هديت اشيخ

بارث

هدية اشبخ

ﻭﺭﺍﺣﺖ ﺍﺗﺠﻬﺖ ﻟﻠﺪﻳﻮﺍﻥ ﻣﺤﺪ ﺍﻛﻮ ﻭﺗﺮﻳﺪ ﺗﺪﺧﻞ ﻛﺮﺍﺭ ﻋﺒﺮ ﻋﻠﻴﻬﺎ ﻭﻳﺸﺎﻗﻪ ﻭﻳﻜﻠﻬﺎ ﺩﻳﺮﻱ ﺑﺎﻟﺞ ﻋﻠﻰ ﻛﻠﺐ ﺍﺑﻮﻱ ﻣﻮ ﻧﺎﻗﺼﻨﻪ ﻳﺼﻴﺮ ﺑﻲ ﺟﻠﻄﺔ ﻫﻬﻬﻬﻬﻬﻬﻬﻪ ....
ﻭﻫﻲ ﺧﺠﻠﺖ ﻭﺗﻀﺤﻚ ﺗﺪﺭﻱ ﻳﺸﺎﻗﻪ ... ﺩﺧﻠﺖ ﺩﺍﺧﻞ ﺷﺎﻓﺘﻪ ﻣﺘﻤﺪﺩ ﻭﻛﺎﻋﺪ ﻋﺎﻟﻨﺺ ﻣﺘﻜﻲ ﻋﻠﻰ ﻣﺨﺎﺩ ﻭﺭﺍﻩ .. ﺷﻜﺪ ﻭﺟﻬﻪ ﺍﺻﻔﺮ ...
ﺭﺍﺣﺘﻠﻪ ﺑﺜﻜﻞ ﺗﻤﺸﻲ ﻭﻫﻮ ﺍﺑﺘﺴﻢ ﺍﻟﻬﺎ ...
ﺣﻮﺭﺍﺀ ﻭﻛﻔﺖ ﻛﺒﺎﻟﻪ : ﻣﺸﺘﺎﻗﺘﻠﻚ ﺷﻴﺨﻲ
ﻫﺸﺎﻡ ﺑﺄﺑﺘﺴﺎﻣﺔ ﻭﺃﺷﺮ ﻋﻠﻰ ﻛﻠﺒﻪ : ﻳﻨﺰﻑ ﺷﻮﻙ ﺑﻮﻳﻪ
ﺣﻮﺭﺍﺀ : ﺍﺳﻢ ﺍﻟﻠﻪ ﻋﻠﻰ ﻛﻠﺒﻚ
ﻫﺸﺎﻡ ﺍﺷﺮﻟﻬﺎ ﺑﻴﺪﻩ : ﺗﻌﺎﻟﻲ ... ﺭﺍﺣﺘﻠﻪ ﻭﻛﻌﺪﺕ ﻳﻤﻪ .. ﺑﺎﻭﻋﺘﻠﻪ ﻭﻋﻴﻮﻧﻬﺎ ﺑﻴﻬﺎ ﺩﻣﻮﻉ ...
ﻫﺸﺎﻡ : ﺍﺧﺨﺦ ﻛﻠﺒﻲ ﺷﻜﺜﺮ ﺣﻮﺭﻳﺘﻲ ﺗﺼﺮﻑ ﺩﻣﻮﻉ
ﺣﻮﺭﺍﺀ ﺑﺠﺖ : ﻫﺴﺔ ﺍﻧﺘﻪ ﺧﻠﻴﺘﻨﻲ ﺍﺑﺠﻲ ..... ﻭﺗﻤﺴﺢ ﺑﺪﻣﻮﻋﻬﺎ ﻭﻳﻄﻴﺤﻦ ..
ﻫﺸﺎﻡ ﻣﺴﺢ ﺩﻣﻮﻋﻬﺎ : ﺷﻨﻲ ﺑﻮﻳﺔ ﻭﻟﻴﺶ ﺍﻟﺒﺠﻲ ﻫﺴﺔ
ﺣﻮﺭﺍﺀ : ﺧﺎﻳﻔﺔ ﻣﻦ ﺑﺎﺟﺮ
ﻫﺸﺎﻡ : ﻭﻟﻴﺶ ﺍﻟﺨﻮﻑ .. ﺍﻥ ﺷﺎﺀ ﺍﻟﻠﻪ ﺳﻼﻣﺎﺕ
ﺣﻮﺭﺍﺀ : ﺧﺎﻳﻔﺔ ﻳﺼﻴﺮ ﻋﻠﻴﻬﻢ ﺷﻲ
ﻫﺸﺎﻡ ﺍﺑﺘﺴﻢ : ﺍﺳﻢ ﺍﻟﻠﻪ ﻋﻠﻴﻴﺞ ﻭﻋﻠﻴﻬﻢ .. ﻫﺎﺍﺍ ﺷﻮ ﻃﻠﻌﺘﻲ ﺗﺤﺒﻴﻬﻢ ﻣﻮ ﺗﻜﻮﻟﻴﻦ ﻣﻌﺼﺒﺔ ﻋﻠﻴﻚ ﺑﺴﺒﺒﻬﻢ
ﺣﻮﺭﺍﺀ : ﺷﻠﻮﻥ ﻣﺎﺣﺒﻬﻢ ﻭﻫﻤﻪ ﻗﻄﻌﻪ ﻣﻨﻚ .. ﺑﺲ ﺷﻠﻌﻮ ﻛﻠﺒﻲ ﻏﻴﺮ
ﻫﺸﺎﻡ : ﻣﻮ ﻛﺘﻠﺞ ﻧﻮﺯﻋﻬﻢ ﺑﺲ ﺧﻞ ﻳﺠﻮﻥ
ﺣﻮﺭﺍﺀ : ﻫﻬﻬﻪ ﻭﺗﻈﻞ ﺑﻠﻴﺎﻫﻢ ﺗﻜﺪﺭ
ﻫﺸﺎﻡ ﺑﺄﺑﺘﺴﺎﻣﺔ : ﺍﺳﻮﻳﻠﺞ ﻏﻴﺮﻫﻢ ﺑﻌﺪ ﻓﺪ 3 ﻫﻬﻬﻪ
ﺣﻮﺭﺍﺀ ﺧﺠﻠﺖ : ﻻ ﻳﻤﻪ ﻣﺎﺭﻳﺪ ﺑﻌﺪ ﺍﻧﻬﺠﻢ ﺑﻴﺘﻬﻢ ﺍﺣﺲ ﺻﺨﺮ ﺍﺑﻄﻨﻲ ﺑﺎﻟﻜﻮﺓ ﺍﻣﺸﻲ
ﻫﺸﺎﻡ ﺿﺤﻚ ﻭﻛﺮﺹ ﺧﺪﻫﺎ : ﺣﻮﺭ ﺑﻮﻳﺔ .. ﻣﻬﻤﺎ ﻳﺼﻴﺮ ﺑﺎﺟﺮ ﻭﺣﺘﻰ ﻟﻮ ﺍﻟﻠﻪ ﻣﺎﻛﺘﺒﻬﻢ ﺍﻟﻨﻪ ﺧﻠﻴﺞ ﻗﻮﻳﺔ ﺍﻟﻤﻬﻢ ﺳﻼﻣﺘﺞ ﻭﻻ ....
ﻛﺎﻃﻌﺘﻪ ﺣﻮﺭﺍﺀ : ﻻﺀ ﻻ ﺗﻜﻮﻝ ﻫﻴﺞ ﺍﻟﻠﻪ ﻳﺨﻠﻴﻚ .. ﻭﺍﻟﻠﻪ ﺗﺨﺒﻞ ﺍﺫﺍ ﺻﺎﺭ ﻟﻮﺍﺣﺪ ﺷﻲ .. ﻭﺍﻋﺮﻑ ﻫﺎﻟﺤﺠﻲ ﻳﺤﺮﻙ ﻛﻠﺒﻚ ﺑﺲ ﺗﻜﻮﻟﻪ ﺍﻟﻲ ﺣﺘﻰ ﻣﺎﺣﺰﻥ ﻭﻻ ﺍﺧﺎﻑ
ﻫﺸﺎﻡ : ﻣﺎﺑﻴﺪﻧﻪ ﺷﻲ ﻋﻠﻰ ﺣﻜﻢ ﺭﺏ ﺍﻟﻌﺎﻟﻤﻴﻦ
ﺣﻮﺭﺍﺀ ﺿﻠﺖ ﺗﺒﺠﻲ : ﻻ ﻳﺎﺭﺑﻲ ﻛﻮﻥ ﺍﻟﻠﻪ ﻳﺤﻔﻈﻬﻢ ﺍﻟﻨﻪ
ﻫﺸﺎﻡ : ﺍﻟﻠﻪ ﻛﺮﻳﻢ .. ﺧﻠﻴﻬﺎ ﻋﻠﻰ ﺭﺑﺞ .. ﻭﻟﺘﺨﺎﻓﻴﻦ ﻭﻟﺘﻔﻜﺮﻳﻦ ﻣﻮ ﺯﻳﻦ ﻋﻠﻴﺞ ﻭﺭﺍﺝ ﻋﻤﻠﻴﺔ .. ﻣﺴﺤﻲ ﺩﻣﻮﻋﺞ ﻛﺎﻓﻲ
ﺣﻮﺭﺍﺀ ﺣﻄﺖ ﺭﺍﺳﻬﺎ ﻋﻠﻰ ﺻﻔﺤﺔ ﺻﺪﺭﻩ ﺍﻟﺴﻠﻴﻤﺔ .. ﻋﻠﻰ ﻛﻠﺒﻪ .. ﻭﻇﻠﺖ ﺗﺸﻢ ﺑﻌﻄﺮﻩ ... ﻭﻫﻮ ﺣﺎﻭﻃﻬﺎ ﺑﻴﺪ ﻭﺣﺪﺓ ...
ﺣﻮﺭﺍﺀ ﺑﺪﻣﻮﻉ : ﻳﻤﻚ ﻣﺎﺧﺎﻑ ﻣﻦ ﺷﻲ ﻭﺍﺻﻴﺮ ﺷﺠﺎﻋﺔ ﻭﻛﻞ ﺍﻟﺨﻮﻑ ﻳﺘﻼﺷﻪبيج قصص عراقيه حقيقيه من واقعنا.روعه الطائي
ﻫﺸﺎﻡ : ﻣﻮ ﻛﻠﻨﻪ ﻛﺎﻓﻲ ﺩﻣﻮﻉ .. ﻛﻮﻟﻲ ﺍﺭﻳﺪ ﺍﺟﻲ ﺑﺤﻀﻨﻚ ﻣﻦ ﺍﻻﻭﻝ ﻫﻬﻬﻬﻪ ﻟﻴﺶ ﻫﺎﻟﺒﺠﻲ
ﺣﻮﺭﺍﺀ ﻭﺧﺮﺕ : ﺷﻴﺨﻴﻴﻲ
ﻫﺸﺎﻡ ﺭﺟﻌﻬﺎ ﻟﺤﻀﻨﻪ : ﻫﻬﻬﻪ ﺷﻮﻛﺖ ﺗﺒﻄﻠﻴﻦ ﻫﺎﻟﺨﺠﻞ
ﺣﻮﺭﺍﺀ : ﻣﺎﻋﺮﻑ ﻭﺍﻟﻠﻪ ﻣﻮ ﺑﻴﺪﻱ ﺍﻟﺨﺠﻞ
ﻫﺸﺎﻡ : ﻛﻠﺒﻲ ﻳﺸﻌﻞ ﻧﺎﺭ ﻣﻦ ﺗﺨﺠﻠﻴﻦ .. ﺍﺧﺦ ﺑﻮﻳﻪ
ﺣﻮﺭﺍﺀ ﻭﺧﺮﺕ ﻋﻨﻪ : ﺷﻨﻮ ﻭﺟﻌﺘﻚ ﺍﺳﻔﺔ
ﻫﺸﺎﻡ : ﻻ ﻫﻮ ﺻﺪﺭﻱ ﻳﻮﺟﻌﻨﻲ ﺑﻜﻞ ﺍﻷﺣﻮﺍﻝ .. ﻳﺎﻟﻠﻪ ﺑﻮﻳﻪ ﻛﻮﻣﻲ ﺭﻭﺣﻲ ﻻ ﻳﺠﻲ ﺣﺎﺯﻡ
ﺣﻮﺭﺍﺀ ﺩﻣﻌﺖ : ﻟﻴﺶ ﻣﺎ ﺍﺑﻘﻪ ﺍﻧﻪ ﻳﻤﻚ ﻭﺍﺳﺎﻋﺪﻙ
ﻫﺸﺎﻡ ﻣﺎﺑﻲ ﻳﻀﺤﻚ ﺑﺲ ﺍﺗﻀﺤﻜﻪ ﺑﺎﻟﻜﻮﺓ : ﻫﻬﻬﻬﻪ ﺑﻮﻳﻪ ﻭﻳﻦ ﺗﺒﻘﻴﻦ ﺑﺎﻟﺪﻳﻮﺍﻥ .. ﻭﺍﻧﺘﻲ ﺑﺤﺪﺝ ﺗﺤﺘﺎﺟﻴﻦ ﻣﺴﺎﻋﺪﺓ ﺷﻠﻮﻥ ﺍﺳﺎﻋﺪﻳﻨﻲ
ﺣﻮﺭﺍﺀ ﻋﺒﺴﺖ ﻭﻣﺴﺤﺖ ﺩﻣﻮﻋﻬﺎ : ﻟﻌﺪ ﺍﺭﻭﺡ .. ﻟﻘﺎﺀﻧﻪ ﻣﺎﻋﺮﻑ ﺷﻮﻛﺖ ﺍﺷﻮﻓﻚ ﺑﻌﺪ ﺍﻟﻌﻤﻠﻴﺔ .. ﺗﻜﺪﺭ ﺗﺰﻭﺭﻧﻲ ﺑﺎﻟﻤﺴﺘﺸﻔﻰ ﺷﻴﺨﻲ
ﻫﺸﺎﻡ : ﺍﻱ ﺍﻛﻴﺪ ﺍﺟﻴﺞ .. ﺷﻠﻮﻥ ﺍﻋﻮﻑ ﺣﻮﺭﻳﺘﻲ ﻭﻫﻲ ﺭﺍﺡ ﺗﺠﻴﺐ ﺟﻬﺎﻟﻲ .. ﺑﺎﺟﺮ ﺑﻌﺪ ﺍﻟﻌﻤﻠﻴﺔ ﺍﻥ ﺷﺎﺀ ﺍﻟﻠﻪ ﺍﺧﻠﻲ ﺣﺎﺯﻡ ﻳﺎﺧﺬﻧﻲ .. ﺍﻟﻠﻪ ﻳﻜﻮﻣﺞ ﺑﺎﻟﺴﻼﻣﺔ ﻳﺎﻋﻤﺮﻱ ﺍﻧﺘﻲ
ﺣﻮﺭﺍﺀ ﺑﺎﺳﺖ ﺍﻳﺪﻩ : ﻓﺪﻭﺓ ﺍﻟﻚ ﺍﻧﻪ .. ﻳﺎﻟﻠﻪ ﺍﺭﻭﺡ ﻭﺍﺭﺗﺎﺡ ﺍﻧﺘﻪ ﻧﺎﻡ ﻭﺍﺣﻠﻢ ﺑﻴﻪ ﻫﻬﻬﻪ
ﻫﺸﺎﻡ ﺍﺷﺮ ﻋﻠﻰ ﻛﻠﺒﻪ : ﻫﻮ ﻳﺠﻴﺒﺞ ﺑﺄﺣﻼﻣﻲ ﻏﺼﺒﻦ ﻋﻨﻲ
ﺣﻮﺭﺍﺀ ﻟﺰﻣﺖ ﻛﻠﺒﻬﺎ : ﻭﺍﻧﻪ ﺑﻌﺪ ﻣﺄﺫﻳﻨﻲ ﻳﺴﺄﻟﻨﻲ ﺩﻭﻡ ﻋﻠﻴﻚ .. ﻳﻜﻮﻝ ﺍﻟﻲ ﺳﺎﻛﻦ ﺑﻴﻪ ﺷﻮ ﻃﻮﻝ ﺑﺎﻟﺘﻌﺐ
ﻫﺸﺎﻡ : ﻳﺴﻠﻤﻪ ﻭﻳﺴﻠﻢ ﺭﺍﻋﻴﺘﻪ
ﺣﻮﺭﺍﺀ ﻛﺎﻣﺖ ﻭﺭﺍﺣﺖ ﺩﻧﻜﺖ ﻭﺑﺎﺳﺖ ﺟﺒﻴﻨﻪ : ﻫﺎﻱ ﺑﻮﺳﺔ ﻭﺩﺍﻉ
ﻫﺸﺎﻡ : ﻟﺘﻜﻮﻟﻴﻦ ﻭﺩﺍﻉ ﺍﺯﻋﻞ ﻋﻠﻴﺞ ﺗﺮﺍ .. ﺍﻥ ﺷﺎﺀ ﺍﻟﻠﻪ ﺑﺎﻟﺴﻼﻣﺔ ....
ﺣﻮﺭﺍﺀ ﺑﺎﻭﻋﺘﻠﻪ ﺑﻌﻴﻮﻥ ﻛﻠﻬﺎ ﺣﺐ ﻭﺧﻮﻑ ﻭﺍﻣﻞ ﻭﺿﻌﻒ ﻭﻛﻠﺸﻲ ﻭﻛﻼﺷﻲ .... ﻭﺭﺍﺣﺖ ﻃﻠﻌﺖ ... ﻭﺧﺬﺕ ﻛﻠﺐ ﻫﺸﺎﻡ .. ﻭﻣﺎﻳﻌﺮﻑ ﻟﻴﺶ ﻣﻘﻤﻮﺕ ﻛﻠﺒﻪ ﺑﺲ ﻳﺘﻈﺎﻫﺮ ﺑﺎﻟﻘﻮﺓ ﺣﺘﻰ ﻣﺎﻳﺨﻮﻓﻬﺎ ﻭﻳﺸﺠﻌﻬﺎ ...
ﺭﺍﺣﺖ ﻭﻛﻠﺖ ﻟﻜﺮﺍﺭ ﻳﺮﻭﺡ ﻷﺑﻮﻩ ﺑﻘﻪ ﺍﺑﺤﺪﻩ ﺑﺎﻟﺪﻳﻮﺍﻥ ... ﻭﺭﺍﺣﺖ ﻟﻐﺮﻓﺘﻬﺎ ﻭﻫﻲ ﺗﺤﺲ ﺑﺎﻟﻐﺮﻓﺔ ﻏﺮﺑﺔ ﺑﺪﻭﻧﻪ ...
ﺭﺍﺣﺖ ﻳﻢ ﺭﻗﻴﺔ ﺣﺘﻰ ﺗﻮﺩﺭ ﻫﺎﻟﻀﻮﺟﺔ ﺍﻟﻲ ﺑﻜﻠﺒﻬﺎ ﻭﻛﻌﺪﻭ ﺳﻮﻟﻔﻦ ﺷﻮﻱ ﻭﻛﻠﺘﻠﻬﺎ ﺭﻗﻴﺔ ﻧﺎﻣﻲ ﻭﺭﺍﺝ ﻋﻤﻠﻴﺔ ...
ﻭﻫﻲ ﺑﻘﺖ ﻛﺎﻋﺪﺓ ﻟﻞ 3 ﻣﺎﻛﺪﺭﺕ ﺗﻨﺎﻡ ﻭﺑﻌﺪﻫﺎ ﻏﻔﺖ ﻭﻣﺎﺗﺪﺭﻱ ﺷﻮﻛﺖ .. ﻓﺰﺕ ﺍﻟﺼﺒﺢ ﻋﻠﻰ ﺻﻮﺕ ﺭﻗﻴﺔ ...
ﺭﻗﻴﺔ : ﺣﻮﺭﺍﺀ ﺣﺒﻲ ﻳﺎﻟﻠﻪ ﻛﻮﻣﻲ ﻭﺑﺪﻟﻲ ﻣﻼﺑﺴﺞ ﻻﺯﻡ ﻧﺮﻭﺡ .. ﻭﻣﻮ ﺗﺎﻛﻠﻴﻦ ﺷﻲ ﻭﻻ ﺍﺷﺮﺑﻴﻦ
ﺣﻮﺭﺍﺀ ﻛﺎﻣﺖ ﺑﺨﻮﻑ : ﺍﻱ ﺍﻋﺮﻑ ﺟﻢ ﻣﺮﺓ ﻋﺪﺗﻲ ﻋﻠﻴﻪ
ﺭﻗﻴﺔ : ﻳﺎﻛﻠﺒﻲ ﻻﺯﻡ ﺍﻧﺒﻬﺞ .. ﻳﺎﻟﻠﻪ ﺗﺮﺩﻳﻦ ﺍﺳﺎﻋﺪﺝ ﺑﺸﻲ
ﺣﻮﺭﺍﺀ : ﻻﺀ ﺑﺲ ﺍﺷﻮﻑ ﺷﻴﺨﻲ ﻗﺒﻞ ﻣﺎﺭﻭﺡ
ﺭﻗﻴﺔ : ﻫﻬﻬﻬﻪ ﻣﻮ ﺍﻟﺒﺎﺭﺣﺔ ﻳﻤﻪ ﺍﻧﺘﻲ
ﺣﻮﺭﺍﺀ ﺑﺨﻮﻑ : ﺷﺴﻮﻱ ﻭﺍﻟﻠﻪ ﺧﺎﻳﻔﺔ ﻭﻫﻮ ﻳﺸﺠﻌﻨﻲ ﻭﻳﻘﻮﻳﻨﻲ ﻣﻦ ﺍﺣﺎﺟﻴﻪ ﺍﺣﺲ ﺑﺎﻟﻘﻮﺓ
ﺭﻗﻴﺔ : ﻳﺎﻋﻤﺮﻱ ﻋﺎﻟﺤﺐ .. ﻓﺪﻳﺘﻜﻢ ﺍﻟﻠﻪ ﻻ ﻳﺤﺮﻣﻜﻢ ﻭﺍﺣﺪ ﻣﻦ ﺍﻟﺜﺎﻧﻲ ﻭﺗﺸﻮﻓﻮﻥ ﺟﻬﺎﻟﻜﻢ ﻭﺗﺸﻴﻠﻮﻧﻬﻢ ﺑﺤﻀﻨﻜﻢ .. ﻭﺍﺷﺒﻌﻬﻢ ﺑﻮﺱ ﺍﻟﻜﻢ ﺍﺧﻠﺼﻬﻢ ﻫﻬﻬﻬﻬﻪ
ﺣﻮﺭﺍﺀ : ﺍﻥ ﺷﺎﺀ ﺍﻟﻠﻪ .. ﻳﺎﻟﻠﻪ ﺍﺭﻭﺡ ﺍﺷﻮﻑ ﺷﻴﺨﻲ ﻗﺒﻞ ﻣﺎﻳﺠﻮﻥ ﺯﻟﻢ .. ﻭﻟﻮ ﺣﺎﺯﻡ ﻳﻤﻪ ﻫﺴﺔ ﺑﻠﻜﻲ ﻃﺎﻟﻊ .. ﻭﺿﺎﺟﺖ .. ﻫﺬﺍ ﺣﺎﺯﻡ ﺻﺎﻳﺮ ﻣﺮﺗﻪ ﻛﻠﻪ ﻳﻤﻪ
ﺭﻗﻴﺔ : ﻫﻬﻬﻬﻬﻬﻬﻪ ﺭﺟﻌﻨﻪ ﻧﻐﺎﺭ ﻭﻟﺞ ﻏﻴﺮ ﺑﺎﻗﻲ ﻳﻤﻪ ﻭﻳﺴﺎﻋﺪﻩ .. ﻭﻫﻮ ﺣﺎﺯﻡ ﺍﻛﺜﺮ ﻣﻦ ﺍﺧﻮﻩ ﻭﺻﺪﻳﻘﻪ ﻭﺫﺭﺍﻋﻪ ﺍﻟﻴﻤﻴﻦ ﺑﻜﻠﺸﻲ
ﺣﻮﺭﺍﺀ : ﺍﻱ ﻣﺎﻏﺎﺭ ﺍﻧﻪ ﻣﻦ ﺭﺟﺎﻝ .. ﻭﺍﻟﻠﻪ ﻳﻨﻄﻲ ﺍﻟﻌﺎﻓﻴﺔ ﺻﺪﻙ ﻣﺎﻣﻘﺼﺮ ﻭﻳﺎﻩ
ﺭﻗﻴﺔ : ﺍﻱ ﻣﺎﻣﻘﺼﺮ ﺧﻄﻴﺔ ﺣﺎﺯﻡ ﻭﻳﺎﻩ ﻋﺸﺮﺓ ﻋﻤﺮ ﻭﺻﺪﺍﻗﺔ 25 ﺳﻨﺔ ﻳﻜﻮﻝ ﻫﺸﺎﻡ .. ﻫﻮ ﺑﻌﻤﺮﻩ .. ﻭﻫﺎﺍﺍ ﺗﺮﺍ ﻫﺸﺎﻡ ﻣﻮ ﻫﻨﺎ ﺭﺍﺡ ﺍﻟﻤﺴﺘﺸﻔﻰ
ﺣﻮﺭﺍﺀ ﺑﺨﻮﻑ : ﻟﻴﺶ ﺷﺒﻲ
ﺭﻗﻴﺔ : ﻣﺎﺑﻲ ﺷﻲ ﺷﺒﻴﺞ ﺍﺧﺘﺮﻋﺘﻲ .. ﺭﺍﻳﺢ ﻳﺸﻮﻓﻪ ﺍﻟﺪﻛﺘﻮﺭ ﺍﺧﺬﻩ ﺣﺎﺯﻡ .. ﻳﺎﻟﻠﻪ ﻻ ﻧﺘﺄﺧﺮ .. ﻛﻮﻣﻲ ﺑﺪﻟﻲ ﻭﻻ ﺗﻔﻜﺮﻳﻦ ﺑﺄﺷﻴﺎﺀﺝ ﻣﻦ ﺍﻟﺒﺎﺭﺣﺔ ﺣﻄﻴﺘﻬﻦ ﺑﺴﻴﺎﺭﺓ ﻛﺮﻳﺮ
ﺣﻮﺭﺍﺀ : ﺻﺎﺭ .. ﻳﺎﻟﻠﻪ ﺑﻠﻜﻲ ﺍﺷﻮﻓﻪ ﺑﺎﻟﻤﺴﺘﺸﻔﻰ ... ﻭﺭﺍﺣﺖ ﺑﺪﻟﺖ ﻭﻟﺒﺴﺖ ﻋﺒﺎﻳﺘﻬﺎ ﻭﻃﻠﻌﺖ ﻭﺗﺠﺬﺏ ﻋﻠﻰ ﻧﻔﺴﻬﺎ ﺗﻜﻮﻝ ﻣﺎﺧﺎﻳﻔﺔ ...
ﺻﻌﺪﻭ ﺍﻟﺴﻴﺎﺭﺓ ﻭﺭﺍﺣﻮ ﻟﻠﻤﺴﺘﺸﻔﻰ ﻭﺍﺗﺠﻬﻮ ﻟﻠﺪﻛﺘﻮﺭﺓ .. ﻭﺑﻌﺪ ﺍﻛﻤﺎﻝ ﻛﻠﺸﻲ ... ﺩﺧﻠﺖ ﻏﺮﻓﺔ ﺍﻟﻌﻤﻠﻴﺔ ﺣﻮﺭﺍﺀ ﺑﻌﺪ ﻣﺎﻟﺒﺴﻨﻬﺎ ﺍﻟﻤﻤﺮﺿﺎﺕ ﻣﻼﺑﺲ ﺍﻟﻤﺴﺘﺸﻔﻰ ...
ﺩﻛﺘﻮﺭ ﺍﻟﺘﺨﺪﻳﺮ : ﻳﺎﻟﻠﻪ ﺑﺎﺑﺎ ﻟﺘﺨﺎﻓﻴﻦ ﻣﺎﻛﻮ ﺷﻲ ﻭﻻ ﻋﻠﻴﺞ ﺷﻲ ﻭﺍﻥ ﺷﺎﺀ ﺍﻟﻠﻪ ﺗﻜﻮﻣﻴﻦ ﺑﺎﻟﺴﻼﻣﺔ ... ﻳﺎﻟﻠﻪ ﺣﺴﺒﻲ ﻭﺍﺧﺬﻱ ﻧﻔﺲ ...
ﺣﻮﺭﺍﺀ ﺑﺨﻮﻑ ﻭﻫﻤﺴﺖ ﻟﻨﻔﺴﻬﺎ : ﺷﻴﺨﻲ ﺍﺣﺒﻚ ......
ﻭﻣﺎﺣﺴﺖ ﺑﺸﻲ ﺍﺑﺪ ﺑﻌﺪﻫﺎ ... ﻭﺳﻮﻟﻬﺎ ﺍﻟﻌﻤﻠﻴﺔ ﻭﺟﺎﺑﺖ ﺍﻟﺘﻮﺍﺋﻢ ﺍﻟﺜﻼﺛﺔ ... ﻭﻃﻠﻌﻮ ﻭﻟﺪ ﻭﺑﻨﺎﺕ ﺛﻨﻴﻦ ...
ﺑﺲ ﺗﻌﺒﺎﻧﻴﻦ ﻭﺻﻐﺎﺍﺍﺭ ﺣﻴﻴﻴﻴﻞ ﻭﺣﻄﻮﻫﻢ ﺑﺎﻟﺤﻈﺎﻧﺔ .. ﻳﺨﺒﻠﻮﻥ ﺟﻨﻬﻢ ﻣﻼﺋﻜﺔ .... ﺑﺲ ﺣﻴﻴﻴﻴﻞ ﺻﻐﺎﺍﺍﺍﺍﺭ ﻛﻠﺶ ...
ﺍﻡ ﻫﺸﺎﻡ ﺗﺒﺠﻲ ﻣﻦ ﺍﻟﻔﺮﺣﺔ ﻭﻣﻮ ﻣﺼﺪﻛﻪ ﺣﻮﺭﺍﺀ ﻭﻟﺪﺕ ﺍﺧﻴﺮﺍً ﻭﻋﺪﺕ ﺳﻼﻣﺎﺕ ﻋﻠﻴﻬﺎ ... ﺧﺎﺑﺮﺕ ﺍﻟﻬﻢ ﻭﻛﺎﻟﺖ ﺧﻠﺼﺖ ﺍﻟﻌﻤﻠﻴﺔ ﺣﻮﺭﺍﺀ ...
ﻫﺸﺎﻡ ﻛﻞ ﻟﺤﺎﺯﻡ ﺍﺧﺬﻧﻲ ﺍﺭﻭﺡ ﺍﺷﻮﻓﻬﻢ .. ﻛﻠﻪ ﻣﻮﺯﻳﻦ ﻋﻠﻴﻚ ﺗﺘﺤﺮﻙ ﻫﻮﺍﻱ ... ﻭﻣﺎﻗﺒﻞ ﻳﺮﻭﺡ ﻳﺎﺧﺬﻩ ...
ﺣﻄﻮ ﺣﻮﺭﺍﺀ ﺑﻐﺮﻓﺔ ﻭﺻﺤﺖ ﻣﻦ ﺍﻟﺘﺨﺪﻳﺮ ﻭﻇﻠﺖ ﺗﺤﺠﻲ ﺧﻴﻂ ﻭﺧﻴﻂ .. ﻣﺮﺓ ﺗﻜﻮﻝ ﺍﻳﻮﻭﻭ .. ﻭﻛﻞ ﺷﻮﻱ ﺗﻜﻮﻝ ﻭﻳﻦ ﺷﻴﺨﻲ ﺧﻞ ﻳﺠﻲ ...
ﺭﻗﻴﺔ ﺻﻮﺭﺗﻬﺎ ﻟﻬﺸﺎﻡ ﻭﻫﻲ ﺗﻬﺬﻱ ﻭﺗﺨﺮﺑﻂ .. ﻭﺗﻜﻮﻝ ﺍﺭﻳﺪ ﺍﺭﻭﺍﻳﻬﺎ ﻟﻬﺸﺎﻡ ﻭﻛﺮﺍﺭ ﺑﺲ ﺗﺼﻴﺢ ﺷﻴﺨﻲ ﻭﺷﻴﺨﻲ ...
‏( ﺭﻗﻴﺔ ﻫﻢ ﻣﺎﺗﻜﻌﺪ ﺭﺍﺣﺔ ﻭﻳﻦ ﻣﺨﻠﺪﻭ ﻋﻨﻬﺎ (💔😂😂😂
ﻭﻫﻤﺰﻳﻦ ﺍﻟﺮﺩﻫﺔ ﻓﺎﺭﻏﺔ ﺑﻴﻬﺎ ﺑﺲ ﻃﻔﻠﺔ ﻣﺴﻮﻳﻠﻬﺎ ﻋﻤﻠﻴﺔ .. ﻭﺭﺧﺼﻮﻫﺎ ﺑﻌﺪ ﻣﺎﺗﺤﺘﺎﺝ ﺗﺒﻘﻪ ﻫﻨﺎ ... ﻭﻳﺎﻫﺎ ﺑﻴﺒﻴﺘﻬﺎ ﻭﺍﻣﻬﺎ ...
ﺑﻌﺪﻫﺎ ﺻﺤﺖ ﺣﻮﺭﺍﺀ ﻣﻦ ﺍﻟﺒﻨﺞ ﻭﻇﻠﺖ ﺗﺒﺠﻲ ﻣﻦ ﺍﻷﻟﻢ ﺣﺘﻰ ﻣﺎﻛﺎﻟﺖ ﺍﺷﻮﻑ ﺍﻟﺠﻬﺎﻝ .. ﻭﺑﻘﺖ ﻫﻴﺞ ﺗﺘﺄﻟﻢ ﻭﺗﺒﺠﻲ ﻟﻤﻦ ﺍﺟﺘﻬﺎ ﺩﻛﺘﻮﺭﺓ ﺍﻟﻄﻮﺍﺭﺉ ...
ﻭﺑﺠﻴﻬﺎ ﻋﺒﺎﺭﺓ ﻋﻦ ﺩﻣﻮﻉ ﻭﻧﻴﻦ ﺑﺼﻮﺕ ﻧﺎﺻﻲ ... ﻭﻛﺎﻟﺖ ﺍﺭﻳﺪ ﺍﺷﻮﻑ ﺟﻬﺎﻟﻲ ...
ﻛﻠﻮﻟﻬﺎ ﺗﻌﺒﺎﻧﻴﻦ ﻣﺎﻳﻜﺪﺭﻭﻥ ﻳﺠﻴﺒﻮﻧﻬﻢ ﺍﻟﺞ .. ﺑﺲ ﺷﻮﻱ ﺗﺘﺤﺮﻛﻴﻦ ﻳﻮﺩﻭﺝ ﺍﻟﻬﻢ ...
ﻭﺍﻟﻌﺼﺮ ﺣﺎﺯﻡ ﺟﺎﺏ ﻫﺸﺎﻡ ﻟﻠﻤﺴﺘﺸﻔﻰ .. ﻣﺎﻛﺪﺭ ﻋﻠﻴﻪ ﻳﺮﻳﺪ ﻳﺸﻮﻑ ﺟﻬﺎﻟﻪ ﻣﻮ ﻣﺼﺪﻙ ﻃﻠﻌﻮ ﺑﺎﻟﺴﻼﻣﺔ ﻭﺍﻟﻠﻪ ﻛﻮﻡ ﺣﻮﺭﻳﺘﻪ ...
ﺑﺲ ﺍﻻﻃﻔﺎﻝ ﺑﻌﺪﻫﻢ ﻣﺎﺷﺎﻳﻔﻴﻦ ﺣﺎﻟﺘﻬﻢ ﻭﻳﻦ ﺗﻮﺻﻞ .. ﻷﻥ ﻛﻠﺶ ﺗﻌﺒﺎﻧﻴﻦ ﻭﺻﻐﺎﺭ ...
ﺍﺟﻪ ﻫﺸﺎﻡ .. ﻭﺷﺎﻓﻬﻢ ﻣﻦ ﺍﻟﺠﺎﻣﻪ ﻣﻦ ﺑﻌﻴﺪ .. ﻭﻣﻦ ﺷﺎﻓﻬﻢ ﻋﻴﻮﻧﻪ ﺩﻣﻌﺖ ﻣﻦ ﺍﻟﻔﺮﺣﺔ ﺑﻴﻬﻢ ... ﻭﺗﺬﻛﺮ ﺍﺧﻮﻩ ﻭﺣﺰﻥ ﻛﻠﺒﻪ ... ﻭﺗﺬﻛﺮ ﺍﻟﺨﻤﺴﺔ ﺍﻟﻤﺎﺗﻮ ﻭﻣﺎﺕ ﺣﺴﺮﻩ ﻋﻠﻴﻬﻢ ...
ﻭﻇﻞ ﺑﺨﻮﻑ ﺍﻧﻮ ﻳﻔﻘﺪﻫﻢ ﺫﻭﻝ ﻫﻤﻴﻦ .. ﻭﻳﻜﻮﻝ ﻳﺎﺭﺑﻲ ﺍﺣﻔﻈﻬﻢ ﻛﻠﺒﻲ ﺑﻌﺪ ﻣﺎﻳﺘﺤﻤﻞ ﺣﺰﻥ ....
ﻭﻛﺮﺍﺭ ﻭﻳﺎﻫﻢ ﺍﺻﻼً ﻭﻣﺎ ﻋﺎﻓﻬﻢ ﻭﻛﻞ ﺷﻮﻱ ﻳﺮﻭﺡ ﻳﺸﻮﻑ ﺍﺧﻮﺍﻧﻪ ﺍﻟﺼﻐﺎﺭ .. ﻭﻳﻜﻮﻝ ﺍﻭﻭﻭﻑ ﺑﻮﻳﻪ ﺑﻴﻨﻲ ﻭﺑﻴﻨﻬﻢ 21 ﺳﻨﺔ ﺷﻨﻲ ﺍﺯﻭﺟﻬﻢ ﻭﺍﻧﻪ ﺷﺎﻳﺐ ﻭﻳﻀﺤﻚ ....
ﻫﺸﺎﻡ ﻳﻜﻠﻪ ﺫﻭﻝ ﺟﻬﺎﻟﻚ ﺑﻌﺪ .. ﻣﻮ ﺍﺧﻮﺍﻧﻚ ﺍﺣﺴﺒﻬﻢ ﺟﻬﺎﻟﻚ .. ﻭﻛﺮﺍﺭ ﻳﻀﺤﻚ ﻭﻳﻜﻠﻪ ﺑﻮﻳﻪ ﺑﻌﺪ ﺍﻧﺘﻪ ﺍﺭﺗﺎﺡ ﺍﻧﻪ ﺍﺭﺑﻴﻬﻢ ﻋﻠﻰ ﻃﺮﻳﻘﺘﻲ ...
ﻫﺸﺎﻡ ﻳﻜﻠﻪ ﻻ ﺑﺎﻟﻠﻪ ﺧﺮﺑﻮ ﺍﻟﺠﻬﺎﻝ .. ﺍﺭﺑﻴﻬﻢ ﺑﻨﻔﺴﻲ ...
ﺭﺍﺡ ﻟﻠﻐﺮﻓﺔ ﺍﻟﻲ ﺑﻴﻬﺎ ﺣﻮﺭﻳﺘﻪ ... ﻫﻮ ﻳﻤﺸﻲ ﺑﺲ ﺻﺪﺭﻩ ﺑﺴﺮﻋﺔ ﻳﻮﺟﻌﻪ ﺑﺴﺒﺐ ﻳﻌﻠﻪ ﺗﻨﻔﺴﻪ ...
ﺑﺲ ﺷﺎﻑ ﻧﺴﻮﺍﻥ ﻫﻨﺎﻙ ﻣﺎﺩﺧﻞ ﻭﺭﺟﻊ ﻭﺭﺍﺡ ﺍﻟﺒﻴﺖ ﻫﻮ ﻭﺣﺎﺯﻡ ﻭﻛﺎﻝ ﻷﻣﻪ ﺍﺟﻲ ﻣﺮﺓ ﺛﺎﻧﻴﺔ .. ﺑﻌﺪﻳﻦ ﺣﻮﺭﺍﺀ ﺳﻤﻌﺖ ﻫﺸﺎﻡ ﺍﺟﻪ ﻭﻣﺎﺯﺍﺭﻫﺎ ﻇﻠﺖ ﺗﺒﺠﻲ ﻣﺜﻞ ﺍﻟﺠﺎﻫﻠﺔ ...
ﻭﻳﻮﻡ ﺛﺎﻧﻲ ﺍﺧﺬﻭﻫﺎ ﺗﺸﻮﻑ ﺍﻟﺠﻬﺎﻝ ﻭﻣﻦ ﺷﺎﻓﺘﻬﻢ ﻭﻇﻠﺖ ﺗﻨﺤﺐ ﻋﻠﻴﻬﻢ ﻭﻫﻲ ﺗﺸﻮﻓﻬﻢ ﻫﻴﺞ .. ﺍﺟﻬﺰﺓ ﻋﻠﻴﻬﻢ ﻭﻣﺤﺠﻮﺯﻳﻦ ﺑﻜﺰﺍﺯ ...
ﻭﺍﺟﻪ ﺯﺍﺭﻫﺎ ﺍﻟﺸﻴﺦ ﻭﻓﺮﺣﺖ ﺣﻴﻞ ﺯﺍﺭﻫﺎ ... ﻭﺑﻘﺖ 3 ﺍﻳﺎﻡ ﻭﻃﻠﻌﻮﻫﺎ ﻣﻦ ﺍﻟﻤﺴﺘﺸﻔﻰ ... ﺍﻣﺎ ﺍﻟﺠﻬﺎﻝ ﺑﺎﻗﻴﻦ ﺑﺎﻟﻤﺴﺘﺸﻔﻰ ﺣﺎﻟﺘﻬﻢ ﻣﺎﺗﺴﻤﺢ ﻳﻄﻠﻌﻮﻥ ...
ﻭﻣﻦ ﺭﺟﻌﺖ ﺍﻟﺒﻴﺖ ﺑﺪﻭﻧﻬﻢ ﻇﻠﺖ ﺗﺒﺠﻲ ﻭﺗﻜﻮﻝ ﺟﻴﺒﻮﻫﻢ ﻟﻮ ﺗﺎﺧﺬﻭﻧﻲ ﺍﻟﻬﻢ .. ﺑﺎﻟﻜﻮﺓ ﻣﻘﻨﻌﻴﻬﺎ ﻟﻤﻦ ﻳﺘﻌﺎﻓﻮﻥ ...
ﺑﺎﻟﻠﻴﻞ ﻛﻠﺶ ﺑﻌﺪ ﻣﺎﻛﻮ ﺍﺣﺪ ﺑﺎﻟﺒﻴﺖ .. ﻛﻞ ﻟﺤﺎﺯﻡ ﺍﻧﻪ ﺍﻟﻴﻮﻡ ﺭﺍﺡ ﺍﻧﺎﻡ ﺩﺍﺧﻞ ﺍﻟﺒﻴﺖ ﻭﺣﺎﺯﻡ ﻛﻠﻪ ﻣﺎﺷﻲ ﺑﺲ ﺩﻳﺮ ﺑﺎﻟﻚ ﻋﻠﻰ ﺟﺮﺣﻚ ...
ﻭﺭﺍﺡ ﺣﺎﺯﻡ ﺍﻟﻠﻴﻠﺔ ﺑﻴﺘﻬﻢ ... ﻭﻫﺸﺎﻡ ﺭﺍﺡ ﺩﺍﺧﻞ ﻭﻳﻤﺸﻲ ﻭﻫﻮ ﻻﺯﻡ ﺻﺪﺭﻩ ... ﺭﻗﻴﺔ ﻛﻠﺘﻠﻪ ﺍﺳﺎﻋﺪﻙ .. ﻛﻠﻠﻬﺎ ﻻ ﺍﻛﺪﺭ ﺍﻣﺸﻲ .. ﻭﺳﺄﻝ ﻋﻦ ﺍﻳﻤﺎﻥ ﻭﻛﻠﻬﺎ ﺍﻣﻲ ﺯﺍﺭﺗﻬﺎ ﺍﻟﻴﻮﻡ ..
ﺍﻧﻪ ﺣﺒﻴﺒﺘﻬﻢ ﻣﻦ ﻛﻠﺒﻲ
ﺣﻮﺭﺍﺀ : ﻭﺍﻧﻪ ﺑﻌﺪ ﻛﻠﺒﻲ ﻳﻮﺟﻌﻨﻲ ﻋﻠﻴﻬﻢ ﻫﻴﺞ ﺑﺤﺪﻫﻢ .. ﺍﺧﺎﻑ ﻳﺒﺮﺩﻭﻥ ﻟﻮ ﻳﻤﺮﺿﻮﻥ ﻭﺍﻧﻪ ﻣﻮ ﻣﻮﺟﻮﺩﺓ ﻳﻤﻬﻢ
ﻫﺸﺎﻡ : ﻫﻬﻬﻪ ﻻ ﻋﻴﻮﻧﻲ ﻣﻴﻤﺮﺿﻮﻥ ﻭﻻ ﻳﺒﺮﺩﻭﻥ ﻳﻬﺘﻤﻮﻟﻬﻢ ﻫﺴﺔ .. ﺍﺣﺴﻦ ﻣﺎﻳﺠﻮﻥ ﻫﻨﺎ ﻭﺑﻌﺪﻫﻢ ﺗﻌﺒﺎﻧﻴﻦ ﻣﻴﺼﻴﺮ
ﺣﻮﺭﺍﺀ : ﻟﺸﻮﻛﺖ ﻳﺒﻘﻮﻥ ﻫﻨﺎﻙ
ﻫﺸﺎﻡ : ﻟﻤﻦ ﻳﺘﻌﺎﻓﻮﻥ ﻭﺍﻟﺪﻛﺎﺗﺮﺓ ﻳﺸﻮﻓﻮﻧﻬﻢ ﻣﻴﺤﺘﺎﺟﻮﻥ ﻛﻞ ﻫﺎﻷﺟﻬﺰﺓ
ﺣﻮﺭﺍﺀ : ﺍﻟﻠﻪ ﻛﺮﻳﻢ .. ﺭﺑﻲ ﻳﺤﻔﻈﻬﻢ ﺍﻟﻨﻪ .. ﻣﺎﺻﺪﻛﺖ ﺻﺤﻴﺖ ﻭﺷﻔﺘﻬﻢ ﻭﺷﻔﺘﻚ ﺷﻴﺨﻲ
ﻫﺸﺎﻡ ﻟﺰﻡ ﺻﺪﺭﻩ ﻭﺗﻤﺪﺩ ﺑﺄﻟﻢ ﺑﺼﻔﻬﺎ ﻭﻳﺒﺎﻭﻉ ﺑﻮﺟﻬﺎ ﻭﺳﺘﻜﺖ ﻭﻋﻠﻰ ﻭﺟﻬﻪ ﺍﺑﺘﺴﺎﻣﺔ ﺗﺤﺒﻬﺎ ﺣﻮﺭﺍﺀ ...
ﻫﺸﺎﻡ : ﺍﺣﻠﻰ ﻣﻌﺠﺰﺓ ﻫﺬﻭﻝ ﺍﻟﺜﻼﺛﺔ .. ﻣﻮ ﻣﺼﺪﻙ ﺻﺎﺭ ﻋﻨﺪﻱ 3 ﻓﺪ ﻣﺮﺓ .. ﺑﻠﻜﻲ ﻳﻌﻮﺿﻮﻧﻲ ﻋﻦ ﺍﻟﺮﺍﺣﻮ .. ﻣﺎﺟﻨﺖ ﻣﺘﻮﻗﻊ ﺍﺗﺰﻭﺝ ﺑﻌﺪ ﻭﺍﻟﻠﻪ ﻳﻨﻄﻴﻨﻲ ﻃﻔﻞ .. ﺍﻟﺤﻤﺪﻟﻠﻪ
ﺣﻮﺭﺍﺀ : ﻟﻴﺶ ﻣﺎﺗﺰﻭﺝ ﻭﺷﻨﻮ ﺑﻴﻬﺎ ﻣﻮ ﺍﺧﺮ ﺭﺟﺎﻝ ﻳﺼﻴﺮ ﺍﺭﻣﻞ ﻳﺘﺰﻭﺝ ﺑﻌﺪ ﺯﻭﺟﺘﻪ
ﻫﺸﺎﻡ : ﺳﺪﻱ ﺍﻟﺴﻴﺮﺓ ﻣﺎﺣﺐ ﺍﺣﺠﻲ ﺑﻴﻬﺎ
ﺣﻮﺭﺍﺀ ﺑﻬﺪﻭﺀ : ﺑﺲ ﺳﺆﺍﻝ ﺷﻴﺨﻲ ﺟﺎﻭﺑﻨﻲ ﺑﺼﺪﻕ ﻭﺍﻣﺎﻧﺔ
ﻫﺸﺎﻡ : ﺷﻨﻮ ﺑﻮﻳﻊ ﻣﺠﺬﺏ ﻋﻠﻴﺞ ﺑﺸﻲ
ﺣﻮﺭﺍﺀ : ﻻ ﻻ ﺣﺸﺎﻙ .. ﺑﺲ ﺳﺆﺍﻟﻲ .. ﺍﻧﺘﻪ ﺟﻨﺖ ﺗﺤﺒﻬﺎ ﺷﻴﺨﻲ
ﻫﺸﺎﻡ ﺳﻮﻯ ﻧﻔﺴﻪ ﻣﺎﻋﺮﻓﻬﺎ : ﻣﻨﻮ ﻫﺎﻱ ﺍﻟﻲ ﺍﺣﺒﻬﺎ
ﺣﻮﺭﺍﺀ : ﺍﻡ ﻛﺮﺍﺭ .. ﺳﻤﻌﺖ ﺍﻧﺘﻪ ﺟﻨﺖ ﺭﺍﻓﺾ ﺗﺰﻭﺝ ﻋﻠﻴﻬﺎ ﻭﻣﺎﺗﺮﻳﺪ ﻃﻔﻞ ﻭﺍﻛﺘﻔﻴﺖ ﺑﻜﺮﺍﺭ
ﻫﺸﺎﻡ : ﻭﺷﻠﺞ ﺑﻬﺎﻟﺴﺆﺍﻝ ﻫﺴﺔ
ﺣﻮﺭﺍﺀ : ﻓﺪﻭﺓ ﺷﻴﺨﻲ ﺟﺎﻭﺑﻨﻲ ﺗﺤﺒﻬﺎ ﻣﻮبيج قصص عراقيه حقيقيه من واقعنا.روعه الطائي
ﻫﺸﺎﻡ ﺑﺼﺪﻕ : ﺍﻛﻴﺪ ﺍﻛﻮ ﺷﺨﺺ ﻣﺎﻳﺤﺐ ﺯﻭﺟﺘﻪ ﺍﻟﻲ ﻭﻓﺖ ﻭﻳﺎﻩ ﻭﻋﺸﺮﺓ ﻋﻤﺮ ﻭﻳﺎﻩ ﻭﺍﻡ ﺟﻬﺎﻟﻪ .. ﺷﺎﻓﻬﺎ ﺩﻣﻌﺖ ﻋﻴﻮﻧﻬﺎ .. ﺑﺲ ﻣﻮ ﺍﻟﻌﺸﻚ .. ﺣﺐ ﻣﻮﺩﺓ
ﺣﻮﺭﺍﺀ ﺑﺄﺑﺘﺴﺎﻣﺔ : ﻳﻌﻨﻲ ﻫﻲ ﺣﺒﻚ ﺍﻷﻭﻝ ﺷﻴﺨﻲ
ﻫﺸﺎﻡ ﺿﺤﻚ ﺑﺨﻔﺔ : ﻣﺎﺗﺬﻛﺮ ﺷﻨﻮ ﺣﺐ ﺍﻭﻝ ﻭﻻ ﺛﺎﻧﻲ ﺑﺲ ﻣﺎﻟﺤﻜﺖ ﺍﺣﺐ ﺗﺰﻭﺟﺖ ﺑﻌﻤﺮ ﺍﻝ 19 ﺳﻨﺔ ﻭﻋﻤﺮﻱ 20 ﺳﻨﺔ ﻋﻨﺪﻱ ﻛﺮﺍﺭ .. ﺭﺑﻴﺖ ﺑﺎﻟﺪﻳﻮﺍﻥ ﻭﻳﻪ ﺍﺑﻮﻱ ﻣﻮ ﻣﻦ ﺍﻟﺸﺒﺎﺏ ﺍﻟﻄﺎﻳﺶ ﻭﻻ ﻓﻜﺮﺕ ﺑﺎﻟﺤﺐ ﺧﻠﻴﺘﻪ ﻷﻡ ﺍﺑﻨﻲ ﺑﺲ ﺍﺑﺪ ﻣﻮ ﺍﻟﻄﺮﻳﻘﺔ ﺍﻟﻲ ﺍﺷﻮﻓﺞ ﺑﻴﻬﺎ .. ﺍﻧﺘﻲ ﻣﺨﺘﻠﻒ ﺷﻌﻮﺭﺝ
ﺣﻮﺭﺍﺀ ﺣﻄﺖ ﺍﻳﺪﻫﺎ ﺑﻮﺟﻬﻪ : ﻓﺪﻭﺓ ﺍﻧﻪ ﻟﺸﺒﺎﺑﻚ ﻭﻟﺸﻴﺒﺎﺗﻚ ﺷﻴﺨﻲ ﺍﻟﻬﻴﺒﺔ
ﻫﺸﺎﻡ : ﺣﻮﺭ ﻣﻬﻤﺎ ﺻﺎﺭ ﻭﺟﺮﻯ ﺭﺍﺡ ﺗﺘﻔﻬﻤﻴﻨﻲ
ﺣﻮﺭﺍﺀ ﻓﻬﻤﺘﻪ : ﻭﺍﻟﻠﻪ ﻣﺘﻔﻬﻤﺘﻚ
ﻫﺸﺎﻡ ﺑﻘﻬﺮ : ﻣﻜﺴﻮﺭ ﻛﻠﺒﻲ ﻋﻠﻴﺞ .. ﺑﺲ ﺣﻮﺑﺔ ﻫﺬﻳﺞ ﺍﻟﻄﻔﻠﺔ ﻣﺎﺭﺍﺣﺖ ﻫﻴﺞ .. ﻭﺭﺑﺞ ﻳﻤﻬﻞ ﻭﻻ ﻳﻬﻤﻞ .. ﻭﺳﻜﺖ ﻭﻻﺣﻆ ﺍﻟﺪﻣﻮﻉ ﺑﻌﻴﻮﻧﻬﺎ ﻭﺣﺘﻰ ﻫﻮ ﺣﺰﻥ ﺍﺗﺬﻛﺮ .. ﻭﻏﻴﺮ ﺍﻟﻤﻮﺿﻮﻉ .. ﺍﻧﻪ ﺍﻟﻠﻴﻠﺔ ﺭﺍﺡ ﺍﺑﺎﺕ ﻫﻨﺎ ﻳﻤﺞ
ﺣﻮﺭﺍﺀ : ﺑﺲ ﻭﻳﻦ ﺗﻜﺪﺭ ﺗﻜﻮﻣﻨﻲ ﺍﻧﺘﻪ ﺑﺤﺪﻙ ﺑﻌﺪﻙ ﻣﺎﻃﺎﺏ ﺻﺪﺭﻙ
ﻫﺸﺎﻡ : ﻫﻬﻬﻪ ﻛﺄﻧﻲ ﺍﻧﻄﺮﺩﺕ ﻣﻦ ﺍﻟﻐﺮﻓﺔ .. ﺷﻨﻮ ﻣﺎﺗﺮﺩﻳﻨﻲ
ﺣﻮﺭﺍﺀ : ﺍﺷﻤﺮﻫﺎ ﺭﻭﺣﻲ ﺑﺮﻩ ﻭﻻ ﺍﻃﺮﺩﻙ .. ﺷﻠﻮﻥ ﻣﺎﺭﻳﺪﻙ ﺷﻴﺨﻲ ﺑﺲ ﺍﻧﺘﻪ ﻣﺜﻠﻲ ﻻ ﺣﻮﻝ ﻭﻻ ﻗﻮﺓ
ﻫﺸﺎﻡ ﺍﺑﺘﺴﻢ : ﺍﺳﻢ ﺍﻟﻠﻪ ﻋﻠﻰ ﺭﻭﺣﺞ .. ﺍﻱ ﻫﺴﺔ ﺗﺠﻲ ﺭﻗﻴﺔ ﻳﻤﺞ ﻭﺍﺭﻭﺡ ﺍﺭﺟﻊ ﻟﻠﺪﻳﻮﺍﻥ ﻣﻮ ﻣﺸﻜﻠﺔ
ﺣﻮﺭﺍﺀ : ﻻ ﻻ ﺍﺑﻘﻪ ﺷﻴﺨﻲ ﻓﺪﻭﺓ ﺭﺣﺘﻠﻚ .. ﺭﻗﻴﺔ ﺗﻨﺎﻡ ﻳﻤﻨﻪ ﻣﻮ ﻣﺸﻜﻠﺔ
ﻫﺸﺎﻡ : ﻻ ﺑﻮﻳﻪ ﺍﺭﻭﺡ ﻟﻠﺪﻳﻮﺍﻥ ﻣﺎﻳﺼﻴﺮ ﺍﻧﻪ ﻳﻤﺞ ﻭﻫﻲ ﻳﻤﻨﻪ .. ﻫﻨﻮﺏ ﺗﻨﺤﺮﻑ ﺍﻟﺒﻨﻴﺔ ﻫﻬﻬﻪ
ﺣﻮﺭﺍﺀ ﺍﺑﺘﺴﻤﺖ ﻣﺎﺑﻴﻬﺎ ﺗﻀﺤﻚ : ﻟﻴﺶ ﺷﺮﺍﺡ ﺍﻧﺴﻮﻱ ﻗﺎﺑﻞ
ﻫﺸﺎﻡ : ﺍﻭﻳﻴﻠﻲ ﺻﺎﻳﺮﺓ ﻣﺎﺗﺨﺠﻞ ﻣﻨﻲ ﺣﻮﺭﻳﺘﻲ ﺷﻜﻠﻬﺎ ﺗﻌﻮﺩﺗﻨﻲ
ﺣﻮﺭﺍﺀ ﺧﺠﻠﻬﺎ ﺑﺤﺠﻴﻪ : ﻻ ﻣﻮ ﻫﻴﺞ .. ﺍﻭﻭﻭﻑ ﻣﻨﻚ ﺷﻴﺨﻲ ﺩﻭﻡ ﺗﻔﻬﻤﻨﻲ ﻏﻠﻂ .. ﻗﺼﺪﺕ ﻫﻮ ﺍﻧﺘﻪ ﻣﺼﻮﺏ ﻭﺍﻧﻪ ﺷﺎﻛﻴﻦ ﺑﻄﻨﻲ
ﻫﺸﺎﻡ ﺿﺤﻚ ﻭﻟﺰﻡ ﺻﺪﺭﻩ ﺗﻮﺟﻊ : ﺍﻟﻠﻪ ﻳﻠﻌﻦ ﺍﺑﻠﻴﺴﺞ .. ﺧﻠﻲ ﺍﻛﻮﻡ ﻻ ﺍﻟﺠﺮﺡ ﻳﻨﺰﻑ ﻣﻦ ﺍﻟﻀﺤﻚ
ﺣﻮﺭﺍﺀ ﻏﻄﺖ ﻭﺟﻬﺎ ﺑﺨﺠﻞ : ﺷﻠﻮﻥ ﺑﺘﻔﻜﻴﺮﻙ ﺑﻴﻪ
ﻫﺸﺎﻡ ﻭﺧﺮ ﺍﻳﺪﻫﺎ ﻭﺑﺎﺱ ﺧﺸﻤﻬﺎ : ﻓﺎﻫﻤﺞ ﻳﺎﺭﻭﺣﻲ ﻓﺎﻫﻤﺞ .. ﺑﺲ ﺍﺷﺎﻗﻴﺞ .. ﻫﺴﺔ ﻏﻴﺮ ﻟﻮ ﺍﻛﺪﺭ ﺍﻛﻮﻡ ﻫﻬﻬﻬﻪ ﺍﺷﻮ ﺍﻧﺴﺪﺣﺖ ﻳﻤﺞ ﻭﻣﺎﻛﺪﺭ ﺍﺭﻭﺡ ﺍﻓﺎﺭﻛﺞ
ﺣﻮﺭﺍﺀ ﻟﺰﻣﺖ ﻭﺟﻬﻪ : ﻻ ﺗﺮﻭﺡ ﻭﺧﻠﻴﻨﻪ ﻫﻴﺞ ﻟﻠﺼﺒﺢ ﻣﻮ ﺍﻻ ﻧﺘﺤﺮﻙ
ﻫﺸﺎﻡ : ﺍﻱ ﻟﻴﺶ ﻻ ﻧﺒﻘﻪ .. ﺑﺲ ﺭﻭﺣﺘﺞ ﻟﻠﺤﻤﺎﻡ .. ﻻﺯﻡ ﺍﺷﻴﻠﺞ ﻳﺎﻟﻠﻪ ﺗﻜﺪﺭﻳﻦ ﺗﻜﻮﻣﻴﻦ ﻫﻬﻬﻪ
ﺣﻮﺭﺍﺀ : ﻣﻮ ﺍﻻ ﺣﻤﺎﻡ ....
ﺑﻘﻮ ﻫﺸﺎﻡ ﻭﺣﻮﺭﺍﺀ ﻫﻴﺞ ﻭﺍﺣﺪ ﻣﻜﺎﺑﻞ ﻭﺟﻪ ﺍﻟﺜﺎﻧﻲ ﻟﻠﻔﺠﺮ ﺑﺲ ﺣﻮﺭﺍﺀ ﻧﺎﻳﻤﺔ ﻋﻠﻰ ﻇﻬﺮﻫﺎ ... ﻭﻏﻔﺖ ﺑﻌﺪ ﺳﻮﺍﻟﻒ ﻃﻮﻳﻠﺔ ﻭﻳﺎﻩ .. ﻭﻛﺎﻡ ﻫﺸﺎﻡ ﺑﺼﻌﻮﺑﺔ ﻭﺃﻟﻢ ﺑﻌﺪ ﻣﺎﺑﺎﺱ ﺧﺪﻫﺎ ...
ﻭﻃﻠﻊ ﻛﻌﺪ ﺭﻗﻴﺔ ﺗﺮﻭﺣﻠﻬﺎ ﻭﺭﺍﺡ ﺭﺟﻊ ﻟﻠﺪﻳﻮﺍﻥ .. ﺗﻮﺿﺄ ﺑﺎﻟﻤﻐﺴﻠﺔ ﺍﻟﻲ ﺑﺮﻩ ﻭﺻﻠﻰ ﻋﻠﻰ ﺍﻟﻜﺮﺳﻲ ﺍﻟﺠﺎﺑﻮﻩ ﺍﻟﻪ ﻋﻠﻤﻮﺩ ﺻﻼﺗﻪ .. ﻭﻛﺎﻡ ﻭﺍﻧﺴﺪﺡ ﺑﺎﻟﺠﻠﺴﺔ ﺑﺄﻟﻢ ﺑﻌﺪ ﻣﺎﺟﺎﺑﻠﻪ ﻏﻄﻪ ...
ﻭﻧﺎﻡ ﻭﻫﻮ ﻳﻔﻜﺮ ﺑﺤﺎﻟﺘﻪ ﻭﻳﻪ ﺣﻮﺭﺍﺀ ﻭﺍﺗﺨﺬ ﻗﺮﺍﺭ ﺍﻧﻮ ﻳﻔﺘﺢ ﺻﻔﺤﺔ ﺟﺪﻳﺪﺓ ﻭﻫﻞ ﻣﺮﺓ ﻳﺮﻳﺪ ﻳﺘﻐﻠﺐ ﻋﻠﻰ ﻣﺸﺎﻋﺮﻩ ....
ﺣﻮﺭﺍﺀ ﻣﻦ ﺳﻤﻌﺖ ﺫﺍﻙ ﺍﻟﻴﻮﻡ ﺑﻤﻮﺕ ﺍﻳﻤﻦ ﻭﻻ ﻫﻤﺎﻫﺎ ﺍﺑﺪﺍً ﻭﺧﻠﺼﺖ ﻣﻦ ﺍﻛﺒﺮ ﻋﺬﺍﺏ ﻋﺪﻫﺎ ﺑﺲ ﺍﻟﻲ ﺳﻮﺍﻩ ﺑﻴﻬﺎ ﺭﺍﺡ ﻳﺒﻘﻪ ﻣﺤﻔﻮﺭ ﺑﻜﻠﺒﻬﺎ ﻭﺑﻜﻠﺒﻪ ﻟﻬﺸﺎﻡ ...
ﻧﺼﺒﻮﻟﻪ ﻓﺎﺗﺤﺔ ﻭﺧﻄﻴﺔ ﺍﺑﻮﻩ ﻣﺎﻳﻌﺮﻑ ﺷﻴﻜﻮﻝ ﻟﻮ ﺷﻴﺒﺮﺭ ﻟﻠﻨﺎﺱ ﺍﻟﻲ ﺗﺤﺠﻲ ﻋﻠﻴﻪ .. ﻣﺎﺕ ﻭﻳﻪ ﺑﻨﻴﺔ ﺑﻮﺿﻊ ﻣﺨﺰﻱ ﻭﺍﻧﻮﺏ ﻣﻘﺘﻮﻝ .. ﻭﻣﺸﺮﻭﺏ ﻳﻤﻬﻢ .. ﻳﻌﻨﻲ ﻣﺎﺕ ﺳﻜﺮﺍﻥ ﻭﺟﺎﻱ ﻳﻌﺼﻲ ﺭﺑﻪ ﺑﻜﻞ ﺍﻟﻨﻮﺍﺣﻲ ...بيج قصص عراقيه حقيقيه من واقعنا.روعه الطائي
ﺍﻟﺸﻴﺦ ﺣﺴﻴﻦ ﻣﻬﻀﻮﻡ ﻋﻠﻰ ﺍﺑﻦ ﺍﺧﻮﻩ ﺍﻟﻲ ﺿﻴﻊ ﺣﻴﺎﺗﻪ ﺑﺎﻟﻤﻌﺎﺻﻲ ﻭﺍﻟﺨﺰﻱ ﻭﺍﻟﻌﺎﺭ .. ﻭﻣﻘﻬﻮﺭ ﻋﻠﻰ ﺍﺧﻮﻩ ﺍﻟﻤﺴﻜﻴﻦ ﺿﺎﻉ ﺗﻌﺒﻪ ﻭﺗﺮﺑﻴﺘﻪ ﻛﻞ ﻫﺎﻱ ﺍﻟﺴﻨﻴﻦ ...
ﺑﺲ ﻟﻮ ﻳﺪﺭﻱ ﺑﻠﻲ ﺳﻮﺍﻩ ﺍﻳﻤﻦ ﺑﺒﺘﻪ ﺣﻮﺭﺍﺀ ﺟﺎﻥ ﻫﻮ ﻗﺘﻠﻪ ﺑﻨﻔﺴﻪ .. ﺑﺲ ﺍﻟﻠﻪ ﺳﺘﺮﻫﺎ ﺑﺰﻭﺍﺟﻬﺎ ﻣﻦ ﻫﺸﺎﻡ ﻣﻮ ﻣﻦ ﻏﻴﺮﻩ ...
ﻣﺮﺕ ﺍﻻﻳﺎﻡ ﻭﻫﺸﺎﻡ ﺷﻮﻱ ﺗﻌﺎﻓﻪ ﻣﻦ ﺍﺻﺎﺑﺘﻪ .. ﻭﺣﻮﺭﺍﺀ ﻫﻢ ﺗﺤﺴﻨﺖ ﺷﻮﻱ ... ﻭﺟﻬﺎﻟﻬﻢ ﺗﻌﺪﻭ ﻣﺮﺣﻠﺔ ﺍﻟﺨﻄﺮ ﻭﺍﻟﺤﻤﺪﻟﻠﻪ ﻳﻜﺪﺭﻭﻥ ﻳﻄﻠﻌﻮﻥ ﻣﻦ ﺍﻟﻤﺴﺘﺸﻔﻰ ...😍...
ﻭﺍﻟﻴﻮﻡ ﺭﺍﺣﻮ ﻳﺠﻴﺒﻮﻧﻬﻢ ﻣﻦ ﺍﻟﻤﺴﺘﺸﻔﻰ ﻭﺣﻮﺭﺍﺀ ﻣﻮ ﻣﺼﺪﻛﻪ ﺭﺍﺡ ﻳﺠﻮﻥ ﻟﺤﻀﻨﻬﺎ ﺍﺧﻴﺮﺍً ﻭﺣﺘﻰ ﻫﺸﺎﻡ ... ﺍﺻﻼً ﻛﻞ ﺍﻟﺒﻴﺖ ﻓﺮﺣﺎﻧﻴﻦ ﺑﻴﻬﻢ ...
ﺣﺘﻰ ﺍﻟﺤﺠﻲ ﺍﺑﻮ ﻫﺸﺎﻡ ﻫﻢ ﺟﺎﻱ ﻳﻨﺘﻈﺮﻫﻢ .. ﻭﻳﻜﻮﻟﻮﻥ ﺍﻟﺪﻛﺎﺗﺮﺓ ﻧﺠﻮ ﺑﻤﻌﺠﺰﺓ ﺟﺎﻧﺖ ﺣﺎﻟﺘﻬﻢ ﻛﻠﺶ ﺗﻌﺒﺎﻧﺔ ﻭﻣﺎﺟﺎﻧﻮ ﻣﺘﺄﻣﻠﻴﻦ ﻳﻨﺠﻮﻥ ...
ﺑﺲ ﺍﻟﺤﻤﺪﻟﻠﻪ ﺍﻟﻠﻪ ﻧﺠﺎﻫﻢ .. ﺭﺍﺡ ﻛﺮﺍﺭ ﻭﺍﻡ ﻫﺸﺎﻡ ﻳﺠﻴﺒﻮﻫﻢ .. ﻭﺣﻮﺭﺍﺀ ﻛﺎﻋﺪﺓ ﻋﻠﻰ ﺍﻋﺼﺎﺑﻬﺎ ﻭﺭﻏﻢ ﻋﻤﻠﻴﺘﻬﺎ ﺗﻮﺟﻌﻬﺎ ﺑﺲ ﺗﻜﻮﻡ ﻭﺗﻜﻌﺪ ﻭﺗﻜﻮﻝ ﺷﻮﻛﺖ ﻳﻮﺻﻠﻮﻥ ...
ﻣﻦ ﺷﺎﻓﺖ ﺍﻡ ﻫﺸﺎﻡ ﺩﺧﻠﺖ ﻭﺑﻴﺪﻫﺎ ﺛﻨﻴﻦ ﻭﺷﺎﻳﻠﺘﻬﻢ .. ﺭﻭﺣﻬﺎ ﻓﺮﻓﺤﺖ ﻭﺩﻣﻮﻋﻬﺎ ﻧﺰﻟﺖ ﻭﺭﺍﺣﺖ ﺑﻠﻬﻔﺔ ﺍﺧﺬﺕ ﻭﺍﺣﺪ ﻣﻨﻬﻢ ...
ﻭﻛﺮﺍﺭ ﺩﺧﻞ ﺑﻴﺪﻩ ﻋﺰﺍﻡ ﺍﻟﺼﻐﻴﺮ .. ﻭﻳﻜﻞ ﻟﻨﺴﻤﻪ ﻳﺸﺒﻬﻨﻲ ﺑﻜﻠﺸﻲ .. ﻭﻓﻌﻼً ﻳﺸﺒﻬﻮﻧﻪ ﻛﻠﺶ ﺣﺘﻰ ﻟﻮﻥ ﺍﻟﻌﻴﻮﻥ ﺻﻔﺮ ﻋﻠﻴﻪ ....
ﻫﺸﺎﻡ ﺟﺎﻥ ﺑﺎﻟﺪﻳﻮﺍﻥ ﻭﺩﺧﻞ ﻭﺷﺎﻑ ﺣﻮﺭﺍﺀ ﺑﻴﺪﻫﺎ ﻭﺣﺪﺓ ﻣﻦ ﺍﻟﺒﻨﺎﺕ ﻭﺣﺎﺿﻨﺘﻬﺎ ﻭﺗﺒﺠﻲ ﻭﻣﻮ ﻣﺼﺪﻛﻪ ﺭﺟﻌﻮﻟﻬﺎ ...
ﻭﺑﻴﺪ ﻛﺮﺍﺭ ﻭﺍﺣﺪ ﻭﺍﻟﺜﺎﻟﺜﺔ ﺭﻗﻴﺔ ﺗﺒﻮﺱ ﺑﻴﻬﺎ ﻭﺍﻡ ﻫﺸﺎﻡ ﺗﻜﻠﻬﺎ ﻣﻮ ﺯﻳﻦ ﺗﺒﻮﺳﻴﻨﻬﺎ ﻫﻞ ﻛﺜﺮ ﻛﺎﻓﻲ ...
ﺍﺑﺘﺴﻢ ﺑﺤﺐ ﻟﺠﻬﺎﻟﻪ ﺍﻟﻲ ﺟﺎﻥ ﻳﻨﺘﻈﺮﻫﻢ ﺍﻟﻠﻪ ﻳﺴﻠﻤﻬﻢ ﻭﺣﻤﺪ ﺭﺑﻪ ﻋﻠﻰ ﻫﺎﻟﻨﻌﻤﺔ .. ﻣﺪ ﺍﻳﺪﻩ ﻟﺮﻗﻴﺔ ﻭﺷﺎﻝ ﺑﺘﻪ ﻣﻨﻬﺎ ...
‏( ﺯﻳﻦ ﺍﻧﻲ ﻟﻴﺶ ﺟﺎﻱ ﺍﻛﺘﺐ ﻭﺍﺑﺘﺴﻢ (😂😂😂😁
ﻫﺸﺎﻡ ﺑﻔﺮﺣﺔ : ﻳﺎ ﻣﻴﺔ ﻫﻼ ﺑﺒﺖ ﺍﻟﺸﻴﺦ
ﺭﻗﻴﺔ ﺗﺤﺠﻲ ﺑﻠﺴﺎﻧﻬﺎ : ﻣﺮﺍﺣﺐ ﺍﺑﻮﻱ ﺍﻧﺘﻪ
ﻫﺸﺎﻡ ﺿﺤﻚ : ﻫﺎﻱ ﺭﺯﺍﻥ ﻛﺮﺍﺭ ﺳﻤﺎﻫﺎ ﻫﻬﻬﻬﻪ
ﺍﻡ ﻫﺸﺎﻡ : ﺍﻱ ﻭﻫﺎﻱ ﻟﻴﺎﻥ ﺑﻴﺪ ﺍﻣﻬﺎ
ﻧﺴﻤﺔ : ﻛﺮﺍﺭ ﻣﻨﻴﻦ ﺟﺎﺏ ﻫﻞ ﺍﻷﺳﻤﺎﺀ ﺑﺲ ﻻ ﻳﻄﻠﻌﻦ ﺣﺒﻴﺒﺎﺗﻪ ﺍﻻﻭﻟﻴﺎﺕ
ﻛﻠﻬﻢ ﺿﺤﻜﻮ ...
ﻛﺮﺍﺭ : ﺣﺒﻴﺒﻲ ﻫﺎﻱ ﺍﺳﻤﺎﺀ ﺑﻨﺎﺗﻲ ﺑﺲ ﺍﻧﻪ ﺑﻌﺪﻧﻲ ﻣﺎﺭﺍﺡ ﺍﺟﻴﺐ ﻫﺴﺔ ﻟﺬﻟﻚ ﺍﻧﻄﻴﺘﻬﻢ ﻟﺨﻮﺍﺗﻲ .. ﺍﻣﺎ ﻋﺰﺍﻡ ﺍﺑﻮﻱ ﺍﺧﺘﺎﺭﻩ ﻋﻠﻰ ﻋﻤﻲ ﺍﻟﻠﻪ ﻳﺮﺣﻤﻪ
ﻛﻠﻬﻢ : ﺍﻟﻠﻪ ﻳﺮﺣﻤﻪ .... ﺍﻟﺠﻤﻴﻊ ﻓﺮﺣﺎﻧﻴﻦ ﺑﻬﺬﻭﻝ ﺍﻟﺜﻼﺛﺔ ﻭﻫﻤﻪ ﻳﺸﺒﻬﻮﻥ ﻛﺮﺍﺭ ﻣﻦ ﺟﺎﻥ ﺻﻐﻴﺮ .. ﻭﺍﻟﻲ ﻣﺎﻳﻨﻄﻲ ﻓﺮﺣﺘﻪ ﻷﺣﺪ ﻫﻮ ﻫﺸﺎﻡ ...بيج قصص عراقيه حقيقيه من واقعنا.روعه الطائي
ﻃﺒﻌﺎً ﻛﺮﺍﺭ ﺳﻤﺎﻫﻢ ﺍﺑﻮ ﻛﻠﻪ ﺳﻤﻴﻬﻢ ﻛﻠﻬﻢ ﺍﻧﺘﻪ ﻭﻫﻮ ﺳﻤﻪ ﺍﻟﻮﻟﺪ