هديت اشيخ

بارث

#هدية_الشيخ

بارت١٩

ﺑﻨﺎﺕ ﻭﺍﻟﻠﻪ ﺍﺳﻔﺔ ﺣﺪ ﻣﻘﺪﺭﺗﻲ ﺑﺎﺭﺕ ﻭﺍﺣﺪ ﺯﻳﻦ ﻣﻦ ﺍﻟﺤﻚ ﺍﻛﺘﺒﻪ ...
ﻳﺎﻟﻠﻪ ﺍﺳﺘﻤﺘﻌﻮ ﻻ ﺗﻐﻠﺴﻮﻥ ﺑﻴﻦ ﺍﻟﻔﻘﺮﺍﺕ ﺗﻌﻠﻴﻘﺎﺕ

ﺍﻓﻬﻤﻮﻧﻲ 💔
ﺍﻓﻬﻤﻮﻧﻲ 🐽򙘞
ﺣﻮﺭﺍﺀ ﻏﻔﺖ ﻟﺤﻈﺎﺕ ﺑﺲ ... ﻭﺣﺴﺖ ﺑﺄﻧﻔﺎﺳﻪ ﻋﻠﻰ ﺧﺪﻫﺎ .. ﻫﻤﺴﻠﻬﺎ .. ﺣﻮﺭﻳﺘﻲ ﺗﻌﺎﻱ ﻭﻳﺎﻱ ....
ﻓﺰﺕ ﻭﺑﺎﻭﻋﺖ ﻣﺤﺪ ﺍﻛﻮ ﻳﻤﻬﺎ ﻭﺍﻟﻐﺮﻓﺔ ﻇﻠﻤﺔ ﺗﻬﺴﺘﺮﺕ ﻭﻛﺎﻣﺖ ﺑﺮﻋﺐ ﻭﺗﺪﻋﻢ ﻭﻫﻲ ﻣﺮﻋﻮﺑﺔ ﻭﺍﺩﻭﺭ ﻭﻳﻦ ﺍﻟﻀﻮﻯ ...
ﺷﻌﻠﺘﻪ ﻭﺷﺎﻓﺖ ﺍﻟﻐﺮﻓﺔ ﻓﺎﺭﻏﺔ ﺍﻟﺒﻨﺎﺕ ﻃﺎﻟﻌﺎﺕ ﻭﻣﻄﻔﻴﺎﺕ ﺍﻟﻀﻮﻯ ﺣﺘﻰ ﺗﻨﺎﻡ ... ﺑﺎﻭﻋﺖ ﺑﻐﺮﺑﺔ ﻭﻋﻴﻦ ﻛﺴﻴﺮﺓ ... ﻭﺗﻜﻮﻝ ﻭﻳﻨﻪ ﺗﻮﻩ ﻫﻤﺲ ﺑﺬﺍﻧﻲ ﻭﻳﻨﻪ ... ﻭﻇﻠﺖ ﺗﻨﺤﺐ ﻭﺗﺒﺠﻲ ﺑﺤﺮﻛﺔ ...
ﺍﺟﺖ ﺭﻗﻴﺔ ﻭﺷﺎﻓﺘﻬﺎ ﺗﺒﺠﻲ : ﺣﻮﺭ ﺣﺒﻲ ﻛﺎﻓﻲ ﺑﺠﻲ ﻟﻴﺶ ﻫﻴﺞ ﺗﺴﻮﻳﻦ ﺑﻨﻔﺴﺞ .. ﻫﻮ ﺍﻧﺘﻢ ﺍﻭﻝ ﺛﻨﻴﻦ ﻳﺼﻴﺮ ﻣﺸﺎﻛﻞ ﺑﻴﻨﻜﻢ .. ﻫﺎﻱ ﻛﺮﺍﺭ ﻭﻧﺴﻤﺔ ﻫﻢ ﻳﺼﻴﺮ ﺑﻴﻨﻬﻢ ﻣﺸﺎﻛﻞ
ﺣﻮﺭﺍﺀ ﺑﺒﺠﻲ : ﻣﺸﻜﻠﺘﻲ ﺻﻌﺒﺔ ﺭﻗﻴﺔ ﺻﻌﺒﺔ
ﺭﻗﻴﺔ : ﻟﻴﺶ ﺷﻨﻮ ﻫﻴﻪ ﻟﻴﺶ ﻣﻌﻘﺪﺓ ﺍﻷﻣﻮﺭ ﻫﻞ ﻛﺜﺮ
ﺣﻮﺭﺍﺀ ﻣﺴﺤﺖ ﺩﻣﻮﻋﻬﺎ : ﺍﺭﻳﺪ ﺍﻧﺎﻡ .. ﻣﺎﺭﻳﺪ ﺍﺑﻘﻪ ﻛﺎﻋﺪﺓ .. ﻭﻳﺎﺭﻳﺖ ﻣﺎﻛﻌﺪ ﺑﻌﺪ
ﺭﻗﻴﺔ : ﻭﻟﺞ ﺍﺳﻢ ﺍﻟﻠﻪ ﻻ ﺗﻜﻮﻟﻴﻦ ﻫﻴﺞ .. ﻧﺎﻣﻲ ﺍﺭﺗﺎﺣﻲ
ﺣﻮﺭﺍﺀ : ﻻﺗﻄﻔﻴﻦ ﺍﻟﻀﻮﻯ ﻓﺪﻭﺓ
ﺭﻗﻴﺔ : ﺻﺎﺭ .. ﻧﺎﻣﻲ ..... ﻃﻠﻌﺖ ﺭﻗﻴﺔ ..
ﻭﺣﺎﻭﻟﺖ ﺗﻨﺎﻡ ... ﻭﻏﻔﺖ ﺑﻌﺪ ﺩﻣﻮﻉ .. ﻭﻛﻞ ﺷﻮﻱ ﺗﺤﻠﻢ ﺑﻬﺸﺎﻡ ﻳﺠﻴﻬﺎ ﻭﺗﻔﺰ ﻣﺎﺗﻠﻜﺎﻩ ﻭﺗﻜﻌﺪ ﺗﺒﺠﻲ ...
ﻣﻨﺴﺪﺡ ﻋﺎﻟﺠﻠﺴﺔ ﺑﺎﻟﺪﻳﻮﺍﻥ ﻭﻳﻔﻜﺮ ﻭﻣﺎﻳﺮﻭﺡ ﻣﻦ ﺑﺎﻟﻪ ﺍﻟﻲ ﺻﺎﺭ ﺍﻟﻔﺠﺮ .. ﻳﺪﻭﺭ ﺭﺍﺳﻪ ﻭﻳﻔﺘﺮ .. ﻭﻛﻠﺒﻪ ﻳﻮﺟﻌﻪ .. ﻭﻛﺎﻋﺪ ﻳﺘﺬﻛﺮ ﺗﺼﺮﻓﺎﺗﻬﺎ ﻭﻳﺎﻩ ﻭﻳﺮﺑﻂ ﺷﻲ ﺑﺸﻲ ...
ﻭﻛﻞ ﺷﻮﻱ ﺗﺠﻲ ﺫﻛﺮﻯ ﺗﺄﻟﻢ ﻛﻠﺒﻪ ﺍﻛﺜﺮ .. ﻭﻛﻞ ﺍﻟﺬﻛﺮﻳﺎﺕ ﺟﺎﻧﺖ ﺑﺮﻳﺌﺔ ﺑﻜﻞ ﻋﻔﺔ ﻭﻣﺎﺗﻌﺮﻑ ﺗﻤﺜﻞ ﺑﻤﺸﺎﻋﺮ ﻭﻻ ﺍﻓﻌﺎﻝ .. ﻣﺠﺮﺩ ﺑﻨﻴﺔ ﺗﺘﺼﺮﻑ ﻋﻠﻰ ﻓﻄﺮﺗﻬﺎ ....
ﺗﺬﻛﺮ ﻗﺒﻞ ﺟﻢ ﻟﻴﻠﺔ .. ﻳﻌﻨﻲ ﻗﺒﻞ ﺭﻭﺣﺘﻪ ﻟﻠﺰﻳﺎﺭﺓ ﺑﺄﻳﺎﻡ ....
ﻫﺸﺎﻡ ﻧﺎﻳﻢ ﻋﺎﻟﺴﺮﻳﺮ ﻭﻳﺒﺎﻭﻋﻠﻬﺎ ﻣﺒﺘﺴﻢ ﻭﻫﻲ ﺗﺒﺎﻭﻋﻠﻪ ﻭﺑﻌﻴﺪﺓ ﻋﻨﻪ ... ﻛﻠﻬﺎ ﺗﻌﺎﻱ ﺑﻮﻳﻪ ﺑﺤﻀﻨﻲ ...
ﺣﻮﺭﺍﺀ ﺑﺨﺠﻞ : ﻻ ﺷﻴﺨﻲ ﻣﻴﺼﻴﺮ
ﻫﺸﺎﻡ : ﻟﻴﺶ ﻣﻴﺼﻴﺮ ﻳﺎﺑﻪ
ﺣﻮﺭﺍﺀ ﺑﺨﺠﻞ ﻭﻣﺎﻋﺮﻓﺖ ﺷﻮﻥ ﺗﻜﻠﻪ : ﻣﻮ ﻣﻢ ... ﻣﻮ ﻫﺎﻱ ﺍﺟﺖ ﻭﻣﻴﺼﻴﺮ
ﻫﺸﺎﻡ : ﻫﻲ ﻣﻨﻮ ﺍﺟﺖ
ﺣﻮﺭﺍﺀ ﻭﺟﻬﺎ ﺻﺎﺭ ﺍﺣﻤﺮ : ﻫﺎﻱ ﺍﻟﻲ ﺗﺠﻲ ﻛﻞ ﺷﻬﺮ ﺷﻴﺨﻲ ﺷﺴﺎﻟﻔﺔ
ﻫﺸﺎﻡ ﺿﺤﻚ : ﻭﻟﺞ ﻭﺍﻧﻪ ﺟﺎﻱ ﺍﻓﻜﺮ ﻣﻨﻮ ﻫﻲ ﺍﻟﻲ ﺍﺟﺖ ﻃﻠﻌﺖ ﻫﺎﻱ ﻫﻴﻪ ﻫﻬﻬﻪ .. ﺗﻌﺎﻱ ﺑﺤﻀﻨﻲ ﺍﺷﻮﻑبيج قصص عراقيه حقيقيه من واقعنا.روعه الطائي
ﺣﻮﺭﺍﺀ ﺑﺨﺠﻞ : ﻻ ﻣﻮﺍﻛﻠﻚ ﻣﻴﺼﻴﺮ .. ﺍﻣﻲ ﻛﻠﺘﻠﻲ ﻣﻴﺼﻴﺮ ﺍﻟﺮﺟﺎﻝ ﻳﻠﻤﺲ ﻣﺮﺗﻪ ﻣﻦ ﺗﺠﻲ
ﻫﺸﺎﻡ : ﻭﻣﻨﻮ ﻻﻣﺴﺞ ﻋﻴﻨﺎﻱ ﺍﻧﺘﻲ ﺗﻌﺎﻱ ﺍﻋﺮﻑ ﺣﺮﺍﻡ ﺷﻨﻮ ﻣﻨﻴﻦ ﺟﺎﻱ .. ﻋﺸﺮﻳﻦ ﺳﻨﺔ ﻣﺰﻭﺝ .. ﻭﻣﻮ ﻭﻋﺪﺗﺞ ﻣﺎﺳﻮﻳﻠﺞ ﺷﻲ ﺷﻮﻛﺖ ﺗﻘﺘﻨﻌﻴﻦبيج قصص عراقيه حقيقيه من واقعنا.روعه الطائي
ﺣﻮﺭﺍﺀ : ﻻ ﻣﻮ ﻫﻴﺞ ﻭﺍﻟﻠﻪ ﺑﺲ ﺍﺫﺍ ﺍﺟﻴﺖ ﺑﺤﻀﻨﻚ ﻭﻫﺎﻱ ﻟﻤﺴﺔ ﻣﻴﺼﻴﺮ
ﻫﺸﺎﻡ ﻓﻬﻢ ﻗﺼﺪﻫﺎ ﺍﻧﻮ ﻫﻲ ﻓﺎﻫﻤﺔ ﻫﺎﻟﺴﺎﻟﻔﺔ ﻏﻠﻂ ...
ﻫﺸﺎﻡ : ﻭﺍﻣﺞ ﻣﺎﻋﻠﻤﺘﺞ ﻟﻴﺶ ﺣﺮﺍﻡ ﺍﻟﺮﺟﺎﻝ ﻳﻠﻤﺲ ﻣﺮﺗﻪ ﺑﻮﻗﺘﻬﺎ
ﺣﻮﺭﺍﺀ ﻫﺰﺕ ﺭﺍﺳﻬﺎ ﺑﻼ : ﺑﺲ ﻛﻠﺘﻠﻲ ﺣﺮﺍﻡ ﻭﻣﻴﺼﻴﺮ
ﻫﺸﺎﻡ ﺧﺮﺏ ﺿﺤﻚ ﻋﻠﻰ ﻓﻄﺮﺗﻬﺎ ﺻﺪﻙ ﺿﺤﻜﺘﻪ ﻭﺻﺪﻙ ﻓﻄﻴﺮﺓ ﻭﻓﺎﻫﻴﺔ ... ﻭﻣﺴﺘﻐﺮﺏ ﺷﺪﻋﻮﺓ ﻫﻞ ﻛﺜﺮ ﻓﻄﻴﺮﺓ ﻭﻣﺎﺗﻌﺮﻑ ﺷﻲ ...
ﻫﺸﺎﻡ ﻳﻀﺤﻚ : ﻟﺞ ﺑﻮﻳﻪ ﻣﻮ ﻫﻴﺞ ﻣﻮﻫﻴﺞ .. ﻓﺎﻫﻤﺔ ﻏﻠﻂ .. ﺷﻠﻮﻥ ﺍﻓﻬﻤﺞ ﺍﻳﺎﻫﺎ ﻫﺴﺔ .. ﻳﺎﺑﻪ ﺗﻌﺎﻱ ﻭﻋﻮﺩ ﺍﻟﻠﻪ ﻛﺮﻳﻢ ﻳﺠﻲ ﻳﻮﻡ ﺗﻔﻬﻤﻴﻦ ﻟﻴﺶ ﺣﺮﺍﻡ ﻫﻬﻬﻬﻬﻬﻬﻬﻪ .. ﺗﺮﻯ ﻣﺎ ﻣﻘﺼﻮﺩ ﻟﻤﺴﺔ ﺍﻷﻳﺪﻳﻦ ﻻ ﺑﻮﻳﻪ .. ﺗﻌﺎﻱ ﺍﺷﻮﻑ
ﺣﻮﺭﺍﺀ ﺭﺍﺣﺘﻠﻪ ﻭﺧﺠﻼﻧﺔ ﻭﻧﺴﺖ ﻧﻔﺴﻬﺎ ﻋﻮﺩ ﺻﺪﻙ ﺟﺎﻱ ﺗﻨﺎﻗﺶ ﻫﺸﺎﻡ ﺑﻬﺎﻟﻤﻮﺿﻮﻉ ...
ﻧﻮﻣﻬﺎ ﺑﺤﻀﻨﻪ ﻭﻋﻠﻰ ﺍﻳﺪﻩ ﻭﻛﺎﻟﻌﺎﺩﺓ ﺩﻛﺎﺕ ﻛﻠﺒﻬﺎ ﺧﺎﻳﻨﺔ ﻭﺗﺨﻮﻧﻬﺎ ﺍﻟﻒ ﻣﺮﺓ ﻭﺍﺩﻛﻠﻪ ﺑﻜﻞ ﻋﺸﻚ .....
ﺭﺟﻊ ﻟﻠﻮﺍﻗﻊ ﻭﻟﺰﻡ ﻛﻠﺒﻪ .. ﻭﻳﻜﻮﻝ ﻣﺴﺘﺤﻴﻞ ﺗﻤﺜﻞ ﻫﺎﻟﺸﻲ ﻣﺴﺘﺤﻴﻞ .. ﺍﻟﻮﺻﺨﺔ ﻭﺍﻟﻤﻮﺯﻳﻨﺔ ﻣﺒﻴﻨﻪ ... ﻭﻳﻜﻮﻝ ﺍﺳﺘﻐﻔﺮ ﺍﻟﻠﻪ ﺍﻋﻮﺫ ﺑﺎﻟﻠﻪ .. ﻣﺴﺘﺤﻴﻞ ﺍﺻﺪﻙ ﺣﻮﺭﺍﺀ ﺗﻜﺪﺭ ﻫﻴﺞ ﺗﺴﻮﻱ ...
ﻫﺸﺎﻡ ﺑﺤﺴﺮﺓ : ﻳﺎﺭﺑﻲ ﺳﺎﻋﺪﻧﻲ ﻗﻮﺗﻚ ﻳﺎﺭﺏ ﻫﺎﻱ ﺍﺻﻌﺐ ﺷﻲ ﻣﺮ ﺑﻴﻪ .. ﻣﻦ ﺑﻌﺪ ﺳﺎﻟﻔﺔ ﻛﺮﺍﺭ ﻋﺒﺎﻟﻚ ﻣﻴﺘﻪ ﻋﻨﺪﻱ .. ﺻﻌﺒﺔ ﻳﺎﺭﺑﻲ ﺻﻌﺒﺔ ﻫﻲ ﻣﻠﻜﺖ ﺭﻭﺣﻲ ﻭﺑﻌﺪﺕ ﻋﻨﻬﺎ ﺑﺲ ﺣﺘﻰ ﻣﺎ ﺍﺫﻳﻬﺎ ﻭﺍﺟﺒﺮﻫﺎ ﻭﺗﺎﻟﻲ ﺍﻛﺘﺸﻒ ﺍﻧﻬﺎ ﻣﻮ ....... ﻣﺎﻛﺪﺭ ﻳﻨﻄﻖ ﺍﻟﻜﻠﻤﺔ ﻭﺣﺲ ﻛﻠﺒﻪ ﻭﺟﻌﻪ ﺣﻴﻞ ﺣﻴﻞ ...
ﺍﻣﺎ ﻫﻲ ﻛﺎﻋﺪﺓ ﺑﻐﺮﻓﺔ ﺭﻗﻴﺔ ﺑﻌﺪ ﻣﺎ ﺷﺎﻓﺖ ﺣﻠﻢ ﻫﺸﺎﻡ ﺍﺟﺎﻫﺎ ﻭﻣﺎﻛﻮ ﻫﻮ ﻣﻦ ﻓﺰﺕ .. ﻭﻇﻠﺖ ﺗﺒﺎﻭﻉ ﻟﻠﻔﺮﺍﻍ ﻭﺍﻟﺤﺰﻥ ﺍﻟﻲ ﺑﻜﻠﺒﻬﺎ ﻣﺎﻳﻨﻮﺻﻒ .. ﺗﻮﻩ ﻳﺎﻟﻠﻪ ﻭﻛﻔﺖ ﺩﻣﻮﻉ ....
ﺍﺟﺘﻬﺎ ﺭﻗﻴﺔ ﻣﺮﺓ ﺛﺎﻧﻴﺔ ﺍﻃﻞ ﻋﻠﻴﻬﺎ ﻭﺷﺎﻓﺘﻬﺎ ﻫﻴﺞ ﻭﻋﻴﻮﻧﻬﺎ ﻣﻮﺭﻣﺎﺕ ﻣﻦ ﺍﻟﺒﺠﻲ ﻛﻌﺪﺕ ﻳﻤﻬﺎ ...
ﺭﻗﻴﺔ : ﺣﻮﺭﺍﺀ ﺣﺒﻴﺒﺘﻲ ﻫﺸﺎﻡ ﺷﺒﻲ ﻭﻳﺎﺝ .. ﺍﺣﺠﻴﻠﻲ ﺳﺮﻛﻢ ﺑﺒﻴﺮ ﻭﺍﻟﻠﻪ ﻫﻮ ﺍﺧﻮﻱ ﻭﺍﻋﺮﻓﻪ ﻋﺪﻝ ﻳﻤﻜﻦ ﺍﺳﺎﻋﺪﺝ .. ﻫﻲ ﺍﻣﻲ ﻛﺎﻟﺖ ﺧﻼﻑ ﺑﻴﻨﺞ ﻭﺑﻴﻨﻪ
ﺣﻮﺭﺍﺀ ﺍﻟﺘﻔﺘﺖ ﺍﻟﻬﺎ ﻭﺍﺗﺠﻤﻌﻦ ﺍﻟﺪﻣﻮﻉ ﺑﻌﻴﻮﻧﻬﺎ ﻭﺩﻧﻜﺖ ﺭﺍﺳﻬﺎ ﻭﻃﺎﺣﻦ ﺩﻣﻮﻋﻬﺎ ...
ﺣﻮﺭﺍﺀ ﺑﺪﻣﻮﻉ : ﺭﺍﺡ ﺍﺑﻘﻪ ﻃﻮﻝ ﻋﻤﺮﻱ ﻣﻮ ﻛﺪ ﺍﻟﺸﻴﺦ .. ﻣﺎﺳﻮﺓ ﻭﻻ ﺷﻲ ﺍﻧﻪ .. ﺭﻗﻴﺔ ﻻ ﺗﺨﻠﻴﻨﻲ ﻟﻮﺣﺪﻱ ﺍﻟﻴﻮﻡ ﻣﺮﺗﻴﻦ ﻣﻔﻜﺮﺓ ﺍﻣﻮﺕ ﻧﻔﺴﻲ ﻣﺎﺭﻳﺪ ﺍﻓﻘﺪ ﻋﻘﻠﻲ ﻭﺩﻳﻨﻲ ﻓﺪﻭﺓ ﻟﺘﺨﻠﻴﻨﻲ
ﺭﻗﻴﺔ ﻟﺰﻣﺖ ﻭﺟﻬﺎ ﻭﻣﺴﺤﺖ ﺩﻣﻮﻋﻬﺎ : ﻭﻟﺞ ﺷﻬﻞ ﺍﻟﺤﺠﻲ ﺗﺨﺒﻠﺘﻲ ﻣﻦ ﺍﻭﻝ ﺧﻼﻑ ﺗﺮﺩﻳﻦ ﺗﻨﺤﺮﻳﻦ ﺷﻨﻮ ﻫﺎﻟﺘﻔﻜﻴﺮ ﺻﺪﻙ ﻋﻮﺩ
ﺣﻮﺭﺍﺀ ﺭﺟﻌﻦ ﻃﺎﺣﻦ ﺩﻣﻮﻋﻬﺎ : ﻳﺎﺭﻳﺘﻪ ﺧﻼﻑ ﻳﺎﺭﻳﺘﻪ .. ﺭﻗﻴﺔ ﺍﻧﻪ ﻓﻘﺪﺕ ﺍﻋﺰ ﻣﺎ ﺍﻣﻠﻚ ﻭﺻﺎﺭﻟﻲ ﺳﻨﻴﻦ ﺍﻭﻫﻢ ﻧﻔﺴﻲ ﻣﺎﻓﻘﺪﺗﻪ ﻭﻣﺎﺑﻴﻪ ﺷﻲ ... ﻭﻇﻠﺖ ﺗﻨﺤﺐ ﺑﻜﺴﺮﺓ ﻛﻠﺐ ...
ﺭﻗﻴﺔ ﺍﻧﻘﻬﺮﺕ ﻋﻠﻴﻬﺎ ﻭﻣﺎﺗﻜﺪﺭ ﺗﻈﻐﻂ ﻋﻠﻴﻬﺎ ﺗﺤﺠﻲ ﺍﺫﺍ ﺗﺮﻳﺪ ﻫﻲ ﺗﺤﺠﻴﻠﻬﺎ ﺑﻨﻔﺴﻬﺎ ...
ﺭﻗﻴﺔ : ﺗﺮﺍ ﻫﺸﺎﻡ ﻭﺍﻟﻠﻪ ﻛﻠﺒﻪ ﻃﻴﺐ ﻭﻣﺎﺭﺍﺡ ﻳﻄﻮﻝ ﺯﻋﻠﻪ ﻋﻠﻴﺞ .. ﻣﻬﻤﺎ ﻳﻜﻮﻥ ﺍﻟﻲ ﺻﺎﻳﺮ ﺑﺲ ﺍﻋﺘﺬﺭﻱ ﻣﻨﻪ ﻭﻳﺴﺎﻣﺤﺞبيج قصص عراقيه حقيقيه من واقعنا.روعه الطائي
ﺣﻮﺭﺍﺀ : ﺑﻬﺎﻟﺨﻄﺎ ﻣﺴﺘﺤﻴﻞ ﻳﺴﺎﻣﺤﻨﻲ .. ﻭﺍﻧﻪ ﻣﻈﻠﻮﻣﺔ ﺭﻗﻴﺔ ﻣﻈﻠﻮﻣﺔ ﺑﺪﺍﻋﺖ ﺍﺑﻮﻱ ﺍﻟﻤﺎﻋﻨﺪﻱ ﺍﻏﻠﻰ ﻣﻨﻪ .....
ﻇﻠﺖ ﺭﻗﻴﺔ ﻳﻤﻬﺎ ﻭﺗﻬﺪﻱ ﺑﻴﻬﺎ ﻭﺗﻤﺴﺢ ﺑﺪﻣﻮﻋﻬﺎ ...
ﺻﺎﺭ ﺍﻟﻠﻴﻞ ﻭﻫﻲ ﻣﺎﺑﻄﻠﺖ ﺑﺠﻲ ﻭﻣﺎﻃﻠﻌﺖ ﻣﻦ ﻏﺮﻓﺔ ﺭﻗﻴﺔ .. ﺑﺲ ﻣﺎﻛﻠﺘﻠﻬﺎ ﺍﻟﺴﺎﻟﻔﺔ .. ﻭﺷﻜﺪ ﺣﺎﻭﻟﺖ ﺗﻄﻠﻌﻬﺎ ﻣﻦ ﺍﻟﻐﺮﻓﺔ ﻣﺎﻗﺒﻠﺖ ﻭﻻ ﻗﺒﻠﺖ ﺗﺎﻛﻞ ﻭﻻ ﺷﻲ ...
ﺍﻳﻤﺎﻥ ﺗﺘﺴﺎﺋﻞ ﺷﺒﻴﻬﺎ ﺣﻮﺭﺍﺀ ﻭﻟﻴﺶ ﺑﻐﺮﻓﺔ ﺭﻗﻴﺔ ﻭﻫﺸﺎﻡ ﻣﺎﺩﺧﻞ ﺍﻟﺒﻴﺖ ﺍﻟﻴﻮﻡ ﻭﻃﺎﻟﻊ ... ﻭﻫﺎﻱ ﺣﻮﺭﺍﺀ ﻣﺎﻃﻠﻌﺖ ﻣﻦ ﻏﺮﻓﺔ ﺭﻗﻴﺔ ...
ﻫﻲ ﺍﻳﻤﺎﻥ ﻣﺎﺗﺪﺧﻞ ﻏﺮﻓﺔ ﺭﻗﻴﺔ ﻭﻣﺎﺗﺸﺘﻬﻴﻬﺎ ﻭﺗﻜﺮﻫﻪ ﻫﻤﻴﻦ ...
ﻫﻮ ﻫﺸﺎﻡ ﻃﺎﻟﻊ ﺭﺍﻳﺢ ﺑﻴﺖ ﺣﺎﺯﻡ .. ﻳﺴﺄﻟﻪ ﻋﻦ ﺍﻟﻌﺎﺭ ﻣﻮ ﺑﺎﺭﺩ ﻛﻠﺒﻪ ﻋﻠﻴﻪ .. ﻳﻜﻠﻪ ﺑﺎﻟﻤﺴﺘﺸﻔﻰ ﻭﻛﺎﻳﻞ ﻷﻫﻠﻪ ﻭﺍﻟﺸﺮﻃﺔ ﺗﻌﺮﺿﻮﻟﻲ ﺷﺒﺎﺏ ﻣﺎﻋﺮﻓﻬﻢ ...
ﻭﻛﻠﻪ ﻋﻠﻴﻪ ﻗﻀﻴﺔ ﺳﻄﻮ ﻋﻠﻰ ﺑﻴﺖ .. ﻭﺳﻤﻌﺘﻪ ﺑﺎﻟﻄﻴﻦ ﻭﻣﺴﺒﺐ ﻷﺑﻮﻩ ﺍﺫﻳﺔ ﻭﻛﻠﺶ ﻣﺤﺪ ﻳﺤﺘﺮﻣﻪ ﻭﻻ ﺍﺣﺪ ﻳﺄﻣﻦ ﺑﻲ .. ﻭﻣﻌﺮﻭﻑ ﺑﺎﻟﺸﺮﺏ ﻭﺍﻟﺒﻨﺎﺕ ﻭﺍﻟﺘﺤﺎﺭﺵ ...
ﻫﺸﺎﻡ ﻳﻜﻠﻪ ﻫﺬﺍ ﻋﺎﺭ ﻋﺎﻟﻤﺠﺘﻤﻊ ﺣﺮﺍﻡ ﻳﻌﻴﺶ .. ﻭﻳﺘﺬﻛﺮ ﻣﻦ ﻳﻮﻡ ﻧﻘﺬ ﻫﺎﻟﺒﻨﻴﺔ ﻭﻣﻮﻣﺼﺪﻙ ﻫﻲ ﻧﻔﺴﻬﺎ ﺣﻮﺭﻳﺔ ﻛﻠﺒﻪ .. ﻣﺎﻳﺘﺬﻛﺮ ﻣﻼﻣﺤﻬﺎ ﻻﻥ ﻣﺎﺭﻛﺰ ﺑﻴﻬﺎ ﺑﻮﻗﺘﻬﺎ ...
ﻭﻣﻦ ﻳﺘﺬﻛﺮ ﺍﻟﺬﻛﺮﻯ ﻛﻠﺒﻪ ﻳﻨﻌﺼﺮ .. ﻭﺑﻘﻪ ﺑﻴﺖ ﺣﺎﺯﻡ ﻛﺎﻋﺪ ﻳﻤﻪ ﺑﺎﻟﺪﻳﻮﺍﻧﻴﺔ ﻭﺍﺑﺪ ﻣﻮ ﻭﻳﺎﻩ ﺑﻌﺎﻟﻢ ﺛﺎﻧﻲ .. ﻫﺎﻷﻟﻢ ﻣﺎﻳﻨﺠﺮﻉ ...
ﺭﻗﻴﺔ ﺟﺎﻱ ﺗﺤﺠﻲ ﻭﻳﻪ ﻣﺨﻠﺪ ﻭﻧﺎﻳﻤﺔ ﺑﺼﻒ ﺣﻮﺭﺍﺀ .. ﻫﻲ ﺩﺍﻳﺮﺓ ﻭﺟﻬﻬﺎ ﻭﻋﺒﺎﻟﻬﺎ ﺣﻮﺭﺍﺀ ﻧﺎﻳﻤﺔ ...
ﻣﺨﻠﺪ : ﺷﺘﺴﻮﻳﻦ ﻭﻗﺎﻭﻱ ﺣﺒﻲ
ﺭﻗﻴﺔ : ﺍﺣﺠﻲ ﻋﺪﻝ ﻣﺨﻠﺪ ﻻ ﺗﻘﻠﺪ ﻋﻠﻴﻪ
ﻣﺨﻠﺪ : ﻋﻴﻮﻧﻪ ﻟﻤﺨﻠﺪ ﺍﻧﺘﻲ .. ﻭﻫﺎﻱ ﺭﺍﺡ ﺍﺣﺠﻲ ﻋﺪﻝ .. ﺑﺲ ﻭﺍﻟﻠﻪ ﺍﻋﺸﻘﻪ ﻟﻠﻮﺍﻭ
ﺭﻗﻴﺔ ﺿﺤﻜﺖ : ﺷﺘﻌﺸﻖ ﺑﻲ ﻭﻟﻚ ﻏﻴﺮ ﺍﻣﻮﺕ ﻣﻦ ﻫﺎﻟﺴﺎﻟﻔﺔ ﻭﺍﻟﻠﻪ
ﻣﺨﻠﺪ : ﺍﺷﻮﻓﻪ ﺣﻠﻮ ﻋﻴﻨﻲ ﻣﺎﻋﻠﻴﺞ ﺍﻧﺘﻲ ﺑﻲ ﻻ ﺗﻀﻮﺟﻴﻦ .. ﻋﻮﺩ ﻟﻮ ﺿﺠﺖ ﻣﻨﻪ ﺍﻧﻪ
ﺭﻗﻴﺔ : ﻭﺍﻟﻠﻪ ﻟﻮ ﺣﺸﺸﺖ ﻋﻠﻴﻪ ﻣﺜﻞ ﻛﺮﻳﺮ ﺍﻣﻮﺗﻚ ﻭﺍﺳﺤﻠﻚ ﺳﺤﻞ ﻣﺨﻠﺪ
ﻣﺨﻠﺪ : ﺍﻭﻭﻭﻑ ﺣﻼﻟﺞ ﺍﻧﻲ ﺳﺤﻠﻴﻨﻲ ﻣﻮﺗﻴﻨﻲ ﺷﻨﻘﻴﻨﻲ ﺑﻮﺳﻴﻨﻲ ﺣﻀﻨﻴﻨﻲ
ﺭﻗﻴﺔ : ﻫﻬﻬﻬﻬﻬﻬﻬﻬﻬﻪ ﺍﺑﻮ ﺩﺭﻭﺏ ﺷﺠﺎﺏ ﺫﻧﻲ ﻟﺬﻧﻴﺞ
ﻣﺨﻠﺪ : ﻋﺎﺩﻱ ﻳﺼﻴﺮﻥ ﺑﻨﺎﺕ ﻋﻢ ﻭﺣﺪﺓ ﺗﺰﻭﺭ ﺍﻟﺜﺎﻧﻴﺔ .. ﺍﻣﺎ ﺑﻮﺳﻴﻨﻲ ﻫﺎﻱ ﻇﺎﻟﺔ ﺣﺴﺮﺓ ﺑﻨﺺ ﻛﻠﺒﻲ ﻭﻛﺒﺪﻱ ﻭﺍﻣﺮﺿﻪ ﺷﻔﺘﻲ ﺻﺎﻳﺮﺓ ﺗﺘﺤﻠﻢ ﺑﺒﻮﺳﺘﺞ .. بيج قصص عراقيه حقيقيه من واقعنا.روعه الطائيﻭﺍﺟﻲ ﻳﻤﺞ ﻟﻮ ﺍﻟﻈﺎﺑﻂ ﻛﺮﺍﺭ ﻳﻤﻲ ﻟﻮ ﺗﺒﻴﻌﻴﻦ ﺛﻜﻞ ﺑﻮﻳﻪ ﻭﺍﻟﻠﻪ ﻣﺠﻤﻌﻬﻦ ﻭﺣﺪﺓ ﻭﺣﺪﺓ ﻭﻋﻠﻲ ﻣﻦ ﻗﺒﻞ ﻻ ﺍﺧﻄﺒﺞ
ﺭﻗﻴﺔ : ﻫﻬﻬﻬﻬﻪ ﻭﻇﻞ ﺍﺣﻠﻢ ﺣﺒﻲ ﻣﺎﺩﺍﻡ ﺍﻟﻈﺎﺑﻂ ﻛﺮﺍﺭ ﻣﻮﺟﻮﺩ ﺗﺤﻠﻢ ﺑﺒﻮﺳﺔ ﻋﻴﻨﻲ .. ﻛﺮﺍﺭ ﻳﻜﻔﻲ ﻭﻳﻮﻓﻲ ﻋﻨﻪ ﻭﻋﻦ ﺍﺑﻮﻩ ﻫﻬﻬﻬﻬﻬﻪ
ﻣﺨﻠﺪ : ﺍﺷﻮﻑ ﺍﻟﺸﻴﺦ ﻣﺎﺟﻪ ﻭﻛﺎﻝ ﻻ ﺗﻜﻌﺪ ﻳﻤﻬﺎ .. ﺑﺎﻟﻌﻜﺲ ﺫﺍﻙ ﺍﻟﻴﻮﻡ ﻛﻠﻲ ﻣﺨﻠﺪ ﺧﻮﻳﻪ ﺍﺧﺘﻲ ﻋﺪﻫﺎ ﺟﻔﺎﻑ ﺻﺎﺭﻟﻬﺎ ﻫﻮﺍﻱ ﺑﺲ ﺗﺠﻲ ﺑﻮﺳﻬﺎ ﻳﻤﻌﻮﺩ ﺑﻮﺳﻬﺎ
ﺭﻗﻴﺔ : ﻫﺬﺍ ﺍﻟﺸﻴﺦ ﺍﻟﻲ ﻛﻠﻚ ﺟﺎﻱ ﺑﺤﻠﻤﻚ ﻫﻬﻬﻬﻬﻬﻬﻬﻪ
ﺣﻮﺭﺍﺀ ﺳﻤﻌﺖ ﺳﻴﺮﺓ ﺍﻟﺸﻴﺦ ﻛﺎﻣﺖ ﻛﻌﺪﺕ ﻭﻻﺯﻣﺔ ﺩﻣﻮﻋﻬﺎ ﻭﻇﻠﺖ ﺗﺴﺘﻤﻊ ﻟﺮﻗﻴﺔ ﺟﺎﻱ ﺗﺤﺎﺟﻲ ﺧﻄﻴﺒﻬﺎ .. ﻭﺗﻤﻨﺖ ﻣﺜﻞ ﻛﻞ ﻟﻴﻠﺔ ﻟﻮ ﻫﺴﺔ ﻫﻲ ﻳﻢ ﺷﻴﺨﻬﺎ ﻭﺗﻜﻌﺪ ﺗﺴﻮﻟﻒ ﻭﻳﺎﻩ ﻣﺜﻞ ﻛﻞ ﻟﻴﻠﺔ ...
ﻋﻴﻮﻧﻬﺎ ﺩﻣﻌﻦ ﻣﺸﺘﺎﻗﺘﻠﻪ ﻭﻷﺑﺘﺴﺎﻣﺘﻪ ﺍﻟﺘﻌﺸﻜﻬﺎ .. ﻋﺒﺎﻟﻚ ﺩﻫﺮ ﺑﻌﻴﺪﺓ ﻋﻨﻪ ﻣﻮ ﺑﺲ ﺍﻟﻴﻮﻡ .. ﻧﺰﻟﻦ ﺍﻟﺪﻣﻌﺎﺕ ﺍﻟﻲ ﺣﺮﻛﻦ ﺧﺪﻫﺎ ﻃﻮﻝ ﺍﻟﻴﻮﻡ ﻭﺻﺎﻳﺮﺍﺕ ﺟﻔﻮﻧﻬﺎ ﺣﻤﺮ ﻭﺧﺪﻭﺩﻫﺎ ﺣﻤﺮ ﻭﺧﺸﻤﻬﺎ ....
ﻣﺴﺤﺘﻬﻦ ﻭﻫﻲ ﺻﺎﻓﻨﻪ ﻭﺗﻔﻜﻴﺮﻫﺎ ﺑﺎﻟﺸﻴﺦ ﻭﺗﻜﻮﻝ ﻭﻳﻨﻪ ﻫﺴﺔ ﻳﺎﺗﺮﺍ ...
ﺧﻠﺼﺖ ﺭﻗﻴﺔ ﻣﻜﺎﻟﻤﺔ : ﻫﺎ ﺣﻮﺭﻱ ﺑﻴﺞ ﺷﻲ
ﺣﻮﺭﺍﺀ : ﻣﺎﺑﻴﻪ .. ﺗﺤﺎﺟﻴﻦ ﺧﻄﻴﺒﺞ ﺟﻨﺘﻲ
ﺭﻗﻴﺔ : ﺍﻱ ﺣﺒﻲ ﺯﻋﺠﺘﺞ ﺍﺳﻔﺔ
ﺣﻮﺭﺍﺀ : ﻻ ﻻ ﺑﺮﺍﺣﺘﺞ ﻏﺮﻓﺘﺞ ﺣﺒﻲ .. ﺍﺻﻼ ﻣﺎﺟﻨﺖ ﻧﺎﻳﻤﺔ ﺑﺲ ﻫﻴﺞ ﻣﺴﺪﻭﺣﺔ ﻭﺍﻓﻜﺮ
ﺭﻗﻴﺔ : ﻣﻮ ﺟﻮﻋﺎﻧﺔ ﺍﻟﻴﻮﻡ ﻛﻠﻪ ﻣﺎ ﺍﻛﻠﺘﻲ
ﺣﻮﺭﺍﺀ : ﻻ ﻣﺎﺷﺘﻬﻲ .. ﺑﺲ ﺻﺪﺭﻱ ﻳﻮﺟﻌﻨﻲ ﺣﻴﻴﻞ
ﺭﻗﻴﺔ : ﻫﺎﺍﺍ ﻟﻴﺶ .. ﺧﺎﻑ ﺣﺎﻣﻞ ﻭﻟﺞ
ﺣﻮﺭﺍﺀ : ﻭﻳﻦ ﺭﺣﺘﻲ ﻳﻤﻌﻮﺩﺓ ﻳﺎﺣﻤﻞ .. ﺻﺪﺭﻱ ﺟﻮﻯ ﻇﻠﻮﻋﻲ ﻳﻮﺟﻌﻨﻲ ﻭﺑﻲ ﻧﻘﺰﻩ ﺗﻤﻮﺕ
ﺭﻗﻴﺔ : ﻣﺎﻝ ﺍﻟﺠﻮﻉ ﺣﺒﻲ ﻣﻤﺎﻛﻠﺔ ﺷﻲ ﺍﻧﺘﻲ .. ﺻﺒﺮﻱ ﺍﺟﻴﺒﻠﺞ ﺍﻛﻞ
ﺣﻮﺍﺀ : ﻣﺎﺭﻳﺪ ﺍﻛﻞ .. ﺑﺲ ﺍﺭﻳﺪ ﻣﺒﺎﻳﻠﻲ ﺑﺎﻟﻐﺮﻓﺔ ﺑﻘﻪ ﺍﺭﻳﺪ ﺍﺣﺎﺟﻲ ﺍﻳﻮﻭ ﻭﺧﻮﺍﺗﻲ .. ﻫﺴﺔ ﺍﻟﻴﻮﻡ ﻓﻘﺪﻭﻧﻲ ﺍﻛﻴﺪ ﺩﺍﻛﻴﻦ ﻋﻠﻴﻪ
ﺭﻗﻴﺔ : ﺍﻱ ﺭﻭﺣﻲ ﺟﻴﺒﻲ ﻭﺗﻌﺎﻱ .. ﻟﻮ ﺭﺍﺡ ﺗﺮﺟﻌﻴﻦ ﻏﺮﻓﺘﺞ ﻗﺼﺪﺝ
ﺣﻮﺭﺍﺀ ﺑﻐﺼﺔ : ﻻ ﻣﺎﻳﺮﻳﺪﻧﻲ ﻳﻤﻪ ﺑﺎﻟﻐﺮﻓﺔ .. ﻭﺍﺧﺎﻑ ﺍﺭﻭﺡ ﺍﺟﻴﺐ ﺗﻠﻔﻮﻧﻲ ﺍﻟﻜﺎﻩ ﻫﻨﺎﻙ ﻣﺎﻛﺪﺭ ﺍﺭﻭﺡ
ﺭﻗﻴﺔ : ﻻ ﻫﻮ ﻣﺠﺎﻱ ﻣﻦ ﺑﺮﻩ ﻟﻴﻬﺴﺔ ﺗﻮﻧﻲ ﺟﻨﺖ ﺑﺮﻩ ﻭﺍﺟﻴﺖ ﻟﻠﻐﺮﻓﺔ .. ﻛﻮﻣﻲ ﺟﻴﺒﻲ ﺍﻟﻲ ﺗﺮﺩﻳﻨﻪ ﻗﺒﻞ ﻻ ﻳﺠﻲ
ﺣﻮﺭﺍﺀ ﻛﺎﻣﺖ ﺗﺮﻭﺡ ﻟﻠﻐﺮﻓﺔ ﺣﺘﻰ ﻟﻮ ﻫﻮ ﻫﻨ
ﺣﻮﺭﺍﺀ ﻛﺎﻣﺖ ﺗﺮﻭﺡ ﻟﻠﻐﺮﻓﺔ ﺣﺘﻰ ﻟﻮ ﻫﻮ ﻫﻨﺎﻙ ﻭﻫﻲ ﺗﺮﻳﺪ ﺗﺸﻮﻓﻪ ﺍﺻﻼً .. ﺑﺲ ﻛﻠﺒﻬﺎ ﺟﻤﺮ ...
ﺭﺍﺣﺖ ﺩﺧﻠﺖ ﺍﻟﻐﺮﻓﺔ ﺑﻬﺪﻭﺀ ﻭﻛﻔﺖ ﺑﺎﻟﺒﺎﺏ ﻭﻣﺎﻛﻮ ﺍﺣﺪ ﻭﺍﻟﺴﺮﻳﺮ ﻣﺨﺒﻮﺹ ﺧﺒﺺ ﻋﻠﻰ ﺣﻄﺘﻪ ﺍﻟﻔﺠﺮ .. ﻭﺗﺬﻛﺮﺕ ﺍﻟﺬﻛﺮﻯ ﺍﻟﻲ ﺻﺎﺭﺕ ﻭﺩﻣﻮﻋﻬﺎ ﻧﺰﻟﺖ ﺑﺄﻟﻢ ...
ﺣﻮﺭﺍﺀ : ﻳﺎﺭﻳﺖ ﻳﺼﻴﺮ ﺑﻴﻪ ﺯﻫﺎﻳﻤﺮ ﺍﻭ ﻓﻘﺪﺍﻥ ﺫﺍﻛﺮﺓ ﻭﺍﻧﺴﻪ ﻭﺍﻧﺴﻴﻚ ﻛﻠﺸﻲ ﺻﺎﺭ ... ﻭﺳﻜﺘﺖ ﻭﻫﻲ ﺗﺘﺄﻣﻞ ﺍﻟﺴﺮﻳﺮ ﻭﺗﺬﻛﺮ ﻣﻦ ﺟﺎﻫﺎ ﻣﺮﺓ ﺛﺎﻧﻴﺔ ﻭﻣﺎﻫﺘﻢ ﺗﻤﻨﻌﻪ ﻭﺗﺪﻓﻌﻪ ﻳﺘﺮﻛﻬﺎ ....
ﻭﻣﻦ ﺗﺬﻛﺮ ﻣﻮ ﻫﻮ ﻓﻮﻛﻬﺎ ﻭﺍﻟﺬﻛﺮﻯ ﺗﻮﺟﻊ ﻭﻣﺎﺗﻌﺮﻑ ﺷﺘﺤﺲ ﺑﺎﻟﻈﺒﻂ .. ﺍﻭﻝ ﺫﻛﺮﻯ ﺍﻟﻬﺎ ﻭﻳﻪ ﺣﺐ ﺣﻴﺎﺗﻬﺎ ﻭﺻﺎﺭﺕ ﺑﺪﻣﻮﻋﻬﺎ ﻭﺑﻤﺼﻴﺒﺔ ...
ﺣﻮﺭﺍﺀ ﺑﺤﺰﻥ : ﻳﺎﺭﻳﺖ ﺗﻨﺴﻪ ﻛﻠﺸﻲ
ﻫﺸﺎﻡ ﻭﺭﺍﻫﺎ ﻭﺍﻛﻒ : ﻫﺎﻱ ﺷﺴﻮﻳﻦ ﻫﻨﺎ
ﺣﻮﺭﺍﺀ ﻓﺰﻋﺖ ﻭﺻﺮﺧﺖ ﺑﺨﻮﻑ .. ﻭﺍﻟﺘﻔﺘﺖ ﺍﻟﻪ ﻭﺳﻜﺘﺖ ﻭﻫﻲ ﺗﺒﺎﻭﻉ ﻟﻮﺟﻬﻪ ﻭﺷﻜﻠﻪ ﻣﻈﻐﻮﻁ ﻭﺟﻬﻪ ﺍﺣﻤﺮ .. ﻫﻮ ﻣﻦ ﻳﻨﻘﻬﺮ ﻳﺼﻴﺮ ﺍﺣﻤﺮ ...
ﻫﺸﺎﻡ ﺭﺟﻌﻠﻪ ﺍﻟﻢ ﻛﻠﺒﻪ : ﻣﻮ ﺍﺣﺎﺟﻴﺞ
ﺣﻮﺭﺍﺀ ﺩﻣﻮﻋﻬﺎ ﻃﺎﺣﻦ : ﺍﺷﺘﺎﻗﻴﺘﻠﻚ ﺷﻴﺨﻲ ﻭﺍﺟﻴﺖ ﺍﺷﻮﻓﻚ ﻏﺮﺑﺔ ﻳﻮﻣﻲ ﺑﺪﻭﻧﻚ
ﻫﺸﺎﻡ ﻳﺘﻤﻨﻪ ﻳﻜﻠﻬﺎ ﺍﻧﻪ ﻣﺎﻣﺸﺘﺎﻗﻠﺞ ﻭﻻ ﺍﺣﺲ ﺑﻐﺮﺑﺔ ﺑﻌﺪﻡ ﻭﺟﻮﺩﺝ .. ﻭﻳﺪﺭﻱ ﻫﻲ ﺑﺮﻳﺌﺔ ﻭﺻﺎﺭ ﻣﺘﺄﻛﺪ ﻫﻲ ﺑﺮﻳﺌﺔ ﻭﻣﻈﻠﻮﻣﺔ ﺑﺲ ﺻﻌﺒﺔ ﻳﺘﻘﺒﻠﻬﺎ ﺑﻌﺪ ... ﻣﺎﺭﺍﺡ ﻳﻨﺴﻪ ﺍﺧﺬﻫﺎ ﺷﺨﺺ ﻗﺒﻠﻪ ....
ﻭﻣﺎﺗﻐﻴﺮ ﺑﺪﺍﺧﻠﻪ ﻭﻻ ﺫﺭﺓ ﺍﻟﻬﺎ ﻭﻳﻌﺸﻖ ﻫﺎﻟﻮﺟﻪ .. ﻭﺍﻟﺨﺪﻳﺪﺍﺕ ﺍﻟﻲ ﺍﺫﺍ ﻣﺎﻳﺒﻮﺳﻬﻦ ﻳﺤﺲ ﺑﺎﻟﻨﻘﺺ ...
ﻫﺸﺎﻡ ﺟﻤﻊ ﻗﻮﺗﻪ : ﻳﺎﺭﻳﺖ ﺍﻛﺪﺭ ﺍﻛﻠﺞ ﻧﻔﺲ ﺍﻟﺸﻲ .. ﻭﻣﺪ ﺍﻳﺪﻩ ﻳﻠﺰﻣﻬﺎ ﻭﻳﻄﻠﻌﻬﺎ ﺑﺲ ﻫﻲ ﻓﺰﻋﺖ ﻣﻦ ﻣﻦ ﺍﻳﺪﻩ ﻭﻛﺸﺖ ﻭﺣﻈﻨﺖ ﻧﻔﺴﻬﺎ ﺑﺨﻮﻑ ...
ﺿﺎﺝ ﻣﻦ ﻫﺎﻟﻨﺰﺓ ﻳﻌﻨﻲ ﺧﺎﻓﺖ ﻣﻨﻪ ﻣﺜﻞ ﺍﻭﻝ ﻟﻴﻠﺔ ﺍﺟﺖ ﻫﻨﺎ ...
ﻫﺸﺎﻡ : ﻃﻠﻌﻲ ﻣﻨﺎ ﻭﻻ ﺍﺷﻮﻓﺞ ﻫﻨﺎ ﺑﻌﺪ ﺍﺑﻘﻲ ﻳﻢ ﺭﻗﻴﺔ
ﺣﻮﺭﺍﺀ ﺭﺟﻌﺖ ﻟﻴﻮﺭﻯ : ﺻﺮﺕ ﺗﻜﺮﻫﻨﻲ ﻣﻮ ﺷﻴﺨﻲ .. ﺗﻜﺮﻫﻨﻲ
ﻫﺸﺎﻡ ﺑﻘﻬﺮ : ﺁﻩ ﺑﻮﻳﻪ ﻳﺎﺭﻳﺖ .. ﻳﺎﺭﻳﺖ ﺍﻛﺮﻫﺞ ﻭﺑﻬﺎﻟﻠﺤﻈﺔ ﺑﻠﻜﻲ ﺗﻄﻔﻪ ﻧﺎﺭ ﻛﻠﺒﻲ .. ﻳﺎﺭﻳﺖ ﺍﻛﺮﻫﺞ ﻳﻤﻜﻦ ﻳﻬﻮﻥ ﻋﻠﻴﻪ ﺍﻟﺼﺎﺭ
ﺣﻮﺭﺍﺀ ﺩﻣﻮﻋﻬﺎ ﺟﻤﺮ ﻭﺳﻜﺘﺖ ﻣﺎﺣﺠﺖ ﻭﻻ ﻛﻠﻤﺔ ... ﻭﺑﻘﺖ ﻭﺍﻛﻔﺔ ﻭﺭﺍﺣﺖ ﻃﻠﻌﺖ ﻣﻦ ﺍﻟﻐﺮﻓﺔ ﻭﺭﺍﺣﺖ ﺭﺟﻌﺖ ﻟﻐﺮﻓﺔ ﺭﻗﻴﺔ ...
ﻭﻟﻴﻠﺘﻬﺎ ﻣﺎﻏﻔﺖ ﻋﻴﻨﻬﺎ ﻭﻻ ﻋﻴﻨﻪ ﺍﺑﺪ ... ﻭﺍﺣﺪ ﻳﻔﻜﺮ ﺑﺎﻟﺜﺎﻧﻲ ﻭﻛﻠﻮﺑﻬﻢ ﻧﺎﺭ ...
ﺍﻭﻝ ﻣﺮﺓ ﻳﺤﺲ ﺑﺎﻟﻐﺮﻓﺔ ﻫﻞ ﻛﺜﺮ ﻣﻮﺣﺸﺔ ﻭﻏﺮﺑﻪ .. ﺣﺘﻰ ﺑﻤﻮﺕ ﻓﺮﺍﺕ ﻣﺎﺻﺎﺭ ﻫﻴﺞ ﺷﻌﻮﺭﻩ ...
ﻭﺻﺎﺭ ﺍﻟﺼﺒﺢ ﺻﺎﺡ ﻋﻠﻰ ﺭﻗﻴﺔ ﻭﻛﻠﻬﺎ ﺻﻴﺤﻲ ﻟﺤﻮﺭﺍﺀ ﺗﺠﻲ ﺍﺭﻳﺪﻫﺎ ...
ﺣﻮﺭﺍﺀ ﻛﺎﻣﺖ ﻭﻫﻲ ﺗﻌﺒﺎﻧﺔ ﻭﻛﻠﺒﻬﺎ ﻳﺪﻙ ﺣﻴﻴﻴﻞ ﻭﺗﻜﻮﻝ ﺷﻴﺮﻳﺪ ﻣﻨﻲ ﻻ ﻳﻜﻮﻥ ﻛﻞ ﻻﺑﻮﻱ ﺍﻟﺴﺎﻟﻔﺔ ﻭﻇﻠﺖ ﺗﺮﺟﻒ ﺗﺘﺨﻴﻞ ﺍﺑﻮﻫﺎ ﻳﻌﺮﻑ ﻣﺎﺗﺖ ﺧﻮﻑ ....
ﺩﺧﻠﺖ ﺍﻟﻐﺮﻓﺔ ﻭﻫﻲ ﺫﺑﻼﻧﺎﺕ ﻋﻴﻮﻧﻬﺎ ﻭﺣﻤﺮ ﻭﺧﺸﻤﻬﺎ ﻭﺧﺪﻭﺩﻫﺎ .. ﺷﺎﻓﺘﻪ ﻛﺎﻋﺪ ﻋﺎﻟﺴﺮﻳﺮ ﻭﻻﺑﺲ ﺩﺷﺪﺍﺷﺔ ﺳﻮﺩﺓ ﻭﺑﺪﻭﻥ ﺷﻤﺎﻏﻪ ...
ﺣﺎﻁ ﺍﻳﺪﻳﻨﻪ ﻋﻠﻰ ﺭﺍﺳﻪ ﻭﻣﺪﻧﻚ ﺭﺍﺳﻪ ﻣﻦ ﺍﺟﺖ ﺭﻓﻊ ﺭﺍﺳﻪ ... ﻭﻫﻲ ﻛﻔﺖ ﻛﺒﺎﻟﻪ ﺑﺘﺴﺎﺋﻞ ﻭﻋﻴﻮﻥ ﻛﺴﻴﺮﺓ ﺗﺒﺎﻭﻋﻠﻪ ...
ﺣﻮﺭﺍﺀ ﺑﺘﻌﺐ ﻭﺻﻮﺗﻬﺎ ﻣﺒﺤﻮﺡ : ﺻﺤﺘﻨﻲ
ﻫﺸﺎﻡ ﺑﻬﺪﻭﺀ ﺑﺪﻭﻥ ﻣﺎﻳﺒﺎﻭﻉ ﻋﻠﻴﻬﺎ : ﺣﻀﺮﻱ ﻧﻔﺴﺞ ﺍﻭﺩﻳﺞ ﺑﻴﺖ ﺍﺑﻮﺝ
ﺣﻮﺭﺍﺀ ﺩﻣﻮﻋﻬﺎ ﺍﺟﻤﻌﺖ ﻭﺑﺒﺠﻲ : ﻟﻴﺶ ﻛﻠﺖ ﻷﺑﻮﻱ ﻛﻠﺸﻲ ﺍﻧﺘﻪ
ﻫﺸﺎﻡ : ﻻﺀ ﻭﻫﺬﺍ ﺳﺮ ﻣﺎﺗﺤﺠﻴﻨﻪ ﻻﺣﺪ ﻣﻨﻮ ﻣﺎﺟﺎﻥ .. ﺍﺫﺍ ﺍﻛﻞ ﻻﺑﻮﺝ ﺗﺼﻴﺮ ﺩﻡ ﻭﻳﻪ ﺑﻴﺖ ﻋﻤﺞ ﺧﺎﻑ ﻣﺎﺗﺪﺭﻳﻦ .. ﻭﺗﺼﻴﺮﻳﻦ ﺳﺎﻟﻔﺔ ﻳﺤﺠﻮﻥ ﺑﻴﻬﺎ ﺍﻟﺠﺎﻱ ﻭﺍﻟﺮﺍﻳﺢ .. ﻭﺷﻠﻮﻥ ﺍﺣﺠﻲ ﻋﻠﻰ ﺷﺮﻓﻲ ﻭﻋﺮﺿﻲ .. ﺟﻬﺰﻱ ﻧﻔﺴﺞ ﺍﺧﺬﺝ ﺍﻟﻬﻢ ﺍﺑﻘﻲ ﻫﻨﺎﻙ
ﺣﻮﺭﺍﺀ ﺑﻌﺒﺮﺓ ﻭﺷﻔﺎﻳﻔﻬﺎ ﺗﺮﺟﻒ : ﻭﻟﺸﻮﻛﺖ ﺍﺑﻘﻪ ﻫﻨﺎﻙ
ﻫﺸﺎﻡ : ﻳﺎﻟﻠﻪ ﺑﺴﺮﻋﺔ ﻭﻟﺴﺄﻟﻴﻦ .. ﺑﺲ ﺷﺒﺮ ﺑﺮﻩ ﺍﻟﺒﻴﺖ ﻣﺎﻃﻠﻌﻴﻦ ﻻ ﺑﺄﺫﻧﻲ ﻭﻻ ﻏﻴﺮﻩ .. ﻻ ﺗﺨﺎﺑﺮﻳﻦ ﻋﻠﻴﻪ ﻛﻠﺶ ﻣﺎﺭﻳﺪ ﺍﺳﻤﻊ ﺷﻲ ﻣﻨﺞ ﺍﺑﺪﺍً .... ﺧﻠﺼﻲ ﻭﻟﺤﻜﻴﻨﻲ ﻟﻠﺴﻴﺎﺭﺓ ....
ﺍﺧﺬ ﺷﻤﺎﻏﻪ ﻟﻔﺎﻩ ﻋﻠﻰ ﺭﺍﺳﻪ ﺑﺪﻭﻥ ﻋﻜﺎﻝ ﻭﻋﺎﻓﻬﺎ ﻭﻃﻠﻊ ....
ﻭﺟﻬﺰﺕ ﻣﻼﺑﺲ ﺍﻟﻬﺎ ﺑﺪﻣﻮﻉ ﻳﻤﻜﻦ ﺩﻣﻮﻋﻬﺎ ﺧﻠﺼﻦ ﺑﻜﺪ ﺍﻟﺒﺠﻲ ﻭﻟﺒﺴﺖ ﻋﺒﺎﻳﺘﻬﺎ ﻭﺭﺍﺣﺖ ﻃﻠﻌﺖ ﻭﺩﻋﺖ ﺭﻗﻴﺔ ﻭﻧﺴﻤﺔ ﻭﻣﺴﺘﻐﺮﺑﺎﺕ ﻟﻴﺶ ﺭﺍﻳﺤﺔ ...
ﻭﺍﻳﻤﺎﻥ ﺑﺎﻟﺼﺎﻟﺔ ﻛﺎﻋﺪﺓ ﻭﺗﺴﻮﻟﻒ ﻭﻳﻪ ﻧﻔﺴﻬﺎ ﻭﺗﻀﺤﻚ ﻋﻠﻰ ﺣﻮﺭﺍﺀ ﻋﺮﻓﺖ ﻣﺘﺨﺎﺻﻤﻴﻦ ﻫﻲ ﻭﻳﺎﻩ . ﻭﺷﻜﺪ ﺟﺒﻴﺮﺓ ﺍﻟﻲ ﻫﺸﺎﻡ ﻳﺮﻳﺪ ﻳﺎﺧﺬﻫﺎ ﻷﻫﻠﻬﺎ ﺑﺎﻟﻌﺎﺩﺓ ﻣﺎﻳﻘﺒﻞ ﺗﻄﻠﻊ ﺍﻟﻤﺮﺓ ﻣﻦ ﺑﻴﺘﻬﺎ ﻭﺗﺤﻞ ﺧﻼﻓﻬﺎ ﻭﻳﻪ ﺯﻭﺟﻬﺎ ﺍﺑﻴﺘﻬﺎ ...
ﺑﺲ ﺣﻮﺭﺍﺀ ﻣﺎﻫﺘﻤﺖ ﺑﺎﻳﻤﺎﻥ ﻛﻞ ﺍﻟﻲ ﻫﺎﻣﻬﺎ ﺷﻴﺨﻬﺎ ﻭﺣﺎﺳﺔ ﻫﺎﻱ ﺍﻟﺮﻭﺣﺔ ﻣﺎ ﻣﻨﻬﺎ ﺭﺟﻌﺔ ﺍﺑﺪﺍً .. ﺭﺍﺣﺖ ﺻﻌﺪﺕ ﻭﻳﺎﻩ ﻭﻣﺎﺗﺒﺎﻭﻉ ﻧﺎﺣﻴﺘﻪ ﻭﻋﻴﻨﻬﺎ ﻟﻠﺠﺎﻣﻪ ﻭﻣﺎﻧﻄﻘﺖ ﻭﻻ ﺣﺮﻑ ﺳﺎﻛﺘﻪ ﻭﺍﻟﺤﺰﻥ ﺗﻤﻠﻚ ﺭﻭﺣﻬﺎ ...
ﺣﺮﻙ ﺍﻟﺴﻴﺎﺭﺓ ﻭﺭﺍﺣﻮ ﺍﺗﺠﻪ ﻟﺒﻴﺖ ﺍﺑﻮﻫﺎ ﻭﻛﻞ ﺷﻮﻱ ﻳﺴﺘﺮﻕ ﺍﻟﻨﻈﺮ ﻋﻠﻴﻬﺎ .. ﻭﻳﺤﺎﻭﻝ ﻳﺘﺠﻨﺐ ﺍﻟﻨﻈﺮ ﺑﺲ ﻣﺎﻳﻜﺪﺭ ...
ﻭﻳﺸﻮﻓﻬﺎ ﻭﺟﻬﻬﺎ ﻋﺎﻟﺠﺎﻣﺔ ﻭﻣﺎﻧﻄﻘﺖ ﻭﻻ ﺣﺮﻑ ... ﻭﺻﻠﻮ ﻭﻛﻒ ﻭﻣﺎﺣﺠﻪ ﺷﻲ ﻳﻨﺘﻈﺮﻫﺎ ﺗﻨﺰﻝ ...بيج قصص عراقيه حقيقيه من واقعنا.روعه الطائي
ﺑﺎﻭﻋﺘﻠﻪ ﺑﻨﻈﺮﺓ ﺍﺧﻴﺮﺓ .. ﺩﺍﻳﺮ ﻭﺟﻬﻪ ﻋﺎﻟﺠﺎﻣﺔ ﻭﻗﺎﺑﺾ ﺍﻳﺪﻩ ﻭﻋﻠﻰ ﺷﻔﺘﻪ ﻭﺳﺎﻧﺪﻫﺎ ﻋﻠﻰ ﺑﺎﺏ ﺍﻟﺴﻴﺎﺭﺓ .. ﻭﺍﻳﺪ ﻋﻠﻰ ﺍﻟﺪﺭﻛﺴﻮﻥ ...
ﻧﺰﻟﺖ ﻭﻧﺰﻟﺖ ﻣﻼﺑﺴﻬﺎ .. ﻭﺭﺍﺣﺖ ﺍﺩﻙ ﺍﻟﺒﺎﺏ ... ﻭﻫﻮ ﻳﺒﺎﻭﻋﻠﻬﺎ ﺗﺪﺧﻞ ﺟﻮﻯ ...
ﺑﻮﻗﺘﻬﺎ ﺑﻘﺖ ﺣﻮﺭﺍﺀ 13 ﻳﻮﻡ ﻫﻨﺎﻙ ﻋﺪ ﺍﻫﻠﻬﺎ ﻭﻫﺸﺎﻡ ﺣﺘﻰ ﺍﺗﺼﺎﻝ ﻣﺎﺗﺼﻞ ﺑﻴﻬﺎ ﻭﻫﻲ ﺗﻜﻀﻴﻬﺎ ﺑﺎﻟﻠﻴﻞ ﺑﺠﻲ ﻭﺑﺎﻟﻨﻬﺎﺭ ﺗﺠﺎﻣﻞ ﻭﺗﺒﺘﺴﻢ ﺟﺬﺏ ﺑﺲ ﺣﺘﻰ ﻣﺎﻳﺤﺴﻮﻥ ﺑﻴﻬﺎ ...
ﺑﺲ ﺍﺑﻮﻫﺎ ﺣﺲ ﺑﻴﻬﺎ ﻭﺳﺄﻟﻬﺎ ﻛﻠﺘﻠﻪ ﻣﺎﻛﻮ ﺷﻲ ﺟﺎﻳﺔ ﻳﻤﻜﻢ ﺍﺑﻘﻪ ﺍﺗﻮﻧﺲ ﻭﺍﻏﻴﺮ ﺟﻮ ... ﻳﻜﻠﻬﺎ ﺗﻐﻴﺮﻳﻦ ﺟﻮ 13 ﻳﻮﻡ .. ﻛﻠﺘﻠﻪ ﻣﺠﺮﺩ ﺧﻼﻑ ﺑﺴﻴﻂ ﺑﺎﺑﺎ ﻻﺗﻔﻜﺮ ...
ﻛﻠﻬﺎ ﺍﻟﻠﻪ ﻳﻬﺪﻳﻜﻢ ﻣﺎﻛﺪﺭ ﺍﺩﺧﻞ ﺑﻴﻨﻜﻢ .. ﻳﻌﺮﻑ ﺑﺘﻪ ﺻﻐﻴﺮﺓ ﻭﺍﻛﻴﺪ ﻣﺸﺎﻛﻞ ﺗﺼﻴﺮ ....
ﺑﺎﻟﻠﻴﻞ ﺗﻔﺎﺟﺌﺖ ﺍﻳﻮ ﻛﻠﺘﻠﻬﺎ ﺍﺟﻪ ﺍﻟﺸﻴﺦ ﻋﻠﻴﺞ .. ﻭﻫﻲ ﺑﺮﻏﻢ ﺣﺰﻧﻬﺎ ﻃﻔﺮﺕ ﻃﻔﺮﺓ ﻭﻓﺮﺣﺖ ﺍﺟﺎﻫﺎ .. ﻣﺸﺘﺎﻗﺘﻠﻪ ﺑﻜﺪ ﺍﻻﻛﻮﺍﻥ ...
ﻫﻮ ﺣﺲ ﺑﺎﻟﺨﻨﻜﻪ ﻭﺍﻟﻐﺮﺑﻪ ﺑﺪﻭﻧﻬﺎ ﻭﺭﺍﺡ ﻳﺠﻴﺒﻬﺎ ﺑﺲ ﻳﺮﻳﺪﻫﺎ ﻛﺪﺍﻡ ﻋﻴﻮﻧﻪ ﺑﺎﻟﺮﻏﻢ ﺷﻮﻓﺘﻬﺎ ﺗﻤﻮﺕ ﻛﻠﺒﻪ ﻭﺗﺬﻛﺮﻩ ﺑﺎﻟﺼﺎﺭ ﺑﺲ ﻣﺎﻳﻜﺪﺭ ﻳﻜﻤﻞ ﻳﻮﻡ ﺑﺪﻭﻥ ﺷﻮﻓﺘﻬﺎ ....
ﻭﺟﻬﺰﺕ ﺍﺷﻴﺎﺀﻫﺎ ﻭﺭﺍﺣﺖ ﻭﻳﺎﻩ ﻭﻫﻮ ﻣﺸﺘﺎﻗﻠﻬﺎ ﺣﻴﻴﻴﻴﻞ .. ﻭﻛﺤﻞ ﻋﻴﻮﻧﻪ ﺑﺸﻮﻓﺘﻬﺎ .. ﻭﻫﻲ ﻫﻤﻴﻦ ....
ﺣﻮﺭﺍﺀ ﺑﻬﺪﻭﺀ : ﺷﻠﻮﻧﻚ ﺷﻴﺨﻲ
ﻫﺸﺎﻡ ﺭﺩ ﺑﻬﺪﻭﺀ : ﻋﻠﻰ ﺍﻟﻠﻪ .. ﺍﺟﻴﺖ ﺍﺧﺬﺝ ﻣﻮ ﺣﻠﻮﺓ ﺑﺤﻘﻲ ﻛﺪﺍﻡ ﺍﺑﻮﺝ
ﺣﻮﺭﺍﺀ ﺣﺰﻧﺖ ﻳﻌﻨﻲ ﺟﺎﻳﻬﺎ ﻣﻮ ﻣﺸﺘﺎﻗﻠﻬﺎ ﺍﺟﻪ ﻋﻠﻤﻮﺩ ﺍﺑﻮﻫﺎ ﺳﻜﺘﺖ ﻭﻃﻮﻝ ﺍﻟﻄﺮﻳﻖ ﺳﺎﻛﺘﻪ ﻭﺗﺒﺎﻭﻋﻠﻪ ﺑﺸﻮﻕ ﻭﺣﺰﻥ ﻭﺧﺬﻻﻥ ﻭﺃﻟﻢ ﻭﻛﻠﺸﻲ ... ﻭﺍﻟﻌﺒﺮﺓ ﻻﺯﻣﺘﻬﺎ ﺑﺎﻟﻜﻮﺓ ...
ﻣﺘﻐﻴﺮ ﻭﺟﻬﻪ ﺗﻌﺒﺎﻥ ﺷﻜﻠﻪ .. ﻭﺣﺰﻳﻦ .. ﻻﺑﺲ ﻧﻈﺎﺭﺓ ﺷﻤﺴﻴﺔ ﻫﺴﺔ ﻭﺣﻠﻮﺓ ﻋﻠﻴﻪ ﻣﻄﻠﻌﺘﻪ ﻏﻴﺮ ﺷﻜﻞ .. ﻭﺭﻳﺤﺔ ﻋﻄﺮﻩ ﺗﺘﻐﻠﻐﻞ ﺑﺄﻧﻔﺎﺳﻬﺎ ...
ﺭﺟﻌﻮ ﺍﻟﺒﻴﺖ ﻭﺭﻗﻴﺔ ﻭﻧﺴﻤﺔ ﺍﺳﺘﻘﺒﻠﻮﻫﺎ ﺑﺸﻮﻕ .. ﺑﺲ ﺍﻳﻤﺎﻥ ﻻ ﺍﺻﻼ ﻻﻫﻴﺔ ﺑﺨﺒﺎﻟﻬﺎ ﻫﻞ ﺍﻳﺎﻡ ﺻﺎﻳﺮﺓ ﻛﻠﺶ ﻭﺗﺸﻮﻑ ﺍﺷﻴﺎﺀ ﺗﺨﻮﻓﻬﺎ ...
ﻣﺮﺍﺕ ﺗﻜﻌﺪ ﺑﺎﻟﻐﺮﻓﺔ ﺑﺤﺪﻫﺎ ﻭﺍﺣﺪ ﻳﺪﻙ ﻋﻠﻴﻬﺎ ﺍﻟﺒﺎﺏ ﺑﺎﻟﻠﻴﻞ ﻭﺗﺨﺎﻑ ﻛﻠﺶ ﺗﻤﻮﺕ ﺧﻮﻑ ﺣﺘﻰ ﺗﻄﻠﻊ ﺑﺮﻩ ﺍﺩﻭﺭ ﻭﻣﺎﻛﻮ ﺍﺣﺪ ﻭﻛﻠﻬﺎ ﻧﺎﻳﻤﻴﻦ ...
ﻇﻠﺖ ﺗﺸﻚ ﺑﻜﺮﺍﺭ ﻳﺮﻳﺪ ﻳﺨﻮﻓﻬﺎ ﻟﻮ ﻫﺸﺎﻡ ... ﺣﺘﻰ ﻃﻠﻌﺘﻬﺎ ﺧﻔﺖ ﻭﺍﻫﺘﻤﺎﻣﻬﺎ ﺑﻨﻔﺴﻬﺎ .. ﻣﺎﻟﻬﺎ ﺧﻠﻚ ﺗﺤﺲ ﻣﻠﻞ ﻭﻣﺎﻋﺪﻫﺎ ﻫﺪﻑ .. ﻟﻤﻨﻮ ﺗﻌﺪﻝ ﻭﻫﺸﺎﻡ ﻣﺎ ﻣﻌﺒﺮﻫﺎ ...
‏( ﻭﻫﺸﺎﻡ ﻓﺎﺭﻏﻠﺞ ﻟﻮ ﺍﻟﻪ ﺧﻠﻜﺞ ﻳﺴﻮﻱ ﺳﻮﺍﻟﻒ ﻣﺰﻋﻄﺔ ﻭﻳﺨﻮﻓﺞ (😒
ﺧﻞ ﻧﺮﻭﺡ ﻻﺑﻄﺎﻟﻨﻪ ...
ﺩﺧﻠﺖ ﻏﺮﻓﺘﻬﺎ ﻣﺸﺘﺎﻗﺘﻠﻬﺎ ﻭﺑﻴﻬﺎ ﺭﻳﺤﺔ ﻋﻄﺮ ﺷﻴﺨﻬﺎ .. ﺍﻟﺘﻔﺘﺖ ﺷﺎﻓﺘﻪ ﺩﺧﻞ .. ﺗﻮﻗﻌﺖ ﻳﻔﺘﺢ ﺍﻳﺪﻳﻪ ﺍﻟﻬﺎ ﻭﻳﻜﻠﻬﺎ ﺗﻌﺎﻱ ﺑﺤﻀﻨﻲ ...
ﺑﺲ ﺍﺟﺘﻬﺎ ﺻﻔﺤﺔ ﻣﻦ ﺍﻟﺨﺬﻻﻥ ﻣﺎﻗﻠﺪﻫﺎ ﺣﺘﻰ ﻣﺎﻳﺒﺎﻭﻉ ﻋﻠﻴﻬﺎ .. ﺣﻂ ﺳﻮﻳﺞ ﺍﻟﺴﻴﺎﺭﺓ ﻭﺭﺍﺡ ﺍﺧﺬ ﺷﻐﻠﺔ ﻣﻦ ﺍﻟﻜﻨﺘﻮﺭ ﻭﻳﺮﻳﺪ ﻳﻄﻠﻊ ...
ﺣﻮﺭﺍﺀ ﻻﺯﻣﺔ ﺩﻣﻮﻋﻬﺎ ﺑﺎﻟﻜﻮﺓ : ﺍﺑﻘﻪ ﺑﺎﻟﻐﺮﻓﺔ ﻟﻮ ﺍﺭﻭﺡ ﻳﻢ ﺭﻗﻴﺔ
ﻫﺸﺎﻡ ﺑﺪﻭﻥ ﻣﺎﻳﻠﺘﻔﺖ : ﻭﻳﻦ ﻣﺎﺗﺮﺩﻳﻦ ﺗﺒﻘﻴﻦ ﺍﺑﻘﻲ .. ﻭﺭﺍﺡ ﻃﻠﻊ ...
ﻭﻫﻲ ﺗﻔﺠﺮﻥ ﺩﻣﻮﻋﻬﺎ ﻭﻇﻠﺖ ﺗﺮﺟﻒ ﺷﻔﺎﻳﻔﻬﺎ ﻣﻦ ﺷﺪﺓ ﺍﻟﺒﺠﻲ .. ﻭﻗﺸﻌﺮ ﺟﺴﻤﻬﺎ ﻣﻦ ﻛﺪ ﺍﻟﻘﻬﺮ ﻭﺍﻟﻌﺒﺮﺓ ﺍﻟﻲ ﺍﺟﺘﺎﺣﺖ ﻛﻠﺒﻬﺎ ...
ﺭﺍﺣﺖ ﺑﺪﻣﻮﻋﻬﺎ ﻭﺭﺗﺒﺖ ﻣﻼﺑﺴﻬﺎ .. ﻣﺎﺗﺮﻳﺪ ﺗﻄﻠﻊ ﻭﺗﻜﻌﺪ ﻭﻳﻪ ﺍﺣﺪ .. ﺩﻭﻡ ﺗﺒﻘﻪ ﺑﺤﺪﻫﺎ ﻭﺭﺟﻌﺖ ﺍﻧﻌﺰﻟﺖ ﻋﻦ ﺍﻟﻜﻞ ...
ﺭﺍﺣﺖ ﺷﻤﺮﺕ ﻧﻔﺴﻬﺎ ﻋﺎﻟﺴﺮﻳﺮ ﻭﻇﻠﺖ ﺗﺸﻢ ﺑﻤﺨﺪﺗﻪ .. ﺑﺎﻭﻋﺖ ﻭﺭﺟﻌﺘﻠﻬﺎ ﺫﻛﺮﻯ ﻫﺬﺍﻙ ﺍﻟﻴﻮﻡ ﺍﻟﻲ ﻣﺎﺭﺍﺡ ﺗﻨﺴﺎﻩ ﻃﻮﻝ ﻋﻤﺮﻫﺎ ﻭﻻ ﺭﺍﺡ ﻳﺘﻐﻴﺮ ...
ﺗﺘﻤﻨﻰ ﺗﻔﻘﺪ ﺫﺍﻛﺮﺗﻬﺎ ﺗﺘﺨﺒﻞ ﺍﻭ ﺍﻱ ﺷﻲ ﻳﻨﺴﻴﻬﺎ ... ﺑﻘﺖ ﻋﻠﻰ ﻫﺎﻟﺤﺎﻝ ﻋﺎﻟﺴﺮﻳﺮ ﻭﻧﺎﻳﻤﺔ ﻋﻠﻰ ﺑﻄﻨﻬﺎ ﻭﺗﺒﺎﻭﻉ ﻟﻠﻔﺮﺍﻍ ...
ﺻﺎﺭﻟﻬﺎ ﻟﻴﺎﻟﻲ ﻣﺘﻨﺎﻡ ﻭﻻ ﺗﺮﺗﺎﺡ ﻛﻠﻪ ﺑﺠﻲ ﺑﺎﻟﻠﻴﻞ ﻭﺑﺎﻟﻨﻬﺎﺭ ﻛﺎﺿﻴﺘﻬﺎ ﺗﺴﻤﻊ ﺭﺯﺍﻳﻞ ﺍﻣﻬﺎ ﻋﻠﻰ ﺗﺮﺗﻴﺒﻬﺎ ﻭﺷﻠﻮﻥ ﻣﺎﺗﺤﻂ

ﺗﺮﺗﻴﺒﻬﺎ ﻭﺷﻠﻮﻥ ﻣﺎﺗﺤﻂ ﻣﻜﻴﺎﺝ ....
ﻫﻲ ﺣﻮﺭ ﻣﻦ ﺍﺯﻭﺟﺖ ﻫﺸﺎﻡ ﺗﻐﻴﺮﺕ ﺻﺎﺭﺕ ﺍﺣﻠﻰ ﻻﻥ ﺣﻔﺖ ﺣﻮﺍﺟﺒﻬﺎ ﻭﺟﺎﻧﺖ ﻣﺎﺗﺤﻒ ﻟﺬﻟﻚ ﺗﻐﻴﺮﺕ ....
ﺑﻘﺖ ﺑﺼﻔﻨﺘﻬﺎ ﻭﻏﻔﺖ ﻭﻣﺎﺣﺴﺖ ﻏﻴﺮ ﺑﺎﻟﻠﻴﻞ .. ﻋﻠﻰ ﺣﺮﻛﺔ ﻫﺸﺎﻡ .. ﺍﺧﺬ ﻣﺨﺪﺗﻪ ﻭﻃﻠﻊ ﻓﺮﺍﺵ ﻣﻦ ﺍﻟﻜﻨﺘﻮﺭ ﻭﻧﺎﻡ ﻋﺎﻷﺭﺽ ....
ﻛﺎﻣﺖ ﻋﺪﻟﺖ ﻛﻌﺪﺗﻬﺎ ﻭﺭﺍﻗﺒﺘﻪ ﺑﺄﻟﻢ ﺷﻠﻮﻥ ﻣﺒﺘﻌﺪ ﻋﻨﻬﺎ ﻫﻴﺞ .. ﻭﺑﻘﻮ ﻫﻴﺞ ﺍﻳﺎﻡ ﻭﺍﻳﺎﻡ ﻭﻫﻮ ﺣﺘﻰ ﻗﻠﻴﻞ ﺍﻟﻜﻼﻡ ﻭﻳﺎﻫﺎ ...
ﻭﻫﻲ ﺗﻤﻮﺕ ﺣﺴﺮﺓ ﻭﻗﻬﺮ ﻭﻛﻠﻪ ﻛﺎﺿﻴﺘﻬﺎ ﺑﺠﻲ ﻭﺣﺰﻥ ﻣﺎﻳﻨﻮﺻﻒ .. ﻭﺗﺸﻮﻑ ﻫﺸﺎﻡ ﻣﻴﻬﺘﻢ ﺍﻟﻬﺎ ﻭﻟﻮ ﺗﻤﻮﺕ ﻧﻔﺴﻬﺎ ﺗﺪﺭﻱ ﺑﻲ ﻣﺎﺭﺍﺡ ﻳﺘﻘﺒﻠﻬﺎ ﻭﻳﻨﺴﻪ ﻣﺴﺘﺤﻴﻞ ....
ﻛﺮﺍﺭ ﻣﺴﺘﻤﺮ ﺑﺎﻟﻌﻼﺝ ﻭﻫﻮ ﻭﻧﺴﻤﻪ ﺍﺣﻠﻰ ﺛﻨﻴﻦ .. ﺑﺲ ﻣﻼﺣﻈﻴﻦ ﺍﻟﺒﺮﻭﺩ ﺍﻟﻲ ﺑﻴﻦ ﻫﺸﺎﻡ ﻭﺣﻮﺭﺍﺀ ... ﺣﺘﻰ ﻛﻠﻬﻢ
ﻭﻣﺨﻠﺪ ﻭﺭﻗﻴﺔ ﺍﺣﻠﻰ ﺛﻨﻴﻦ ...
ﺍﻣﺎ ﺍﻳﻤﺎﻥ ﻻﻫﻴﺔ ﺑﻨﻔﺴﻬﺎ ﺍﻟﻲ ﻣﺎﺗﺪﺭﻱ ﺷﺼﺎﺭﻟﻬﺎ ﻭﺗﺘﺨﻴﻞ ﺍﺷﻴﺎﺀ ﻭﺗﺸﻮﻑ ﺍﺷﻴﺎﺀ ﻭﻛﺎﻣﺖ ﺗﺴﻤﻊ ﺍﺷﻴﺎﺀ ﺗﺨﻮﻑ ﻭﺗﺸﻮﻑ ﻛﺬﻟﻚ ....
ﻫﺎﻣﻠﺔ ﻧﻔﺴﻬﺎ ﻭﺟﻬﺎﻟﻬﺎ ﻭﺗﻤﻮﺕ ﻏﻴﺮﺓ ﻣﻦ ﺣﻮﺭﺍﺀ .. ﺻﺎﻳﺮﺓ ﻭﻫﻮﺍﺳﻴﺔ ﻛﻠﺶ .. ﺗﻈﻦ ﻧﻔﺴﻬﺎ ﺗﺤﺐ ﻫﺸﺎﻡ ﻭﻣﺮﺓ ﺗﻈﻦ ﻫﻲ ﺗﻜﺮﻫﻪ ... ﻭﺻﺎﻳﺮﺓ ﻫﻮﺳﺔ ﻋﻠﻴﻬﺎ ....
ﺣﻮﺭﺍﺀ ﺿﻌﻔﺎﻧﺔ ﻭﺟﻬﻪ ﺍﺻﻔﺮ ﺷﺎﺣﺐ ﻭﺷﻔﺎﻳﻔﻬﺎ ﺩﻭﻡ ﺑﻴﺾ ﻣﻦ ﺍﻟﺘﻌﺐ ﻭﺍﻟﻘﻬﺮ ... ﻭﻛﻠﻪ ﻣﺮﻳﻀﺔ ﻫﻞ ﻳﻮﻣﻴﻦ ...بيج قصص عراقيه حقيقيه من واقعنا.روعه الطائي
ﻭﺟﺎﻱ ﺗﻈﻬﺮ ﻋﻠﻴﻬﺎ ﺍﺛﺎﺭ ﻛﻠﺶ ﻗﻮﻳﺔ ... ﻭﺍﻟﻴﻮﻡ ﻣﻌﺪﺗﻬﺎ ﻣﺘﺨﺮﺑﻄﺔ ﻛﻠﺶ ... ﻭﻧﺺ ﻧﻬﺎﺭﻫﺎ ﻛﻀﺘﻪ ﺑﺎﻟﺤﻤﺎﻡ ﺗﺘﻘﻴﺄ ...
ﺍﻛﻠﺖ ﺧﻔﺎﻳﻒ ﻭﺭﺍﺣﺖ ﻟﻐﺮﻓﺘﻬﺎ ... ﻛﻌﺪﺕ ﻋﺎﻟﺘﻠﻔﻮﻥ ﺷﻮﻱ ﻭﺭﺍﺣﺖ ﺗﺮﻳﺪ ﺗﻨﺎﻡ ... ﻛﺎﻣﺖ ﺩﺧﻠﺖ ﺍﻟﺤﻤﺎﻡ .. ﻭﻟﻌﺒﺖ ﻧﻔﺴﻬﺎ ﻇﻠﺖ ﺗﺘﻘﻴﺄ ...
ﺍﺟﻪ ﻫﺸﺎﻡ ﻭﻛﺎﻟﻌﺎﺩﺓ ﻳﺪﺧﻞ ﺳﺎﻛﺖ ﻭﻣﻴﺤﺠﻲ ﻭﻻ ﺷﻲ .. ﻭﻳﺮﻭﺡ ﻳﻨﺎﻡ ﻭﺑﺲ ﻭﻳﻜﻮﻡ ﻟﻠﺼﻼﺓ ﺍﻟﻔﺠﺮ ﺣﺘﻰ ﻣﺎﻳﻜﻌﺪﻫﺎ ...
ﺳﻤﻌﻬﺎ ﺗﺘﻘﻴﺄ ﺑﺎﻟﺤﻤﺎﻡ .. ﻛﻠﺒﻪ ﻭﺟﻌﻪ ﻋﻠﻴﻬﺎ ﺑﺲ ﺗﻈﺎﻫﺮ ﺑﻌﺪﻡ ﺍﻻﻫﺘﻤﺎﻡ .. ﺍﻧﺘﻈﺮﻫﺎ ﺗﻄﻠﻊ ﻭﺭﺍﺡ ﻏﺴﻞ ... ﻭﻃﻠﻊ ﻧﺎﻡ ...
ﻭﻫﻲ ﺑﻘﺖ ﻫﻴﺞ ﻟﻤﻦ ﻏﻔﺖ ﻭﻫﻲ ﺣﺰﻳﻨﺔ ﻭﺍﻟﺪﻣﻮﻉ ﻛﺎﻟﻌﺎﺩﺓ ﻣﺎﺗﺘﺮﻛﻬﺎ ...
ﻓﺰﺕ ﻧﺺ ﺍﻟﻠﻴﻞ ﻭﻛﻀﺘﻬﺎ ﺑﺎﻟﺤﻤﺎﻡ ﻃﻮﻝ ﺍﻟﻠﻴﻞ .. ﺣﺘﻰ ﺍﻧﺰﻋﺞ ﻫﺸﺎﻡ ﻭﺿﺎﺝ ﻋﻠﻴﻬﺎ ... ﺻﺎﺭ ﺍﻟﺼﺒﺢ ...
ﻫﺸﺎﻡ ﺷﺎﻓﻬﺎ ﺗﻌﺒﺎﻧﺔ ﻛﺎﻣﺖ ﻣﻦ ﺍﻟﻔﺮﺍﺵ : ﺧﻴﺮﺝ ﺷﻨﻮ ﻣﺎﻛﻠﺔ ﻫﻴﺞ ﺻﺎﻳﺮ ﺑﻴﺞ
ﺣﻮﺭﺍﺀ ﻛﻠﺒﻬﺎ ﺩﻙ ﺣﻴﻞ ﻣﻦ ﺯﻣﺎﻥ ﻣﺎﻣﻬﺘﻢ ﺍﻟﻬﺎ ﻭﻳﺴﺎﻟﻬﺎ ﻭﻻ ﻳﺤﺎﺟﻴﻬﺎ ﻗﻠﻴﻞ ..
ﻫﺸﺎﻡ : ﻣﻮ ﺍﺣﺎﺟﻴﺞ
ﺣﻮﺭﺍﺀ ﺩﻧﻜﺖ : ﻣﺎﺑﻴﻪ ﺷﻲ ﻳﻤﻜﻦ ﺣﺎﻳﺸﻨﻲ ﺑﺮﺩ .. ﻣﺎﻛﻠﺖ ﺷﻲ ﺛﻜﻴﻞ
ﻫﺸﺎﻡ : ﺍﻫﺎﺍﺍ .....
ﻣﺮﺕ ﻳﻮﻣﻴﻦ ﻭﺣﻮﺭﺍﺀ ﻧﻔﺲ ﺣﺎﻟﺘﻬﺎ ﻻ ﺯﺍﺩﺕ ﺍﺻﻼً ... ﻋﻤﺘﻬﺎ ﺗﻜﻠﻬﺎ ﺍﺧﺬﺝ ﻟﻠﻤﺴﺘﺸﻔﻰ ﻛﻠﺘﻠﻬﺎ ﻻ ﺑﺲ ﻣﻌﺪﺗﻲ ﺩﻭﻡ ﻣﺎ ﺗﺘﺤﻤﻞ ﺷﻲ ....
ﺍﻟﻌﺼﺮ ﻫﺸﺎﻡ ﻛﻠﻬﺎ ﺑﺪﻟﻲ ﻭﻟﺒﺴﻲ ﻋﺒﺎﻳﺘﺞ ﺍﺧﺬﺝ ﻟﻠﻤﺴﺘﺸﻔﻰ ........ ﻭﻳﺘﺒﻊ