-خرج يوسف بعدان اغلق الباب بقوة وتركها تبكى ويقول فى نفسه لابد أن تثق بي مهما حدث .أخذت تبكى ومن كثرة البكاء هربت إلى النوم أما هو فنزل ليجد الكل جالس وهم يعرفون سبب غضبه ولكن لم يستطع أحد أن يتحدث معه وخرج من الفيلا سريعا ولكن خرج وراءه حسن .
(حسن):يوسف ....
(يوسف):لا رد.....
(حسن):طيب احترمنى واقف كلامنى .
(يوسف):بلاش ياحسن مش قادر اتكلم دلوقت .
(حسن):لا .لازم علشان اللى انتى فيه لازم اتكلم معاك.
(يوسف):وانا مش عاوز .
(حسن):بلاش يايوسف .اسمعنى الاول وبعد كده ابقى اتصرف ذى ما أنت عاوز .علشان ماتندمش بعد كده.
- وقف يوسف ونظر له بغضب عايز تقعد فين .
(حسن):يضحك .اى مكان مش هتفرق .
(يوسف):تعالى نقعد فى الجنينة .
- جلسوا فى صمت فترة ليتكلم يوسف ....
(يوسف):هو انت جاى تسمعنى سكوتك اتكلم ياحسن عايز تقول ايه .
-نظر له وتكلم
(حسن):أسألك سؤال هو انت مسألتش نفسك صفية لما طلقتها حصلها ايه .
-فنظر له يوسف بتعجب وقال يعنى ايه سؤالك ما هى كانت عندك .
(حسن):أنا مسألتش عن المكان أنا سألت هى لما خرجت من عندك كانت عاملة اذاى ايه شعورها .
-استغرب يوسف اكتر .
(حسن):طيب ابسطلك السؤال صفية اللى دخلت بيتك أول مرة هى صفية اللى خرجت منه هى صفية اللى جيت وشفتها وخدتها من بيتى.
-ليبلع يوسف ريقة وفهم ماذا يريد حسن منه .
(حسن):طيب أنا هقولك ....
-صفية يوم ما جات بيتك أول مرة كانت بنت بريئة مليانة حيوية بتحب كل حاجة حتى لما حبتك كانت اشجع منك لأنها اعترفت قدام الكل بحبك ....
-بص عليه يوسف بغضب ..
-بص عليه حسن :
-وقاله مالك ايه الكلام وجعك قوى
مش مهم وبعد كل اللى عملته فيها . اتحولت إلى واحدة مستسلمة بتعمل فيها انت وابوك كل حاجة وهى مبتتكلمش ويوم ما طلقتها وجات عندى جاية وهى متمنية الموت ، عارف انها قاعدت اول 6شهور ما بتتكلمش مع حد .كانت مش بتخرج من الاوضة اللى كانت قاعدة فيها .
(يوسف):يبلع ريقة ويسأله ليه هو ايه اللى حصلها .
(حسن):لسه فاكر تسأل ايه اللى حصلها انت عارف انا مستني منك السؤال دا من امتى .
(يوسف):لو سمحت ياحسن متلعبش ب أعصابى هى حصلها ايه .
(حسن):صفية حصلها انهيار عصبى الدكتور قال إنها بتهرب من اللى بيحصل معاها عن طريق انها بتمنع الكلام والاحساس من حواليها وقال علشان تخف لازم نبدأ نتكلم معاها ونحسسها بالأمان اللى فقدته علشان ترجع تتعامل معانا .
-وقعدت أنا والعيال ندخلها فى حياتنا شوية شوية لغاية ما دخلت حياتنا واتعودت علينا لغاية ما جه اليوم اللى انفجرت فيه واتكلمت ... مش عاوز تعرف هى وصلت للحالة اللى هى كانت فيها ليه ...
أنت تقرأ
وجع تميمة
Poetryيعتبر الخذلان هو واحد من أقسى التجارب التي قد تنقل الناس ، خاصة إذا كانوا من أقرب الناس إلى القلب ، وكانوا في قمة صدقهم ، وكسر القلب هو أصعب أنواع الألم النفسي ، والتي قد تسبب وجع القلب ،
