جوريه سويت سحور وكملت
جدة فقار يمه الولد لايصومون باجر خاف موزين عليهم الصيام وهما مسوين عمليه
جوريه خل اكول الفقار واشوف رحت على فقار كل ضني هو نايم بس لكيته جاي يقرا قرآن
بصوته الحنين كا العاده دخلت وضليت واكفه واني اتخيل يوم الحادث والخوف الي خفته عليه
واعصابي الي فقدتها من سمعت بي واشلون خوفي من فقدانه والفرحه الي دخلت كلبي يوم
دخل عليه وهويمشي بطوله الفارع وحمدت ربي بيني وبين نفسي ان حفضه الي وماصاربي
شي بس ليش كلهذا جوريه ليش حبيتي وهل شي مابي مصلحت اخوج الي ضحه بسعادته
واخذ وحده ماتحبه ومستحملها كله علمود يحميني من بيت سلمان عن لايضلموني وكسر
كلوبهم مثل ماكسرو كلبي مستحيل جوريه انتي تحبين فقار بس لاتصيرين انانيه وتفكرين
بكلبج وبس منتضر اخوي وعزوتي وفقار اول حب دك باب كلبي ياربي ساعدني اني محتاره
صحيت من صفنتي على صوت فقار
فقار جوريه جوريه شبيج وين صافنه
جوريه. همممم غيرت تعابير وجهي من وجه كله حب الى وجه مملوء بلا مبالات
فقار اكول شبيج صافنه
جوريه لا لا تهتم الى انت باجر تصوم
فقار اي اكيد
جوريه بخوف واضح على وجهي بس انت مسوي عمليه مايصير اخاف موزين عليك
فقار. ابتسمت ابتسامه خفيفه تخافين علي جوريه
جوريه ها لا لابس انت عندك علاج ولازم تاخذه
فقار قاطعتها ع العموم علاجي اخذه هسه وبعدين اني رجال شطولني وشعرضني وعمليه
بيدي اكيد ماتئثر بيه
جوريه ع راحتك ردت اطلع لاكن خطر ابالي اتصل ع مروه واعرف اخبار منتضر منعدها لان
ما اكدر اتحمل بعد وعيوني فاضحاتني كلها حب وافعالي عكس الي بداخلي ف اتصل ع مروه
واعرف اخبار منتضر وياربي تكون اخبار حلوه مابيه طاقه بعد اريد ابتسم الحبك فقار التفتت
ع فقار وهو بعده نضراته اتجاهي كتله ممكن استخدم تلفونك
فقار المن تتصلين
جوريه ع صديقتي
فقار اي. التلفون بجيب مال الدشداشه
جوريه. رحت طلعت التلفون وطلعت بيدي الورقه الي دازينها الفقار تهديد بآن يطلكني قرنها
عيوني لا ارادياً ياربي منو هذا وشيريد من عندي اكيد هذا واحد يعرفني التفتت ع فقار لكيت
عيونه ايباوعلي وكأنما يدور الجواب النفس سؤالي
جوريه فقار هذا منو
فقار. جوريه انه لازم اسئل هذا منو جوريه اذا تحبين شخص كليلي انه ما اريد شي من عندج
والله العضيم اطلكج بس خل اعرف منو هذا الشخص الي يريد يكتلني علمودج انتي ترا انه
نذليت هواي جوريه يعني انه فقار. انضرب واتربط وانهان ترا صعبه علي ما اريد شي بس
اخذ حقي كليلي منو
جوريه. فقار وغلات امي ما اعرف منو هذا الشخص وما حابه اي شخص
فقار تنهدت بحسره كلتلها الله كريم يجيني يوم واعرفه
جوريه انشاء الله تعرفه
جوريه اخذت التلفون واتصلت على ام مروه
ام مروه الو منو.
جوريه الو هلا خاله شلونج اني جوريه
ام مروه هلا بنيتي هلا الغاليه شلونج شخبارج يايمه صحتج عافيتج
جوريه. والله تمام ياخاله انتم شلونكم مروه شلونها
ام مروه احنه الحمد الله ومروه بخير وتسئل عنج دوم ومسودنتني يوميه تريدني اجيلج بس والله
يايمه انه مافارغه بعد رمضان وانتي تدرين
جوريه لا عادي خاله ادري بيج مشغوله
ام مروه بس انشاءالله نجيلج بالعيد
جوريه هلا بيكم بئي وكت خاله اله وين مروه
ام مروه هسه راحت اتودي سحور هي وخوها لبوج
جوريه. ياصدك خاله اله شلون ابوي واخوي عساهم بخير
ام مروه بخير الحمد الله مابيهم اله العافيه هاي مروه اجتي
مروه الوووو هلا بالغلا شلونج
جوريه هلا حبي شلونج انتي مشتاقتلج هواااااي كلش كلش
مروه واني الاشوق گلبي
جوريه باوعت الفقار وطلعت من الغرفه وكلت المروه طمنيني عن منتضر وسلاسل شلون علاقتهم
مروه. اوكفي طلعت من يم امي والله شحجيلج ياجوريه تصورين ستوني جايه من عندهم لكيتها
الهسه مامسويه سحور وتكول امس صايمين بدون سحور والله شنو راحت عليها نومه وتدرين
منتضر جاي يشتغل باليل والنهار كله علمود يوفر للخاتون كل طلباتها وماخال شي مامسوي
الها والست ماراضيه عنه كون اتشوفينه ياجوريه خذه حيلي متغير حيل وتعبان وابشرج صاير
هواي يكعد بضلمه يم باب البيت وانتي تعرفين شنو معناة كعدته هاي
جوريه😢 سوده علي ياخويه كل هذا صاير بيك واني افكر بكلبي من عساني انحرم السعاده
مروه. لاياخيتي لاتدعين على روحج بعدين لاتنقهرين الله كريم انتي عيشي حياتج وهو الله اله
الله يسامحك يافقار لو ماهو ماجان منتضر اخذ هاي الحيزبونه وماتمرمر بس الله كريم
جوريه. 😭اي والله صدك اخوي ماسوه هذا كله اله علمودي لازم اساعده مثل ماضحى وساعدني
مروه الله كريم ياخيتي انوب المصيبه مو بس اخوج حتى ابوج مشلول حاله من وراها ياخيه
وين البيت وصخ ومبهذل اتوقعي كلشي حتى يجوز يغسلون ملابسهم بيدهم ذلتهم هواي الله
يذلها
جوريه لالا لاتكولينها فدوه هيج متعذبين واني مرتاحه انام رغد ليلي كله
مروه. اي الله يصبرهم يله حبيبه راح يئذن خل انروح نلحك نتسحر وانتي لاتقهرين روحج
ماطول اني موجوده انشاء الله جوريه ينطيج العافيه اني اشهد انج ونعم الصديقه لا مو صديقه انتي اخت
مروه. والله الشعور متبادل حبيبتي يله الله وياج
جوريه سديت التلفون ورجعته لكيت فقار يريد يطلع من الغرفه
فقار باوعت لعيونها كلها دموع شبيج جوريه ليش تبجين انه مو كتلج دموعج يئذني سوي هذا الشي لله ولاتبجين كدامي
جوريه وانت سوي هذا الشي لله وطلكني وعمرك ماراح تشوف دموعي ترا دموعي كلها من وراك انت
فقار ايبا كل هذا اني مسوي بيج اشو مائذيتج ولاطكيتج ولاهنتج ولاذليتج وبالمقابل ماسمعت
منج ولاكلمه حلوه وهسه تكليلي انه سبب دموعج كلها
جوريه. اي انت سبب دموعي ليش اتزوجتني ليش خربت حياتي اني ما اريدك يا اخي
فقار. بس انتي من شفتيني دخلت للبيت ضليتي تبجين شفتج خايفه علي هواي معقوله ماكو
شويه حب دوري زين جوريه ترا تخسريني وعفتها وطلعت
جوريه. كعدت ع ركباتي ابجي اي والله فقار مال اخسرك اخسرك والله اني بين نارين حسو بيه
ياناس احبك لا احبك شنو والله اهوك بس يافقار اخوي هذا اخوي ابن امي وابوي مو اخوي
وبس منتضر صديقي منتضر ابني يا مانيمته باليل ع رجلي هاي يامامسدت ع راسه وغطيته
وهو بردان وكفت اهفي علي بالحر والاغلى من منتضر ابوي الي ماشاف يوم حلو بحياته من
شبابه الحد هسه مشلوع كلبه من حبه ومن اهله ومن ابنه الي ماشافه مرتاح شسوي ياربي
فارس اخذت سحور واشياء اشتريتهاالبيت حوريه ورحت كله علمود اشوف حوريه حتا لو نضره
وحده دكيت الباب طلعلي ابو حوريه سلمت علي وبعد ماشاف العلاليگ بيدي كلي اله تتفضل
ويانه تتسحر
ابو حوريه ليش مكلف روحك وليدي
فارس لا عمي لا كلافه ولاشي بس انه اشتاقيت الكم وجيت اشوفكم بعد انتم صرتم حسبت
اهل
ابو حوريه. اي والله وانت الصادك بس ماتطلع منا اله وانت متسحر ويانه
فارس. لا ياعمي ماريد اضيگ عليكم طلعت من عندي بالكوه لان الصراحه ابدي ادخل واشوف حوريه
ابو حوريه لا والله يا شيخ انت معزب وابن ديوان وعيب ترفض اضيافتي
فارس. دخلت وانه عيوني ادور حوريه
حوريه بعد الكتله الي اخذتها بيوم المستشفى من زوج امي ضليت نايمه بالفراش من عدها
وارتفعت حرارتي كلش كلى علمود كتله انه تيهت الحمامات وماندليت ارجع
ميساء. حوريه حوريه حوريه حوريه
حوريه وبالكوه احجي خير وشبلاج انتي
ميساء فارس فارس فارس فارس
حوريه فتحت اعيوني ع كبرهن بعد ماجانن كلهن تعب ومرض وكلتلها بهمه وينه
ميساء اجه وراح يتسحر عدنه ابشرج
حوريه. ولج عينيني خل اكوم حتلو بس المحه من بعيد والحمزه مشتاقتله بكد هوا الله
ميساء يمه الحب والله وطلعت عينج ياحويرا لزمتها من ايدها وكومتها بالكوه
حوريه لفيت الشيله ولزمت ايد ميساء الايد الثانيه بيها العكاز
فارس. طبعا انه كعدت والبنات الزغار كلهن كعدن كبالي وانه اسولف وياهن واضحكهن وعيني
ع فتحت الباب ماجان اكو باب بس مكان مال باب عسى ولعلى تمر واشوفها
ابو حوريه. رحت اوصي ام حوريه ان لاتكثر بالاكل
ام حوريه جا شلون يابو ميساء عيب الشيخ جايب ويا خير من الله وتريدني اقلل من الاكل
ابو حوريه واذا الشيخ جايب قابل تخلصونه بيوم واحد بعدين شوكل بطونكم واحدكم جنها
جليب (البئر)
ام حوريه سكتت أمري لله لا احصلي كفخه منه وبنفس الوقت
ميساء. اجيت باوعت بنضره سريعه يم الباب الي كاعد بيها فارس شفت ابوي ماموجود اشرت الحوريه
فارس. مجرد ما شفت ميساء شكيت الحلك من الذان للذان جا شلون من اشوف حوريه اجت
حوريه بس ياريتني ماشفتها جانت ذبلانه كلش وعيونها الحلوه بيهن زراگ اثر ضرب وشفايفها
الترفه بالكوه مبتسمات ياربي شصاير بحوريتي ليش معذبينها الله يكسر الئيد الي انمدت
عليها ياربي يمتى اخليها ابيتي واسعدها واكفيها شر هذا النذل زوج امها ماكدرت احجي اي
كلمه ضليت صافن عليها ومقهور
ميساء اجيت اركض يله حوريه يله دفعتها اجه ابوي اجه ابوي
فارس. اتحسرت وسئلت اختها البنيه الصغيره ام سبع سنوات كلتلها منو الي ضارب حوريه
بهلشكل
البنيه ابوي طكاها لان تاهت بالمستشفى هذاك اليوم وماندلت ترجع وهسه صار الها يومين
مريضه ومصخنه وهو مايقبل ايجيب الها دوه وكتل امي يوم شافها تسوي الها كمادات
فارس طكيت الكاع بيدي حيل الله ياخذك يالنذل انه الك يا الحقير شفته دخل علي الغرفه
ابو حوريه ياحي الله الشيخ
فارس الله لايحيك😒 كتله مشكور يابو حوريه طلعت لحجايه مني بالكوه اله اكول ابو حوريه كالو
بالمستشفى انت جنت هناك
ابو حوريه اي والله جانت بنيتي حوريه بالمستشفى بعد تدري انت جاي انراجع على رجلها
ويمكن ماتمشي عدل حتلو تعافت
فارس. ياربي انطيني الصبر بعد ما اكدر اجامل هذا الانسان ابنفسي اكوم وانزل عليه دگ
لحد ما اطلع روحه بهاي ايدي كتله اها وهسه شخبارها
ابو حوريه زوينه شوي مريضه
فارس وشبيها مريضه
ابو حوريه. والله ياشيخ افلاونزه لاتشغل بالك هي اطيب من وحدها
فارس. لا ياحجي اشلون اطيب من وحدها لازم تاخذ علاج انت تدري افلاونزه الطيور منتشره
هل ايام خلينه ورا السحور ناخذها ابو حوريه لايامستشفى هاي انه اجيب الها دوه ولو ماعندي بس الله موجود
فارس. لا تفكر بالفلوس حجي انه اخذها وهم اخلي بجيبك فلوس حتى شوكت ماطاحت عليكم تاخذها
فارس طبعا كلت الابو حوريه انطيك فلوس لان ادري بي بسرعه يقتنع بالفلوس وبهيج راح
يخليني اخذ حوريه للمستشفى بس والله ما اراوي فلس احمر اهم شي اخذ حوريه
ابو حوريه. ها يله اذا انت مصر
فارس اذا مابيك حيل حجي خل امها تروح وياها وانه اوديهم للمستشفى ومن ارجع انطيك لفلوس واروح
ابو حوريه ها اي والله انه نعسان حيل
فارس اجت لبنيه ام سبع سنوات شاورتني وكالت جذب عمو هو ماينام يوميه يشرب مادري
شنو ورا السحور ويضل يحجي ابحده ويغني
فارس. الله ينتقم منه
ابو حوريه ها ولج شنو شاورتي هههه بس لاتردين فلوس مثل كل مره ههههه
فارس. لا تكلي اريد اروح وياكم 😒
ابو حوريه يله كلعتهن ههههه علوا يروحن كلهن
فارس. يله بناتي كلجن تروحن حتى اشتريلجن حلويات وموطه وكلشي تريدن فارس ضليت
اباوع الهن وهنه يصرخن من الفرح ياربي شكد محرومات والله ما اتركم تحتاجون شي
وبلفعل اتسحرنه
ابو حوريه كام حاجه مرته يله لبسي عباتج واخذي بناتج كلهن وروحي ولي للمستشفى وي فارس
ام حوريه. وشنو انسوي بالمستشفى
ابو حوريه اخذو هاي الحيوانه حوريه
ام حوريه اي الف الحمد الله والشكر همزين لان شكلها كلش تعبت من المرض
فارس اطلعت انه بالسياره انتضرهم
يتبع،،،،،،،
