سرى. اتصلت على اخوي فقار وكتله خويه محتاجتك بشغله ضروريه خبر لازم تسمعه
فقار اي باليل امرلج
سرى. لاخويه الشغله كلش ضروريه ماتتئجل وياريت اتجيب ابنك زيودي وتجي مشتاقيله
فقار. مايصير ورا الغدا يعني
سرى. اذا ماعندك شي مهم ياخوي تعالني هسه
فقار ربع ساعه ويمج انه
فقار كلت الحوريه تلبس زيودي دشداشه وغتره وعگال وطلع شيخ وابن شيوخ
حوريه عين الله تحرصك حبيبي خويه فقار اقراله المعوذات وكلساع صلي على محمد ولاتنسى
تقرا اية الكرسي
فقار ماترديني اختملج القرأن بعد
حوريه والله ياريت اذا تكدر
فقار خرب حضك فارس جابلي نسخه من عنده بالبيت كلتلها انشاء الله انشاء الله
حوريه اله اكول شيخ انته وين رايح
فقار ليش بتعجب
حوريه حتى اعرف المكان يحسدونه لو مايحسدونه
فقار ضحكت كلتلها البيت سرى
حوريه ها سرى خوش انه راح اخابر ع سرى اكلها تقراله المعوذات
فقار خوش وبالمره سوي اعلان ع العشيره خل نقرا المعوذات جماعيه
حوريه والله ياريت بس ما اكدر اطلع واحجي وي كل هلناس انته تكدر
فقار انتي من كل عقلج تحجين لو تشاقين
حوريه ههههه لا اتشاقه شيخ
فقار حجيت وانه رايح الحمد الله تشاقين جان ذبحتج اهنا على هذا حجيج واخذت زيد
صعدته للسياره ورحنه وطول الطريق وهو يلغي حجي مامفهوم وانه اباوعله وابتسم كلساع
وصلنه ع بيت سرى شلت زيد ونزلنه دخلت سلمت عليهن وهنه استلمن زيده بوس وحضن
وماشاء الله طالع شيخ
سرى. تفضل ياخوي
فقار وهاي كعده كولي ياخويه شعندج شنو الموضوع الضروري الي مايتئجل
سرى. شيخ يالصدفه عرفت ان ابني بنفس المدرسه الي بيها منتضر ابن عمي علي الله يرحمه منتضر اخو جوريه
فقار. حجيتها بحماس. اي وين مدرسته ابنج
سرى خليني اكملك. مدرسته قريبه منا وجوريه. تشتغل بحضانه قريبه للمدرسه كلش
فقار. شلت زيد يله سرى لبسي عباتج وتعاي وراي
سرى ثواني لبست عبايتي وطلعت ورا
فقار. جان بداخلي شعور لا يوصف شلون راح اشوف جوريتي ياترا ابنيتي شلون صايره
شلون راح اشوفها وشلون راح اكلها هذا ابنج وشلون راح اعتذر الها عن الايام الصعبه
العاشتها وياي الطريق كله وانه افكر وامشي على وصف سرى وصلنه للمدرسه
سرى اعتقد هذيج الحضانه
فقار اخذت زيد ونزلت انتي انتضريني اهنا
سرى. صار
فقار. امشي بخطوات احول اكبر مسافت خطواتي حتى اوصل اسرع واشوف بنيت كلبي
وصلت ع الحضانه ومنعوني ادخل كلولي انته ماعندك طفل اهنا ومايدخلون الغربه اهنا
فقار انه جاي اخلي ابني بهاي الحضانه انه من معارف جوريه
مديرة الحضانه اها اوك امليلي هاي الاستماره وبعدها خلي وتكدر تجيله كذا وقت
فقار ميخالف اشوف الحضانه قبل ما اسجله اهنا اريد اطمئن عليه
المديره اي هذا حقك وصحت العلياء
علياء نعم مديرة الحضانه اخذي استاذ فقار وراوي الحضانه
علياء. صار استاذه اتفضل استاذ فقار
فقار. مشه كلبي قبل رجليه سمعت صوتها وهي اتغني وي الاطفال الي شويه كبار وهم يغنون
وياها اي هذا صوتها ياربي راح اشوفها بعد كل هذا الحرمان شلون راح اشوفج جوريه شراح
اسوي من اشوفج لو ما العيب اشك صدري وادخلج جوه
علياء. وهذه غرفة رقم ثنين للاطفال الي شوي اكبر من ابنك
فقار شفت جوريه وهي مانتبهت علي
فقار لحضه شوي دكيت الباب حتى تنتبهلي
جوريه. التفتت اتجاه الباب جمدت ابمكاني اكيد اني جاي اتخيل
فقار. جوريتي حجيت بهمس
علياء جنت اباوع لرجال وارجع اباوع الجوريه جانو لثنين عباره عن تماثيل واحد يباوع ع الثاني بدون ميرمشون
جوريه. اتقربت اتجاه الباب اريد اتئكد اذا اني اتخيل لو لاء
علياء هذا استاذ فقار اجه يشوف الحضانه حتى يسجل ابنه اهنا
جوريه ف ف فقار حجيت بنفسي ااخ اشسويت بكلبي بجيتك هاي هيجت براكين حبك الي
عمرها ماخمدت عيونك نفس عيونك ونفس طولك ونفس ذاك وجهك كتله انته فقار
فقار اي ياجوريتي اتنفست ابعمق مشتاگلج يابعد كلهم ،،جوريه تعبت وانه ادورج اسئل كل ذرة
اتراب اذا رجلج مشت عليها لو لاء جوريه حرمتيني الحياة من رحتي غيرتيني كلش قسم اني
ماضكت راحه بنومتي ولالذه بأكلي ولا ونسه بكعدتي من بعدج خذيتي كلبي ورحتي
جوريه نزلت ادموعي كافي يافقار
فقار لا بنيتي لا لاتبجين انه مو كايلج ادموعج يوجعني
جوريه ليش اجيت فقار انه شردت من حبك
فقار. اجيت لان ما اتحمل بعد هلدنيه من بعدج انه مثل سفينه ضخمه شايله كلشي على
اجتافها مع كل السعه وضخامه هاي بس بحاجه اشراع وهاي انتي بالنسبه الي انتي نقطة ضعفي ياجوريه
جوريه رفعت ايدي بوجهي شوف يافقار شوف هاي شنو هاي 💍سجن سجنت روحي بي وكلبي
وياك بس اختاريت السجن على اني ارجعلك تدري ليش لان تعبني حبك من يوم الدخلت ع
حياتي انعفست بين الحب والقهر والعذاب
فقار. باوعت للحلقه بدهشه وهي تفر بيها ابصبعها وخاله ايدها اكبال وجهي ،،عكدت حواجبي
وباوعت بعيونها منو ياجوريه منو. ياخذ مكاني منو الي فضلتي عليه معقوله ينام بحضنج رجال
ثاني بعد ماجان هذا مسكني وملاذي الي اتنفس بي وافرغ بي همومي وهاي الايد لزمها
غيري ونحطت بيها حلقه مو مني سكتت شوي استوعب الحجي وبعدها حجيت حتا ادارك
كرامتي ،،،على راحتج جوريه انه ما اذل روحي ليبيعني برخص انطي ابلاش
جوريه هه على فكره عمره كلبي ماباعك وكلما يمر الوكت بي يزيد ثمن حبك بكلبي بس اني
لازم انسه حبك تعبني هواي هواي يافقار خربصلي كياني غير حياتي ومرضني الايام المريت
بيها كفيله اتخليني اسوي كل هذا وما نسيتك ولا راح انساك بس هذا افضل النه
فقار دنكت وجهي ابتسمت وباوعت الها مبروك يابنيتي وشايفه كل الخير وبلفعل هذا افضل
النه شفتي ابني اسمه زيد شلته وخليته ابمستواها
جوريه الله يخلي الكم
فقار ماراح تبوسينه انصحج بوسي بلكت يعوضج عن ابنج الراح منعندج
جوريه بسته بيده وبخده ماعرف شلي خلاني احب هذا الطفل وكلبي رف عليه مندون كل هاي
الاطفال اليمي
فقار اخذت الطفل ورحت
علياء شنو استاذ فقار راح اتخلي يمنه الطفل لو لاء
فقار. كملت طريقي ومارديت عليها رحت وانه بكلبي انكسار الكون كله الله يالدنيه جوريتي
يشمها غيري ربي اكطع هذا النفس كبل لايجي هذا اليوم وتصير بحضن رجال ثاني
سرى شبيك ياخوي ليش وجهك مغيم وجوريه وين لكيتها
فقار خليت ايدي كبالها ✋🏻بمعنى سكتي
سرى. شبيك ياخوي فدوه احجيلي ليش هيج انكلبت حالتك
فقار طكيت لستيرن بعصبيه بيدي كتلللللج سكتيييييييي 😡
سرى. سكتت ياربي لو ادري ماكتله
جوريه بعد مرور سبوع لمن شفت فقار من هذاك اليوم لحد هذا اليوم واني حالتي النفسيه
تعبانه متخربصه حياتي وحتى خطيبي الي هو مصطفى ما ارد لا ع اتصالاته ولاحتى ارضا
اشوفه اني من البدايه جنت دأماً اصرفه وما احجي وياه بس هسه كلش كطعت عنه
ضليت ما اكدر انام باليل كله افكر ابفقار احس نفسي ضلمته وهو يحبني اي صح اني احبه
ولا يوم نسيته بس اعترف هو يحبني اكثر شجاج ياجوريه تردين تفكدينه مثل ما فكدتي ابوج
للابد جوريه فقار مامنه ثنين دوسي ع كلبج وانسي الماضي فتحي ويا صفحه جديده ترا محد
يحبج ولا يسعدج مثله وحرام عليج تتزوجين رجال وكلبج وي ثاني واني الي نصحت منتضر
يراجع كلبه شلون اني اسوي عكس نصيحتي وتركت الحضانه مارحت بعد
فقار. من شفت جوريه الهذا اليوم وانه مشتعل نار اي واحد يحجي وياي اگب بوجهه تمنيت
اطلع نار كلبي بأي واحد تمنيت بس واحد يزل وياي علمود انفخ نيران صدري بوجهه بس الكل
جان يتحاشاني سواء من اهلي او اصدقائي. خوفاً مني ومن الحاله الي انه بيها
منتضر. جنت اواجه مشكله وي علياء خطيه لبنيه ما الها ذنب جنت احاول ارضيها واقنعها
بالحجي و سلاسل. صورتها ما راحت من بالي من هذاك اليوم قررت لازم اروح واخطبها بعد
مابيه صبر يمته ترجعلي ونرتاح شويه من العذاب الي منتضر. جوريه شبي حالج اذا انتي تحبين فقار وتردين ترجعيله ليش جرحتي بالكلام
جوريه. لا يا منتضر ما اعرف الشعور البيه بيه رغبه ورهبه اني ما انكر ان ماكو رجال بالدنيه
راح يعوضني عن فقار بس بنفس الوكت ما اريد ارجع وترجعت مئساتي اخاف من المستقبل بهذا البيت
منتضر سمعيني يابويه. هذاك البيت مو مثل الاول تدرين ليش لان انكسرت شوكت الضلم لان
سلمان مو ذاك سلمان سلمان تغير واذا خايفه من فقار ف أنه اكلج هذا خوفج ماله داعي
فقار زلمه ماكو منه هواي والباقين كلهم طيبين حتى منال لاتخافين منها ماطول فقار يحبج
لاتخافين وبعدين حرام عليج اذا تزوجين مصطفى وبالج وي فقار مو انتي هيج كلتيلي
جوريه وبهل اثناء اندك باب بيتنه
منتضر رحت فتحت الباب جان مصطفى خطيب جوريه
منتضر ها مصطفى هلا بيك اتفضل
مصطفى. مشكور دخلت الديوانيه جوريه موجوده
منتضر اي موجوده
مصطفى ضل بالي يمها صارلها اسبوع حالها منكلب اتصل عليها غير كلمت الو ما اسمع منها
منتضر اي هي شوي حالتها النفسيه تعبانه هسه اصيحها الك
جوريه دخلت بهل اثناء وجهي كلش تعبان مرسوم عليه كل تعابير الحزن ما اكدر اجامل مصطفى ولا حتى ابكلمه
مصطفى هله جوريه شلونج
جوريه. تعبانه شوي
مصطفى عسى ماشر شلي متعبج هيج فجئه اتعبين
جوريه. اني مو فجئه اتعب اني عندي حاله نفسيه واعصابي تعبانه اني مريضه من زمان
يامصطفى واعتقد انجن عن قريب
منتضر 🙊خليت ايدي على حلكي وضحكت شلون تريد اتشرده
مصطفى بعيد الشر جوريه انه اعرف دكتور نفساني راح يساعدج
جوريه. لاء اني ما اريد اتعالج
مصطفى ليش.
جوريه. بعصبيه كيفي ياخي كيفي انته ماتفهم صبيت كل غضبي وحركت كلبي ابمصطفى خطيه
منتضر. فتحت عيوني ع كبرهن وصحت عليها شبيج جوريه. لزمتها والتفتت ع مصطفى
لاعذرها اجتها الحاله
جوريه يا حاله الاجتني منتضر هاي شبيك
منتضر عضيت ع شفتي ابمعنى سكتي
جوريه. سكتت
منتضر. هدي ياخويه هدي روحي الغرفتج ارتاحي
جوريه فتحت الباب وطلعت وسديت الباب حيل اجه ينكسر
منتضر 🙉 خليت ايديه ع اذاناتي من شدة الصوت وكتله هسه راح تكسر البيت كله
مصطفى هايمن شوكت بيها الحاله
منتضر اكعد ياخوي خل افهمك جوريه بيها حاله نفسيه من زمان وقربت تنجن وحالتها جاي
تزداد اتمنى تتفهم وضعها وتفصخ الخطبه لان الدكتور كال حالتها مو مال زواج حالتها خطره
كلام من صاحبة القصه (( طبعا اخوي حجه هلحجي المصطفى حتى يخلي يفصخ الخطوبه
لان عرف بيه ما راح ارتاح ويا وقرر يسوي هج حتى لا اتعذب وترجع بالفعل حالتي النفسيه
ونجح بخطته وخله مصطفى يفصخ الخطبه طبعاً اني ممنونتله اليوم لان نقذ وماخلاني اقترف
هذا الخطء كان اصرار مصطفى شديد ان مايفسخ الخطبه الا ان اخوي كدر يقنعهاان هل شي مو زين ع صحتي ))
بعد مرور ثلاث ايام
منتضر جورتي انه اريد اخطب سلاسل ومن اروح اخطب لازم وياي مره وانه قررت اختي تروح وياي
جوريه ما اتصور اكدر ادخل الهذاك البيت يامنتضر والله احس نفسيتي تعبانه
منتضر. اصطنعت الزعل ميخالف ياجوريه جنت متصورج ابمقام امي ولو امي موجده ماجنت
راح اطلب منج هذا الطب وكمت
جوريه. لزمته من ايده وبستها لاتزعل حبيب كلبي اروح وياك حتى الجهنم اذا تريد
منتضر عفيه عليج حبيبتي لاتخلين حالتج النفسيه اتسيطر عليج ولاتخلين انفصالج من فقار
يئثر عليج احنه تربطنه قرابه وياهم
جوريه. اوكي شوكت انروح
منتضر بعد ما نتغده ونرتاح شويه انه تعبان من الدوام اخذلي غفوه ونروح ورا صلاة المغرب
جوريه تدلل
وبالفعل ورا صلاة المغرب رحت لبست وبدلت وشفت منتضر طالع كشخه وكلساع يضحك ابحده
الله يسعده المهم رحنه بدون موعد لان ماعدنه ارقامهم كلهم طلع النه حميد
حميد هله بالشيخه هله ام زيد شلونك شيخ منتضر
جوريه ام زيد منو يجوز ارتبك بل كلام
حميد ورحت اركض دكيت الباب الداخلي
طلعتلي الشيخه حوريه شيخه شيخه
حوريه وانه اضحك كول كول احجي شبيك خايب شلشتنه انته وصوتك
حميده اجت الشيخه ام زيد
حوريه يا ام زيد حميد اشجاي تخربص انه عرفتك موش صاحي من يوم الشفتك
ام فقار ها يمه حوريه شيريد حميد
حوريه اندري ياعمه يكول ام زيد اجت يمكن يتوهم
حميد لا ياشيخه ام فقار ام زيد الشيخه جوريه والشيخ منتضر اخوها بالباب
ام فقار جوريه جوريه ماغيرها
حميد اي ياشيخه
ام فقار. وليش مخليهم واكفين يايمه ورحت امشي صوب الباب بخطوات شوي سريعه هله يمه
هله جوريه هله بنضوري وين هلغيبه يايمه شخباركم 😘😘يايمه ليش كطعتو بينه
جوريه هله عمه احنه الحمد الله انتم شلونكم
ام فقار نحمد الله يايمه تفضلو ليش واكفين بالباب
منتضر زاد فضلج عمه فقار وفارس موجودين
ام فقار اي يامه اتفضل
منتضر لا انه رايح للديوان
ام فقار لايمه انته مو غريب انته وليدنه تعال يايمه تعال
جوريه. دخلنه كعدنه بالصاله
ام فقار. تعالي يايمه حوريه.
حوريه. السلام عليكم
ام فقار هاي جوريه زوجت فقار السابقه وهذا منتضر رجل سلاسل السابق همه اولاد عم حوريه. اي يمه اعرفهم هاي جوريه الكلتلي انتي دجاله ياحلوها وبوستها 😘
جوريه وانتي منو ماعرفتج حجيت واني مبتسمه ابوجها
حوريه. انه حرمة فارس
جوريه. اهلا وسهلا بيج اهاا اتذكرتج انتي البنيه الاجيتيلي عذريني ع الكلام الي سمعتج ايا
حوريه لا ياخيه لاتهتمين شلونك ياخويه
منتضر حجيت وانه مدنك وجهي الحمد الله خويه
جده فقار كافي شكد اتذرمين حوريه روحي صيحي الشيخ فقار ورفارس شلونكم يايمه😘😘 حجيت
وانه فرحانه بشوفت العصه
حوريه من عيوني ورحت ركض دكيت الباب على منال
منال هله حوريه
حوريه وين الشيخ
منال اتفضلي اتفضلي هذا هو شيخ فقار
فقار ها حوريه اتفضلي
حوريه شيخ شيخ
فقار مو كتلج تفضلي يعني احجي
حوريه. عمتي اتكول تعال جوه للصاله اجه منتضر وجوريه
فقار. منو 😮
حوريه. شيخ اكول منتضر وجوريه
منال خليت ايديه ع حلكي جوريه
فقار ثواني وانزل حجيتها بسرعه بلهفه رغم الزعل البيه
حوريه رحت الفارس جان لابس ويريد يطلع وين رايح ياحلو
فارس للديوان ياحلو
حوريه اكول ياحلو طالبينك جوه
فارس ومنو طالبني ياحلو
حوريه عمتي ياعسل
فارس مايصير انئجل عمتك وتجي يمي شويه ياعسل
حوريه ضحكت بخجل لا لا مايصير اجت جوريه وياها منتضر
فارس. جوريه و منتضر عجيب خل اروح اشوف واخيرآ بينو
وبهل اثناء جنت اني ومنتضر كاعدين ويمنه ام فقار وجدة فقار الي كلش فرحو بينه ورجعلي
لقب العصه الي افتقدته هواي جانت شوفتي الهم كلهم راحه نفسيه ماعرف شلي خلاني احن
ومن كل كلبي الهذا البيت دخل علينه جدي وجايبته سجى ع الكرسي كسر كلبي من شفته
واول ما شافنه نزلن دموعه الله شوف الوكت شسوه بسلمان الي جان يهز الكاع بخطواته اللهم لاشماته بس هذا مصير كل مستبد
سلمان بويه منتضر بنيتي جوريه شلونكم يابوي
منتضر الحمد الله ماطول اكو رب احنه ماننذل
سلمان بويه السموحه 😢 سامحوني عليكم بروح ابوكم بروح الغالي
جده فقار يمه سامحو ترا الدنيه خلصانه وهو ندمان وبلأخير هو يضل جدكم
جوريه كمت بست عراسه وكتله لو ابوي اهنا هسه جان كومني حتا ابوسك واعتذر منك اني
سلمان اصيله واحسن من جدج يلتسوين عكالي انتي وسنين عمرج وانت يابوي ماناوي تسلم علي تعال يابوي خل اشم ريحه وليدي بيك
جوريه تعال ياخوي تعال خل ننسه الزعل عمر الزعل ماعمر اديار
منتضر كمت بسته عراسه الله يسامحك ياجدي
فقار السلام عليكم
الكل وعليكم السلام
فقار جانت بيه صدمه ولهفه وحب وكبرياء مشاعر مبعثره كلشي اشتمع بيه ومن كلشي ندين
فارس لا لا مامصدك اجتنه الجوريه ياهلا ومسهلا حياج وبياج واهلاً وسهلاً بيج واكثر بلوياج
منتضر الورد وين هلغيبه
منتضر كمت سلمت عليه وعلى فقار
فقار تفضل
جوريه. جانت عيوني اتخوني وتتجه بتجاه فقار كلما احاول اديرهن يرفضن ويرجعن المقرهن
يرجعن يتباوعن لهذا الرجال العضيم لهذا الشخص الحنون بس هو ابد ما باوع بوجهي لهفته
مو هذيج الي شفتها قبل ١٠ ايام هلشي ضوجني كلش اي بس اني استاهل كله مني اني
الي طفيت نار حبه دمعتي وصلت ابطرف عيني واني اتذكر كل ايامي الحلوه وياه
منتضر. شيخ فقار اجيت طالب الگرب منكم
فقار رفعت عيوني بعيونه منصدم وانتضره يكمل
منتضر اريد ارجع سلاسل على ذمتي
فارس. ردت احجي بس اتجهت بعيوني الفقار
فقار انته يامنتضر مابيك عيب بس الراي رايها احنه موافقين مبدئين
منتضر. مشكور
فارس. اي يامنتضر وين هلغيبه.
منتضر موجود بهلدنيه
جدة فقار بس يايمه يامنتضر اشوف حلقه بيدك
منتضر اي ياخاله انه خاطب
فقار بنضره كلها تسائل وليش تخطب سلاسل اذا انته خاطب
منتضر. انه خطبت بنيه ما هاويها وما اكدر اكسر بيها خطيه ما الها ذنب وانه هاوي بنت عمي
وما اضن وحده ترهم وياي مثلها
فقار. على خير انشوفها شتكول
جوريه. اكدر اشوفها واحجي ويها
فقار باوعتلها بطرف عيني ودرت عيني عنها
جدة فقار اي يالعصه كومي عليش تاخذين اذن هي بنت عمج وهذا بيت جدج
جوريه رحت الغرفتها ولكيت منال يمها وجان يمهن زيد الي كل ضني هو ابن منال
منال جوريه
جوريه هله منال بوستها
سلاسل. كمت بوست جوريه شلونج جوريه
جوريه الحمد الله انتن شلونجن
سلاسل. اتفضلي
جوريه حيل متغيره ياسلاسل.
سلاسل. اتنهدت بحسره. اي اتغيرت وياريتني متغيره من البدايه
جوريه الله يعوض انشاء الله خير اله تدرين احنه ليش جاين
سلاسل. لاء
جوريه. جاين ،،،، نطلب ،،،،، ايدج،،،،، لخوي،،،،،، منتضر
سلاسل. خليت ايدي على حلكي واني اضحك واحمد ربي واشكره الف مره ابداخلي
منال. هههه مبروك ياسلاسل عاد هسه ماعندج حجه رجعيلنه سلاسل الاوليه
جوريه. ها شكلتي ياسلاسل
سلاسل. شريد اكول هو اني الكه مثل منتضر والي تحصل واحد مثله خلي تحمد ربها الف مره
جوريه مبروك مقداً احجي واني عيني ع منال حاسدتها ماعرف على شنو يمكن لان هي ضاله
يم حبيبي واني بعيده عنه ياربي صفي كلبي شويه خليني اعرف افكر
جوريه حجيت وي منال ابنج شكد عمره
منال هااا ابني
سلاسل. ابنها يا ابن
جوريه زيد مو منال. لا اقصد اي اي حجيت هيج خفت لايكون فقار مو راضي يكول الها عليه
منال. ع ع عمره سنه وست اشهر
جوريه سنه وست اشهور بالضبط حجيت بنبرة تسائل
منال ضليت امتتمت ما اعرف شحجي وعيوني ع سلاسل.
سلاسل. ياربي شهل ورطه شنو الفلم ماجي افتهم كلتلها اي سنه وست اشهر
جوريه. صفنت شويه. ورجعت باوعت المنال بس انتي بهذاك الوكت ماجنتي حامل
يتبع
