا عارف إنّها لو كانت حية يااااه قدّاش كانت حتفرح بيك ياطارق
قدّاش كانت حتشتّي عليك
بفخر وتغنّي
وتقول ولدي ولدي دارلها وجابلها
قدّاش كانت حتكون فرحانه بيك
تناشبك وتزغرطلك وتعيّشك فرحة العرس بنكهتها الخاصّة
إيه الأم ديما عندها نكهة خاصّة ووجودها دورها
ومكانتها
ديماخاصة
فنّهاية
هيا أمه 🧕🏻
"الإبن لما يخسر أمه يتكسر ضهره 💔💔".....
وعي علي روحه لما خبطه أنس علي ضهره بش يستاقظ شوي ....
أنس : شد روحك هي شوية وتخش تلبّس دّبلة راه مش داير عرس تو خيرك تقول جابدين روحك !!....
طارق : 😒😒😒😒😒😒😒😒 ....
أنس : هي خيرك تشبح هكي مش واكلينك راه ماتخافش مايكلوش فرّجّالة 😏😏😏 .....
طارق : 😑😑😑😑😑 قدّاش بديت صامت ياراجل
أنس : احمد ربك إنّي معاك كان هادا راك من زمان منتهي الصّلاحية وماحد متحمّلك  ....
طارق 😑😑😑😑😑😑😑😐😐😐😐🤨🤨🤨🤨😒😒😒😒😒😒 ....
بعد هادا النقاش
خش طارق ولبّس الدّبلة خش حتّى من غير مايشوف لوجهها من كثر التّوتّر
لبّس الدّبلة وطلع طووووول ....
وهكذا ....
بدت ملاك برّسمي من نصيب طارق
وطارق من نصيب ملاك
"زي مايقولو نصيبك حيصيبك".... ..
رقدو كلهم فلّيل بس ملاك وهاتفها ماقدروش يرقدو قعد يشرين عليها حتّى سّاعة تلاتة فليل لين داراته صامت
ملاك ماعندهاش الجرءة ولا حتى القدرة تتصل بيه ولا ترد عارفاته بيناشبها وهيا متحشّمة
بس هوا فسّرها غير ....
هوا لما خش ولبّسها الدّبلة ماشافش حتّى لوجها
أكيد بيقول إنها زعلت منّه
وبينما هوا مش قادر يرقد من تأنيب الضّمير هيا راقده فسابع نومها وهي تحلم فأحلامها السّعيدة الحلوة
🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀
رقدو فلّيل
لاكن مش طارق بس إلّي ماقدرش يرقد من تأنيب الضّمير
ياااااه ياطارق
أفعالك قدّام أفعاله تعتبر برييييييئة
إنت تلوم فروحك علي شبحة
بس هوا
مبروك يلوم فروحه علي خاطر كسرة كسرهالها
قعد طول الّيل وهوا مش قادر يرقد من شوقه وندمه .....
🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃
صبّح الصّبح
فحوش غزالة
روّحو النّاس من حوشها بعد مافطرو حتى مبروكة روّحت ...لاكن مبروك ولدها قعد
🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿
فلمربوعة ...
معز : شوف يامبروك أني مش حندّخّل  فالموضوع إلّا بكلمة خير ورغم إنّ إلّي درته إنت لايرضي ربّنا ولا عبده ولهذا فأي شي بتقوله بنتي حتنفّده تبّي باهي ماتبي بنتي ماهي رادتلك ....
مبروك : وأني جاي نقولّك إنّي راضي بأي شي تقوله وتبّيه جاي نعتدر منّك ونقولّك سامحني ياحاج ...
معز : الله يسامحك ...
"ناض معز مشي خش لدّاخل"
في الصّالة
غزالة : ها شن قالّك ؟....
معز : يبّي يعتدر منها قالّي إلّي تبّيه حاضر نديرهولها ....
غزالة : وكان مايكون زي المرّة إلّي فاتت خداها وقريب قتلها لا لا يامعر منسلّم فبنتي ....
معز : تو إنتي من قالك بنخلّوها تمشي ....
غزالة : ها  شن تبّوها ؟!...
معز : تتراجع عن فكرة الطّلاق خشّي وحاولي معاها ....
غزالة : باهي باه ....
🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀
طارق : شنو شن قصدق 🤨😡 ....
ملاك : قصدي زي ما سمعت ....
طارق : لا لا، ما سمعتش وحندير روحي كأنّي ما رديت على إتصالك وإنتي ماتصلتي بيّا باهي
سكّر الهاتف وحدفة على طول يدّه ...
أنس : الّطف خيرك ياراجل 😐؟...
طارق : أنسسسس مش وقتك ترا فكّني منك ..
أنس : لا مانفكّكش خيرك ...
طارق : .....😤😤😤😤
أنس : طارق قول خيرك تبّي فلوس ؟....
طارق : بلّلهي فكّني من قصة الفلوس هادي إلّي مابت التّم ....
أنس : علاش خيرها طلبت حاجة ؟...
طارق : ياريت من يوم البيان وهي تنق من وين جبتهم وكيف جبتهم ....
أنس : خيرها علاش ؟...
طارق : تعرف بدل مانسمع كلام يفرّح نسمع كلام زيّ الزّفت إتّصلت بيّا وبدت تتكلّم فلأوّل مافهمتها بعدين بديت نفهم عليها ...
أنس خوّفتني ياراجل شن فهمت قول ؟!...
طارق : تحكي عالفلوس من وين حصّلت الفلوس كيف جوك الفلوس ...
أنس : وإنت شن قلتلها ؟...
طارق : حاجة مالييها علاقة بيها شن ليها علاقة هيا شن دخّلها ها من وين جت لفلوس تسأل علاش أني إنجيب وهي تاخد وتسكّر فمها ماليها علاقة بيهم منو وين فاتحتلي سريب إنت خاش على حاجة مش ليك تي شن أني خاش على حاجة مش ليا خشّيت سريب المخدّرات أني باش تقوله هالكلام 🤯🤯😠😡😡🤬🤬🤬!!....
أنس : هيا شاكّة بس قوللها إنت إنّك خديت دين ووفيت بيه تو تصدّقك علاش ماتقوللها الحق ؟.....
طارق : مش حنقلها ....
أنس : ماهو يا طارق شي زي هادا من حقّها إنها تخاف منّه إنت قاعد تقرا ها من وين جوك الفلوس شي زي هادا ماتبّيشي يخوّفها أكيد لأنّها خايفة عليك هكّي بتشك ....
"سكت طارق وقعد يقلّب فلموضوع فراسه والقي إنّه كلام أنس صح وإنّ إلّي كان شاك فيه إتنحّى من راسه ....
🌹🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀
فنفس الوقت
فحوش غزالة
خشّت تحاول مع بنتها بش تلين شوي لاكن ....
: لا ....
غزالة : بنيتي غزلان راهو ليكم قريب الأربعة شهور تو معقوله تخلّيه هكّي باهي ما ترجعيش بس قوليله أعطيه علم إنّك حامل ....
غزلان : أني قلت لا يعني لا مانيش طالعتله وإنتم قولوله إنّي حامل مش أني ...
غزالة : راكي هكّي بضّيعي حياتك بإيدك راهي غار يابنتي نوضي وإخزي الشّيطان وتشاوري معاه وهوا قال إلّي تبّيه حاضر حيديرهولك مستعد حتّى يعتدرلك وطلب السّماح من بوك حتّى يابنتي لو ماتبي ترجعيله إنتي حرة ماحد حيرغمك لاكن ماتسكّريهاش فوجهه جاي يعتدرلك يبّي يصالحك ...
غزلان : شافت إنّه لا مفر وإنها مش حتسلم من كلام أمها قررت إنّها تتواجه هيا وياه وتطلب الطّلاق .....
🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁🍁
إلي دار مرّة حيدير إتنين وتلاتة وأربعة
إلي ضرب مرّة يضرب إتنين وتلاتة وأربعة
إلي خان مرّة يخون إنتين وتلاته وأربعة
إلي فات مرّة يفوت إتنين وتلاتة وأربعة
إلّي أهمل مرّة يهمل إتنين وتلاتة وأربعة
فيه إلّي من مرّة معاش يرجعو ولو تنقلب سمي عالأرض
فيه يلّي يرجعو ويقررو إنّهم يتحمّلو علي امل إنّه يتغيّر
فيه إلّي يرجعو بشروط إنّه مايتكررش على أمل إنّه مش حيتكرّر
بس فيه إلّي قاعد متمسّك بأمل إنّه حتى بعد سنين يتغير
بس فيه يلّي لو فاتت عليه سنين الله مش حيتغير
ببساطة كلّه نصيب ولما يقولّك نصيبك مش معناها إنّك من أوّل مايجيك تكبّشي فيه لا إلّي مشي يجي غيره لاكن القرار فنهاية قرارك إنتي
إنتي إلي تقرري نصيبك من إلي يناسبك من يمشي معاك إختاري إلي يمشي معاك
ماتختاريشي ميزته إنه راجل بس .
مرّات إنتي مش قادرة تعيشي معاه الراجل مرات تقدري تعيشي مع راجل غيره ببساطة إختاري الرّاجل إلّي يتناسب معاك في كل جوانبه فنّهاية كلهم يسمو فرواحهم رجالة لازم يعني إنتي تجربي بش تعرفي الرّاجل من الدّكر
ربي مش حيكتبلك نصيب هوا يبعتلك اكثر من واحد وإنتي إلي حتختاري يعني إللّوم عليك إنتي لأنّه إختيارك إنتي .... لاكن ماننسوش حكمة الله والقدر خيره وشرّه ليهم دور ....
🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃
"خشّت للمربوعة من غير ما تطلق السلام "....
"مبروك لما شافها حس بكمية الخدلان والقهرة إلي فعيونها "...
مبروك : السلام عليكم ..
"غزلان لا رد"..
مبروك : أللهم صلي وسلم على سيدنا محمد
"تعرفه محمد إنت"...
مبروك : شن ؟!!...
غزلان : كانك تعرفه راك تعرف إنّ إلّي يدير زيّك مايرضيه ولا عمره حيرضيه فعلك والشّويتين إلّي درتهم قدّام أمي وبوي مش حينفعو معاي بكّل ...
مبروك : وهاني أني مش راضي بفعلي وجاي بطوبتي نستسمح منّك ونقولّك حقّك عليا وأني غالط غالط من راسي لرجليا وإلي تبيه حاضر واللّهي حاضر إنديرهولك من عيوني ....
غزلان : خلاص كانك عارف روحك غالط معناه بتطلقني ومعاد نبّي نشوفك بكّل ....
مبروك : شنهو !!...
غزلان : زي ماسمعت وقراري ماني متراجعة عنّه ....
"مبروك شبح لبطنها بعدين شبحلها : بنقولو هرمونات حمل مش فوعيها وتقول فكلام من ورا قلبها ...
غزلان : لاااااا، بلعكس لاهو كلام من ورا قلبي ولاهي هرمونات كلّه تقول فيه بش تغطّي على عيبك حاجة زي هادي مانسكت عليها ولو إدّير إلّي بدّيره أني ماني رادّتلك وبعدين شن يضمنلي إنك مش حدّير فيّا زي مادرت المرّة الفاتت ها خلاص معادفيك أمان أمانة ربي هكّي درت فيها خلاص ماعاد تحلم إنّي نردّلك لو تنطبق إسّمي ع الأرض .....
مبروك : وإلّي فبطنك ؟....
غزلان : خيره الحمد الله عايش ولاّ من هني لين يجي ماليك دخل بيه وصغارك تبّيهم إنت حر تاخدهم ماعاد نبّيهم وأني زي ماقتلك ماعاد نبّي نعيش لا معاك ولا مع صغارك ....
مبروك : وأني بنقولّك إنّ إطّلاق ماك حالمة بيه ونعاود مرة تانية نقولّك إنتي مش فوعيك وهرمونات حمل وأني أسف ونعتدرلك وحقّك على راسي من فوق وهادا أخر كلامي ....
غزلان : شن ماك حالمة بيه هادي شنو هو غصب ولاشن أه تبّي ولّا ماتبّي نوصل بيك حتّى للمحاكم تعرف حتّى حقّي مانبّيشي منّك هي الباب يفوت جمل ......
"مشت طلعت وخلاّته مصدووم على فرحان
لو كان زمان قالوله إنّه حيجيه يوم ويحبّها كان إنكر بس هوّا من قبل مايللها"....
لاكن بدل ما يطلع وهو مضايق طلع وهوا فرحان 😅😅😅🤭🤭🤭
هي طلعت من هني يقابلوها صغارها من هني
فاطمة ومحمد وإسراء إسراء إلّي علي خاطرها إنضربت وتحمّلت أوّل ماشافتهم إنهارت بلبكي طول مشت حضنتهم وقعدت تبكي بلعبرة وأكثر وحدة إستاحشتها هيا إسراء كلهم قعدو يبكو وأكثر من وجعها الموقف غزالة موجوعة على بنتها إلّي مش عارفة تاخد قرارها
وغزلان إلّي لمّا شافتهم إنهارت وكأنّها كل هاديكا المدّة تحاول تعوّد روحها تكون قاسية وتنسي ولادها بس إنهيارها قدّامهم يثبتلها العكس فيه أم تقدر تفرط فكبدها ....
خلّامبروك الصّغار عندها علي أمل تغيّر قرارها
وهالشّي صار فعلا غزلان حسّت روحها إنّها كانت على وشك مش بس إدّمر مستقبلها لا كانت علي وشك إنّها إدّمر مستقبل ولادها كلّهم
إلّي ماليهم ذنب إنّهم يعيشو فأسرة متشتة يومها من كثرة فرحته خدي عطلة لمدّة شهر ماصدّق إنّها لانت ماصدّق إنّها وأخيراً بترجعله قرر إنّه كهدية لمسامحتها ليه والتّصالح إنّه يرفعها يسفّرها برّا البلاد وطبعا هالخبر وصل لمودّة إلّي قريب جتها الجلطة لمّا سمعت من الصّدمة 😏😏😏😏😒😒😒😒😒😒.....
🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵
وهكذا رجعو لبعض بس هالمرّة كانت علاقتهم أقوي
وأيّ شي تقوله غزلان مبروك حاضر وإلّي تبّيه
غزلان تعبت هلبا من الحمل المرّة هادي ورقدت فلمستشفي فشهرها الأخير رفع مبروك الصّغار لخالتهم ....
"وقعدت غزالة مع بنتها في المستشفى ...
💐💐💐💐💐💐💐💐💐💐💐💐💐💐💐💐💐💐💐💐💐💐💐💐💐💐
مر الشّهر علي غزلان وهي فلمستشفى
وكان كل يوم إيزيد التّوتّر والخوف
لعند ما وأخيرا صار وقت جيّة أختها الصّغيرة لمار
ماشاءلله حتّى هي لا تقل في جمالها عن إسراء
شعر أحمر وعيون قهويات وكبار وبشرة بيضة
جت سمّونيّة زي الذّبّة ماشاءلله
💐💐💐💐💐💐💐💐💐💐💐💐💐💐💐💐💐💐💐💐💐💐💐💐💐💐
يومها إتّصلو بمبروك من العمل خدي عطلة وتوجّه طول للمستشفى كلّه خوف
من قال يامبروك يجيك يوم وتخاف عليها
مهماكان تكون مرته وأم صغاره .....
🌻🌻🌻🌻🌻🌻🌻🌻🌻🌻🌻🌻🌻🌻🌻🌻🌻🌻🌻🌻🌻🌻🌻🌻🌻🌻
خش معز للحوش سمع بنتة أتزغرط
خش طول لدارها
معز : خيرك شن فيه ؟...
هبة : غزلان يابابا غزلان ...
معز بخوف : خيرها خيرها ؟!!...
هبة : جابت وناضت بسلامة فتحت عيونها الحمد الله ...
معز : تنفس براحة بعد ماسمعها شن جابت ؟...
هبة : بنية ....
معز : حق الحمد الله ....
هبة : ناضت من كثر الفرحة تصلي وتسجد تحمد ربي ....
🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿
"إلخبر وصل لمرام ومودة" ....
"مكالمة هاتفية"...
مودة : إيه هالمكلوبة جابت جعنها ماتفرح يقطع خلفها إن شاء الله ...
"مرام كانت تسمع فدعوات أختها بس كانت تتوجع"...
إيه تتوجع ع حالها حالها إلّي مش عارفة شن بيصير فيه كان زادت عطّلت أكثر من هكّي شن بيصير راجلها عادي لانها يحبّها مريّحها من النّاحية هادي المهم عنده هيّا بس شن بيسكّت أمّه وخواته حمواتها وعزوزتها إلي يتمنّولها ماتجيب وتتطلق ...
يامرام شي ماعرفتيه إن إلّي يدير يلقى
"وربي يمهل ولا يهمل" ....
🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵
"بعد حوالي شهرين"....
مشو علي مهل وكانت حياتهم تمشي علي مهل
لين جي اليوم إلي طلع إسم مبروك فلحجّة
قرر يحط مرته عند عياله
🎉🎉🎉🎉🎉🎉🎉🎉🎉🎉🎉🎉🎉
🎊🎊🎊🎊🎊🎊🎊🎊🎊🎊🎊🎊🎊
طبعا مرام سمعت بس فرحت بجد فرحتله من قلبها ....
قررت تمشي لحوش هلها
🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀
وها الخبر وصل لحوش أهله
فحوش أهل مبروك ....
مبروكة : إحلف ...
معاد : والله يمي والله ...
مبروكةبفرحة : بلحق ياربي الحمد الله الحمد الله
معاد : كان شايف فرحة أمه بس عارف إنها ماتصالحت معاه وإنهم متخاصمين ....
🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂
مبروك : أخخخخخخخ صحّة لإيدك ....
غزلان : صحّتين ...
"حط الكاشيك بعد ماكمل"....
غزلان : مبروك ....
مبروك : هااااااا🙄😑أسمعي أني تو تعبان نبّي نرتاح ماعندي وقت لطلباتك إلّي مابت التّم ....
غزلان : لا لا، مش طلب ....
"شبحلها بنضرة شك"!!....
غزلان : قصدي هو طلب صغير ...
مبروك : إيه خشّي فلموضوع خيرك شن تبّي ...
غزلان : مبروك لأمتى به ماكش ناوي تطلب إسّماح منها قبل لاتمشي ...
مبروك سكت وكانت ملامحه هاديه ....
مبروك : أكيد ناوي بس مش عارف كيف نخش فيه الموضوع ...
غزلان بستغراب : أمك مش عارف كيف إتصالحها ؟!...
بعدين إنت قلتها هيا ماليها دخل كلّه من تحت راس مودة علاش قاطعها هي ؟...
"مبروك قعد يشبحلها وهو ساكت"....
🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃
"حوش عيلة مبروك"...
غزلان : السلام عليكم ....
مودة : وعليكم السلام ....
"خشّت وقعمزت بعد ماكبّت ع راس خالتها"....
غزلان : نطلب منك السماح ....
مبروكة : مسامح مسامح ...
غزلان : مبروك مبروك خش مافي حد ...
"فزّت مبروكة وشبحت كأن من رد فيها الروح بعد ماكانت ملامحها مطفية".....
"خش مبروك وجي طول كب ع راس أمّه بعد طلب السماح"....
مبروكة : ماقدرة تشد فرحتها ودمعتها ظبّطت ولدها وهي تبكي ....
"وهو خش راسة فرقبتها يحاول يكتم دمعته ويهدي روحه بس وين" ....
🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀🍀
تصالحو ومشي مبروك للحج
بعد ماحط عياله عند حوش خالته غزالة
🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿
بعد روح مبروك من الحج بعد عشرة أيام العيد
سلّم علي خوته وأمه وبات معاهم لان حوشه فاضي غزلان وقتها عند حوش أمها
روح الساعة 9 ...
مبروك : أهه...الحمد الله ...
مبروكة : صحّتين ...
مبروك : سلّمك ...إستاحشت الماكلة من تحت يدك ....
مبروكة : تاكل بصّحّة .....شنو كيف الحال غادي ؟....
مبروك : كويس الحمد الله كويس .....
🌱🌱🌱🌱🌱🌱🌱🌱🌱🌱🌱🌱🌱🌱🌱🌱🌱🌱🌱🌱🌱🌱🌱🌱🌱🌱
حوش مرام
خشّت للكوجينة
فتحت التّلاّجة وطلّعت منها حفّاضة حلاوات الحجم العائلي
دارتهم إستعداداً لهاليوم
خدتها ...
وطلعت سكرّت الباب بلمفتاح ...
وحطّاته في شنطتها ....
نادت علي بشير جي رفعها وحطها فسّيّارة
بعد ركبت السّيّارة وسكّرة الباب ....
بشير : هاااااااا، شن واتية مانسيتي شي ؟...
مرام : لا لا، مانسيت ....
بشير : قعد يهز فراسة إيمين ويسار وهو يضحك : والّلهي أني ماني عارف علاش هدا كلّه هوا اليوم روّح ماتخلّيشي يرتاح وغدوة إمشيلة مستعجلة علاش ....
مرام : ههههههههه ،والّلهي إستاحشته وخيّ ....
بشير : ياعليك حاله ....ماتخلّيه حتّى يرتاح شوي ...
مرام : هههه ...
بشير : تضحكي ...
مرام : والله يابشير ماني متعاركة معاك تو ...
بشير : ههههههه ....
🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃
معز : الحمد الله على سلامته ياودّي ....
غزلان : الله يسلمك ....
معز : ماقللكم شن بيدير ؟....
غزلان : إتّصل وقالّي بيدير عزيمة يعزم كل أصحابه والعيلة كلّها ....
"معزهزْ راسة إيجابا للموضوع"....
🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿
هبة : غار علاش هذا كلّه ....
فاطمة : هكّي ....
غزلان : فرحانة، إستاحشت بوها ....
هبة : يعطينا ربّك الصّبر ...
"قالتها وهي تشبح لغزلان بربع عين وهي تضحك"....
"تجيها مخدّة طايرة تجيها على وجهها"...
غزلان فنّصت فيها وهي تضحك : حيوانة تعاوديها نقتلك ....
فاطمة : إنفعلت مع أمّها ناضت تضرب فهبة تحسابها تتكلم ع بوها وهبة صايخة بضّحك على فاطمة كيف تضرب فيها .....
"طبعا فاطمة هكّي تاخد فلمواقف علي حسب حالة أمها تكره من تكره أمها وتحب من تحب أمها وتضرب من تضرب أمها ديمة هي المقربة من أمها"....
التّصرّف هادا ديما يتصرّف بيه البكرة سوأءن ولد ولّا بنت هوّا أكثر واحد يكون مقرّب لأمّه وأكثر واحد يخاف عليها ويفهمها ....
زي طارق....
🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃
مرام : السلام عليكم ....
مودة : إتصدمت من أختها ماتوقّعتها تجي موخّر هكّي .....
مودة : بصدمة م .....مرام ....
مرام : هههه خلعتك ولا ...
مودة بفرحة : ياكلبة أمتى جيتي أه ؟!!....
مرام : تو...
مودة :لااااا، خيرك جايّة من تو ...
مرام : قلت نجي نسلّم عليه ونباركله إستاحشته ....
مودة : ههههههه ....
مرام : إيه هو فلمربوعة ولّا ....
مودة : إيه أسمعي بشير جي ؟...
مرام : إيه ...أسمعي إتّصلت بيّا مريم قالت غدوة بتجي ...
مودة : إيه نعرف ...
مرام : مايفوتك شي ...
مودة : اكيييييد مايفوتني شي ....
🌴🌴🌴🌴🌴🌴🌴🌴🌴🌴🌴🌴🌴🌴🌴🌴🌴🌴🌴🌴🌴🌴🌴🌴🌴🌴
بشير : إيه كيف حالك وشن أخبارك ؟....
مبروك : الحمد الله بصحّة كويس ...
مرام : السلام عليكم ....
مبروك : أهلين مرام كيف حالك ؟.....
مرام : كيف حالك مبروك كيف حال الصّحّة ؟...
مبروك : الحمد الله كويس كويس ........
مبروكة : كيف حال عزوزتك 😒😑؟...
مرام : الحمد الله حالها ...إيه كيف حالك يامبروك كيف حال الصّحّة ؟....
مبروك : هههه والّلهي جيّتك مش هك قولي قولي خيرك شن فيه ...
مرام : هههههههه أكيد دعيتلّي صح ....
مبروك : أوّل واحدة جيتي على الساني ....
بشير : هههه ....
مبروكة : إن شاء الله ربي يتقبّل 😏..
بشير ومبروك : ههههههههه 🤭😅🤣🤣🤣🤣🤣🤣🤣🤣
🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿
"اليوم التالي" ناض الديك علي الفجر يصيّح🐔🐔
دبح مبروك زوز خرفان 🐏🐏 ودار عزومة كبير عزم العيلة كلّها حتّى من صحابه
وغزلان روّحت مع عيلتها لحوش خالتها مبروكة وعاونتهم في لعزومة وكانت تتجنب تتصادم مع مودةومودة نفس الشّي تتجنب تتصادم مع غزلان مطلّعة روحها من الساحة بش ماتزيد توتّر العلاقة بينها هي وخوها أكثر ماهي متوترة....
"دارو عزيمة كبيرة وتغدو"
وروّحو وعيلة غزلان قررو يباتو فحوش بنتهم
روّح مبروك لحوشة بش يشوف صغاره إلّي ستاحش يحضنهم ويشم ريحتهم
وكانت أوّل من قابله فاطمة بلبسة العيد كانت تستني فبوها ومستاحشاته وأوّل مافتح الباب طول مشتله تجري وهي فرحانة خداها فحضنه وهي تضحك..
🌻🌻🌻🌻🌻🌻🌻🌻🌻🌻🌻🌻🌻🌻🌻🌻🌻🌻🌻🌻🌻🌻🌻🌻🌻🌻
فات ايوم وجي اليل
فحوش مبروك .....
خش لدار النّوم لقي غزلان توكّل فبنتها لمار
غزلان : أهلين الحمد الله عالسلامة ....
مبروك : الله يسلمك الله يسلمك هاشن دارت فيك هالطّشّة هادي ....
غزلان : والله نسكت خير ماخلتني حتّى النّوم إندوقه لو مش من هبة راني خلاص ...
مبروك : هاااااااااا، شن ساهلة أني تحسابيني ....
"قعد مبروك يلعّب فبنته وهو يقلّد فصوت الصّغار وهي تضحك ....
مبروك : تضحكي ها تضحك هالمعفّنة هادي تضحك ....
غزلان : هههههه ...
مبروك : اه ه ه ...
غزلان : تعبان ؟...
مبروك : متكسّر تكسير ....
غزلان : وتيتلك الحمام خود دوش وتعالى إرتاح ...
مبروك : باهي ...
🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃
فاتت اليلة هادية عليهم كلهم
لعند ماصبّح الصّبح وبدت زقزقة العصافير 🐦🐦🐦 والجو بديع 🌞🌞المهم
🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿
حوش مبروك ....
ناضت غزلان قبل ماينوض مبروك
فلعادة هوا ينوض ديما السّاعة 6 الفجر
إينوّض الصّغار كلهم يفطّرهم ويمشي لخدمته ودوامه ...
كم من مرّة حاولت غزلان تغيّر هالنّمط
بس مع مرور السّنين لقت روحها هيّا تتماشى مع لنّمط هادا 😅😅😆😆😆
ناضت خشّت للكوجينة طووول وتت الفطور وكمّلاته
حطّاته في الصّفرة
وطلعت بيه هوا وبرّاد الشّاهي
في بالها خطّة وتبّي تنفّدها
قعمزت تستنّي
شوي ربع ساعّة وناض مبروك متفاجئ
أوّل مرّة تنوض بكري ديما هوا ينوض وينوّضها لاكن هالمرّة هي ناضت
غزلان : صباح الخير ...
مبروك بندهاش : صباح الخير نوضتي بكري !!.
غزلان : إيه ...
مبروك : شن ناضو الصّغار ؟...
غزلان : لا ...قاعدين لتو ماناضو تو بعدين إنّوّضهم تعالا إنت أقعد أفطر ....