هديت اشيخ

بارث

هدية_الشيخ_

اسفة تأخرت عليكم كتلكم بيوم مانشر معناها بقمة انشغالي مو بيدي...

وهسة جبتلكم بارت طوويل تعويض

بالنسبة الي يكول شدعوة حوراء هالخجل..هواي مثلها والخجل بيها مو بيدها ويصير زايد عن الحد..هواي هيج🙈🙈

وبالنسبة لخوفها اليوم تكتشفون سبب كل هالخوف☹

باوعت يمين ويسار جان تحس ايدها انلزمت وفزعت وباوعتله اكثر شخص تتقرف منه وتكرهه...لزم ايدها وهي ماتت رعب وصاحت عالحارس...

ايمن يسحبها من ايدها ويريد يصعدها سيارته وهي تبجي وتصيح عالحارس والناس...وتصرخ عليه يتركها...

اجه الحارس هو شرطي وركض وشاف هذا يجر بالبنية الي كباله وراحله وطلع سلاحة وجهه عليه....

وكله عوفها منو انته شتريد..عوفها لا احط طلقة براسك

والتمو جم واحد عليهم...ايمن خاف سلاح موجه عليه وحوراء تبجي بهستريا وتحاول تفك نفسها ماتكدر...

ايمن ترك حوراء:كلبه حقيرة عبالج اعوفج بحالج...وراح صعد سيارته ومشه...

وكعدت حوراء بنص الشارع وايديها على عيونها وتبجي بحركة وشهكات...

الحارس والناس يهدونها ويسالونها منو هذا وشيريد..الحارس كلها ما حافظة رقم اهلج اتصل عليهم...

وحوراء ماتجاوب مستمرة بالبجي حييل...الشايب راح صاح لمرته تجيها وتكومها وادخلها لبيتهم...واجت المرة واخذتها لبيتهم بالكوة...

وشوي واجه هشام ونزل وشاف الحارس واكف بره...

هشام:حجي اكو طالبة هنا وحدها صيح عليها بلا امر عليك..واعتذر اخرتك بوكفتك هنا

الحارس:ماكو مشكلة ابني البنية داخل بيتنه..وقبل شوي اجه ولد شاب تهجم عالبنية وحاول ياخذها بالقوة

هشام كلبه وكف:شنو ومنو هالشاب حجي شنو هالحجي وين انته مو واجبك هذا

الحجي:ابني لو ما وجودي جان انخطفت بنتك

هشام انفجع:ياعم وينها...

المرة جابتها وهي شافت هشام وظلت تبجي اكثر وراحتله ركض وتحتمي بي...

وهو كلش انقهر من هالمنظر وشنو يجي شاب يحاول يخطفها ومنو هذا الكلب....

اخذها وهي تبجي بهستريا وهشام يهدي بيها ويسألها منو هذا....

واخذها وراح البيت وهو يحاول تحجي وماكو بس تبجي...دخل البيت وهي قبله وراحت داخل وهي تبجي...

شافتها ايمان تبجي وحجت بأستهزاء:هلا بالحبيبة منو مزعلج يرروحي لا يكون مسوية مصيبة ولج
قصص وروايات عراقية كرار صلاح
حوراء بعياط:مو ناقصتج انتي البومة