اول يوم العيد الساعه ٢:٠٠ الضهر
الكل كاعد ع الغده بالاضافه الى سرى وسلاسل اما اني جنت معتكفه ابغرفتي خلال هاي
الايام الي مضت لمن دريت بعرس فقار اتغيرت حالتي وصرت ٢٤ ساعه كئيبه وابجي
واحساسي مثل الي اخذو من عدها روحها وانطوها الوحده ثانيه بس ميخالف كلشي يهون
يابعد رويحتي يامنتضر اني ازوجك بيدي هاي الوحده اتسعدك وتريحك
سرى. اكول خويه فقار
فقار اتفضلي خويه احجي
سرى. ليش ما اتودي مرتك الاهلها
فقار حجيت بنفسي اتاني بلكت اتغير رئيها وتكلي لاتزوج
سرى اشوفك سكتت
فقار اي خويه انشاء الله اكلها اذا تريد اتروح اوديها
فقار كملنه غده وصعدت الجوريه
فقار. جوريه ليش ماتغديتي ويانه
جوريه ما اشتهي واريد انام
فقار. جوريه شرايج ترحين لهلج
جوريه ليش
فقارلا هيج
جوريه خاف حسبالك اضوج يعني اليوم حنتك وباجر اتعرس لا عيني ما اضوج وع فكره اني
باجر اروح الهم
فقار ليش باجر اخاف باجر ماعندي وكت اوديج
جوريه لاتشيل هم نضوري ضوه عيوني يجيلي
فقار اوكي
جوريه اكول سلاسل وين
فقار جوه
جوريه يصير شي اذا صحت الها اريد احجي وياها
فقار روحيلها انتي اريد انام شويه
جوريه. ما اشتهي انزل وهذا سلمان كاعد وبعدين ليش ماتنام بغرفة العروسه
فقار ولا يهمج راح اشبع نوم هناك بس باجر انشاء الله
جوريه اخ يالقهر شلون راح اتحمل هاي الوضعيه كمت نزلت شوي شوي حتى اشوف منو
كاعد بالصاله نزلت وجني حرامي ماريد اشوف سلمان واكله عيدك امبارك مايهون علي اكله
هاي لحجايه
جدة فقار ها يالعصه شبيج جاي تتلبدين ًً
جوريه ها بسم الله انتي منين طلعتي
جدة فقار هههه انه اطلعلج حتى بالحلم بس ماكلتيلي ليش خايفه وتتلبدين
جوريه. ماريد اشوف سلمان هو وين
جدة فقار قصدج هذا الشايب العايب راح الديوانه جايته الناس تعايده جنه نخله ماكل عليها الدهر وشارب
جوريه اي والله صدك يمته يسلم روحه الربه
جدة فقار ولج هذا عمره عمر شعيب النبي رفعت العوجيه وطكيتها على كيف برجلها ولج مو عيب
تحجين على جدج صدك ماتستحين وماعندج دم
جوريه 😱 ياعجوز النارهسه اني الحجيت
جدة فقار ولج منهي عجوز النار ورفعت العوچيه اطكها الله لايوفقك يا افيرس كله منك
جوريه شردت من يمها كبل لا ينزل مخي بحلكي من طكتها رحت لصاله شفت سلاسل كاعده
هي وسرى وسجى يسولفن ويضحكن
جوريه عيدجن امبارك بنات
البنات ايامج سعيده
سجى. تفضلي جوريه حياج
جوريه لا شكرا بس العفو سلاسل اكدر احجي وياج لوحدنه
سلاسل اني
جوريه امم
سلاسل اوكي كمت واني اباوع الخواتي بنضرة استغراب
جوريه طلعنه بالحديقه اني وياها
سلاسل كولي جوريه شعندج
جوريه سلاسل. كلمه وحده اكلج ايها عليج بداعت كل عزيز جاوبيني الصدك وهلحجي اوعدج
وداعت ماما مايطلع من بيني وبينج
سلاسل. كولي
جوريه. انتي ماتحبين منتضر
سلاسل. سكتت ودنكت ورفعت وجهي شوفي جوريه منتضر اخوج مامنه اثنين ورجال والنعم
منه واني ما استاهله ولا استاهل حبه الي اني ما احبه جوريه مثل ما انتي انجبرتي اني مثلج
ضحيه مو بيدي ياجوريه والله مو بي ي حاولت احبه هواي بس مارهمت حياتنه
جوريه يعني هو متعذب كليلي الصدك الله عليج
سلاسل اي متعذب يتمنى احجايه مني بس والله مو بيدي وضليت ابجي اني ضميري ايئنبني
عليه حاولت هواي اتقرب منه بس مو بيدي والله مو بيدي خليت ايدي على وجهي وضليت ابجي
جوريه. وخرت ايديها ومسحت ادموعها لاتبجين زين اقنعي خل يتزوج غيرج بلكت يطلكج
سلاسل. حاولت هواي ياجوريه ماكدرت
جوريه تمام انه اعرف شوكت يطلكج من لمن فقار يطلكني لان هو ما خذاج اله من فقار اتزوجني
سلاسل. اي حتى حي،، وسكتت
جوريه اي شنو ردتي اتكولين
سلاسل لا لا ولاشي عفتها ورحت
جوريه ااخ ياحسرتي عليك يامنتضر لا اني مرتاحه ولا انت مرتاح بس لا ما اخليك تتعذب اكثر
كل هاي المده وانته تتعذب لا ياخويه ما هاين علي
يوم ثاني اجه علي منتضر ورحت ويا للبيت
جوريه اكول منتضر سلاسل اشلونها وياكم
منتضر الحمد الله خوش بينه
جوريه. لا ياعيني انته لاجذب انه اعرفك من نبرة صوتك ادري بيك متئذي
منتضر خويه سدينه الموضوع مرتاحين والحمد الله
جوريه. لا خويه احجيلي فدوه ريحني ترا اني مامرتاحه
منتضر. جوارا كافي كتلج سديلي هذا الموضوع مرتاحين والحمد الله
جوريه ع راحتك بس انه فقار راح يطلكني ورا فترا
منتضر وليش
جوريه اني ويا متفقين
منتضر. ليش اكيد مامرتاحه بحياتج
جوريه لا بالعكس فقار خوش رجال
منتضر جا ليش
جوريه ما اكدر اكلك اتفاق ابيني وبينه انته راح اطلك سلاسل لمن اطلك
منتضر ها ليش
جوريه شنو ليش منتضر انت مامرتاح بحياتك
منتضر عفتها وكمت بدون اي كلمه اي صدك انه مامرتاح وسلاسل تريدنه نطلك بس ما اكدر
اطلكها احبها رغم ماشفت منها شي حلو
بيت الشيخ سلمان الي انكلب بيتهم كلاب من كد الناس واجتهم اهواي عشاير بعد هم شيوخ
ومعروفين بين العشاير والذبايح والهوسات والرمي وجان فقار امنور ابين كل الزلم كأنما جبل
ابين فقار رغم هيبة العرس وكبره الي هز الديره هز بس ابد ما فرحان اباوع بالوجوه بس بالي مو
يمهم بالي يم الي خذت كلبي وراحت اتمنيت تطلع منها حجايه وحده وتمنعني كافي فقار
طلعها من راسك ولك اشلون اطلعا من راسي وهي صارت راسي كله بس لا كافي راح احاول
اتجاهلها ولو ان ما اكدر بس احاول
فارس. شبيك ياخوي اشوفك مهموم
فقار اخ يافارس مابيه شي
فارس. اشلون اخ يافارس وشلون مابيه شي كول ياخوي ماشوفك فرحان
فقار لاتشيل هم اله اجه ابو حوريه لو لا
فارس اي لزمت عليه يجي هو وعايلته
فقارهه يعني انت من كل عقلك اشلون راح اتشوفها بالله
فارس. مادري بس ارتاح من احسها قريبه
حوريه. طبعا الشيخ فارس لزم
اله نجي العرس اخو وجاب النه كل احنه ملابس وجاب الي وي
الملابس تلفون سري محد يعرف بي بس انه كلشي ماعرفله المهم لبست البدله وطلعت مو انه
مامتعوده البس هيج شي حلو ومخصر ثاري جسمي حلو وانه ما ادري بس جان اكو عيب
واحد جنت اعرج ما اكدر امشي على رجلي عدل دخلنه البيتهم ماشاء الله مو بيت على كد كبره
بيت كلش جبير وراقي وناسهم كلش هواي وبنص العرس اجتلي ميساء تركض
ميساء ولج هذا التلفون جا يهز يمكن فارس يتصل عليج امشي خل انشوف بالحمام
حوريه رحت وراها وفعلن طلعت التلفون وقرت اسمه ونطتنيا ايا
ميساء اي هذا فارس هاج
حوريه. ياااااع شنو هذا منين ينكض منين يحجي ولج تعالي علميني
ميساء امده حضي الاغبر مكتوب اهنا رد يالعوبه يالمطفيه
حوريه تدرين بيه ما اعرف اقره يعني هسه ادوس هنا
ميساء. اي ولج مو صار متصل ست مرات
حوريه فتحته يعني هسه اخلي ع ذاني لو يم حلكي
ميساء ولج انتي عوبه يعني ماشايفه نقال ابد
حوريه شايفته بس ماعرف شلون يحجون بي
فارس. انه خال التلفون ع ذاني وميت ضحك ياربي شكد حلوه فطاريتها كلتلها اي حطي ع ذانج بس هي ماتسمعني
ميساء لزمتها وهو بيدها وخليتها ع ذانه هيج يالغبره احجي واني راح انتضرج برا الحمام
حوريه الو
فارس. هلا بكلبي
حوريه هههه هاي صدك انت جاي تحجي
فارس. ههههه شسالفه حوريه يعني اصدك ماشايفه تلفون ابد
حوريه شايفته بس والحمزه اول مره اسمع بي ولا حتى كاضته اعرف بيهم يكولون بي الو بس
ماسامعه هيج صوت يطلع منه اعذرني ههههه
فارس. كليلي شسويتي كالت ميساء لبوها
حوريه اي وكال هو بثالث يوم العيد راح يسويله مشكله وي جدك
فارس عفيه عليج فديتج انه
حوريه. ☺️
فارس ادري ادري خجلتي يله انه رايح اكلج جابولي مره هديه شرايج اتزوج
حوريه لا يافارس والحمزه اموت شلون تزوج وانه كتبتك بسمي وصرت هواي
فارس. اخ ياربي لاتخافين انه من ورا هذا الحجي اباوع لنسوان كلها اصخول بس انتي مره
حوريه هههه
منال. واخيراً اتحقق حلم حياتي وصرت ملك الشيخ حلم عشت طول عمري ويا وفجئه يصير
حقيقه والله يافقار قسم اله اسعدك وصعدوني الغرفتي وحسيتها مملكتي واني بيها الملكه
واتاني اميري ع لحضه يفتح الباب
جوريه الساعه ب ١٠:٠٠ باليل واني كلبي مقبوض اشسويتي ياجوريه اخذ الغرفه طول بعرض
واني افرك بيدي واندك الباب علي
جوريه اتفضل
منتضر جوريه شبيج ليش مامرتاحه ادري بي كسرج الله يكسره انشاء الله وفوك هذا اتزوج عليج الله يعذبه مثل مايعذ
جوريه. لا منتضر لاتدعي علي مو فقار الصوج هذا كله صوجي اني يامتضر اني الي رفضته
هو جان شاريني واني الي بعته
منتضر ابتعجب شنو قصدج انتي اذيتي مثل ما اذتني سلاسل
جوريه بس والله مو عن شي كله الخاطرك ياخويه ادري انته ضحيت اهواي واخذت وحده
ماتحبها كله على مودي وعلمود لا بيت سلمان يئذوني ويذلوني وبعدين اخبارك واخبار
بابا جانت توصلني من مروه وتكول سلاسل هواي ضلمتكم
منتضر. يعني شلون ضالمتنه
جوريه يعني لاتسوي شغل البيت ملابسكم انتم تغسلونهم وماتسوي الكم سحور والله ينطيها
العافيه مروه كله هي اتجيب الكم
منتضر مروه هي هيج كالت لا ياحقيره ولج سلاسل مامقصره ويانه كايمه بكل واجباتها معدله
ومرتبه وطبخها يجنن اما عن مروه فئنتي تعرفين خالتي ام مروه ينطيها العافيه حتى من جنتي
انتي موجوده هي ادز اكل ووتنغص النه لا خويه ليش ليش عاملتي باخلاق مو اخلاقج
صحيح ابداية الامر اخذت سلاسل علمود مثل ماكلتي بس هسه لا صرت اعشگها ما اكدر
اتخيل حياتي بدونها
جوريه سبحان الله يعني معقوله اكون اني ضالمه مثل ماضلمتك سلاسل ومعقوله هيج صديقت
عمري اتخوني واتجذب علي وتوصلي حجي مو صحيح
منتضر اي ضالمه شعور ضالم ان زوج يتاني كلمة حب من زوجته وشعور ضالم لمن هو يحبها
وهي تصده لا ياخوي غلطانه عاملي زوجج بالاحسان ولاتهتميلي انه سلاسل يجيلها يوم وطخ
راس اما مروه ف اقسملج وروح امي اجذب عليج هاي وحده حقيره اكيد اتريد اتئذيج
جوريه بس اشمصلحتج يامروه سويتي هيج والله ما مصدكه حبيبتي وصديقتي هيج اتسوي
بيه ليش مرمرتني واذتني وما اخلتني اشوف يوم حلو بزواجي وخلت الدمعه على عيني
واتنهدت وكتله. بس بعديش ياخويه بعد ما اتزوج وعدني راح يتغير ومايريدني منتضر هههه هذا حجي اللسان ياخويه الكلب لو حب مايكضه وعد اشو لبسي عباتج وامشي
اخذج البيت رجلج ولاتفكرين اجت على راسج مره ومن هذا الحجي ترا هذا شرع الله والي
اتعامل رجلها احسن راح اتكون احب الكلبه
جوريه. انت شتكول يامنتضر تاخذني بهيج وكت
منتضر اي اخذج اريد اجيب مرتي شو يله اشوف لبسي عبايتج وخل انروح
جوريه بس عندي طلب يامنتضر قبل لاتوديني البيت فقار اخذني البيت مروه اكلها احجايتين واطلع
منتضر اوكي
كلام من صاحبة القصه(( جانت صدمتي جبيره صديقة عمري ورفيقتي الوحيده ليش هيج
عذبتني وجانت تستلذ بدموعي جان همي الوحيد اعرف شنو مبتغاها من الي سوته ع العموم صار الي صار وانجرح كلبي وخسرت زوجي ولو عرف جان حاجيت اخوي من زمان وفتهمت منه بس جانت ثقتي عمياء بصديقتي استبعدت ابد كلش ان يوم اتجذب علي خصوصاً اني جربتها بهواي مواقف ااخ بس عمت علي ثقتي الزايده وطيبتي المفرطه وخوفي الما اله حدود قررت اصلح كل الي حركته مروه رااح احاول ارجع علاقتي ابكل الموجودين ابيت سلمان عدا جدي لان جنت كلش اكرها ع الي سوا بمي وابوي والاهم من هذا كله لازم ارجع حبك يافقار الي،، ))
يتبع،،،،،
