فارس ما ان خلص فقار احجاياته وسمعنه صوت يصيح فقااااااار فااااااررس عرفت الصوت
وعرفت صاحب الصوت وعرفت ماراح تكمل فرحتي
اريد اكتب شعر وانشر فرح للناس
الكه الحزن يركض يرسم الحاله
صعب تطلب فرح من كلب ملجوم
وين الفرح عد الفاقد اماله
هو الحضه نايم هم تضن يرتاح
واليضده الوكت يايوم يصفاله
ابو حوريه كمت فتحت الباب
شيخ سلمان ها ولك يانذل اتكول اتنازلت
ابو حوريه شيخنه دخيلك والله مو انه والله شيخ فقار اجاني وطلب مني هيج اسوي وهددني يكتلني اذا ماسويت
شيخ فقار لا ياكلب صدك حلت كتلتك جا 😡
شيخ سلمان عفييييه ابني عفيييه بشيخ العشيره عفيييه بفقار تخوني ياشيخ وزوج اخوك من
وراي عفيه خوش تعلمه تعلوم
فقار. شيخ من رخصتك فارس ما اله حياة بدون لبنيه
شيخ سلمان وانه خيرته وكتله ياهي يا احنه
فقار. لا ياجدي عيب هلشي عيب يطلع منك مرتين واذا انت مستعد تخسر حفيدك مثل
ماخسرت ابنك انه مامستعد اخسر اخوي
شيخ سلمان ياحسافه رباي بيك وتعب السنين تقصد انت اذا اخوك اختارها انت تتركني وي
اخوك افتهمت قصدك درت وجهي وانه راجع
فقار لا ياجدي انه مو هذا قصدي تدري بيه انه احترمك حتى بانفاسي ومالي غنه عنك وانت
ابوي وجدي بس هو اخوي وحب وما اذنب ومايستاهل الجاي ايصير
شيخ سلمان بس بس لاتحجي ياشيخ انه خيرته وهو كيفك وصعدت بالسياره يله اطلع ياحميد
فارس. اتنفست ابعمق اتمنيته يكون اخر نفس وارتاح نفس جريته حسيت بي كل الاذيه بي
جروح وبي الم وبي شوگ وبي حب مايكتمل وبي فرحه ناقصه طول العمر
فقار. فارس. لاتشيل هم انه الكالك الحل
فارس. خليت ايدي كبال فقار بمعنى لاتحجي ✋🏻شي بعد ماينفع حجي ورحت بدون اي كلمه
فقار التفتت ع ابو حوريه هددتك ياوصخ ها فريت المحبس عدل بصبعي وطكيته بوكس 👊🏻عدل
ع عينه الثانيه اخذت السويج من عنده صدك ماتستاهل وصدك مو وجه خير جنت ناوي
اشبعك فلوس ورحت
ابو حوريه لزمت برجله والله ياشيخ انه اخاف من شيخ سلمان انه مو كده كتله هيج حته انقذ حياتي
فقار. سحبت رجلي حيل وخر يازباله وشوف اياني واياك يوصلني خبر ماد ايدك ع البنيه لو
مزوجها الغيره احرك البيت بالي بي وانت ما يجي وياك غير التهديد بس لاتعتبره تهديد
اعتبره صاير انشاء الله صعدت سيارتي وانه الف والف حمل ع ضهري والف لوعه بصدري لوعة
اخوي الي مافرح وماكملة ابتسامه ع وجها ولوعة زماني الي ما ناوي يفرحني ولوعة جدي
الي ما اكدر اكسر بي وهو رجال جبير ولواعة حبي الجوريه الي ماتنطفي اخ محتاج ارتاح
وادري راحتي يمها بس اتردد اروح لا فقار شيل كلشي من راسك وروح الها وصلت ع البيت
وانه ادور عليها
ام فقار ها يمه شبيك حالك مكلوب
فقار ابتسمت بالكوه لا مابيه شي اله وين جوريه
جدة فقار اشوفك تسئل ع جوريه ماتنشد على منال
فقار ها لا عادي بس عندي وياها حجي
ام فقار يمه تلكاها بالمطبخ مادري شجايلها اليوم كاعده تطبخ وتنفخ وتكول اني اريد اسوي
الغده مرتك حيل اتغيرت من اتزوجت انت الله يديم هذا التغير
فقار رحت ع المطبخ ولكيتها لافه
الشال ع راسه مثل الچراويه واكفه يم الطباخ وسجى اختي يمها جنت متردد اصيح الها
ياريت هي تنتبهلي وتجي مو انه وعدتها وين وعدك يافقار مو ردت اتذلها اشوفك ماتتحمل
بعدها ولا لحضه كافي تراوغ ياشيخ كلهم تكدر عليهم اله هاي لبنيه غيرت كيانك
سجى هلا خويه جوعان تريد شي
جوريه التفتت وبتسمت ابوجها هلا شيخ
فقار من شفت لبتسامه راح كل التعب لبجسمي وبنفسيتي كلتلها لا ما جوعان تعاي جوريه
جوريه اي ثواني نزعت المريله ذبيته بالكاع بدون شوف وفتحت الشال وشمرته ع سجى ورحت
سجى. هاي شبيج 😂
جوريه. 😂رحت اركض ورا واصعد الدرج بسرعه بسرعه هو جان قبلي يصعد وصلت يمه
خير شيخ كول شبيك احسك تعبان ومهموم شكلك متغير عسى ماشر
فقار هذا كله قريتي بنضره وحده
جوريه وكفت ماكملت الدرج لزمته من ايده والتفت علي كتله مو بس قريته واحس بي مثل
ما انت جاي تحس بي هسه
فقار. جوريه من يمته هذا الحب
جوريه. ما اكلك من اول يوم دخلت بس من زمان كلش
فقار مافهمت قبل شكم يوم جنتي تكرهيني وتردين اطلكج
جوريه. اي هاي قصتها قصه وامشي فوك بعدين احجيها الك بالاول كلي شبيك وصعدت
قبله وسحبته من ايده
فقار جنت اباوع الايدي وما مصدك هاي جوريه معقوله لو هذا حلم ياربي شهل انسانه هاي
معقوله هي دوه الكل اجروحي معقوله هي ضحكتي بيوم حزني
جوريه دخلته الغرفه كعدته ع الجربايه وكعدت يم رجليه وخليت ايدي ع خدي وتجيتها ع
اركباته سولف ياشيخ خليني اسمعك واشاركك
فقار. لزمت ايدها وكومتها كعدتها يمي ودرت عليها البيه هواي ياجوريه تعبان حيل ومحتاجج
انه الماحتاجيت بشر احتاجيتج ياجوريه
جوريه الي الفخر وكلي فرح شيخ فقار بذاته وبمكانته يحتاجني اني
فقار هممم هسه صرت شيخ فقار مو جنت انه الهمجي صاحب العقل العشائري المتصلب وشنو بعد
جوريه المتخلف الرجعي
فقار هممم تذكريهن
جوريه. كتلك كلشي اله قصه بس والله هاي الكلمات كلها اخلاف نضرتي الك انت جنت بعيني الحنون العاشق الرجل الشامخ الشيخ فقار هيج جنت بنضري وكل الحجي الحجيته
ماجان من كلبي
فقار شسويتي بيه انتي اخاف ماتعرفيني ولج روحي سئلي وكليلهم فقار منو جنت من
اسمع بسم الحب اهز ايدي واضحك اكلهم ماكو هيج شي ماكو شي اسمه حب جنت قاسي
مثل صخرة جبل يابس من اي مشاعر مثل ارض قاحله اتفطرت من كد العطش هذا انه قبل
تعالي شوفي فقار هسه من انزرعت بكلبه جوريه صار مثل الماي العذب الي يروي كل عاشگ
وذيج الارض المتفطره صارت غابات كلها مشاعر
جوريه هذا كله جوريه سوته
فقار واكثر بعد والله
جوريه فدتك جوريه وكلبها وروحها وكل مشاعرها ياعمي احبك لا لا احبك شنو اوكف خل
اشوف شنو اكلك خل ادرر قواميس الحب خل احصل كلمه ما مرت بئذن عاشگ من معشوگته
اريد اكتب احبك لاكن اشلون
ويابيت الاكتبه ارجع اعيده
حته خيوط فكري مخربطه تصير
مدري شلون اكمل هلقصيده
من كلمة احبك انه مليت
اريد اكتب الكً كلمه جديده
مامطروقه ما سامعها انسان
مامذكوره بكتاب وجريده
ما اريد القلم يكتبها الك كون
يكتبها الگلب من دم وريده
فقار لا يكفيني منج اسمع حرف الاف من كلمة احبك
جوريه احبك واحبك واحبك واضل احبك وللموت هم احبك واحبك بعد وبعد هم احبك واحبك واحبك والعاشره هم احبك
فقار هههه دمج عسل والله
جوريه هسه كلي شلي مكدر خاطرك
فقار قصه مثل قصة ابوج وامج كدرت خاطري جوريه اخوي وعضيدي فارس يحب وحده
غريبه وجدي مايقبل ايزوجه وكله لو احنه لو هي وهو طايح بحيره ردت ازوجهم بالسر
مؤقتً لحد ما نلكه الوقت المناسب ونصارح جدي بس للأسف وهسه راح وما ادري بي وين
وبيا ارض بس الادري بي حيل مكسور انه لا اكدر اكسر بجدي الي رجال جبير وايامه
صارت معدوده والله سبحانه وتعالى يكول (( وصاحبهما في الدنيا معروفا )) ولا اكدر اكسر
بخوي الي لكه ضالته وحبه همي جبير ياجوريه
جوريه. اتنفست جدي غلط يافقار غلط وطول عمره راح يضل غلط وخايفه انت لتصير مثله لان
اشوفك اتشابها بهواي اشياء
فقار. انه ادري بي هو غلط ومستحيل انه اصير مثله لا حسبالج انه ما اعرف وين اغلاطه
بس مالي صلطه عليه ياجوريه كل الي اكدر اسوي ويا احجي ويا وبس وهو مايفيد ويا
حجي
جوريه. تكدر اتسوي شي واحد تكدر توكف ابوجها لان الساكت عن الضلم شيطان اخرس
وجدك جاي يضلم ثنين يحبون بعض مثل ما ضلم ابنه من قبل اسمعني لو شما يطلب الامر
روح وزوج فارس من حبيبته روح يافقار ولاتخلي جدك يفرقهم خلي نفسك ابمكانه وياخذون
منك حبك بالغصب شنو راح يصير
فقار مستحيل راح اقبل لو باغلى الاثمان ياخذون جوريتي لو اكتل لو انكتل
جوريه لعد كوم وروح شوف اخوك وين وزوجه الحبيبته حتلو اضطر الامر تزحزح علاقتك شويه
بجدك بس لاتخاف مايخرب شي لان جدك ماله غنى عنك وانت شيخ العشيره
فقار كمت مشكور يا لحبيبه جنت ادري انتي الي راح تريحيني وتنسيني همي
جوريه. اجيت عليه ركض ودفنت راسي بصدره كلامك يفرحني
فقار. كافي هديتي طولي ترا بعدتها عني ما اتحمل احضانج ترا
جوريه. ☺️
فقار بستها ع راسها وبطن ايدها ورحت
جوريه ضليت ابوس بيدي امكان بوساته ربي لاتحرمني من هذا الشخص من هذا الانسان
الحنون 😱يمه نسيت الطبخ راح الجدر احترك نزلت اركض للمطبخ
جدة فقار. لاتخافين يا العصه طفيته لو اضل عليج جا اتغدينه اليوم تمن محروگ ومركة ماي
جوريه 😂فديتج حبوبتي ماتقصرين واجيت اريد ابوسها
جدة فقار بعدي بعدي عني لاتبوسيني بيه حساسيه من الجوري
جوريه 😂😂
حوريه اي اموافقه
السيد الف مبروك يابويه ،،،،
وهذا نص بارت انتضرني باجر بلتكمله
حوريه اي اموافقه
السيد الف مبروك يابويه
حوريه بديت ابجي بحركه اسفه يافارس اسفه ياهواي انه متت من هاي اللحضه مو بيد ي
صار هذا الشي كله من ورا زوج امي والحقير جدك
نرجع الى قبل اشكم ساعه
لمن طلع فقار من بيت ابو حوريه
ابو حوريه بسيطه يا الكلب اطكني وتاخذ السياره مني رحت الشيخ سلمان وكتله شيخنه
فقار هددني وطكاني وكلي اذا اتزوج حوريه بنتك الغير فارس احرك بيتك بلي بي
شيخ سلمان فقار هيج يكول يعني ما تاب ما اقتنع ان مستحيل ازوجهم ولا اكلك تعال وجيب
بنتك غصب وخل اعقد الها ع بشار ونزوجهم اليوم والي يصير يصير والك مني كل الي
وعدتك بي
ابو حوريه تم شيخنه هسه اجيبها
وجابو حوريه غصب بعد ضرب وتهديد بأن يكتل امها اجت المسكينه وتزوجت غصبن عنها
نرجع الى وكتنه الحاضر
شيخ سلمان يله بويه بشار اخذ زوجتك وروح بيتك
حوريه وانه ابجي خليني بس اليوم يم امي وباجر اروح البيته
ابو حوريه انجبييي
شبخ سلمان. اشوف اللسانج طويل اريد اعرف شلاكي بيج فارس يله بويه بشار اخذ مريتك وروح
بشار اخذتها وهي تبجي وانه اسحل بيها سحل
فارس مر ١٠ ايام وانه اروح البيت حوريه كنما البيت مهجور ومحد بي لا اشوف احد يدخل
ولا واحد يطلع انكطعت كل اخبارهم اروح من الصبح لليل اتعبت حيل اشتاكيت الها وتغيرت
ع فراكها ماعرف مكانهاهي واهلها وين راحو صرت انام على جرح واصحى ع جرح اغص بئسمها حوريتي رديلي ياغليه
تغفه عيني على اصحى وبكلبي حسره
اختنگ بالنفس وجني بالموت والسكره
احس بغيابك صار جمره
لا ولك احسه نار كبره
اشتعلت بكلبي وهيهات تطفه
اضن شي واحد يخمدها اي نضره
منك بيها اعرف اخبارك
اسئل اشحالك
ضايج اشمالك
ادري لبالي ابالك
اصلاً تمنيناها سوه
دزينه رساله ويه الهوه
ردنه زفه تجمعنه سوه
وتصيرالي ولجروحي دوه
بقلم مولاتي يازينب
فقار اسبوع وانه احاول ادور على حوريه بس حتا اجبر خاطر فارس كئنما فص ملح وذاب
صرت اتعب هواي من اشوف فارس يتعذب وجنت دائمن الكه راحتي يم جوريه عجيبه هل
انسانه كأنما بنج وتبنجلي حياتي من ادخل يمها اما منال جنت اعتبرها كزوجه وبس وما
اشعر اي شعور اتجاها
حوريه مر اسبوع من زوجوني الهذا بشار مرمروني هو واهله تكول ماخذيني فصليه انام
بليل ب ٢:٠٠ والكعده من ٥:٠٠ الفجر اخبز واطبخ واغسل وانضف واحش وكلشي اسوي
وبتالي يوميه انكتل من عمتي ومن هذا بشار الكلب اكلي كتله الصبح وحده بالليل ما اكل اله
لمن كلهم ياكلون وهم جيش ماشاء الله ااخ يافارس فدوه اروح الاسمك وينك عني وينك
يالكلتلي ادللج وين صرت وين دهري وداك
اصفن واحاجي الروح وين احنه جنه
هم ترجع الايام ويلتم شملنه
جوريه اني صارت حياتي غير صار الها معنى ثاني فقار غير كل حياتي شخصيه مثاليه
بكل معنى الكلمه رغم اجروحه وهمومه الكا صامد وياجبل مايهزك ريح صرت ااشاركه
بافراحه واحزانه وهلشي صار يسعدني كلش عندي شغلتين مضوجاتني بس حالة اخوي وي
زوجته وابوي الي متغير حيل من قهره ع اخوي وشغلتي الثانيه غيرتي من منال رغم ان هي
طيبه وماشفت منها شي لحد الان بس فقار مايرضى ايفرق بيناتنه وهذا الشي حلو بس
اني اغار مو بيدي
منال. اتحقق حلم حياتي من اخذني فقار بس ماتمت فرحتي واني اشوفه هايم وعاشگ
ولهان ع جوريه واني من يجي يمي احسه برودت مشاعره اتجاهي رغم هو يحاول مايضهر
هل شي ومايحسسني بس لا عيونه لتفضحه صرت احسد جوريه على حبه الها واتمنا لو
اصير مكانها يوم واحد بس،،،،، شكد صعب انك اتحب انسان لحد الموت وهو يحب غيرك لحد الموت
سلاسل تعبت حيل من وكتي الي مارضه يرحمني الي عذبني بحبي الحيدر والي خلالي
منتضر بطريقي خله انسان بحياتي يكاد يكون خالي من العيوب وتعبت واني اصده علمود
حيدر جان شي يدور بخاطري بان اتخله عن حبي واحب الي شراني ومامستعد يتخله عني
لو باغلى الاثمان منتضر مامنه اثنين واحسن من حيدر بهواي صفات
منتضر كليوم يمر وحبي يكبر بكلبي فقد السيطره ع كلبي مثل الي زرع بذره وكليوم
ايشوفها وهي تكبر وكلما كبرت ينتضر يحصل ثمار تعبه بس يخيب ضنه
جوريه. بيوم من الايام جنت اني عند اهلي متجمعين سوه ع الغده شويه واندك الباب راح منتضر اخوي يفتح
منتضر فتحت الباب. جان عمي ابو سراج ع الباب ويا واحد دخلتهم لديوانيه وبعدها رحتى
اكول لبوي
منتضره بويه هذا عمي ابو سراج ويا واحد اول مره اشوفه
علي. ابو سراج يالله خير خل اشوفه شيريد ولو مو عوايده ابو سراج يجيني من غير
مايتصل علي
علي السلام عليكم
ابو سراج والرجال وعليكم السلام
علي هله عمي ابو سراج وشلونك
ابو سراج هله بيك وليدي انه بخير دام انتم بخير اعذرني بويه جايك بهيج وقت بس الرجال
ابو فاطمه يدور عليك من زمان واجالي البيتي وراد يشوفك مستعجل
علي بستغراب خير شصاير حجيتها وانه اباوع ع الرجال الي تقريباً يصير ابعمر ابوي وبعمر ابو سراج
ابو فاطمه انشاء الله خير يابو منتضر شوف وانه ابوك خيريه الله يرحمها الي هي ام مرتك
وجدة اولادك ورثت من اهلها الي اتوفو وهي اصغيره ورثت منهم اشكم قطعة ارض و هاي الاراضي
جانن ابمنطقى مهجوره تقريباً ومهموله بس هسه يا ابو منتضر صارت المنطقه راقيه و١٠٠
متر تقريباً ايساوي١٠٠ مليون طبعا انه نسيت اعرفك انه ابن خالة فخريه وانه ماجنت
اعرف ابهاي القطع الاراضي بس ناس رادو يشترون هاي الاراضي واجونه انه ماجنت
اعرف ان عند خيريه بنيه كل ضني هي ماتت وهي صغيره وللاسف بتها هم ميته الله
يرحمهن ثنيناتهن ع العموم الحلال هسه من حگ ولدك يا ابو منتضر وهم الورثه
منتضر التفتت ع ابوي مستغرب معقوله هذا الحجي بويه
ابو فاطمه اي ياجدك معقوله وهاي اوراق الثبوتيه شوف ابعينك كل هذا الكم وحلال عليكم
علي مشكور ياعمي صدك اصيل وابن اجاويد
ابو فاطمه على شنو ياوليدي تشكرني هاي امانت الله وانه وصلتها الكم والاهم من كلشي
انه فزت بشوفت احفاد فخريه الله يرحمها هل انسانه الي ماتت ضلم كله بسبب ابوي الله
يغفرله ويتجاوز عن ذنوبه وبسبب جهل خوالي وعمامها ع العموم هذا رقمي يابويه وهذا
حلالكم ويمته ماتحبون اتصلو علي وانه اخذكم للمكان
ابو سراج ماتگصر ياحجي جعلها الله ابميزان حسناتك
ابو فاطمه يله في امان الله
علي الله وياك عمي طلع الرجال هو وابو سراج
علي ااخ يافرحه وينج تعالي هذا حلالج كله جان هسه عالجتج باحسن المستشفيات جان
طلعتج للخارج وينج ياضوه عيني تعالي وعوضي اسنين الحرمان الي قاصيتيها الله انتجيت ع الحايط وكضيت راسي حسيت بدوخه كلش قويه وبعدها مادريت عن شي
اله وانه راسي بحضن منتضر ويرش الماي ع وجهي وجوريه اتبوس بيدي وتبجي وسلاسل
اتهفي علي
منتضر بويه شبيك حجيتها بخوف
علي. اسطنعت الابتسامه لا يابويه مابيه شي
منتضر. لا لا امشي خل اخذك للدكتور
جوريه. واني ابجي اي منتضر اخذه اصلاً هو شكله متغير هاي الايام وماعاجبني كلش
علي هههه هاي شبيكم بابا بس انه انقهرت اشويه اتذكرت فرحتي وتمنيتها موجوده هسه
انتم ماتدرون بيه شكد احبها فلاتستغربون اذا اغمى علي شوي
سلاسل. مع ذالك ياعمي خل ياخذك للدكتور نطمئن عليك
علي لا بابا مابيه شي بعدين خليكم فرحانين شلنه بحجي الدكاتره وضيجت الخلگ خل اكوم
انام اشويه وبعدها ارتاح
اشسوه بيك القهر يابه ياروح جوريه انته الله يساعدك يالماشفت يوم حلو بدنياك ادري الحاله
النفسيه اذا تعبت اتكون اكثر من المرض واشد قسوه ياربي ريحه بحياته لو يوم واحد بس
منتضر. سلاسل شفتي الله مايگطع انتي جنتي تردين حاله احسن من هاي الحاله وعيشه
زينه والله انطانه من خيره راح اسعدج وادللج واسويلج كل الي جنتي تتمنينه
سلاسل اتحسرت من كل كلبي اخ يامنتضر كل همك تسعدني كافي ياسلاسل لوين تردين
توصلين حيدر مالج رجه منه ومنتضر حلم مايصح الكل وحده منتضر شاريج وانتي راكضه
ع واحد مايوصل الضفر منتضر اصلاً انتي حتى حب حيدر بده يطلع من كلبج ع كد الفرق
الي شفتي بين منتضر وحيدر كتله لا منتضر اني ماريد شي انته انسان اغله من كل
الفلوس والعدها واحد مثلك شلها بالفلوس انه الغبيه الي ماقدرت النعمه الي انطانيها ربي
انته رجال نادر ومامنك هواي بهاي الدنيه وانه ندمانه عن كل يوم عشت بيها بعيده عنك
منتضر. جنت بغاية الصدمه معقوله لفلوس كلبت حالها شلي خلاها تحجي هيج شنو هذا
الانقلاب العاطفي بس ميخالف انه قابل حتلو السبب الفلوس
سلاسل. اسفه منتضر اسفه على كل الشگه الي شفته بسببي عن كل الحرمان والوعه انه
قصرت وياك وماجنت استاهل حبك ومعاملتك الطيبه وتفهمك الكل طلاباتي ورغباتي الانانيه
منتضر سلاسل. ما اريد اكلج شلي صار وشلي غيرج اخاف اطلع بحلم فا اريد اعيشه وما اريد اصحه منه
سلاسل انته مو بحلم اني الي ماعرفت اقدرك وانته غالي وكل ابنيه تحلم بواحد مثلك انته يامنتضر
منتضر قاطعتها يعني خل افتهم راح انعيش طبيعي منا ورايح راح تكونين زوجتي وحلالي
راح تصيرين كلشي بحياتي وشريكة عمري
سلاسل. اي
منتضر شبكتها وانه مامصدك اخ ياسلاسل معقوله خايف هلفرحه ماتكمل خايف ما اشبع
منج بستها ع راسها وشميتها الله يا انفاسي انتي معقوله سلاسل انه شابكج وانتي ساكته
بدون اصياح بدون اصريخ وحجي ماصخ
سلاسل وكلشي راح يصير برضاتي والنفس راضيه
متضر وانه اضحك كلشي كلشي
سلاسل بخجل اي
منتضر لا لا مامصدك بس من الخجل الي انرسم ع وجهج اعتقد صدك خل نگطع الشك باليقين وبوسيني
سلاسل. وين
منتضر براسي 😂
سلاسل. خليت ايدي ع شفايفه كتله اهنا وبسته وووووحدث مايجب ان يحدث
فقار اتصلت ع عمي علي
علي الو منو
فقار هله ابو منتضر انه فقار
علي هله وليدي
فقار اسف عمي اخاف ازعجتك اكدر احجي وي جوريه
علي لايبوك لا ازعاج ولا شي هسه اصيح ع جوريه هي استوها جانت يمي حسبالها ما
ادري بيها اطب وتطلع
علي جوووووريه جووووريه
جوريه فتحت الباب هله بابا انه اهنا يمك لاتصيح حيل اسم الله عليك اخاف تتعب
علي يابعد روحي جوريتي خايفه علي
جوريه ليش هو انه عندي واحد اغله من ابو جوريه واخاف عليه
علي. ترا شيخ فقار ع التلفون واضن سمع هذا الحجي شيفكج اليوم
جوريه ها فقار
علي اي اي. هاج اخذي التلفون وطلعي برا ولاكلساع تفتحين الباب ترا ما اكدر انام وانتي
كلساع موطوطه اهنا لاتخافين عليه مابه غير العافيه
جوريه هههه بس خايفه عليك ترا واجي اطمئن عليك اخذت التلفون وطلعت الو هله شيخ
فقار ما احجي وياج انه وزعلان
جوريه لا يا ابو الطيب تزعل مني اني ماتكدر
فقار لا حبيبتي اكدر
جوريه حتى وانته زعلان تكلي حبيبتي كلي شلون تكدر تزعل
فقار. صدك انتي تغلين ابوج اكثر مني وتعزينه
جوريه. شوف ياروحي انته زوجي وهو ابوي يعني حبك عن حبه يختلف ومعزتك عن معزته
تختلف ما اكدر اقارن ابين حبيب وابين اب يعني كل واحد اله مكانه بكلبي وكل واحد ماخذله
صفحه بس تدري شلون انه كلكم احبكم وما افرط ابواحد منكم هسه انته مثلاً اتحب من
وتعزمن اكثر اني لو امك
فقار. الصدك اعز امي اكثر منج،،، بس احبج اكثر من اهلي كلهم ع العموم انه بعدني زعلان
وو كافي تعالي رجعي البيت اشتاقيتلج
جوريه هسه الزعلان هم يشتاق
فقار حتى وانه بالتابوت هم اشتاقلج هسه شنو تجين ايجيبج منتضر لو ادز فارس عليج انه
ما اكدر اجي عندي كعده بعد شوي
جوريه عاد انه ما اكدر اكول المنتضر استحي اخاف احرجه ياريت ادزلي فارس
فقار يصير خير بس هسه فارس ماموجود من يجي اكله
جوريه زين ليش ماتجي علي انته هسه وبعدين روح فقار. لا انه رايح اخذ منال للدكتور اتكول عدها لعبان نفس ودوخه ومن هاي السوالف وتشك بروحها حامل
جوريه ها حامل وليش انته تاخذها خل تاخذها امها
فقار. هسه انه زوجها لو امها من. المسؤل عنها
جوريه يله خلاص خلاص اخذها وروح واني تودي عليه اخوك وهي انته مسؤل عنها
فقار هي بالله لاتمصخينها يعني يصير فارس ياخذها للدكتور وبلا حجي زايد تعالي
جوريه هذا شبي عصب بسرعه
علي. ها بويه خلصتي التلفون
جوريه بسم الله انته من يمته اهنا يابه
علي. استوني لاتخافين انه رايح العمج سراج
جوريه. يله روح اححسلك اتغير جو هذا تلفونك بابا
منتضر فتحت اعيوني وشفت سلاسل باحضاني ياربي هذا كله صدك موحلم الحمدالله
واخيرا حبيبتي الي وبحضني بستها ع راسها وكمت سبحت وطلعت لكيت جوريه بالمطبخ
وامبين ع وجها القلق
منتضر احجي جوريتي شبيج
جوريه ابتسمت وانته اشدراك عندي حجي
منتضر. امبين عليج احجي
جوريه. منتضر بابا كلش ماعاجبني احسه تعبان
منتضر انه نفس الشي بس اتعرفين ابوج كلما اكله انروح للدكتور يرفض بس ياجوريه حقج
اتشوفينه متغير نسيتي الي مر عليه نسيتي الاذيه الي اتئذاها من الزمن والناس وفكد
الحبيب والحرمان
جوريه هم صحيح
منتضر وبعد شبيج
جوريه. لا مابيه
منتضر. لا بعدج ضايجه
جوريه. لا ولايهمك خلاف شويه وي الشيخ
سلاسل. ياجوريه زعل الحبيب مثل اكل الزبيب
جوريه بسم الله انتي منين طلعتي
سلاسل هههه عاد تدرين جوريه صدك انتي كلبتي حياة الشيخ كلاب لج جان عدنه عيد من
انشوفه يضحك وحتى من يضحك مايضحك ابفرح كائنما شايل الدنيه كلها ع راسه هسه لا
وين حتى شكله اتغير جان شكله يابس قاسي هسه صاير الضحكه كلش اتلوگ ع حلكه
منتضر اي بعد بس محتاجه اتكولين اتمنه واحد مثله
جوريه. لا ياخوي يامنتضر انته هم مامنك ثنين عقل ورزانه وثكل وادب وثقافه وجمال وفدوه اروحلك
سلاسل. عوزج بعد بس تكوليله اريد واحد مثله
جوريه اكول اشوفكم صايرين سمسم شنو الفلم ابد ماشايفتكم اتضحكون سوه
سلاسل. شبكت منتضر ادعيلنه انضل هيج طول العمر انه ماجنت اعرف الي عندي ذهب
ومايشترا ابئثمان جنت غبيه ومغمضه هسه فتحت اعيوني وشفت النعمه الي عندي
منتضر. والله شكلج ياختي انه حالي حالج سبحان مغير الاحوال من حال الى حال
جوريه. هههه الله يديمكم ياربي والله العضيم فرحت من كلبي يله نضوري ماطولك مستانس
انته وين طالع اخذني وياك البيتنه
منتضر اي عادي روحي لبسي
كلام صاحبة القصه(( جانت حياتنه الحد هنا مستقره وكلش حلوه رغم ان فارس يتعذب وبابا ماعاجبني وضعه بس تطور علاقة اخوي ومرته جان كلش اله فرحه جبيره بكلبي واخيراً حسيته مرتاح بعد كل هذا العمر اضافه الى حياتي الي احسه احلا حياة وي الشيخ هذا كله قبل لاتحل الكوارث الي غيرت كل هذا ))
يتبع،،،،،،،
