فارس اطلعت انه بالسياره انتضرهم شويه وطلعن ماشاء الله البنات سبعتهن وامهن بس ميزت
حبي من بيناتهن جانت امبرگعه وحقها تتبرگع اخاف عليها من عيون الناس وحتا من عيني
صرت خايف عليها شايله الجمال العربي والبدوي
فارس حياج خاله حياج نزلت فتحت باب السياره الامامي حتى تكعد ام حوريه
ام حوريه مشكور يايمه ربي يسهلك كل خير ويبعد عنك كل شر
فارس. مشكوره ياخاله والله محتاج دعائج حيل
ام حوريه وانه ماتاركتك من الدعاء ياوليدي الله شاهد يوميه ادعيلك بصلاتي
فارس كعدت ام حوريه وبتها لصغيره بحضنها والباقيات ورا طبعا بدون ماتلاحضني ام حوريه
خليت لمرايه مباشرتاً على عيون حوريه الذبلانه جنت كل ما اباوع الهن ابدي اصرخ واكول ياعالم
ليش تعذبون الورد والمثلها المفروض ماتمشي ع الكاع وانه لو يصحلي اشيلها على امتوني
وماخلي رجليه تلامس الكاع
وصلنه المستشفى خاص نزلنه كل احنه التفتت على ام حوريه وكلت
فارس خاله ام حوريه انتي خليج اهنا انتي والبنات وخلي حوريه هي وهذيج اختها لشوي
جبيره يدخلن واني وياهن لان تعرفين لازم وياهن رجال عيب بحدهن يدخلن وفشله كلحنه ندخل
للمستشفى مثل الهداده وبعدين انتي شكلج كلش تعبان ارتاحي انتي والبنات اهنا
ميساء 😳همست الحوريه يمه يمه شوفي ماخله شي ماكاله سد كل الابواب بوجه امي
حوريه😍الله يحفضك الي حبيبي
ام حوريه بس ياوليدي خاف مايدبرنها بس هن ثنيناتهن وهاي حوريه امطفيه كلش لا تشوفها هيج
ميساء لايمه شسالفه مو هذيج المره رحت بس اني وياها وابوي
فارس اي خاله وبعدين انه وياهن زلمه شكبرني الاذا ماعندج ثقه بيه
حوريه ميساء😯😯
ام حوريه لايمه حشه والحشه عن الف يمين لوما اثق بيك ماجان اجينه وياك يايمه روحو انه
اضل اهنا وكفو منك
فارس 😎سويتها واخذت ميساء وحوريه
فارس. ميساء من رخصتج شوي
ميساء اي ادري ادري اصلان بدون ماتكول اني جنت راح اتبعد شوي
فارس. مشكوره
ميساء تبعدت عنهم كعدت ع كرسي
فارس اخذت حوريه واعتزلت عن الناس شوي شلت البركع مالتها كلبي انكسر من شفت وجها
ليش حوريتي ليش هيج صاير وجهج عساها انكسرت ايده كون قبل لا يمدها عليج ولج اشلون
انطا كلبه يطك هذا الوجه الحلو
حوريه😔
فارس. لا ياكلب فارس لاتضوجين شوفي راح اكلج كلمتين اريدج اطبقيهن الي بالحرف
حوريه. كول ياهواي انت كلشي دكوله اني اسوي بدون تفكير
فارس اويلي حوريه لاتحجين هيج ترا اصرخ واكلهم والله احبها والم الناس عليج
حوريه☺️
فارس فدوه رحت للخجلان.اما بعد شوفي انتي مو كلتي ان ابوج مخطط يزوجج الي هسه
ترحين وتكليله فارس راح يتزوج سمعته يحجي بالتلفون ويكول راح اخطب كليله استعجل
بالخطه وكللهم بنتي طابت على عيب وصارت عرجه وكليله خل ايزور تقارير وناخذها الهم كليله
لو هذا الحل لو تفلس ترا وماتشوف شي من خيرهم
حوريه. شلون ياشيخ ما اكدر هذا صدك طماع ترا وناويلكم على شر
فارس. خايبه دولي ولج احنه شيوخ بيت سلمان وهذا رجل امج الزعطوط مايكدر علينه وهسه
يارويحتي طبقي كل الي كتلج عليه
حوريه. بس انت سمعت امي كالت علي مطفيه والله ما ادبرها ما اكدر احجي ويا هيج
فارس. اخ منج صدك مطفيه ولج هذا الشي مصلحتنه بس واله اكلج انتي مامنج فايده انه
اعرف منو يسويها واشرت الميساء واجت يمي وكلتلها ع الخطه طبعا ميساء كيفت تحب هيج سوالف
ميساء تدلل ياشيخ هذا الشي بي خلاص حوريه من هذا العذاب واني ماراح ابخل عليها
فارس. كفو منج ياطيبه هسه يله روحي رجعي المكانج كعدي
ميساء. يخايب ماخلصتو خل ندخل ع الطبيب لاتجي امي
فارس. ولج هو هلشكل ينشبع منه ابدي اكابلها العمر كله وهم ما اشبع
حوريه☺️
ميساء. اي حقج حقج هو اني خجلت انتي ماتخجلين وعفتهم ورحت
فارس. هاي اختج طيبه كلش الله يخليها الج
حوريه. بالرغم هي مو اختي هي بنت زوج امي بس والله عمرها ماخشنت خاطري بكلمه الله يخليها الي
فارس. ويخليج الي
حوريه فارس كافي خل ندخل الدكتور لاتجي امي
فارس. يله دخلنه للدكتور وخربت ضحك عليها الدكتور يريد ايدها حتى يقيس الضغط وهي وماترضى تنطي
حوريه. عيب يادكتور شلون تجيسني حرام هذا الشي
الدكتور😂والله خربتيني ضحك بس منو كلج حرام انه دكتور واريد ايدج ما الزمها والله وهذا زوجج شاهد
حوريه فلا انطيك اياها والله شنو تقبل واحد يجيس ايد اختك لو مرتك
فارس😂 بويه حوريه هو مايسويلج شي انطي ايدج من فوك العبايه
الدكتور😂هاك خويه هاك شد انته الها الجهاز
حوريه. وحتلو هو شنو يجيسني قابل هو ابوي لو اخوي لو زوجي
فارس اي بس اني خطيبج عادي حجيتها بالكوه ضجت من احجايتها كلش سحبت ايدها
بالكوه وسديت الها الجهاز
حوريه باوعت لعيون فارس شكله غيم كلش دهر يدهرج حوريه شبلاج وحجيتي هيج
فارس كمل الدكتور الفحص وكتب النه ع ادويه نشتريها من خارج المستشفى
فارس. يله كومي اخذت الوصفه وطلعت قبلها
حوريه صحت عليه فااارس فاااارس
فارس رجعت الها اصصص وكص شبيج اتصرخين كاعدين ابيت ابوج احنه ماتشوفين عالم حوريه. عزا العزاج حوريه اسفه ياشيخ والله نسيت روحي ليش زعلت ياهواي والله ما قصدي
بس انه ما احب واحد يجيسني
فارس. حوريه انتي جرحتيني بحجايتج اعتبرتيني لاشيئ بعدين واذا شديتلج الجهاز انه
مالمستج حتى ومو بس انتي ماترضين انه ما ارضى ع روحي اجيس اضفرج اله بالحلال
ورحت عنها
حوريه. لحضه ياهواي انت انه ما اكدر امشي شلون خليتني ورحت ماغير اتماشيني
فارس رجعت الها ولج جذاب انه ما اكدر ازعل منج ترى واذا اجه يوم وكتلج انه زعلان عليج تره
ومو من كلبي
سميتك نفس لوينگطع ما اعيش
وسميتك حبيبي وروحي سميتك
عفت الناس كلها وماعشكت انسان
بس انت اعجبتني وحيل حبيتك
اعز مني عليه وغالي عالروح
وعليك اجذب اذا فديوم مليتك
طلعنه من المستشفى ورحت ع الصيدليه اشتريت الها الدوا واخذت البنات
الصغار لسوبر ماركت وكلتلهن اشترن شنو تردن واشتريتلهن ورجعنه لسياره وقبل لا اصعد
بالسياره جنت اصعد بالبنات همستلي حوريه
حوريه كافي يافارس صرفت اهوواي علينه
فارس همست الها بنفس الصوت ولج لو ادري افلس مستحيل احرمهن من هاي الفرحه وبعدين
انه خيري هواي وكله فدوه لتراب رجليج
ميساء طكيت كصتي وهمست الحوريه شبيك ياحضي الاغبر شوفلك واحد مثل فارس حضي
حوريه امين ياربي
فارس وصلتهم ورجعت على بيتنه خليت ابو حوريه يتئمل لفلوس الي راح انطيهن اياه وانه
ضربته بوري
ميساء. رحت الابوي كعدته من نومه مفزوعه وجوريه تضرب على اخدودها اتكلي لا لا لايكتلج
ابو حوريه ها ها وزحير وسم شبيج
ميساء بويه الحگ اسمع الصاير
ابو حوريه شصار ولج احجي عساج مانطگتي بعد
ميساء مقبوله منك بويه بس انه سمعت شيخ فارس استوه يخابر صديقه مادري اخوم المهم
ويكله انه انشاء الله ورا العيد اروح اخطب هاي لبنيه الكتلي عليها تدري بويه شنو يعني هذا الحجي
ابو حوريه وهو تحت تئثير النوم وشنو يعني
ميساء. بويه صحصح وياي يعني راح عريس حوريه وراحت لفلوس علينه وراح كل الخير بويه
انته مو كلت راح الطش هاي العوبه بروسهم واكلهم طابت على عيب حتى يتزوجونها بويه عجل
بهاي خطتك ترا يروح كلشي من ايدينه اني كتلك
ابو حوريه لاه وانه ابن صنگور بس لا ماراح اخلي هذا الشي يصير انه ورا العيد ثالث يوم
العيد رايح الهم ومسويلي طلابه يم شيخ سلمان
ميساء ابتسمت ابمكر تم التنفيذ كمت رحت الحوريه وهي الخوف كاتلها كتلها شبيج يحضي
خايبه تم كلشي فرحي فرحي راح اتصيرين مرت الشيخ اشعليج وتكعدين بذاك القصر الي
انشوفه بالاحلام بس عيني عليج بارده
حوريه ابفرح صدك ميساء كلشي تم واصير حرمة فارس وحلاله ولج والله مايهمني لا القصر
ولا لفلوس خايبه اقبل اعيش وي فارس لو بصريفه
ميساء الله يتمم على خير
قبل انتهاء رمضان ب٣
جوريه جنت كاعده بغرفتي ارتب بيها ودخل علي فقار
فقار سلام
جوريه وعليكم😒
فقار كعدت ع الجربايه كلتلها تعالي
جوريه اتفضل احجي اسمعك
فقار لا تعالي كعدي يمي
جوريه. كتلك اتفضل احجي
فقار 😡جريتها من ايدها ودفعتها ع الجربايه حيل انه من اكلج اتكعدين يعني اتكعدين
جوريه. مباشرتاً دمعن اعيوني وردت ابجي
فقار لا لا تبجين جوريه انه مو كايلج ادموعج يوجعني عذريني اذا خوفتج سمعيني يالحبيبه انه
ثاني يوم العيد راح اتزوج بنت عمتي منال انتي تدرين انه خاطبها من سنه
جوريه. الشعور الي اعتراني بهاي الحظه الله لا يراوي الكل ابنيه حسيت بنفسي تطلع اتمنيت
اصرخ واكله لا فقار انت الي مو الغيري اتمنيت اكله لاتزوج بس ضروفي حكمة علي ان اسكت
وابلع الغصه واكله الف مبروك واني ايدي على كلبي
فقار جوريه شوفي طلعت بطاقة العرس من جيبي شوفي حتى الموعد اتحدد بس اقسم بذات
الله لو انتي هسه كلتيلي لاتزوج بس هاي الحجايه تطلع منج الغي كلشي واخرب العرس على
الخطبه على اهلي
جوريه. ضليت ابجي ابحركه
فقار اي جوريه اي كليلي لاتزوج جوريه هاي دموع شنو جوريه حاجيني جوريه بسج
جوريه مسحت ادموعي واني بالكوه احجي امسحن ويرجعن يطيحن لا فقار هاي ادموع
حرماني انت حرمتني من الحياة من اخذتني
فقار. دنكت راسي ورجعت رفعته اتنهدت جوريه عذبتيني بس اطلع من هذا الباب بعد ما ارجع
فقار الطيب وما اترجعين انتي الحبيبه انه تعبان واريد ارتاح
جوريه موفق حجيتها ومادري شلون طلعت من حلكي اكيد طلعت من شيطاني مو من عندي
فقار. ضميت البطاقه بجيبي وكمت طلعت من الغرفه
جوريه مجرد ما طلع من الباب كمت من الجربايه ركضت ع الباب اتمنيت اوكفه لحضه صرت ع
الباب ابجي بصوت وبحركه فقار فدوه ارجعلي فقار احبك فقار اهواك انه وضليت ابجي
وابجي لحد ما صارت الساعه ب ٢:٠٠ باليل نمت واني كاعده وخاله راسي بين رجلي كعدت
الصبح لكيت روحي نايمه ع الجربايه وفقار نايم يمي بس من الطرف الثاني كالعاده
ومتغطي الوحده كعدت وجانن اعيوني كلش توجعني ركضت ع الدشداشه طلعت البطاقه اذا
جان حلم او حقيقه لزمتها بيدي وعصرتها حيل اتئكدت هو حقيقه واني اباوع يتشرف الشيخ
سلمان بدعوتكم حضور حفل زفاف نجله الشيخ فقار اخ يافقار اي هذا اسمك يعني حقيقه بلا وعي شككت البطاقه
فقار ليش
جوريه. 😭فقار طلكني
فقار كمت من الجربايه واجيت يمها كلتلها لاتخافين اطلكج بس ليش شكيتي البطاقه
جوريه. ما ادري المهم اني شكيتها 😢
فقار ع العموم حتى لو جان ردج غير رد مستحيل اتراجع عن الزواج بعد ومستحيل راح
ترجعين انتي اميرة كلبي
اذلك والله اذلك
وچلمة حبيبي بعد ما اكلك
راح اعذبـــك راح اتعبـــــك
راح اخليك تعشكني كــلك
وتردلــي وانه اصـــــــــدك
اذلك كتلك اذلك
بقلمي #مولاتي_يازينب👆🏻
يتبع،،،،
