Chương trước Chương sau
وهذا البااااااارت الاااااااااخير😎
#نهوة_الشيخ
جوريه صفنت شويه ورجعت بس انتي بهذاك الوكت ماجنتي حامل
منال. اني انعكد اللساني ماعرفت شرد عليها
سلاسل. هااا لا لا مو هي يله جوريه يله امشينه خل انروح اهنك
جوريه جان اكو شي يمنعني اصرف نضري عن الموضوع كلتلها ليش غيرتي الموضوع هذا
الطفل بي سر والدليل انتن ارتبكتن وماتعرفن شتردنه
منال. ضليت ابجي منشدة الارتباك وكلتلها هذا ابنج جوريه
سلاسل. خليت ايدي على حلكي ياربي هاي اشسوت اخاف فقار مايرضه
جوريه. شنوووو ابني يا ابن هذا احجي واني دموعي اطيح ماعرف عن شنو صرخت بصوت
عالي احجي يا ابن هذا
منتضر. وصل النه صوت صريخ جوريه كمت وكفت على طولي
فقار. كمت من مكاني وسويت الطريق الى غرفت منال خطوتين فتحت الباب وانه اشوف جوريه
تصرخ وتبجي وتصيح يا ابن هذا احجن
جوريه. شفت فقار دخل لزمته من دشداشته من مكان صدره واني اجر بدشداشته يا ابن هذا
فقار يكللي ابنج اني منويلي ابن ابني مو مات
فقار. اتنهدت بغضب شلت ايديها وخرتهن لا ابنج مامات زيد ابنج انتي والقابله بدلته ابواحد ميت وقبل فتره اله لكيناه
جوريه مجرد ما ان خلص كلتمه حسيت الدنيه ادور بيه وضلت اوجوهم اتغوش بعيوني وبعدها
ماحسيت على نفسي اله واني ع الجربايه والكل داير مايدورني ومنتضر يلوم ابفقار ويكله
منتضر. ليش ماكلتولها يافقار هذا حقها ليش اتصدمونها
فقار. اختك حتى مانطتني وجه احجي وياها يوم الاجيت الها جرحتني هذا الفالحه بي
اتحسفت اكلها بعد حجيها الي سمعته منعدها
منتضر واليمته جنت ناوي تضم عليها
فقار اكي ما جنت ناوي اضم عليها بس هي نرفزتني كلت خلي اهده شوي وبعده اكللها
منتضر ولو مايحقلك انته اتضم هذا الشي عنها
فارس. بس كافي. مو وكتها لاتسولنه عركه خلي انشوف لبنيه شبيه
جوريه جانن دموعي ايطيحن وانه اباوع الهم ليش يافقار ليش حرمتني من عنده
فقار مثل ماحرمتيني منعندج انه جنت بحاجتج مثل ما انتي هسه لحاجت هذا الطفل
فارس. خل نطلع برا خليهم يتفاهمون وطلعنه
جوريه. فقار اني احبك والله لاتصورني فديوم نسيتك بس لازم تعذرني الي مريت بي أثر على
حياتي كلش
فقار واضح ياجوريه ليحب ولا لحضه يكدر يعوف حبيبه ولج تركتيني وانه بأمس الحاجه الج
وياحب هذا التحجين عنه وانتي مخطوبه الواحد ثاني اصلاً شلون سمحتلج نفسج بهلشي اذا
انتي صدك تحبيني
جوريه. اني فصخت خطوبتي من يوم شفتك وما كدرت اضل على ذمة مصطفى ولا لحضه
شوف يافقار كشفت عن ايدي وسحبت المسبحه من ايدي جنت لافتها مثل السوار هاي جانت
على طول وياي كلما اشتاقلك احضنها واشتمها
فقار هه هلشي مايشفعلج ياجوريه هلشي مايشفعلج ياجوريه انه ذليت روحي هواي الج لحد
ماتصورتي ان فقار ماعنده كرامه لا ياجوريه راح ارويج فقار منو
مو انه الرخيص الينشرا وينباع
تجرحني وتضن بضحكتك ابرد
ولا انه الفضاله البقت بالماعون
متى ماتمد سفرتك انه بيها انمد
وما احقد كاضيها بس بالزين
بس اكلبها كاعك لو ردت احقد
الك ياسيف معلومه اخذها وياك
تجي مدنك اذا تحتاج للمبرد
وكمت ردت اطلع
جوريه. كمزت من مكاني ورحت ورا فقار فدوه وابني
فقار ابنج ما راح احرمج منه
جوريه بس اني اريده يعيش وياي كافي انحرمت منه كل هاي المده
فقار لا مستحيل يعيش وياج هذا عزوتي وسندي مثل ماتدرين منال مايعيش الها طفل كلما
تحمل يطيح وانه ماناوي اتزوج بعد وما اكدر افرط بأبني الوحيد اما انتي تكدرين تزوجين
وتجيبين غيره عشره
جوريه واني ابجي لا يافقار زين اتزوجني الخاطر الطفل
فقار مع الاسف ماعندي رغبه بيج بعد واهسي انكسر بحبج
جوريه. فقار الخاطر الطفل خل يعيش ابيني وبينك مستعده اكون زوجتك بالاسم وبس او حتى
خدامه الك مايهمني هذا الشي اهم شي اضل يمك ويم ابني
فقار قصدج اضلين يم ابنج افكر واردلج خبر عفتها ورحت
جوريه طحت بالكاع واني ابجي اشسويتي بروحج ياجوريه ضيعتي جبال الحب الي جانت
بكلبه ضيعتي الحنيه ااخ يافقار 😭
فقار طلعت وانه كلبي مكسور الف كسر وملجوم احبها اجذب على روحي احبها شنو اصلاً انه
عايش بيها والها ونها بس لا لازم اذلج شويه مو سهله تبيعيني وترجعيلي بلحضه لج انه مو
على مشتهاتج راح ارويج كلبي الحجر
ابمرور اسبوع فقار جاب زيد وضل يمي يومين وانشلع كلبي لمن اخذه بس ماضل شي هانت
لان فقار رجعلي خبر وراح يتزوجني لاكن علمود ابني وبس
بيوم زواج منتضر وسلاسل جنت فرحانه كلش اول شي لان فقار رجعلي خبر
والشي الثاني فرحانه الاخوي وزوجته رحت وي سلاسل
للصالون ومكيجت وسويت شعري لبست بدلها لونها ماروني جان الي واهس كلش وفرحانه
سلاسل. اكول جوريه اشوفج تتبسمين ابحدج وتباوعين الروحج هواي بالمرايه شنو الفلم
جوريه. هممم فرحانتلكم
سلاسل. جذابه لان فرحتج اكبر من فرحتي يعني اني فرحانه بكد هوا الله بس انتي فرحانه اكثر
جوريه. فرحانه بزيودي
سلاسل. وووو بعد
جوريه وبأبو زيودي
سلاسل اهااا اهنا الحجي اي امبينه هاي الفرحه مو فرحه عاديه بس يجوريه كافي شويه من امرايه ترا انتي تشكين شك من الجمال والله تعجبينه والله بس بعدي شويه خل اباوع
الروحي
جوريه. ههههه يله تعالي باوعي شويه حدج دقيقه وحده
ومر اليوم كله بين فرحه اتجر فرحه طبعاً عقد سلاسل ومنتضر صار بيوم العرس والمفاجئه
ابنفس الوكت انعقد كتابي على فقار مثل ما صارت اول مره صارت ثاني مره الصدفه خيراً من
الف ميعاد وبعد مازفو سلاسل ومنتضر رجعت اني وعمتي ام فقار والبنات البيت الشيخ واني
طايره فرح بزيودي حبيب امه هو جان يبجي على حوريه وهلشي قهرني هواي
حوريه لاتنقهرين ياجوريه راح يتعلم عليج بعده صغير
جوريه بس اني اريده ينام يمي
حوريه خل انيمه واجيبه يمج
جوريه اوكي ورحت الغرفتي ولكيتها مثل ماهي مامتغير بيها اي شي حتى ملابسي موجودات
ياربي شكد اشتاقيت الهاي الغرفه شفت اشماغ فقار امعلك بالزاويه اخذته اشتم بي
وحاضنته ياترا اكدر ارجع حبك لو ضاع مني للابد ربع ساعه وندك الباب
جوريه منو
فقار انه فتحي الباب بسرعه
جوريه فتحت الباب
فقار دخلت بدون ما اباوع الها ما اريد اباوع الها ولا اريد اضعف جنت شايل زيد وهو نايم
خليته ع الجربايه وردت اطلع
جوريه. فقار
فقار. التفتت عليها بس ضليت جامد ابمكاني شهلجمال شكد شايفها بس كلما اشوفها يوم
ورا يوم تحس جمالها يزداد احس بيها ترافه ورقه انه ماردت ابوع الها حتى لا اضعف شلي
خلاني التفت عليها
جوريه ها ماكلت
فقار. ها شنو
جوريه اني صار ساعه احجي وياك وين جان بالك
فقار عيدي الي كلتي
جوريه اكول وين راح تروح ليش ما اتضل يمنه اهنا
فقار لاء انه ما انام بهاي الغرفه وتدرين كلش زين احنه اتزوجنه علمود شنو عفتها وطلعت
طلعت من غرفتها بس صورتها ماطلعت من راس ورحت كالعاده فرشتلي منال فراش ونمت بالصاله
منال ماكافي يفقار والله اني ندمانه وماجنت اتصور راح يصير هيج
فقارلا ماكافي وحمدي ربج انه ماطلكتج متكليلي احنه وين كاعدين ابغابه احنه توصل بيج
الوحشيه انجت تسكتين على كل عمايل امج لو ما اخاف الله بيج جا طلگتج وذبيتج بالشارع
منال. بس يافقار اكلك اني اسفه امي جانت تهددني وتكلي ادور الشغله عليج واني ادري بمي اتسويها
فقار لج امج ماتدكدر اتجذب علي لو جايه ومصارحتني جان صدكتج وماصدكتها بس انتي لاء
الشيطان غواج وهسه طلعي وطفي ضوه الصاله وروحي الغرفتج
منال. على امرك رحت واني ادري ابفقار مستحيل ايسامحني واعترف بغلطي جبير وموسهله
انو ينسي بيوم ليله
جوريه. مرت الايام وفقار مامنطي اي وجه جانت اعصابه بارده اتجاهي ومشاعره بردت اني
ادري هو يحبني بس اشلون يكدر يسيطر على نفسه شنو هلقوه العنده الي يبرد يمته مايريد
ويشتعل يمته مايريد يعجبني هلانسان كل مامر بيه الزمن اكتشف عند ميزه جديده يارب حنن
كلبه علي بس اني مطمنه ماطول بعده يحبني عاجلاً ام اجلاً يرجع فقار مثل ماجان قبل
يحبني ويتنفسني هوا يرجع حضني ملاذه وملجئه ويرجع الي هذاك الصدر الدافي الحنون ً
وبهاي الايام هو جان ينام الوحده ومنال تحاول تكسب رضا وهو مامنطيها مجال
اما حوريه وفارس ياعيني عليهم ونسة البيت اتقربت هواي من حوريه واكتشفت ان هي ابنيه
كلش طيبه وعلى نياتها وتستاهل فارس وفارس يستاهل وحده مثلها
اما سلاسل ومنتضر اهووووو عايشين بالعسل الله يديمها عليهم احس اخوي هواي تغير بعد
هذا الزواج بس اتضل غيرة الضراير مابين مرته وخطيبته
اما حبيب امه زيودي فهذا فرحتي من الدنيه بده يتعود علي شوي شوي جان يشابه ابو لدرجه
خلقاً واخلاقاً جان دائماً عاگد حواجبه ههههه واربعه وعشرين ساعه ايصيح بصوت عالي
بحجي مامفهوم الله يحبني وانطاني نسخه ثانيه من فقار وطبعا حجولي عن الي صار بيه كله
بسبب ام منال وتستر منال عليها ومستحيل واح اسمامح منال وحتا عمتي الي هي امها بس
ماحجيت شي وكتها غير حسبي الله ونعم الوكيل
قررت ابدي مداهمات والخطط حتى ارجع فقار الي لان الضاهر مانوي يرجعلي بالطيب
حوريه. اكول لو جوريه تحبسينه بغرفه وتعذبينه شوي لان فقار اضاهر محد مراوي العين الحمره
جوريه هههههه ولج هاي انتي اتسوينها اني ما اكدر الها وبعدين خليتي العالم كلها ترديني
احبس فقار لا لا اني اعرف شلون راح اشتغل شغلي صح
حوريه. صحيح بس اضن فقار مو سهل عنده هواي كبرياء
جوريه. اني اعرف راح اتعب ويا بس المتئكده منه ماكو رجال يقاوم حبيبته مدى العمر
حوريه الله الله ع الثقه
جوريه. بهل اثناء اجت منال اني تركت الكعده وكمت
منال. جوريه من رخصتج سمعيني لمره وحده
جوريه. اسفه منال ما حابه اتخالط وياج ابد ولا اريد الساني يخاطب السانج
منال جوريه اني غلطت اعترف بس والله ندمانه ندمانه وخايفه من عقاب رب العالمين جوريه
سامحيني جوريه معقوله انتي الطيبه ماتسامحين الله يسامح ياجوريه بجلالته وعضمت قدره
وانتي ماتسامحيني
جوريه اتنهدت ابحسره هواي السويتي بيه يامنال وصلتني المرحله اتمنيت انتحر بيها ليش
يامنال اني اشسويت الجن انتي وامج اني دخلت ع هذا البيت مجبوره ادري بيج اتحبين حجي سلمان اوكف انه اعرف هاي حجايتك تريد تصرفني بيها ف راح اخذ منك وعد وعد ارجال ياشيخ
فقار ياجدي عوفنه من هاي السالفه ولاتضغط علي
حجي سلمان عيب ياوليدي شلون اواجه جوريه بعد ما التجئتلي وهي اول مره تطلب مني
شكلها ماكدرت اسوي شي
فقار اتنهدت اوعدك اليوم راح احجي وياها وهسه من رخصتك رايح للديوان
جوريه مجرد ماطلع فقار للديوان رحت ركض الجدي ها جدي اشسويت
حجي سلمان بويه الي كدرت اسوي الج ولو هو قليل بس هو وعدني اليوم وعدني يكعد وياج
وتتفاهمون انتي ويا
جوريه شكراً ياجدي اصلاً هذا كلشي اريده وبسته ع راسه محتلج شي
حجي سلمان بعد ضحكتج هاي مامحتاج شي يابويه
جوريه صعدت الغرفتي ورتبت نفسي شوي وكعدت انتضره اني وزيودي وصارت الساعه ب ١٢:٠٠
ونام زيد وفقار ماكو ياربي اني نعست شويه وسمعت حركه بالصاله فتحت الباب على كيف
لكيته كاعد بالصاله وجاي ينزع بساعته ومحابسه ضليت واكفه انتضره شوكت يلتفت علي وهو
كاعد ولا همه. نزع لعكال والغتره شفته راد يتمدد بفراشه
جوريه فقار
فقار انه حسيت بيها من يوم فتحت الباب بس غلست التفتت عليها وباوعتلها بطرف عيني هممم
جوريه. انته مو وعدت جدي نحجي اني وياك وينه وعدك ياشيخ وينه
فقار زيد نام
جوريه اي نام
فقار كمت رحت يمها
منال. جنت اباوع الهم من فتحت الباب ومن شفته راح الغرفتها انقهرت حيل وضليت ابجي
ياريت لو ينطيني كطره من حبه الجوريه كطره وحده تكفيني بس لا استاهل فقار من البدايه
زين وياي اني الي خربت نضرته الي وخليته يتغير علي
فقاركعدت
فقار كعدت ع الجربايه وحجيت بنفاذ صبر يله كولي واختصري نعسان واريد اروح انام
جوريه هيج ياشيخ هيج تحاجي جوريتك ما اصدك هذا من ورا كلبك كله
فقار. اششوفج حيل واثقه هه بعدج ماعرفتي فقار منو
جوريه لاء اعرفهه شيخ فقار اشهر من نار على علم الكل تهابه اسد من يمشي واثق ورزين
ومايحب الغلط وكل صفه حلوه بي مهيوب والكل تحترمه وبس عگاله يسوه عشر زلم
فقار وشتردين من هذا الحجي كله
جوريه اجيت كعدت يمه وخليت ايدي على لحيته اريدك ترجعلي فقار الاولاني الي يذوب بسم
جوريه الي يتنفس بسم جوريه
فقار لا هذاك فقار مات انتي موتي ياجوريه وكلشي اذا زاد عن حده ينكلب ضده وانه حبيتج
هواي وارخصت من كرامتي هواي استلمي هاي نتيجت افعالج
جوريه. طاحن دموعي فقار والله اني اسفه فقار اني ماحبيت غيرك بيوم الله شاهد انته اول
واخر حب بكلبي انته اول انسان يعجبني بكل صفاته فقار اني لمن انخطبت المصطفى جنت
اريد انسه حياتي انسه همي وقهري خلي نفسك ابمكاني شويه وراجع الشريط يعني عائله
جنه ساكنين برغم بساطتنه بس مرتاحين ابنيه بعمر الورد ينهه عليها ابن عمه الي متعرفه ابد
بيوم وليله وتلكه نفسها ابيت المفروض هو يربيها من جانت صغيره بس لا هي جانت منبوذه من
هذا البيت والي داخل البيت ناس رغم صلة القرابه جانو اغراب والحجي والاهانات الي سمعته
من جدي والتجريح وبعدها الشغله الي صارت وياي الي اتهمتوني بالجنون واني صاحيه
يافقار اصعب شعور لمن جنت اكلك صدكني لو مره وحده وانته جنت اتعاملني مثل وحده
مجنونه مو بس انته الكل وصل بيه الحد الى ان تمنيت الموت ولو ينشره بفلوس اشتريته وهذا
كله كوم وفگد ابوي كوم فگد الانسان الي اعتبرته كلشي بالدنيه الانسان الي اضن ما من بعد
حنانه حنان هذا كله يافقار وماتريدني اسوي الي سويته اني ما انكر حبك كبير وحبيتك
هواي وانته حبيتني اكثر بس كله مو كافي على الي صار بيه كله هذا دوافع اتخليني اشرد من
حبك بس هم ماكدرت
فقار كلشي اتصورت بس مال تزوجين واحد غيري هاي الماتصورتها
جوريه والله ما احبه ولا عمري حبيته جنت كلش اضوج من عنده بس شسوي هذا المهرب الوحيد
من حبك كله ومانسيتك كله وماطلع حبك من كلبي ولاتزحزح من مكانه
فقار كافي ياجوريه وكمت وردت اطلع
جوريه لزمته من جف ايده دخيلك ياشيخ الخاطر زيودي خل نرجع مثل قبل
فقار التفتت عليها جانن عيونها كلهن دموع لاتضعف يكلبي شد حيلك وعوفها خلي تحس شويه
سحبت ايدي من عدها وفتحت الباب
جوريه. بويه فقار لاتعوفني والله احبك ولاتزيد عذابي عذاب
فقار سديت الباب بيدي وانتجيت ع الباب وباوعت الها ولج بنيتي انه اعرف فقار كلش زين
عنده هواي كبرياء عنده هواي عزة نفس بس يمج ادور ادور على قطره من هذا لهواي
ما الكه شسويتي بيه يبنيتي ليش اضعف يمج ليش من اشوف ادموعج انكسر مجرد ما اباوع
الطولج ينهد طولي جوريه. كلبي يكلي سامحها هاي بنيتك ومريتك هاي اول حب دخل كلبك
وعقلي رافض هلشي كليلي اتبع منو
جوريه مسحت ادموعي واجيت ادنيت يمه خليت ايدي على لحيته ما اكدر اكلك تتبع منو خليها
يم حبك الي بس اني هواي شتاقيتلك فقار اشتاقيت تلمني الصدرك
فقار مجرد ما خلصت احجايتها لكيت نفسي ضامها بصدري ومحاوطها بيدي ودافنها دفن
ماطول هيج تحبيني هلكد ليش قبلتي الغيري تصيرين ماجاي اطب براسي الفكره
جوريه. وجع الحياة يافقار والله وجع الحياة خلاني اسوي هيج حسبالي راح ارتاح من بس هو هم صار زوجي وهم من حقي احبه وحتلو اكول الي سويتي من دافع الغيره هم هواي
الي سويتي انتن وصلتن الدرجه الاجرام
منال. بس الله شاهد اني ماجنت راضيه لاكن خايفه من امي ادور الشغله علي. وفقار يطلكني
وانتي تدرين اني شكد احب فقار وما اكدر اباليا
حوريه سامحيها ياجوريه ماطول هي ندمانه سامحيها ونطيها فرصه تكفر عن ذنبها
جوريه راح اسامحج يامنال وعسى الله يسامحج وعفتها ورحت
منال مشكوره ياجوريه وانتي ياحوريه فعلاً اني ندمانه بقه فقار بعد لازم يساحني
بالليل الساعه ب ٩:٠٠ جنه كل احنه كاعدين ع العشه والي اول مره رحت ع غرفه جدي سلمان
جان كله يكعد ويوكلونه الوحده لان هو معتكف عن الناس ومايريد يشوف
احد دخلت عليه. وهو جان كاعد يستمع القرآن ويبجي
جوريه احم احم
حجي سلمان هله يابعد جدج هله جوريه
جوريه اخذت كلنكس ومسحت ادموعه يله ياحدي امشينه نتعشه
حجي سلمان لا يابويه انه ما استاهل امعد وياكم
جوريه. لا ياجدي شهلحجي هذا انته لازم تكعد ويانه وغير هذا الحجي ماعندي
حجي سلمان. أمري لله يالغاليه يابنت الغالي ما اكدر ارفضلج طلب
دفعته ع الكرسي وطلعته
والكل اتفاجئ حجي سلمان من زمان ماكعد وياهم لا على عشه ولا على غده وهسه جوريه
جايبته
فارس هلله هلله حجي سلمان طول عمرنه نتوسل بيك تجي ويانه تاكل واليوم جوريه جابتك
وانته كاعد وساكت وعاقل يله انمشيها الك ادري بيك صرت اتحبها اكثر منعدنه
حجي سلمان لا يابويه كلكم احبكم بس هاي بنت الغالي وادري الغالي روحه بيها وانه صارت
روحي بيها
جوريه. يله ياجدي افتحلي حلكك اشوف على عناد فارس
فارس. ماكو لكمه منا منا تايهه كولي حماي خطيه
جوريه عاد انته عندك حوريه الاكل من ايدها اطعم جنت أوكل جدي سلمان بيد ي لان هو
مايكدر ياكل وجانت هو ادموعه اتصب همستله عليش تبجي ياجدي
حجي سلمان. بويه انه ضالم ضلمتكم هواي ضلمت امكم وابوكم وربي عاقبني وماشفت وليدي
ولاشبعت منه بويه سامحوني
جوريه. اني عن نفسي مسامحتك ياجدي وادري بأبوي وامي مسامحينك وحتا منتضر مسحت
ادموه بس انه اريد منكً طلب صغيرون
حجي سلمان كولي يابويه انه عيوني الج ياريت اطلبين كلساع
جوريه. جدي فقار زعلان مني اريدك تحجي ويا لان اني احبه وما اتحمل يضل زعلان علي
حجي سلمان تدللين بويه وبعدين فقار مو يحبج وبس فقار عايش علمودج همزين انتي الي
طلعتي بحياته يابويه جان صار نسخه مني وضلم مثل ما ضلمت انه
جوريه يعني هسه متفقين جدو
حجي سلمان متفقين
فارس شعليه متفقين
جوريه. انته ذاب ذانك يمنه شكو
فارس ياخي انه اكره واحد يكعد كبالي ويحجي بصوت ناصي يكتلني الفضول
جدة فقار اي والله يا افيرس انه هم كاتلني الفضول ودبيت ذاناتي ثنينهن وماسمعت شي
فارس. ضليت اشيل بالماعين وادور جواهن وينهن حبوبتي وينهن ذاناتج خرب دير بالك فقار
لاتكلك وحده انوب تصير عجوز النار
جدة فقار ماكو احد يناوشلي عوجيتي شوي اريد انعنع اضلوعه هذا الدبي ولو هو ماعنده
ضلوع بس لحم الله يساعد هاي الفرخه عليه حوريه طن لحم وهي معضمه
فارس. انتي ماتفتهمين ياحبوبتي هذن عضلات جم مره اكلج هذن عضلات ياخي شبيج
محروك دمجً ادري بيج تتمنين واحد مثلي وما حصلتي
فقار كافي يافارس ترا مصختها احترم النعمه الكاعد اكبالها
فارس حجيت بهمس. اف لاهله بهذا الوجه رجعنه مو فرحنه فقار اتغير كله من ورا هلعصه خلته
يرجع يعبس ورجع الحجيه الماصخ
فقار خزرته
فارس. شو تخزرني خير
فقاركافي يالدبي كافي وطلع هاي من حلكك
فارس شنو بحلكي مديت ايدي ع حلكي وانه اتلمس
فقار ذان حبوبتي طلعها من حلكك😏
فارس ههههههه
جدة فقار. همست انه الك يالفار اذا ما انعنك بس بدون ماتدري
جوريه التفتت عليه واني اضحك خرب خذت القب مالتي
جدة فقار اتضحكين يالعصه خير
جوريه ههـهههه راح اكله
جدة فقارههههه اذا سمعلج
حجي سلمان يسمعلها يا ام داود يسمعلها حجه بصوت عالي
جوريه جدي فضحتنه اشششش
حجي سلمان يالله يابويه فقار تعال اخذني الغرفتي
جوريه جدي ما اوصيك
فقار اخذته كول يجدي شعندك
حجي سلمان ومنو كلك انه عندي حجي وياك
فقار انه اعرفك زين ماكومتني من بيناتهم اله وعندك حجي
حجي سلمان فطين ياوليدي فطين
حجي سلمان بويه فقار ام يتك جوريه خوش بنيه وانه اشوفك هاملها كلش ليش يابويه ترا خطيه الي شافته هواي
فقار قاطعته اتشوفه ياجدي ليش هو انته اصلاً كاعد يمنه لو قصدك اتسمعه
حجي. سلمان اي اي اقصد اسمعه
فقار ومنين سمعته
حجي سلمان من الكل ياوليدي
فقار من الكل لو من الي جانت كاعده يمك
حجي سلمان اي مرتك مرتك تحبك وتريدك تسمع منها ياوليدي
فقار جدي لاتدخل بهذا الموضوع رجاءً وكمت ردت اطلع
حجي سلمان اوكف ياوليدي اريد اطلب منك طلب انه مارسويت شي لبنية ابني اريد اجازيها
الخاطري ياوليدي لاتكسر بيه ما راح اكلك سامحها بس راح اكلك اسمع منها اليوم كعدو
بغرفتكم وسولفو واوصلو النتيجه
فقار ردت اصرف جدي كتله انشاء الله انشاء هيج مادريت راحتي انته
فقار بس
جوريه. سديت حلكه ابوسه
فقار بعدتهاورجعت اكمل حجايتي وكلت بس
جوريه رجعت سديت حلكه ابوسه
فقار ضحكت عليها صدك ما اكدر بليها تضحك على روحك فقار هي بوسه وحده قنعتك
جوريه ومن اهنا كانت بداية حياة جوريه الجديده الخاليه من التعب والحزن والضلم المليئه
باجواء السعاده والراحه بضل الشيخ وابن الشيخ انحني اجلالاً واحتراماً لحبيبي وزوجي
لهذا الانسان العضيم وهذا الشخص الرائع الي هو فخر الي والابني والعائلته والكل عشيرته
انسان مسامح داخله نضيف كلبه جبير اتمنى من الله ايحفضه ويوفقه الى الافضل والاحسن
ويعلو شئنه اكثر واكثر واحلى شي جان ومازال بحياتي لمن اكوله بويه فقار وهو يردلي
هلابنيتي هاي الكلمه تغنيني عن حنيت الدنيه كلها
حال الابطال في سنه ٢٠١٨
جوريه وفقار. عايشين بسعاده تامه الشيخ كلما يمر بي الوكت كلما حبه يكبر ابداخله وجوريه
كذالك صارت تعشگ شي اسمه فقار وزيودي صار عمره ثلاث سنوات ونص يقلد ابو بكلشي
متقمص الشخصيه روحه من الدنيه فقار متعلق بي الدرجه كلش جبيره وابو نفس الشي
منال بعد العقاب الي نالته من الشيخ والهجران واخيراً سامحها والفضل يعود الجوريه الي
خلته يسامحها وحالياً هي على ذمت الشيخ ومايصير عدها اطفال وجاي تعالج
فارس وحوريه هل ثنائي المرح عايشين الدنيه بعفويتهم وي ابنهم الي عمره سنتين هما روح البيت والضحكه
حجي سلمان. نفس حالته انسان معاق كاتله الندم والحسره ويتاني اجله
ام فقار والجده موجودين الله يحفضهم
وتعرفون منو خطب سجى اخت الشيخ خطبها قسام تذكرتو صح
منتضر وسلاسل عايشين بسعاده ومرتاحين واحد يحب الثاني حب خالص مايشوبه اي شائبه
صار عدهم ولد عمره حالين سنه اسمه ع اسم ابو منتضر اما علياء فنفسخت خطوبتها هي
ومنتضر بسبب الغيره ومشاكل وبسبب امها الي رفضت فكره منتضر ياخذها على ضره وضلت
تزن براسه وانفسخت الخطبه
🌹((النهايه))🌹
عبرتي من هذه القصه اولاً ماطار طيراً وارتفع الى كما طار وقع وهذا الحجي ينطبق على الشيخ سلمان مع كل سلطته ونفوذه صفى بالاخير ذليل ندمان معاق
وثانياً (وهل جزاء الاحسان الا الاحسان)هذا الحجي ينطبق على الشيخ فقار ومعاملته الحسنه الجوريه والكل اهله وعشيرته وطبعا الله سبحانه وتعالى جازا بأحسانه وجعله ذا منزله مرموقه بين عشيرته واهله
ثالثاً عسى ان تكرهو شيئاً وهو خير لكم هاي تنطبق على النهوا الي جانت جوريه كارهتاهاهي وسلاسل لكن كان الخافي اعضم الله سبحانه وتعالى كاتبلهن بهل نهوا سعادتهن
رابعاً اصبر ان الله مع الصابرين وهذا ينطبق ع حوريه الي تحملت الذل من زوج امها ومن بشار واهله وصبرت على كلشي فالله جازاها ابفارس ويضا ع جوريه الي تحملت من الدنيا ماتحملت
خامساً ان الله يمهل ولايهمل هذا الحجي ينطبق عن ام منال الله امهلها حتى تتمادا بطغيانها واعمالها الخبيثه لاكن الله ماكان غافل عنها ولا مهمل عقابه الها لحد ما اجه اليوم الي جازاها بي ابفشلتها كدام كل اهلها واولادها وصات منبوذه والكل اخذ عنها فكره موزينه
وفي القصه الكثير الكثير من العبر لايسع المقام لذكرها جميعآ ،،، والاهم انها تبين عضمت الحب لدى شيوخ الجنوب الحب الخالص الوفي الذي يخلو من نزواة الشياطين واخيرا اتمنا ان تكون استمتعتم بقرائت القصه واستفدتم انشاء الله
اذا رائيت الضلم مستمرآ في ضلمه فعرف ان نهايته محتومه
واذا رائيت المضلوم مستمرا في مقاومته فعرف ان انتصاره محتوم
(الامام علي ابن ابي طالب عليه السلام)
(( 🌸النهايه🌸))
