فقار صار
منتظر ااااخ شكد كرهته تمنيت احط سجينه بوسط كلبه واخلص منه ااااخ ياجوريه يابعد
اخوج حاس بزعلج بس والله والي اسمه الله اذا مس شعرايه وحده منها مايريحني غير دمه
السايل
جوريه طلعوا رحت غسلت وجهي حتى لايبين اني باجيه
علي هاابابا جوريه
جوريه ببتسامه مسطنعه هاابابا شكو
علي اكلج مبروك يابنيتي لو
جوريه قاطعته اي بابا ليش حتى ماتكول
منتظرجذابه جوريه مغصوبه على هذا الخسيس
علي لابويه لاتكول هيج ان شاءالله ماتشوف غير الخير بحياتها ترى فقار زلمه مامنه ثنين لايغركم
شكله القاسي الجوز شكد صلب من برى بس يامطيب داخله
بعد مرور يوم كامل جان يوم كئيب بنسبه الي ماجنت حابه اتزوج من الاساس جنت رافضه
الفكره انوب يجيني واحد حتى بأخر تفكيري مجان موجود
منال. بابا شلون تسمح بهذا الشي يصير احجي واني ابجي لا ومنو بنت ال،،، ياربي فقار
زوجي زوجي اني
ابو منال. بسج بابا. يعني شسوي. هذا شيخ وافعاله محد يمليهن عليه لا والحجي سلمان
سانده وحجايته ماشيه ومسموعه وبعدين يابنيتي هو مايحبها عنده غايه ومصلحه
عمتي ام منال. اليوم مايحبه باجر تضمن هذا الشي لا والي يقهرك ياخذ وحده شالها رحم
الحرام. بس لا رايحه احجي وي ابوي
وباالفعل راحت عمتي وبنتها منال البيت الحجي سلمان
فقار. جنه كاعدين باالديوان انه و جدي وفارس وعمي عيدان وابنه احمد وعمي رحمان. و ولده حارث
وقسام وجانو قبل اشوي طالعين من عدنه زلم جانت عدهم مشكله ثار ودم وبفضل الله
حليت الهم مشكلتهم ورضيت كل الطرفين
عيدان. والله وكفو منك شيخ فقار حجيك معدل ومايرجح ابميزان
فقار تسلم يعمي وفجأه دخلت علينه عمتي ودموعها ع خدها
حجي. سلمان. خيررر يبنيتي شبيج مدرعمه
عمتي ام منال. اسفه بويه بس الخبر السمعته شدهني
حجي. سلمان. وشلخبر الي سمعتي وخلاج امدوهنه ونسيتي روحج ودخلتي للديوان بدون اذن
فارس بصوت هامس خطيه عمتي جا وين راحت اذنها وجايه بتك اذن
فقار سمعته وباوعتله نص عين وبكلبي الضحكه
ام. منال. بويه صدك فقار اتزوج بنت علي على بنيتي بنت الاصول لا ومنو الي اخذها ابنيه
شالها رحم الحرام
فقار. قاطعتها بصوت جهوري الي يخترق اذان الجدران ((بسم الله الرحمٰن الرحيم :وانكحو ماطاب لكم من النساء مثنى وثلاث ورباع :صدق الله العضيم))
اول شي انه مامسوي حرام ياعمتي وثاني شي هاي الي تحجين عليها صارت زوجتي
ومومن الاصول تحجين ع زوجتي ابمحضري واذا سمعت هاي لحجايه من اي بشر اكص
السانه لو منو يكون لان هاي صارت عرض الشيخ فقار
ام منال. بس ياعمه ابنيتي
فقار. قاطعتها عمه بنتج ابطن عيني لاتخافين عليها
ام منال. بس هي بس تبجي وكاطعه الزاد (الاكل)واني خايفه عليها
فقار. دلع بنات ياعمه يوم يومين وتقنع
ام. منال. زين شيخ روح احجي وياها
فقار احجي ويها بس بعدين عيب اعوف جدي وعمامي علمود اراضي حرمتي
طلعت عمتي وشكلها ضايجه كلش
فارس بهمس. خربت جبهت عمتي حرام عليك سويتها طشار كله من العيار الثقيل
حجي سلمان. روح يوليدي روح شوف حرمتك
فقار. صار شيخ ورحت دخلت البيتنه شفت منال تبجي وامي وامها يسكتن بيها
فقار منال تعاي وراي
منال. مسحت ادموعي وكمت واني زعلانه منه دخلت للغرفه جان كاعد ع كرسي خال ايدي جوه
راسه ورافع راسه ليفوك
فقار باوعتلها ليش تبجين
منال. جاي تسأل كأنما ماتعرف ليش
فقار. اول شي حاب اذكرج حبيبتي منال الشرط الي وافقتي عليه قبل سنه
((نعوود بزمن قبل سنه من الان))
منال. ااا فقار
فقار هله منال كولي بنت عمتي محتاجه شي
منال. احجي واني اعصر باأصابعي اا فقار اني فكرت اهواي،، كلش اهواي قبل قبل ما
اجيلك،، واحجي هذا الحجي وادري بيك متفهم واعي وماراح تفكر غير تفكير ،،،
فقار. خوش بنت عمتي كملي
منال. فقار. ماعرف اشلون اكلك اني،،
فقار اخذي راحتج منال واحجي
منال. شيخ اني احبك ،، اي احبك من زمان من زمان كلش لاتعتبرني جريئه بس اني خفت
لاتتزوج وحده غيري واتعذب اني كلت خل اصارحك واخذ فرصتي وياك ودنكت وتضل يمك اذا تريدني او لا
فقار ابتسمت ودنكت راسي ورجعت رفعته والله ما ادري شكلج يا منال بس تدرين انه ليش
الهسه بدون زواج وعمري وصل ٣٠ لان اخاف اضلم وحده وياي
منال. شيخ حشاك انت مو ضالم
فقار لا منال مو هيج بس انه ما احب واحد يدخل ابحياتي وافعالي انه افعالي بس انه الي
اقررها وما اتحمل واحد يقرر وياي او يشاركني ويعارضني وهل قانون ماموجود باالزواج لان
الي ادري بي الزوجه تدخل ابأمور زوجه يعني مشاركه هو حلو بس انه بنسبه الي تقييد
هيج من الله هذا تفكيري اخاف اضلمج وياي وله انت يا منال جوهره مكنونه الف واحد يتمناج
منال بخجل. شيخ اني قابله وموافقه ما ادخل بااي شي من قراراتك والله ما ادخل
فقار. منال انتي متأكده ترى انه ما اريد بس حجي ولا اريدج اطبقين يوم ويومين وبعدين تنسين
منال. لا شيخ. اني جبيره وفاهمه واعرف انت شنو ومستحيل يكون بس حجي
فقار. تتحملين مسؤولية حجيج هذا
منال. اكيد
((نرجع للوقت الحاضر ))
فقار ها اتذكرتي
منال. اي بس ياشيخ ما اتحمل تاخذك وحده مني يعني شلون اشوفك وانت اتنام يمها او تكول
الها حبيبتي او تصير ام جهالك
فقار مسحت ادموعها لاتبجين مايهون علي اشوف ادموعج ماراح يصير شي من الي كلتي
اني ماخذها مصلحه اسويها وبعدها اعوف لبنيه اتشوف حياتها والي تكولين عليها ام جهالي
هي انتي ماغيرج
منال. واني الزم جفوف ايديه وهنه ع خدي صدك يافقار
فقار صدك ياحرمه فقار بس. اريدج تريحيني وماتعذبيني خليت راسها على صدري
منال. احبك يابعد كل اهلي وناسي
فقار مسحت على شعرها
جوريه
اجتني مروه هي وامها عساس يجهزني للعرس
مروه يله جوريه امشينه نشتري اشكم شغله اشكم قطعه الج
جوريه مالي نفس والله مالي نفس
مروه. يله يمعوده امرج الالله بس خوب ماترحين ابملابسج هذن ترى هذوله بيت شيخ سلمان اهل
الفلوس اهل العز شنو ترديهم يكولون
جوريه. شلفايده اهل عز وتفكيرهم همجي ارعن متخلف
مروه. الله كريم مثل ما وصيتج لاتطخين راس اكيد هسه كلهم مايردوج بحكم العداون بس انت
صيري اعله منهم شان ولاترضين باالذل والهوان
جوريه. لاتوصين حريص
مروه. يله هسه امشينه امي تنتظر بلبيت
جوريه. لبست ورحت وثلاث ساعات نشتري ندخل الارقى المحلات طبعا هذا تفكير مروه
وتختار احله الموديلات لان اني مالي نفس وبعدها استلمني حف وسوالف العرس واني امبوزه
ماجن باجر زواجي جن باجر اجنازتي تطلع
علي. بابا منتظر خل انسويلك حفله اصغيره
@ttoootto
بيناتنه وجيب لمريتك بدله
منتظر. بويه اني زين من اشتريت الها غرفه اتريدني اسويلها حفله وهما ماخذين اختي
بعبايتها اختي وحيدتي ودمعتها ع خدها ليلة عرسها
علي بس سلاسل مالها ذنب ياابوك
منتظر ادري بويه بس شسوي ضايج على جوريه ما اكدر اسوي
علي. زين وديلها بدله بلا حفله
منتظر اتنهدت الخاطركً بس بعدين من تجي جوريه اروح انه وياها انجيب بدله وادزها بيد
واحد يوصلها الهم
جوريه رجعنه من السوك الساعه ٧ ورى اذان المغرب دخلنه العلاليك مشكوره يا خالتي تعبتج
ام مروه. لاتعب ولاشي حبيبتي اي شي تحتاجينه كولي بنيتي يله مروه
جوريه خاله خليها بعد شويه يمي خل اشبع منها ماعرف اشلون راح افاركها
ام مروه. يله خليج على الساعه عشره اجي اخذج
مروه صار. رحنه صلينه وبعدها دخلت للمطبخ احضر العشه ودخل علينه منتظر امدرعم
حسباله بس اني وحدي
منتظر درت وجهي رئساً لان لبنيه بدون حجاب اسف خويه
مروه ركضت لبست الحجاب لا عادي لاتتأسف اني غلطانه
جوريه ههههه خوب مشفت شي
منتظر لا ماشفت بس كوشه
مروه ههههه
منتظر اكول جوريه ابوي يكول انروح انأجر السلاسل بدله مال عرس ولو انه الود ودي ما
اشتري بس ابوج اذا لح اكبر واحد مايقنعه
جوريه اي خويه مابيها شي خطيه سلاسل بعدها اصغيره ولازم تلبس بدله
منتظر اتحسرت وانتي مو اصغر من عندها
جوريه دنكت بعد شسوي ياخوي ابتسمت ورفعت وجهي الحمد الله والشكر انطيني تليفونك
اخابر ع ام مروه اكللها ناخذ مروه ويانه
منتظر هاج واني انتظرج بره
جوريه خابرت ع ام مروه وستأذنتها طبعا ما عارضت ابد ورحنه اني ومنتظر ومروه بس لاحضت
يتبع،،،،،
