وجع تميمة

البارت (١٤)

- لينظروا إلى جيرمين ليقول لها......
(معتصم): تميمة بتتصل ليه ها!
(كمال ): ممكن تكون عرفت حاجة!
(يوسف): ردى يابنتى خلينا نعرف فى ايه !
(جيرمين):حاضر.الو اذيك يا تميمة .
(تميمة):معليش يا جيرمين ممكن جينا تجئ بس شوية .
(جيرمين):جينا ليه فى حاجة حصلت.
(تميمة): أصل ترتيل تعبت شوية بعد ما مشيتوا، وبابا كشف عليها لاقيها اللوز تعباهاومش راضية تأخد العلاج، قلت لو جينا بس تقعد معاها شوية هتنسى التعب وترضى تاخد العلاج لومفيش تعب ليكى وليها.
(جيرمين):لالا ١٠دقايق ونكون عندك سلام لغاية ما أجى .
(يوسف):فى ايه يا جيرمين ؟
(جيرمين):مفيش بس ترتيل تعبت شوية ومش راضية تأخد العلاج فهاخد جينا علشان تلعب معاها شوية و تاخد علاجها .
(معتصم):تعبت اذاى ها. لا لازم نوديها للمستشفى ياله بينا .
-ليغمض كمال  عينه بألم لما يسمعه من معتصم و هوالسبب فيما أوصله له .
(يوسف):بس يامعتصم ،فوق هتروح فين ، روحى يا جيرمين ياله .
-لتهز جيرمين رأسها وتأخذ جينا وتذهب ومعتصم يقوم بضرب الحائط ويصرخ بنتى تعبانه ومش عارف اشوفها ولا أخدها فى حضنى لتذهب له سارة بس يامعتصم وتأخذه فى حضنها وهو يترك لدموعه تنهمر ليسود الصمت على المكان .

-تذهب جيرمين الى تميمة و ترتيل تفرح بجينا وتلعب معاها وتأخذ علاجها وتمشى ليقابلها، معتصم عملتى ايه ،كويسة يامعتصم اخدت علاجها وبقيت كويسة .
(معتصم):طيب الحمد لله .
-شافت جيرمين أن الوضع متوتر لتقول.....
(جيرمين): عارف يامعتصم انت عندك ابن ذى العسل الولد اللى اسمه اياد دا كارثة عارف أنه بهدل الدنيا لما جينا راحت تلعب مع ترتيل و يقولهم دا بتاعتى أنا اللى شوفتها الأول .

-الكل قاعد يضحك ليأتى آدم ويصرخ، والهانم أن شاءالله كانت سيباه كده، وبعد كده لما تروحى تروحى لوحدك مفيش جينا تانى  ،ليأتى معتصم و يمسكه  من ياقة قميصه عارف ياأدم لو ما سكت عارف هعمل ايه وبعد كدة ابنى يعمل اللى هو عاوزه سامع ولا، ليهز آدم رأسه بنعم لينفجروا بالضحك ليقول ....
(كمال): يعنى هو هيجيبه من بره ما طالع ذى أبوه، لينظر له معتصم ,ليقول له مالك أنا قولت حاجة غلط ،ولا مش فاكر كنت بتعمل ايه مع تميمه ليضحكوا على كلام كمال .
(يوسف):كله هيبقى كويس ويضع يده على كتف معتصم و يضمه  ليقول معتصم يارب .
-استيقظت ترتيل فى الصباح ورأت تميمة أنها بخير ليقول لها.......
(مهاب ):عامله ايه ترتيل دلوقت ياتميمة.
(تميمة): الحمد الله كويسة يابابا .
(مهاب):جيرمين دى جدعة والله، ابقى روحى اعزميها على الغداء ياتميمة .
(احمد):بس ما تروحيش وحدك استنى هروح معاكى وانت كمان يابابا تعالى معاناو سيب دادة مع الأولاد حتى نشكرهم لما بعتوا جينا معاهم .
(إياد): وأنا هروح معاكم .
(تميمة ):ليه أن شاء الله.
(إياد):علشان اشكر المزة بتاعتى .
(تميمة ):يا نهارك اللى مش فايت تعالى ياولد هنا .
-ليجرى يستخبى وراء جده مهاب و يدارى احمد ضحكته ويقول له تعالى يااياد هنا
(اياد)لا ياعم ،هتزعقلى .
(احمد):عم يابنى بتجيب الكلام دا منين يابنى هتموت امك قريب تعال هنا .
-ليذهب له اياد ....
(احمد):ينفع الكلام دا فيه ولد متربي يقول كدة .
-ليهز إياد رأسه بلا ليقول له احمد طيب ياله اعتذر لماما وروح اوضتك لغاية ما نروح لطنط جيرمين ليعتذر لها ....
-ليقول إياد بصوت منخفض برضه موزة ويدخل غرفته .
-لينفجر مهاب وأحمد على مايقوله الصغير حيث سمعوا كلامه لتقول تميمة عجبكم كدة ويتمادوا بالضحك لتصرخ فيهم بس بقى أنا مش عارفه الولد طالع لمين لتجلس بتوتر ....
(مهاب):مالك ياتميمة .
(تميمة):مش عارفة قلبى مقبوض مش مرتاحة حسه أن فيه حاجة هتحصل .
(احمد):يمسك يديها مفيش حاجة بس تلاقى لما خفتى على ترتيل ،ياله نروح المشوار دا ونيجى علشان نخرج أنا محضر لكم خروجه حلوة .