اول يوم رمضان الساعه ٢:٠٠ بلليل
جوريه. اكول حجيه شسوي سحور
جدة فقار. انه ادري المطبخ متروس ترس وتكلي شسوي سحوور
جوريه. اقصد اخاف مشتهيه شي😒
جدة فقار. المره المعدله لمكسكنه تروح تسئل رجلها اذا مشتهي ياكل شي مو تلفيلي انه انه
شاكل انعم الله
جوريه. طكيت ضهر ايدي اليسره ابطن ايدي اليمنه مو صوجج صوجي انه كلت مره جبيره
وخاف بنفسه شي تاكله گبل لاتموت
جدة فقار عمه بعينج حتى عمه فال الله ولا فالج كون لكرهوني بعدني اسم الله علي وعلى
شبابي واذا مشتهيه شي اكلج وغصباًعليج تسويلي
فارس. ادري عمر تفكه ماخذه عمرج وعمر غيرج
جدة فقار ولك افيرس عليه
فارس لا لا اسم الله عليج وعلى شبابج جاي احجي على جوريه
جوريه. الگوله الج ياخاله والمعنه الج ياجاره
جدة فقار رفعت العوجيه واجييت اطكها تعالي يالعصه يالعوبه لو بيج خير وخير خل تصير بيج
شوي لحمه خل يستفاد منج وليدي فقار
جوريه شردت للمطبخ وانه اضحك الله يحفضها هواي تونس حتى بعصبيتها
فارس. صحت بصوت عالي اكول خويه جوريه يحقلي انه اطلب شي مشتهي
جوريه. اتفضل
فارس. مشتهي اكل بيض بطماطه وستكانة جاي من جوه ايدينج الطيبه
جوريه من عيوني
فارس ولك تسلم عيونك
جوريه 😒
فارس والله جذابه كلبج طيب امبين عليج وهذا كله تضاهر والله قاري الوجهج قراءه
جوريه درت وجهي وضحكت ورحت يالله هذا الي يفضحني سويت السحور وكملته
جدة فقار روحي صيحي للشيخ يجي يتسحر
جوريه صعدت واني ما احجي وياه من هذاك اليوم حتى ما اباوع بوجها بس مجبوره اصيحله
صعدت للغرفه لكيته مستقبل القبله وجاي يقره قرآن بصوت حنين عجبني تجويده للقرأن ضليت
استمع اله لحضات بعدها كتله السحور جاهز يله ودرت وجهي وردت اروح
فقار. صدق الله العضيم سديت القرأن وصحت جوريه.
جوريه التفتت عليه بدون اي كلمه كأنما اكله شتريد
فقار. جوريه انتي الي دفعتيني اسوي الي سويته جوريه انه ما احب أئذيج وادري أذيتج
وكسرت وعدي بس جوريه تعرفين شنو خبليني ولا تكسريلي حجايه سكتت شوي،،، ما اعرف شلون اكولها ولا
عمرها طلعت مني حتى الاكبر واحد ولاطرت على الساني بيوم اسف جوريه شفتي حبج
اشسوه بيه فقار يعتذر سجل ياتاريخ اعتذر الحبيبت كلبه المعشوقته الاول حب نبض بكلبه
جوريه. عفته ورحت من دون اي كلمه.
((كلام من صاحبة القصه نصاً كلامه الحلو وياي جان يرضي غروري الانثوي مما يخليني
انغر عليه وازداد بتكبري تصرف طفولي جان من عندي ودافع ام تريد تنقذ ابنها اقصد بأبني
اخوي المتعذب وي زوجته فجنت ازداد بتجاهلي اله وهذا الشي ندمانه عليه اليوم ))
تسحرنه وكملنه مرت ١٠ ايام من شهر رمضان على الروتين المعتاد
وبيوم ١١ رمضان جانت الساعه ٤:٣٠ العصر جنت اني استعد بتحضير الفطور بهل اثناء
اجه حامد يدك باب المطبخ حاجيته اني من ورا الباب
حامد. طال عمرج الشيخ وين
جوريه. ما ادري شوفه بالديوان
حامد الشيخ مو بالديوان وخابرت على فارس مو بشغل كلت اخاف بالبيت وانتم ماتدرون
جوريه لا هو طلع من ٢:٠٠ الضهر. اتصل على نقاله وشوفه
حامد المشكله نقاله طافي
جوريه عجيب يعني وين راح دورو يجوز بالبساتين يمكن راح يشوف الحلال
حامد ولا موجود بالبساتين المشكله ياطويلة العمر قبل شوي شفنه رسالة تهديد وانه عود
جايبها اله
جوريه شر سالته
حامد تفضلي خويه
جوريه اخذتها من ورا الباب وفتحتها نصاً مكتوب
((شوف فقار كدامك ٤٨ ساعه اذا ما طلكت مرتك وحق هذا الشهر الشريف مايردني عنك غير
دمك لو اعرف اروح لسجن من وراك ))
جوريه. ضلت اعيوني تتنقل بين الكلمات وكلبي يخفگ يربي منو يكون ورا هاي الرساله ياربي
لايكون صار شي بس منو هذا الي اله مصلحه ان اطلك من فقار انه اشك ابمنال بس منال
طيبه ماتسوي هيج لا استغفر الله ان بعض الضن اثم جا منو منتضر مستحيل ايسويها اني
اعرفه وابن عمي سراج مو مال هاي السوالف ناس نعرفهم من سنين معقوله اكو وحده تحب
فقار. ياربي وفقار وين راح لايكون صارله شي رحت بسرعه اتصلت ع فارس من تلفون جدته
فارس. والله ياجوريه جاي اندور ما ادري وين راح ماكايل الاحد حتى
جوريه. فارس روح الكل اصدقائه يجوز يعرفون عنه شي
فارس ياخويه ماخليت احد الله كريم الله كريم لاتخافين انتي هسه راح اشوفه وانشاء الله نلكاه
جوريه. سديت التلفون والتفتت ولكيت فقاروراي صرخت بصوت وخليت ايدي على حلكي
فقار. اسم الله عليج شبيج ليش فزعتي من شفتيني جنتي تحجين ويامن
جوريه انت وين جنت خوفتنه عليك
فقار بستغراب خوفتكم يعني كلكم خفتو علي
جوريه. جاي اكلك وين جنت فارس كلب الدنيه وحبوبتك بس تبجي واني محتاره شسوي ماضل
تفكير ما اجه ابالي
فقار ابتسمت تخافين علي جوريه
جوريه لا ما اخاف بس خطيه فكرت ابامك شراح يصير بيها شفتها هواي تحبك
فقار. اتقلصت الابتسامه جنتي تحجين ويامن
جوريه وي فارس بس ماكتلي انت وين جنت
فقار مالج غرض انطيني الرساله
جوريه وانت منو كلك عليها
فقار حامد انطيني اخذت الرساله منها بحركه وانه اقراها باوعت عليها جوريه منو هذا اتذكري
يد واحد يحبج
جوريه ضليت ابجي قسم ماعندي احد يحبني ولا احب احد وما ارف منو الي ورا هاي
السوالف كلها اني اشك اكو وحده اتحبك اتسوي هاي السوالف
فقار. اذا تعرفينه وماتكولين ياجوريه ترا ماراح يصير خير فكري بحجاياتي عدل شوي ودخل فارس
فارس. ياشيخ ماتكلي وين رحت كلبنه الدنيه عليك وهاي الرساله خو فتنه حيل
فقار. جانت عندي شغله بالناصريه دزو علي عشيره بني،،،، اكون طباب خير واحل مشكلتهم والحمدالله انحلت
فارس اي جان كلت يااخي او اشحن نقالك ع الاقل
فقار شنو السالفه فارس انه طفل وهلكد خايف علي
فارس لامحشوم ابو الطيب بس خفت ع جوريه ايصير الها شي من خوفها عليك
فقار 😒جوريه مابيها غير العافيه انت ليش عفت شغلك واجيت
فارس الله اكبر ولك صدك لاتسوي زين الشر مايجيك جنت ادورك وميت خوف عليك 😤
فقار مره الجايه لاتخاف لان انه مو اصغر جهالك انه رايح ارتاح اشوي كعديني قبل الاذان
جوريه هزيت راسي بمعنه اي
فارس. يله انه طالع رحت اخذت اشكم شغله الاهل حوريه ا عسى ولعلى اشوفها دكيت الباب
ابو حوريه. فتحت الباب هلا شيخ شلونك حياك الله اتفضل اتفضل
فارس مشكور حجي بس انه ماجاي ادخل جايب وياي شكم شغله بعد مثل ماتدري شهر
رمضان وعذرني لان ماجاي امركم كليوميه
ام حوريه من ورا الباب. والله ياشيخ ماقصرت ترا كل الي جبته اول الشهر بعده ماخلص
ابو حوريه سكتي ياحرمه بعد الرجال چريم شنسويله
فارس 😒مشكور ياحجي وانتم تستاهلون كلت ابنفس ايالوگي ابو فليس
ابو حوريه بس لازم تتفضل ويانه اليوم على الفطور
فارس لا حجي مشكور
ابو حوريه. والله مايصير انه طلبت ولاتردني
فارس تسلم ياحجي مشكور ع الضيافه
ابو حوريه يالله حياك تفضل
فارس. دخلت وانه جاي اعبر لمحت حوريه واكفه بالمطبخ على عكاز رجعت خطوات والتفتت ع
ابو حوريه وبلا وعي كتله شلون كامت من الفراش مو بعدها عمليتها خضره
ابو حوريه منهي قصدك
فارس. اااا العفو حجي بس بالغلط شفت بنتك بالمطبخ ترا البنيه مايصير هسه تكوم من
افراشها الدكتور كال ثلاث اشهر
ابو حوريه. اتفضل ياشيخ اتفضل وعوف حوريه تساعد امها
فارس لا ياحقير كلت بكلبي كعدت بنفس الغرفه الي دخلت الها هذيج المره وكعد ابو حوريه
يسولف وياي وانه ماهاضمه كلش بس اجامله الخاطر ام عيون الصفر شوي وندك الباب وكام
ابو حوريه وصحت للبنيه الي هذيج المره اجتني الطفله الي عمرها ٧ سنين
البنيه ها عمو شتريد
فارس. ليش حوريه تشتغل بالمطبخ مو بعدها مريضه
البنيه ابوي طكاها بصونده وكلها تكومين تنضفين وطبخين
فارس لا ياحقير
البنيه منو حقير
فارس لا لاتهتمين هذا واحد صاحبي بس ليش طكاها
البنيه عمو اكلك شي وماتكول لحد
فارس كولي وما اكول لحد
البنيه هذا ابوي مايصوم ويوميه مادري شنو يشرب ويكوم يكتل امي وحوريه بالصونده واحنه
انضل نبجي ومره شكك اهدوم حوريه خلاها بدون ملابس بس امي صارت فوكاها وهو ضل
يطك بمي لحد ماطلع من راسها دم وحوريه خذت العبايه وشردت بالشارع وهاي يوميه
متعلمين عليه مادري شنو يجيب ويشرب انوب يتخبل علينه
فارس😠 زين جيبيلي ورقه بسرعه وطلعت قلم جان بجيب دشداشتي وجابتلي ورقه وكتبت
الحوريه اريد اشوفج باي طريقه رديلي هسه خبر يمتى اشوفج طبكت الورقه زغيرونه وبنفس
الوقت دخل ابوها
ابو حوريه اعذرني شيخ اتئخرت عليك بس هذا جوارينه هواي يسولف
فارس ع راحتك حجي وشاورت لبنيه علكيف انطي هاي الحوريه بدون محد يشوفج وانطيج فلوس
البنيه بصوت عالي بس عمو ماتعرف تقره هي
فارس ههههه ليش جا انتي بيا صف
البنيه انه لو حو
فارس قاطعتها انتي انتي بابا انتي بياصف
البنيه انه بالاول
ابو حوريه هنه مو كلهن مسجلات تدري ماعندي امكانيه ادرسهن ف هذا جيرانه جزا خير اتكفل
اثلاثه منهن وضل يصرف عليهن وعلى دراستهن
فارس هااا باوعت ع البنيه اخذت الورقه وراحت كلتلها وين رايحه بابا انه شسويت كلت بنفس
البنيه اجت شاورتني رايحه اوديها الحوريه مو انت كلت
فارس. اي مو ماتعرف تقرا احجي بصوت هامس
البنيه اختي تقرالها
فارس. يله روحي بس انطيها الحوريه وطلعت الها ٥ الاف من جيبي ونطيتها الها
ابو حوريه اثاري جانت اتشاورك على هاي بابا عيب عيب رجعيهن
فارس اي انت تعرف العيب
ابو حوريه ها هاشيخ
فارس لا سلامتك بس اكلك عوفها خطيه بابا هسه روحي اشتري انتي وخواتج واباوع لبو
حوريه يخزر بيها كلتلها مره ثانيه هسه هسه روحي اشتري قبل لا يئذن المغرب والبنيه راحت
ركض شفت ابو حوريه كام كال خل اوصلها كتله انه جاي وياك جا شعندي ضال ابحدي
كلت بنفسي كاعد ع كلبك اليوم ماتاخذ الخمسه لو تعلك
ابو حوريه تئفئفت يله امشينه
فارس ابتسمت ابتسامت مكر
حوريه.اجتلي اختي
يتبع،،،،،،،،،
