ظلمني حبه ( لهدير دودو )

الفصل الواحد و عشرون

احمد بتساؤل : ناوية على ايه بالظبط عشان ابقى فاهم هنعمل ايه بالظبط عشان افهم

سارة بلا مبالاه و فرحة : و لا حاجة هجيب صافي لمراد في اوضته و اظن انت عارف ان ضحى مش هتسكت و اكيد هتسيبه و تمشي و كدة خلصنا منها خالص

احمد بخضة : ايه دة .. انت عارفة ... انك كدة مش بتلعبي مع ضحى بس لا كمان بتلعبي مع مراد و لو عرف مش هيسك..

قاطعته سارة و قالت بثقة : مش هيعرف هو مراد هيعرف صافي منين دة عالم اصلا مدخلهوش

أحمد بضيق : ماشي ... نبقى نفكر .. المهم وصلتي في ايه في موضوع الصفقة

سارة بثقة : متخافش اكيد هناخدها ..و انا اهه بجمع في الفلوس بس هاخد فيها المرة دي بقا 75 في المية مش 50 زي كل مرة

احمد نزل الكلام عليه كالصاعقة فقال بصدمة و ضيق و طمع : يعني ايه ... عاوزاني اخد 25 في المية بس دي اكبر صفقة مخدرات هناخدها و انت جاية تقوليلي كدة لا يبقى بتحلمي

سارة بطمع : لا ما هو لا كدة لأما مش هناخدها عشان انت عارف ان انا اللي هدفع فيها اكتر ... موافق و لا لا

احمد بتمثيل : يا بنتي مينفعش كدة انا كدة هخسر مش هكسب حاجة .. دة انا حتي ابوكي

سارة بسخرية و لا مبالاه : شوفلك طريقة غيرها يلا باي و سابته و خرجت اما هو فكان يحترق بداخله فهى بالفعل خسرته الكثير في هذه الصفقة و لكنه قال بتوعد : اكيد مش هسيبك تعملي كدة فيا

"""""""""""""عند ضحي و مراد لسة نايمين و لكن ضحى صحيت و بصت في الساعة و قامت بإصدار شهقة دليلا على خضتها و قامت بأيقاظ مراد مسرعة و قالت و هي تهزه : مراد قوم .. قوم يا مراد الساعة 1 قووم بقا اتأخرنا اوي بسببك

مراد و هو يجذبها عليه لتقع في حضنه قائلا بخبث : انا بردو اللي اخرتك و لا اللي عملتيه امبارح هو اللي اخرنا

ضحى بعفوية : يا سلام هو انا اللي عملت لوحدي و لا ايه ..و بعدين ما كنت بصالحك

مراد بهدوء و برود : اهدي شوية ...و بعدين انا قلت لهم الصبح اننا مش هنفطر معاهم متخافيش و كمان انا اللي وقفت المنبه ... و قلت لشادي و بابا اني انهاردة اجازة و شادي كان عاوز يولع فيا و بيقولي ان هو كمان عريس جديد

ضحى و قد احمرت وجنتيها و قالت : ما هو بصراحة معاه حق .. دول يا حرام قطعوا شهر العسا بتاعهم عشان خاطرنا

مراد بخبث : طب خلاص بلاش اقعد و نخرج انهاردة و هقوم اروح الشغل عادي

ضحى بطفولة : لا خلاص ..عشان خاطري قوم نخرج و هما يبقوا ياخدوا هما كمان يوم اجازة عادي.. اوعى بقا عشان اقوم عشان نلحق

مراد بخبث : طب اسيبك تقومي كدة عادي دة حتى مينفعش اديني اي حاجة

ضحى بعدم فهم و تساؤل : اي حاجة ايه ..