جوريه. جنت كاعده اكلب بالتلفزيون جانت الساعه ب ٥:٠٠ العصر اندك الباب عجيب منو
منتضر نايم بغرفته تعبان من الدوام بعد ما رجع معقوله اصدقائه ع العموم افتح واشوف
صحت من ورا الباب منو سمعت صوت مو غريب عليه معقولة 😳 شجابها هاي فتحت الباب
ولكيت مروه هي وامها
جوريه خالتي ام مروه
ام مروه اي يابنيتي شلونج يالغاليه وبوستها
جوريه. تمام الحمد الله ياخاله تفضلي شفت مروه اتقدمت علي تريد اتباوسني وهي تكول
مروه. شلونج ياجوريه
جوريه درت ضهري تفضلي خاله حياج الله البيت بيتج
ام مروه. ياخاله انه جيت اسلم عليج ومروه جاي تعتذر منج تعبت وهي ادور عليج انه رايحه
ياخاله شويه واحي اخذ مروه عدها حجي وياج
جوريه ماله داعي خاله تعتذر مني ما اضن هذا الشي راح يفيد
ام مروه. لا ياخاله انتي ام كلب الجبير انطيها فرصه هي غلطت وجاي اتصلح غلطها انتن
ابيناتجن عشره وصداقه يله في امان الله شويه وراجعه الكم ورحت
جوريه ضليت واكفه يم الباب واني اباوع المروه من فوك ليجوه بنضرة استهزاء
مروه ماراح ادخليني جوه
جوريه دخلي حجيتها من غير نفس
مروه دخلت كعدت بالصاله جوريه اني جاي اعتذرلج عن كل الي سويته اني غلطت صحيح بس
ماجان كل هذا غلطي وضليت ابجي هذا هم غلطج ياجوريه ما فكرتي اني ليش سويت هيج
جوريه مع الاسف مالكيت جواب لهذا السؤال ياترا ليش سويتي الي سويتي وليش شاركتيني
بغلطج
مروه. جوريه انتي الي زرعتي منتضر بكلبي انتي خليتي يستولي على عقلي طول عمرج
وانتي تكليلي مرت اخوي وشرايج ابمنتضر ومنتضر حلو ومنتضر سوا ومنتضر حجه انتي
زرعتي بذرة حب بكلبي وجنت اني ادافع عن حبي لمن شفت منتضر اتزوج حسيت بركان
ونفجر داخلي ردت استرجع منتضر بأي طريقه كل الي سويته بدافع حبي بس والله ماجان
قصدي اضرج جوريه اني احبج والله احبج انتي اختي الماجبتها امي
جوريه واضح حبج لمن جنت اجيج واكلج تعبت يامروه فقار يحبني واني ما اكدر اقاومه بعد
جنتي تخلقيلي حجي تخليني ازيد بعذابي جنتي تستمتعين من تشوفين دموعي اعتذارج
مرفوض الي اتسوي هيج مستحيل تكون صديقه
مروه. كمت اركاض وطحت يم رجليها جوريه دخيلج سامحيني ما اكدر بعد تئنيب الضمير
ماكلني معقوله اكون اني سبب طلاكج من فقار
جوريه كومتها من يم رجلي لا ارتاحي مو انتي السبب
مروه واني ابجي جا سامحيني جوريه انطيني فرصه اخيره ياريت تتفهمين موقفي وليش
سويت كل هذا
جوريه. مسحت ادموعها خلاص مروه اني مسامحتج صحيح مثل ماكلتي اني غلطانه بس
ماجان قصدي اسوي الي سويته ماجان قصدي اخليج تتعلقين ابمنتضر
مروه شبكتها مشتاقتلج ياجوريه والله مشتاقتلج كد رحمة الله أثر بيه حيل موت عمي علي
فكرت شلون حالتج بدونه بهذيج الفترا جنت مخطوبه وما خلاني خطيبي اجيج
جوريه مخطوبه ع الخير
مروه لا خلاص بعد الخطوبه انفصخت
جوريه لا ليش
مروه. كلش شكوكي ياجوريه يشك بكلشي حتى يشك بنفسه وغيرته زايده يعني مو غيره مرض
كلت اخلص منه قبل لا ابتلش وازوج
جوريه. الله يكتبلج نصيب احسن منه
مروه. سولفيلي ياجوريه شلي صار وياج وطلكتي
جوريه سولفتلها عن كلشي وضلت وياي تقرباً ساعه لحد ما اجت امها ورادو يرحون
جوريه اله صدك مروه شلون عرفتو عنوانه
مروه. هذا البيت لكبالكم بيت خالتي وانتي تدرين ابنت خالتي سميه الي فد مره اجتنه وكعدنه
كل احنه سوه تذكريها صح
جوريه اي اتذكرها
مروه. هي الي كلتلي صديقتج كاعده بهذا البيت شبه معجزه صح
جوريه. هههه لا تصير هواي
ام مروه يله الله وياج يمه اتضل عندكم العافيه سلميلي على منتضر هواي
جوريه الله وياج خاله يوصل
منتضر. هاي خبله لو شنو شنو تحبني شنو هلحجي هذا
جوريه التفتت عليه بسم الله انته وين جنت وشنو سمعت
منتضر جنت بالمطبخ عبرت من وراجن ماشفتني
جوريه. وشتسوي بالمطبخ تسمعلنه 😨
منتضر سويتلي استكان جاي سمعت طراطيش حجي
جوريه خطيه يامنتضر كلامها كله صحيحي اني الي خليتها تفكر بيك هي مالها ذنب
منتضر اممم على العموم هي ماتهمني كلش لاترجعين اتزرعين فكره براسها
جوريه اوك
منتضر جوريه اكو حضانه مال اطفال يردون مربيات شنو رايج تشتغلين اهناك مو الدكتوره
كلتلج اتواجدي ابمكان بي اطفال علمود تتحسن صحتج
جوريه ياريت بس خل اخلص العده باقيلها شكم يوم
منتضر تمام خل انه اقدملج
بعد مرور سنه ٣ اشهر عشنه هاي المده كل أتي
فارس وحوريه جانو مثل جدر ولكه غطا واحد لايگ لثاني لثنين ايحبون الضحك والمرح ويجمعهم
علاقة حب متينه والي جمعهم اكثر الولد الي صار عدهم الي عمره هسه شهر بس
فقار حياته مثل روتينها الاعتيادي ناشفه جافه مابيها غير الشغل والعشيره والكعدات جان
حبي بعده بكلبه بس جان يكابر ويكلهم نسيت و من وراهم جان يدور علي
منال. حملت مرتين ومات الطفل عدها جرثومه تقتل الطفل في بدايه الحمل يمكن هاي جانت
حوبتي لان مانقذتني من انياب امه اللهم لا شماته بس كما تدين تدان
سلاسل. الي ندمانه على منتضر وع كل يوم عاشت ويا بدون حب دائماً تذكره وتبجي لو يرجع بيها الزمن جا ما فرطت بي طبعاً خطبوها اكثر من مره. بس ماجان الها واهس
بالزواج وماتريد تغلط غلط ثاني تزوج شخص وكلبها وي شخص ثاني وعايشه على امل ان
بيوم من الايام تلكا وتقدمله كل عبارات الاعتذار عسى ولعل يسامحها شغلت نفسها بالدراسه
وصلت للكليه تدرس كلية أاداب لغه عربيه
منتضر خطب وحده جانت تشتغل وياي بالحضانه كلش حلوه وخوش بنيه حبابه بس اضن
منتضر لهسه ما متئقلم وياها بالمعنى الواضح لحد هسه مايحبها
مروه. صديقتي اتزوجت ولله الحمد رجال ايحبها وصاينها الله يوفقها
جدي سلمان. هو الثاني هم جان يدور علينه لان اشتاق الابوي ويريد يشم ريحته بينه الندم
سوه بي
اما اني. فبعد العده اشتغلت بحضانت الاطفال حالتي بدت تتحسن شوي شوي لاكن. تجيني
الحالات النفسيه بين فتره وفتره وتصير حالك الاكتئاب فجئه ورا فتره من الزمن خطبني حفيد
ابو فاطمه طبعاً اني كلش جنت رافضه الفكره ما احبه بس شسوي الكل ضغط علي من
منتضر وصديقتي وحتى خالتي زوجت عمو سراج جانت تتصل عليه كلتلهم فتره اذا ماحبيته
انفصل عنه والكل وافقو اني ادري بروحي ماراح احبه بس جان هو يمووت على الهوا الي
اتنفسه هو خوش ولد ومؤدب ودكتور مثقف وحجيه حلو بس ماعرف ليش ماحبيته وله اكلكم
اعرف اني بكلبي فقار راح تسئلوني ليش مارجعتيله لاء ما ارجعله حتلو حبه اكل كلبي اريد
احاول انسه هذيج الايام الي عشتها بهذاك البيت الحلوه والمره كلما اتذكر ابوي الي عافنه
وراح ألوم فقاروجدي لان دخلو حياتنه وماخلونه انكمل ايامنه وي باقي عمر ابوي ولا خلونه
نشبعه منه حرمونه وحرمو البسمه والفرحه حاولت اعود نفسي ع كلمة اني مخطوبه وابعد فقار
عن بالي. اجذب عليكم اذا اكلكم كدرت بس جاي احاول جنت محتفضه ابمسبحته الجوزيه الي
جانت على طول بجف ايده وتتغلغل اصابعه جانت هاي ذكره كلما اشتاقله اطلعها واحجي
وياها واشمها وابوسها ضميت المسبحه ابمكان بعيد عن ناضري وكلما اخذتني رجليه حتى
اطلعها احاول امنع روحي بكل الطرق اكثر شي التجئ للصلاة واستعيذ من الشيطان واكول
الروحي انتي مخطوبه ع العموم نرجع الحياتنه هسه الي بعد مرور سنه وثلاث اشهر
فقار. بيوم من الايام جنه كاعدين كل احنه على سفره وحده ونتريگ شويه واجت زوجة حميد
زوجة حميد شيخ هاي رساله يكول حميد اكو مره جبيره انطته هاي الرساله وكلتله هاي لشيخ
فقار
فقار بستغراب مره جبيره
زوجة حميد اي شيخ يكول مره مغطيه وجها وتمشي على عوجيه بعمر حبوبتك
جدة فقار. خايبه انه هازه كاروكج شحال لو من نمشي انه وياج يكولون اختها تهي بهي
الكل.😂😂😂😂
فارس. عايشه عمر شعيب النبي وتكول بعدني صغيره خايبه انتي مخضرمه عايشه القرنين
ام فقار. اسكت يافارس اسم الله عليهه عسى عمرها اطويل
جدة فقار. من اكوم انعنع ضلوعك هسه بالعوجيه هاي اشوف حجيك يضل نفسه لو يتغير ولو
انته ماعندك ضلوع كلك لحم
حوريه حبوبتي صلي ع النبي
جدة فقار. خايبه انتي سكتي وخلي بالج ابماعونج لا اكوم انعنعج ابدله
فقار الكل يضحك ويشولف وانه عيوني بالرساله الي صعقتني نص الرساله يكول(( شيخ فقار
ابنك عايش وهسه عمره سنه ونص انه من ولدت جوريه اخذت الطفل انه وبعته ع ناس اعرفهم
وهذا عنوان الناس. ياشيخ انه الندم مئذيني حيل والكوابيس مافاركتني من ذاك اليوم والله انتقم
مني وابتلاني ابمرض خبيث مرتك ماخنكت الطفل الي جبنا طفل ميت من المستشفى وهذا كله
تدبير عمتك ام منال اجت انطتني فلوس ورشتني وانه جنت بأمس الحاجزه للالف دينار شيخ
فدوه لاتفضحني انه بناتي ارامل ثنين وعدهن جهال ومالهن غيري بعد الله وانه ندمانه الدرجه
الموت وكافي الله جاي ينتقم مني ع السويته ))
فقار طبكت الرساله وانه ابلع بريقي ضميت الرساله بجيبي وكمت
فارس. ها خويه شبيك عسى ماشر
فقار باوعتله وانه ما ادري بي شنو جاي يحجي اصلاً وعفته ورحت
ام فقار كوم يمه فارس الحك اخوك شوف شبي
فارس كمت ورا شفته صعد سيارته ومارد علي صعدت سيارتي ولحكته
فقار وصلت يم بيت القابله دكيت الباب حسيته راح ينكسر بيد ي على كد مادكيته قوي
فارس هاي شبيك شيخ اشجابك هنا
فقار. مارديت عليه اجانه الصوت من ورا الباب منو
فقار انه الشيخ فقار انفتح الباب وطلعت النه القابله
القابله فدوه شيخ لاتفضحني انه مره اكبر من امك ادري انه غلطانه وكل الي تسوي بيه حقك
وضليت ابجي انه ضلمت لبنيه علمود شكم فلس بس شسوي محتاجه
فقار اتنفست بعمق شوفي. هاي رسالتج راح تشفعلج اهم شي هسه الكه ابني انه ما راح
اكلج سامحتج منا لحد ما الكا ويرجعلي
فارس. شنو الفلم فقار
فقار. طلعت الرساله وحطيتها بيد فارس واخذت القابله وصعدت سيارتي
فارس 😳اقره بالرساله وانه مصدوم ركبت السياره ورحت ع نفس العنوان
فقار شوفي ابني لازم يرجعلي وهسه ما اعرف ترجعينه الي يعني ترجعينه
القابله اي ياشيخ ابنك يرجعلك انه مطمنه من هذا الشي بس والله كله من ورا عمتك ام منال
هي الي خلتني اسوي فقار عمتي ام منال احسابها بعدين اهم شي ابني هسه وصلنه للعنوان دكينه الباب طلع النه
ولد شاب عمره تقريباً ٢٥ سنه
الولد نعم تفضلو
فقار السلام عليكم انه الشيخ فقار ال،،،،،،
الولد يا اهلاً وسهلاً شيخ حياك الله تفضل تفضل
فقار دخلت ودخلت القابله وياي شويه واجه الولد وبيده استكان جاي
فقار ماتقصر ياخويه انه ماجاي اشرب جاي
الولد كول شيخ شلي جاي عليه اذا اكدر اساعدك
فقار ا بتوتر اي تكدر انه من قبل سنه ونص تقريباً زوجتي ولدت عند هاي القابلة وكالت ابني
مات بس الصدك هو عدكم باعته الحرمتك نزعت اعكالي وخليته ع الطاوله اريد ابني ياخويه
تمرمرنه عليه انه وامه
الولد كمت واخذت لعكال لا ياشيخ محشوم انته ماتتوسل واذا هذا ابنك يرجعلك بس خلينه نتئكد
فقار اي نتئكد هسه خل انروح نسويله تحليل DNA
الولد صار ياشيخ جبت الولد واجت حرمتي تبجي وراي وين ماخذ ابني
الولد. باوعي زين هاي الحرمه الي شتريتي منها الطفل
البنيه اي هي نفسها انطتني الطفل وسلمتها لفلوس ليش اشصاير وين ماخذ ابني
الولد هاي القابله نصابه هذا الرجال ابو وهي كايلتلهم ابنكم ميت وباعته علينه
البنيه😱يعني راح ياخذون ابني من عندي
الولد. اذا اثبتنه بالتحليل ان هو ابو فهذا حقه ولازم تتحاسب القابله
شيخ فقار. حجيت وانه غاض بصري خويه اذا ع الطفل اتكدرون تشوفونه بأي وكت ما احرمكم
منه بس هذا ابني ونشلع كلبي عليه واذا تردون تتبنون دار الايتام متروس امشو اتخيرو وعلي
فلوسه وفلوسكم الي دفعتوها ابئبني مرجوعه اضعافها والقابله احسابها وياي انتم مالكم علاقه
الولد امشينه شيخ يصير خير
فقار وبالفعل جاب الطفل ماصدكت من شفته اخذته بحضني وانه اباوع بعيونه واتلمس بخده
جان يشبهلي هواي مالزمت نفسي حضنته حيل وبوسته متئكد هذا ابني وينج ياجوريه تعالي
شوفي. ابنج اشحلاته تعالي فرحي وياي (())
اخذنه الطفل وطلعنه بره ولكيت فارس ينتضرنه
بالباب اول ماشاف الطفل بيدي ضحك
فارس. هذا انته فقار سبحان الله تعال بويه تعال اخذت الطفل وانه ابوس بي
فقار. بعدين يافارس اخذت الطفل خل انروح نسوي DNA
فارس. وعليمن التحليل بس الغبي مايميز هذا ابنك لك شوف العين والحاجب هذا انته شايل روحك
فقار ابتسمت ع حجي فارس ميخالف نگطع الشك باليقين اخذنه الطفل وسوينه التحليل وكالو
بعد يومين تعالو ع النتيجه
الولد خلي اليوم يمنه ياشيخ انودعه
فقار كسر خاطري الولد هو وحرمته الي بس تبجي ماجان ابدي انطيهم ابني بعد مالكيته
جنت اتمنى اخذه وياي واشبع منه بس لا مساكين هم ربو سنه ونص هم تعبو عليه كتله ولا يهمك خلي يمك
الولد خذه ابني
ورجع البيتهم زوجته حيل فرحت
البنيه ها شنو بعد ما راح ياخذه
الولد لا احنه انجذب ع روحنه هذا ابو هذاك هو مبين
البنيه. خل ناخذه ونشرد شلون راح نتحمل فراكه شكلت محد راح يعرف بينه
يتبعً،،،،،،
