حياة مراهقة ليبيّة

تكملة ألجزء التالت

حياة مراهقة ليبية ❣
إسراء_ أل_ شهوب
❤🧡❤🧡❤🧡❤🧡❤🧡❤🧡❤
قالوا اعطيني سعد ولوحني في البحر 😉
فيه اللي سعده واقف وفيه اللي سعده راقد زي طياح سعدي 😂🤣🤣

قال لك السعد خش لحوش ناس القاه كله مقلوب
يضرب يعور 🤷‍♂️
من الفوضى اللي فيه تضرب الغربال يطفح 👌
ما تلقي وين ترشق حتى اليبرة المهم فوتتكم بالحديث👇👇👇
السعد قعد واقف لأنه ما لقاش وين يقعمز و لا وين يرقد

وقال 👌لك خش لحوش ناس فالحين شاف دنيتهم كلها مرتبة ومنظمة و القي المكان يلهد فيه الخيل و وريحة الحوش ترد الروح فايحة♥️ فخذاه النوم اتكى و رقد
و من هذاك اليوم و البايرات سعدهم واقف 😉
و الفالحات سعدهم راقد 🤣
وقال لك سعود مش تعري زنود 😙

و قالوا سعد الملايح في الوطى طايح
وسعد القبايح في السمي لايح 👌

هم قالوا مش انا🙋‍♀️
😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂
🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀🥀
واااا نعود لتكملة ....
🌿🌿🌿🌿🌿🌿🌿🌿🌿🌿🌿🌿🌿
بس يا غزلان ماتعرفيش إنّ إلّي درتيه حرام ومايصيرش منّه لاكن الغضب من المواقف يعمي البصيرة ويصير الإنسان فلمواقف يتصرّف فيها بشي حتّى مايرضيه وهدا كلّه علي خاطر بش
يطفي غضبه
ويشفي غاليله
🖤🖤🖤🖤🖤🖤🖤🖤🖤🖤🖤🖤🖤🖤🖤🖤🖤🖤🖤🖤🖤🖤🖤🖤🖤🖤
"بعد ماطلعت غزلان روّحت مرام وهيا حاطة علي قلبها حجر كانت تبّي تجي لحوش أمها وبوها بش تتريح تفك عن نفسها شوي ".....
إيه المكايد والمصائب والمخططات إلّي إدّير فيهم هيا وأختها لنساوين خوتها تفك بيهم شوي وترتاح،
ترتاح لما تشوف نساوين خوتها متنكّدين وتنغم لما تشوفهم فرحانين
ترتاح لما تشوف وجوهم صفرا وتنغم لما تشوف وجوهم بيضة وحمرة وفيها الروح
ترتاح لما تسمع العياطات طالعة والمشاكل صايرة
وتنغم لمّا تشوف حياتهم ماشية عسل
هيّا هكّي وطبعها هكّي
وهدا كلّه إدّوق منّه
طبعا ماهوا حمواتها يدوّقو فيها منّه زي ماهيا إدّوّق فنساوين خوتها ....
🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵
مبروكة وهيا تبكي : الله لايسامحك ياغزلان جعنّك ماتشوفي يوم أبيض فحياتك ....
مودة وهي تبكي :سوألها صمتني أني لابين مرام يارب ياربي إنت تشوف ياربي ماتوريها يوم أبيض علي إلّي إدّير فيه فينا جعنها ماتفرح بعد هاليوم يارب ..
وأمثال مودة ومبروكة إيديرو الشّر وبعدين يطلّعو رواحهم بريئين وما في زيّهم لمّا الوضع يطلع عن سيطرتهم تشوفو وجوه عمركم ماشفتوها ....
"وبدون حياء قاعدة يامودة بعد إلّي درتيه ترفعي فيدّك وتدعي لربي" .....🍂
🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃
بعد روّحت غزلان ....
زادت أصرّت علي إنّها تحاول تقنع مبروك بش تزيد تقهرهم بلّي حاولو يقهروها بيه ....

قعمزت فصّالة تفكّر بعدين جتها خطة جهنّميّة تخلّي مبروك يوافق وهوا فرحان فليل
🔥🔥🔥🔥🔥🔥🔥🔥🔥🔥🔥🔥🔥🔥🔥🔥🔥🔥🔥🔥🔥🔥🔥🔥🔥🔥
وبعد جهد جهيد أقنعت غزلان مبروك بأسلوبها الحلو وبعض المغريات إنّه يرفع إسراء عند خالتها وطبعا هبة فرحت بجيّة إسراء هلبا فرحت لأنّها لقت من يونّسها ....
المهم قعدت إسراء عند هبة وهبةتوكّل وتشرّب وفرحانة بيها
في الصّيف قررت هبة ترفع إسراء للبحر هي وغزالة
وكانت أحلي أيّام ....
وكانو الصّغار يسألو فغزالة علي إسراء ويقولولها هادي بنتك
وهي ترد عليهم وهي تضحك وتقولهم إيه بنتي
وهما يقولولها لا لا مش بنتك
هي تضحك وتقولهم علاش مش تشبهني بنتي هادي
وهما قعدو يقولوها لا لا ماتشبهكش هادي حمرة وإنتي سمرة
وغزالة قعدت تضحك على صراحتهم وبرائتهم
غزالة : إيه هادي مش بنتي لاكن بنت بنتي  الصّغار دايرين بيها دورة ويلعبو فيها
غزالة : وخيّتكم لعّبوها وردّوبالكم عليها
كان عمر إسراء وقتها سنة وتلات شهور هكي
كان أكثر شي يزعج فغزالة وهبة إنّهم كل مايطلعو بيها لمكان تقعد النّاس تسئل فيهم إنّهم يصبغو فشعر إسراء وهما كانو يردّو بنّفي يعني يقولو إنّهم مايصبغوه وهدا السّبب أزعج حتى مرام بسبب إنّها كانت خايفة عليها من العين لما كانت عندها إسراءكانو حمواتها يقولوها هادي بنت خوك ماشاء الله عليه جاب وحدة حمرة زيّ البنبلة كانو يقولو هكّي محاولين إنّهم يغيضوها بس ولاكن بعض منهم ماكانش مصدّق إن فيه بنت شعرها أحمر مايل للّون البرتقالي حاجة زي هكّي زمان نادرة وحتّي الشّقرة يعرفوها شعرها أصفر مش أحمر والمعضم لحد تو مش مصدق إنّه فيه بنات شعرهم أحمر فليبيا يحسابوهم موجودين بس غار في إيطاليا وفرانسا بس
قعدة إسراء لين سكّرة السّنتين ونص
بعد حوالي سنة قررت غزلان تمشي تزور عيلتها
بتقولو علاش بعد سنة
غزلان كانت عندها بنتها لمار مريضة( بالأزما) يعني كان صعب إنّها إطّلعها من الحوش وحوش أم غزلان بعيد يعني يبّي ساعة وغزلان تخاف على بنتها تمرض فشّتى لأنّه صقع وفي الصّيف البنت تعرق وبعدين يصقّع عليها العرق تمرض يعني في الحالتين تمرض
وطبعا مرضها يتسكّر عليها النّفسْ وتغيب عن الوعي ....
كل العيلة كانو فاقدين منها الأمل ماكانوش يعرفو إنّها حتعيش وحتكبر بس غزلان من لما ولدت لمار وهي من مستشفى لمستشفي أغلب الأيام
🕯الأمل عند الأم مايموتش🕊
لين جي يوم تعرّف مبروك على واحد من الشباب ونصحة إنّه يرفع بنته كل فجر للبحر خاف مبروك وقاله تمرض بس الشّاب نفي الموضوع وقاله بلعكس تزيد مناعتها تقوا وتبدا أحسن وتزيد تتقوي ومعاش تمرض
وطبعا مبروك كان خايف بس قرّر يجازف ومشي رفعها للبحر قريب من مستشفي بس كان صار ماصار المستشفي جنبة مسكين مبروك من يوم ولدت لمار وهو فلخلايع 😅🤣🤣
وهكّي بعد سنة قررت تمشي
وأوّل ماوصلت طول خشّت تسلم وبانت عليها بنتها ولاحضت الفرق إلّي كان واضح هلبا
إسراء سامنة ماشاءلله وموليّة زي الفازّو شعيراتها حمرة وهي زي الجبنة من البيوضية
شافها بوها كيف ولّت والتّغير والفرق وكان فرحان ....
🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿
هبة : ماشاء الله ماشاء الله عليها لمّورتي تهبّل دارت جديقات وسمنت حليلي عليها حليلي ....
غزلان : إيه بعد شني طلّعتلي روحي أني وبوها
هبة : شنو تبّو الشّقرات والحلوات وماتبّوش تتعبو هكّي هلبا علينا عاد .....
غزلان : ههههههههههه الحمد الله وخلاص هالشّقرا هادي خدت حصّتها وزيادة بعد هكّي لا لا لا لا لا لا لا  مستحيل نفكّر نجيب تاني ....
هبة : الحمدالله أربعة بسلامتهم وصحّتهم سادّينكم شن مازلتي تفكّري تجيبي 😒 ....
غزلان : مش أني نفكّر هوا 🙂🙃 ...
🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃🍃
جي إليوم إلي صارت فيه مصيبة
خدوها بلعين البنت ياناري
البنت إتزكمت زكمة خفيفة فشّتى وقتها
وخالتها زي أي مرأة مشت لصيدلي وتصرفت تصرف عادي وخدة دوا زكمة لصّغار إلّي أعمارهم ماتفوتش السّنتين بس الصّيدلاني ماكانش يعرف بأنّ الدّوا إلّي عطاهولها محضور من الدّولة
🐸عمري ماريت صيدلي غبي ومايعرف🐸 المهم
روّحت هبة للحوش بش تعطيها دوا الزّكمة وإسراء عاد قلبت الدنيا قلب فوق روسهم عياطات
وأوّل ماعطتها الدّوا هدت
وبعدين بعد ربع ساعة سكتت ورقدت وهادي كانت بداية اللمصيبة
يعني الهدوء ماقبل العاصفة
قعدة راقدة لمدة ستة ساعات وهدا الشّي خوّف هبة هلبا وقررت إنّها تحاول معاها وتنوضها حطّت فبالها إنّها من التّعب والزّكمة ماقدرتش ترقد هاداعلاش رقدت كل هالمدّة
والصّغار بطبيعتهم يقعدو راقدين هلبا بس لما جت بتنوضها إتصدمت إن إسراء فاقدة الوعي وعيونها مش قادرة تفتحهم حاولت معاها بس بلا جدوى بدت هبة تعيط وتندب
هبة بخوف : ياحبيني ياحبيني عليّا أني شن درت فعمري أني حي يمي يايمي تعالي ....
جت غزالة تجري مخلوعة من النّوم
غزالة : هاخيرك خيرك شن صار ؟!!....
هبة : قوليلهم قوليلهم يرفعونا راهو البنت خلاص بتريح يايمي بتريح منّي ....
غزالة : خيرها شن طرالها مش كانت راقدة ؟!..
هبة : شن راقدة تي البنت فاقدة الوعي مابتش إتنوض فغيبوبة البنت....
غزالة : باهي باهي هي وتّي روحك بسرعة عطيك السّلامة شن درتي بس ....
نوّضت غزالة معز ومشو يجرو بإسراء للمستشفى .....
وطبعا الحمد الله قدرو يديرولها حل الدّكاترة
طلع الدّكتور وتلاقى هو وياهم
الدكتور : الحمد الله جت بسيطة بس أني مستغرب شن السبب عطوتها حاجة مش من سنها ؟؟....
هبة : لا والله لا يادكتور مشيت لصيدلاني وعطاني الدّوا هادا ها هاك شوفة ....
خدي الدكتور الدّوا وأوّل ماشافه تصدم
الدّكتور بصدمة : من وين جبتيه هادا ؟!...
هبة : من الصّيدلية !....
الدكتور : هادا الدّوا محضور من البلاد مرّة وحدة وين إلقيتية إنتي ؟!...
الدّوا هدا عنده أعراض جانبية خطيرة جدّاً وأعراضه أكثر من مميّزاته كيف تعطيهولها ....
هبة بصدمة : كيف أني ماندريش عطاهولي الصّيدلاني ؟!....
الدكتور : منهوا منهوا الدكتور إلّي وصفهولك
"سكتت هبة شن بتقوّله خديت إدّوا من غير راشيته أكيد هكّي بيلومها الدكتور وهيا عن غير قصد دارتها ولاكن "....
هذا يسمّى إهمال ياهبة
الدكتور : قولي منهوا ؟...
هبة : أني أني خديته من غير دكتور مشيت لصيدلي طول قتله نبي دوا حرارة للاطفال ....
الدكتور خبط يده علي جبهته علامة إستياء 👨‍⚕️🤦‍♂️
الدكتور : وكان تو صارتلها حاجة البنت راهو مش قادر نوصفلك حجم الخطر إلّي خلّيتي إلبنت فيه دوا زي هادا ممنوع من الدولة حتّي تصديره ممنوع خطير
وعنده أعراض جانبية خطيرة
وإرتفاع درجة الحرارة من ضمن الأعراض وهادي أقل حاجة كانت حتصيبها
أحمدي ربك إنّه ماسببلهاش ضرر فالأعصاب
ماسببلهاش شلل ولا عمى ولا ضرّلها أعصاب الودن ولا النّطق حالا وخلاص هلبا عيال صارلهم هكّي وإنضرّو وإضطرّو يدفعو هلبا نتيجة إهمالهم ردّي بالك هالمرّة طلعت علي خير حاجة زي هادي ردّي بالك تعاوديها ....
لاكن الله أعلم بالأعراض الجانبية لإرتفاع درجة الحرارة ....
أتصدمت هبة من كلمته وإلّي قاله الدكتو قعد يرن فودانها وكأنّه يعطي فيها فكفوف الكف أقوا من التّاني
أعصاب الودن
يديرلها شلل
العمى
أعصاب النّطق
هلبا ياما ناس من إهمالهم إنضرّو عيالهم وصغارهم وإظطرّو يدفعو دم قلبهم علي خاطر بش يرجّعوهم زي ماكانو
كان مشلول ترجعله إنّعمة
كان مش قادر يتكلم ترجعله إنّعمة
كان مش قادر يسمع ترجلعه إنّعمة
كان مش قادر يشوف ترجعله إنّعمة
نِعم هلبا لو فقدناها حنحسّو بيها
وأهمّهم نعمة العقل
والحمدلله علي نعمة العقل
أيقنت وقتها إنّها كانت بضّيّع البنت خلاص معاش قدرت تتحمل بدت تبكي وجتها غزالة قعدت تسكّت فيها
الدكتور : الحمد الله علي سلامتها لاكن ها المرة هادي جت بسيطة المرة الجاية ردّوبالكم وكونو حريصيين هلبا عيال يخسرو فولادهم من حاجات زي هكّي ردّو بالكم البنت قريب ضاعت منكم حالها تو كويس تو تقدرو تطلعو بيها من المشتشفي تو نكتبلكم إذن خروج ....
مشي الدكتو وخلاّهبة فحالة يرثى لها ....
وطبعا الخبر وصل لمبروك
إلّي ماخلّى ماقال وحط على عيلتها من دعاوي وسبان من كثر غضبه مايقدر يشد لسانه فلحضات زي هادي تعمي القلب والعقل
💥حسّيتها تو يامبروك 💥
إيه حسّها 💯
لمّا جت فبنته حسّها 💔
لمّا إنضرّت بنته حسّها 💔
لمّا بنته دقّتها الشّوكة حسّها 💔
وغزلان شن كانت تقدر إدّير غير إنّها تسكت وتسمع وخلاص ....
مشي مبروك وهو مخلوع على بنته الطّريق إلّي كان يقعد فيها ساعة فيها قطعها تو فنص ساعة علي خاطر خوفه علي بنته وروّح بيها للحوش ....
من هاديكا حلف ماعاد قاعدة
وهادا الشّي خلّى مجال لمودة ومبروكة إنّهم يخشّوفلموضوع بحجّة إنّهم قريب ماتو علي بنت ولدهم وخدو فرصة فغزلان عاااد وماخلّو ما قالو وحطو عليها وعلي عيلتها وهكذا من هاديكا المشكلة سكّرة غزلان وطردت فكرة إنّها تحط بنتها عند ماليها تجنّبا للمشاكل
وفاتت عالمصيبة هادي سنة سنتين تلاتة أربعة خمسة إسنين
إسراء كبرت ...
بس كل سنة تكبر فيها
تكبر معاها المشكلة إصّحّية ماحد يعلم بيها أو بالأصح ماحد ركّز عليها
وجي أوّل يوم ليها فلمدرسة
رفعها بوها للمدرسة كانت مدرسة كبير ومختلطة يعني أولاد وبنات مع بعضهم
إسراء ماكانتش زي الأطفال إلّي فسنّها أوّل ماوصلو بدو يبكو هيا كانت مش معدّله وعادي وكأنّها متعوّدة إنطلقت فلمدرسة وعاشت أجواء أوّل يوم وكانت فرحانة وتضحك وتلعب والشّي هادا كان ملفت للبعض وكانو معضهم يتسائلو من وين هادي البنت وخيرها تصبغ فشعرها وطبعا عاشت البنت حياتها أو بلمعني الأصح كانت بداية طفولتها ومرّة الايّام والأشهر وتمّت أوّل سنة من القراية
صاحبت الدور قالتلي إنّها كانت أحلى سنة تمر عليها فحياتها .....
🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿
بعد طقّت إسراء 8 سنين
قرر خو مبروك إلّي أصغر منه يبدا فبني حوشه بعد ماجمّع مبلغ لا بأس به ....
وقال لأمه تخطبله
وطبعا بعد تحميص وقلي وتدوير وطبخ لقو البنت إلّي همّا يبّوها لخوهم وإلّي تمشي علي حسب مزاجهم وقراراتهم وتكون المطيعة
🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵🌵
هبة
هبة ياهبة
هبة بنت غزالة المتوسطة الحنونة ولّي قلبها كبير أكثر وحدة تحس بخوتها كلهم وأكثر وحدة تحبهم كلهم وطبعا طيبة القلب خدتها من أمها
هبة قصّتها قصّة
طبعا ماقرتش وتخرجت لا
خشت لعمر العشرين وبدت تخدم وأوّل خدمة قابلتها هيا سكرتيره فشركة كيف لقتها من غير شهادة ؟....
المهم خشّت هبة تخدم وقررت إنّها تستمر لأنّها لقت إنّ الشّركة حلوة وكويسة ومحترمة
قعدت تخدم لمدّة تلاتة شهور وطبعا مدير الشّركة شاف إنّها تخدم بقلب ورب وشاف إنّها بنت محترمة ولاحض إنّها طول فترة العمل كانت ملتزمة وعمرها ما تأخّرت علي الوقت وتخدم بإحترامها ورغم إنّ الشّركة فيها رجّالة بس كان إختلاطها بحدود طبعا المدير مش من أوّل هكّي صار موقف خلاّه يراقبها
وقتها كان طالع من مكتبه ومتوجه لطاولتها حط الملف فوق الطّاولة وجي قرب بش يشرحلها شن بدّير أوّل ماقرّب هي طول وخّرت وصارلها زي الشّحنات لما تتنافر ....
شبحلها وقعد مصدوم أوّل مرّة واحدة إدّير هكّي
قعد يقوللها خيرك تعالي بنورّيك
بس هيا كانت تقوله هاني نسمع فيك من هني يعني أشرح وأضنّي نسمع
بس كانت المسافة بين المدير وهبة وقتها ما يعادل أربع خطوات
والشّي هادا خلاّ المدير إيشك بس لمّا بدي يراقب فيها لاحض إنّه تصرّفها متحفّض مع كل الرجال وإنّ إختلاطها مع الرجال شوي مش هلبا
اعجب بيها وقرّر إنّه يتقدملها بس رفضاته
ولمّا سئلوها علاش
كان ردّها إنّها مازالت صغيرة وقتها هي باهية فعمر إزّواج ....
بس مابتش تقول السّبب الرّئيسي وهّوا الخوف
وهكّي بعداها قررت ربح إنّها تفتح الباب ومعاد ترفض لأنّ الفرصة مش كل يوم تجيها كويسة
ألمهم
بعدين تعرّفت على ولد خالتها
من هوا حزّر فزّر
أنس ......
❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤
😘😘😘😘😘

2288 كلمة.....