هديت اشيخ

بارث

هدية_الشيخ_

#بارت٢١

ﺍﻟﺒﺎﺭﺕ 21
ﻏﻤﺾ ﻋﻴﻮﻧﻪ ﻳﻨﺎﻡ ﺑﺲ ﻣﺎﻛﺪﺭ ﻳﻐﻔﻪ ﻭﻫﻲ ﺑﺤﻀﻨﻪ ﻣﺰﻋﻮﺝ .. ﻭﺳﺤﺐ ﺍﻳﺪﻩ ﻭﺩﺍﺭ ﻭﺟﻬﻪ ﻭﺍﻧﻄﺎﻫﺎ ﻇﻬﺮﻩ ﻭﻧﺎﻡ ...
ﺣﻮﺭﺍﺀ ﺣﺴﺖ ﺑﻲ .. ﻭﺣﺰﻧﺖ ﻛﻠﺶ ﻭﻓﻬﻤﺖ ﺷﻌﻮﺭﻩ .. ﻭﻫﻲ ﻫﻢ ﺍﺑﺘﻌﺪﺕ ﻋﻨﻪ ﻭﺗﻜﻮﻝ ﺍﻟﻠﻪ ﻛﺮﻳﻢ ﺭﺑﻲ ﺍﺭﺣﻢ ﺑﻌﺒﺎﺩﻩ ...
ﺣﺎﻭﻟﺖ ﺗﻨﺎﻡ ﻣﺎﻛﺪﺭﺕ ﻭﺑﻘﺖ ﺗﺘﻜﻠﺐ .. ﺗﺤﺲ ﺑﺨﻨﻜﻪ .. ﻭﺑﻄﻨﻬﺎ ﺗﻮﺟﻌﻬﺎ ﻛﻠﺶ ﻣﺎﺗﻌﺮﻑ ﻟﻴﺶ ﻫﺎﻷﻟﻢ ...
ﻛﺎﻣﺖ ﻣﻦ ﻓﺮﺍﺷﻬﺎ ﻭﺭﺍﺣﺖ ﻟﻠﺤﻤﺎﻡ ﻭﻏﺴﻠﺖ ﺑﻄﻨﻬﺎ ﺑﻤﺎﻱ ﺩﺍﻓﻲ ﻭﻧﻔﺲ ﺍﻟﺸﻲ .. ﻃﻠﻌﺖ ﻭﺗﺒﺎﻭﻉ ﻟﻬﺸﺎﻡ ﻏﺎﻓﻲ ﻭﺍﻳﺪﻩ ﺟﻮﻯ ﺧﺪﻩ .. ﻛﻌﺪﺕ ﻛﺒﺎﻟﻪ ﻭﺍﺗﻜﺖ ﻋﻠﻰ ﺍﻟﺤﺎﻳﻂ ﻛﺒﺎﻟﻪ ...
ﻭﻇﻠﺖ ﺗﺘﺄﻣﻠﻪ ﻭﺑﻄﻨﻬﺎ ﺗﻮﺟﻌﻬﺎ ﺗﺤﺲ ﺧﻮﺍﺻﺮﻫﺎ ﺷﺎﻋﻼﺕ ﻧﺎﺭ .. ﻭﺍﻟﻤﺤﺎﻟﺐ ﺍﻛﺜﺮ .. ﺣﻄﺖ ﺍﻳﺪﻫﺎ ﺍﺑﻄﻨﻬﺎ .. ﺍﺷﻮ ﺯﺍﺩ ﺍﻷﻟﻢ .. ﻛﺎﻣﺖ ﻭﺭﺍﺣﺖ ﻟﻠﺴﺮﻳﺮ ...
ﻇﻠﺖ ﺗﻠﻌﺐ ﻧﻔﺴﻬﺎ ﻭﺭﺍﺣﺖ ﻟﻠﺤﻤﺎﻡ ﻭﻇﻠﺖ ﺗﺴﺘﻔﺮﻍ ﻭﻛﻌﺪﺕ ﺑﺘﻌﺐ ...
ﺣﻮﺭﺍﺀ ﺑﺘﻌﺐ : ﺍﻭﻭﻑ ﻫﻴﺞ ﺭﺍﺡ ﺍﻛﻀﻴﻬﺎ ﻛﻞ ﺍﻟﺤﻤﻞ .. ﺷﻜﺪ ﻧﺸﻴﻞ ﺿﻴﻢ .. ﺷﻴﺼﻴﺮ ﻟﻮ ﺍﻟﺮﺟﺎﻝ ﻳﺸﻴﻞ ﻣﻦ ﻫﺎﻟﻈﻴﻢ ﺷﻮﻱ
ﻃﻠﻌﺖ ﻭﺷﺎﻓﺖ ﻫﺸﺎﻡ ﻛﻌﺪ ...
ﻫﺸﺎﻡ : ﺷﺼﺎﺭ ﻣﺎ ﺍﺧﺬﺗﻲ ﺍﺩﻭﻳﺘﺞ
ﺣﻮﺭﺍﺀ : ﻣﺎﺻﺎﺭ ﺷﻲ ﺳﻼﻣﺘﻚ .. ﺑﻠﻲ ﺍﺧﺬﺕ ﺍﻷﺩﻭﻳﺔ
ﻫﺸﺎﻡ : ﻻ ﺗﻬﻤﻠﻴﻦ ﺍﺩﻭﻳﺘﺞ .. ﻭﺩﺍﺭ ﻭﺟﻬﻪ ﻟﻠﺠﻬﺔ ﺍﻟﺜﺎﻧﻴﺔ ...
ﻭﻫﻲ ﺭﺍﺣﺖ ﻳﻤﻪ ﻭﺻﺎﺭﺕ ﻛﺒﺎﻟﻪ .. ﺍﻧﺴﺪﺣﺖ ﻭﻫﻢ ﻇﻠﺖ ﺗﺒﺎﻭﻋﻠﻪ ﻭﻫﻮ ﻣﻐﻤﺾ ﺗﺪﺭﻱ ﺑﻲ ﻣﺎﻧﺎﻳﻢ ﺑﺲ ﻫﻴﺞ ﻣﻐﻤﺾ ...
ﺣﻮﺭﺍﺀ ﺗﺤﺎﻭﻝ ﺗﻀﺤﻜﻪ : ﻫﺴﺔ ﻟﻮ ﺷﻴﺨﻲ ﻳﺰﻳﻦ ﻫﺎﻟﻠﺤﻴﺔ ﺷﻴﻄﻠﻊ ﺣﺎﺑﻪ ﺍﺷﻮﻓﻪ ﺑﻼ ﻟﺤﻴﺔ ﺑﺎﻟﻠﻪ ﺷﻠﻮﻥ ﺷﻜﻠﻪ .. ﻳﻤﻜﻦ ﻳﺨﺪﻋﻨﻲ ﺑﻬﺎﻟﻠﺤﻴﺔ ﻭﻳﻄﻠﻊ ﺟﻮﺍﻫﺎ ﺭﺟﺎﻝ ﻳﺨﻮﻑ
ﻫﺸﺎﻡ ﻭﻫﻮ ﻣﻐﻤﺾ : ﺗﺮﺩﻳﻦ ﺍﺻﻴﺮ ﻣﻀﺤﻜﻪ ﻟﻮ ﺯﻳﻨﺘﻬﺎ
ﺣﻮﺭﺍﺀ ﺗﺴﻮﻱ ﻧﻔﺴﻬﺎ ﻣﺎﺗﺪﺭﻱ ﻛﺎﻋﺪ : ﻳﺎﺍﺍﺍ ﻋﺰﺯﺯﺍ ﺳﻤﻌﺘﻨﻲ .. ﻳﻤﻪ ﻓﺪﻳﺘﻚ ﺍﻛﻴﺪ ﺗﺨﺒﻞ ﺣﺘﻰ ﺑﺪﻭﻥ ﻟﺤﻴﺔ
ﻫﺸﺎﻡ : ﻳﺎﺑﻪ ﺻﺎﻳﺮﺓ ﻭﻛﺤﺔ ﺍﺷﻮﻑ .. ﻧﺎﻣﻲ ﻣﻮ ﺯﻳﻦ ﻋﻠﻴﺞ ﺍﻟﺴﻬﺮ
ﺣﻮﺭﺍﺀ : ﺍﺳﻔﺔ ﺯﻋﺠﺘﻚ ﺗﻮﻩ
ﻫﺸﺎﻡ : ﻣﻮ ﻣﺸﻜﻠﺔ ﻣﻮ ﺑﻴﺪﺝ
ﺣﻮﺭﺍﺀ : ﻫﺎﻱ ﺍﺑﻨﻚ ﺷﻜﻠﻪ ﻋﺴﺮ ﻣﺎﻳﻨﻬﻀﻢ
ﻫﺸﺎﻡ : ﻋﻠﻰ ﺍﺑﻮﻩ ﻣﻮ
ﺣﻮﺭﺍﺀ ﺍﻳﺪﻫﺎ ﺟﻮﻯ ﺧﺪﻫﺎ ﻭﺗﺒﺎﻭﻉ ﺑﻮﺟﻬﻪ : ﻻﺀ ﻭﻳﻦ ﺍﻛﻮ ﻣﻦ ﺍﺑﻮﻩ .. ﻭﺭﺩﺓ ﺫﻫﺐ .. ﻋﻘﻴﻘﺔ ﻏﺎﻟﻴﺔ ﺑﻤﺤﺒﺲ ﻓﻀﺔ
ﻫﺸﺎﻡ : ﻫﻠﻮ ﺻﺎﻳﺮﺓ ﺗﺤﺠﻴﻦ ﺍﻟﺤﻤﻞ ﻣﺄﺛﺮ ﻋﻠﻴﺞ ﺑﻮﻳﻪ
ﺣﻮﺭﺍﺀ ﺍﻭﻝ ﻣﺮﺓ ﻣﺎﺗﺨﺠﻞ ﻣﻦ ﻣﺸﺎﻋﺮﻫﺎ : ﻻﺀ ﺍﻧﺘﻪ ﻣﺄﺛﺮ ﻋﻠﻴﻪ ﺷﻴﺨﻲ
ﻫﺸﺎﻡ : ﺣﻮﺭ ﺗﺤﺒﻴﻨﻲ ﻫﻞ ﻛﺜﺮ
ﺣﻮﺭﺍﺀ : ﻭﺍﻣﻮﻭﻭﺕ ﺑﻴﻚ .. ﻣﺎﺭﺍﺡ ﺍﺧﺠﻞ ﻣﻦ ﻫﺎﻟﻜﻠﻤﺔ ﺑﻌﺪ .. ﻭﺣﺴﺖ ﺷﻜﺎﻟﺖ .. ﻋﺰﺯﺯﺍﺍﺍ ﺻﺪﻙ ﻣﺄﺛﺮ ﻋﻠﻴﻪ ﺍﻟﺤﻤﻞ .. ﻭﻏﻄﺖ ﻋﻴﻮﻧﻬﺎ ﺑﻴﺪﻳﻬﺎ ...
ﻫﺸﺎﻡ : ﻫﻢ ﺣﺒﻴﺘﻲ ﻗﺒﻠﻲ .. ﻭﺗﺬﻛﺮ ﻫﻲ ﺷﻮﻛﺖ ﻟﺤﻜﺖ ﺣﺒﺖ .. ﺍﻧﺴﻲ ﺍﻟﺴﺆﺍﻝ ﻣﺎﻝ ﻣﺮﺍﻫﻘﻴﻦ
ﺣﻮﺭﺍﺀ ﺣﺰﻧﺖ : ﻳﺎ ﺣﺐ ﻳﺎﻣﺮﺍﺭﻩ ﺳﻨﺔ ﻛﺎﻣﻠﺔ ﺍﺗﻌﺎﻟﺞ ﻋﺪ ﺳﺎﺩﺓ ﻭﺷﻴﻮﺥ ﻭﺍﻧﻪ ﻣﺎﺫﻛﺮ ﻭﻻ ﺷﻲ ..ﻫﺸﺎﻡ ﺍﺗﺬﻛﺮ ﻭﺭﺟﻌﺘﻠﻪ ﺍﻟﺨﻨﻜﻪ ﻭﻛﺎﻡ ﺭﺍﺡ ﻟﺒﺲ ﺩﺷﺪﺍﺷﺘﻪ ﻭﻃﻠﻊ ﻭﻫﻲ ﺿﺎﺟﺖ ﻛﻠﺶ ....
ﻭﺑﻘﺖ ﺗﻨﺘﻈﺮﻩ ﻳﺠﻲ ﻣﺎﻛﻮ ... ﻏﻔﺖ ﻭﻫﻲ ﺗﻨﺘﻈﺮ ﻳﺮﺟﻊ ... ﻣﺎﺣﺴﺖ ﻏﻴﺮ ﺍﻟﻔﺠﺮ ﻭﺣﺴﺖ ﺑﺜﻜﻞ ﻋﻠﻴﻬﺎ ﻓﺘﺤﺖ ﻋﻴﻮﻧﻬﺎ ﺷﺎﻓﺘﻪ ﺣﺎﺿﻨﻬﺎ ﺣﻴﻞ ﻭﻧﺎﻳﻢ ...
ﺍﺑﺘﺴﻤﺖ ﺭﻏﻢ ﺍﻟﻲ ﺑﺪﺍﺧﻠﻬﺎ .. ﻫﻲ ﻣﻮ ﺍﻗﻞ ﻣﻨﻪ ﺣﺰﻥ .. ﺍﺻﻼُ ﻣﻦ ﻫﺬﻳﺞ ﺍﻟﺴﺎﻟﻔﺔ ﻭﻫﻲ ﺣﺰﻳﻨﺔ ﻣﻦ ﺍﺧﺬﻫﺎ ﻫﺸﺎﻡ ...
ﺻﺎﺭﻟﻬﺎ ﺍﻟﺴﺎﻟﻔﺔ ﺷﻬﺮ ﻭﺍﻳﺎﻡ ﺗﻘﺮﻳﺒﺎً ...
ﺣﻮﺭﺍﺀ ﺑﺼﻮﺕ ﻫﺎﺩﺉ : ﺷﻴﺨﻲ ﺍﻟﺼﻼﺓ .. ﺟﺎﻱ ﻳﺄﺫﻥ
ﻓﺘﺢ ﻋﻴﻮﻧﻪ ﻭﺷﺎﻓﻬﺎ ﺑﺤﻀﻨﻪ ﺗﻤﺴﻚ ﺑﻴﻬﺎ ﺣﻴﻴﻞ .. ﻭﻇﻞ ﻳﺸﻢ ﺑﺸﻌﺮﻫﺎ ﻣﻌﻄﺮ ﻭﺣﻠﻮﺓ ﺭﻳﺤﺘﻪ ﺗﺮﺩ ﺍﻟﺮﻭﺡ ...
ﻫﺸﺎﻡ : ﺿﻮﺟﺘﺞ ﺍﻟﺒﺎﺭﺣﺔ
ﺣﻮﺭﺍﺀ : ﻻ ﻭﺍﻟﻠﻪ ﺍﻧﻪ ﺿﻮﺟﺘﻚ
ﻫﺸﺎﻡ : ﻻ ﻛﻠﺸﻲ ﻭﻻ ﺍﺿﻮﺟﻴﻦ ﺍﻧﺘﻲ ﻣﻮ ﺯﻳﻦ ﻋﻠﻴﺞ .. ﺧﻠﻲ ﺍﻧﺼﻠﻲ .. ﻧﺬﻛﺮ ﺍﻟﻠﻪ
ﻭﻛﺎﻣﻮ ﻭﺗﻮﺿﻮ ﻭﺣﻮﺭﺍﺀ ﻟﻌﺒﺎﻧﺔ ﻧﻔﺴﻬﺎ ﻭﻣﺤﺎﻟﺒﻬﺎ ﺷﺎﻋﻠﺔ ﻧﺎﺭ ﻋﻠﻴﻬﺎ .. ﻭﺭﺟﻌﺖ ﻧﺎﻣﺖ ﺍﻣﺎ ﻫﺸﺎﻡ ﻃﻠﻊ ﻛﻠﻬﺎ ﻋﻨﺪﻱ ﺷﻐﻠﺔ ﻣﻬﻤﺔ ﻳﻢ ﺣﺎﺯﻡ ﻭﺭﺍﺡ ﺍﻃﻠﻊ ...
ﻭﺭﺍﺡ ﻭﻫﻲ ﺣﺰﻧﺖ ﻻﺣﻈﺘﻪ ﺍﻻﺑﺘﺴﺎﻣﺔ ﺍﺧﺘﻔﺖ ﻣﻨﻪ .. ﺗﺴﺮﺳﺤﻦ ﺩﻣﻮﻋﻬﺎ ﻭﺑﺠﺖ ﺑﻘﻬﺮ .. ﻭﺑﻘﺖ ﺷﻜﺜﺮ ﺗﺒﺠﻲ .. ﻭﺗﺘﻤﻨﻪ ﺗﻔﻘﺪ ﺍﻟﺬﺍﻛﺮﺓ ﺍﻭ ﺗﻨﺴﻪ ﻣﺜﻞ ﻫﺬﻳﺞ ﺍﻟﺴﻨﻴﻦ ...
ﺭﺟﻊ ﻫﺸﺎﻡ ﻟﻠﺒﻴﺖ ﺍﻟﻀﺤﻰ ﻭﻃﻠﻌﺖ ﺑﻮﺟﻬﻪ ﺻﻔﻴﺔ ...
ﺻﻔﻴﺔ : ﺻﺒﺎﺡ ﺍﻟﺨﻴﻞ ﺷﻴﺦ
ﻫﺸﺎﻡ : ﺻﺒﺎﺡ ﺍﻟﻨﻮﺭ ﻫﻼ ﺻﻔﻴﺔ .. ﻫﺎ ﻛﻠﺘﻴﻬﺎ ﻋﺪﻝ
ﺻﻔﻴﺔ : ﺍﻟﻮﺣﻦ ﻓﺪﻭﺓ ﻟﻠﺸﻴﺦ ﺍﻟﺴﺎﻙ
ﻫﺸﺎﻡ ﻳﻤﺎﺯﺣﻬﺎ : ﺍﺷﺸﺶ ﻭﻟﺞ ﻣﻮ ﻣﺮﺗﻲ ﺗﻐﺎﺭ ﺗﺨﺘﻜﺞ ﻫﺴﺔ ﺗﺠﻴﺞ
ﺻﻔﻴﺔ : ﺣﺘﻮﻟﻲ ﻋﻮﻓﻬﺎ ﺍﻧﻪ ﻣﺎﻋﺎﻝ ﻋﻠﻴﻚ ﻃﻠﻜﻬﺎ ﻭﻧﺘﺰﻭﺝ ﻭﺍﻟﺒﻲ ﺍﺑﻨﻚ ﺍﻟﺠﺪﻳﺪ
ﻫﺸﺎﻡ : ﻫﺎﻱ ﻭﺻﻠﺞ ﺭﺍﺡ ﻳﺠﻴﻨﻪ ﺟﺪﻳﺪ
ﺻﻔﻴﺔ : ﻋﻔﻴﺔ ﺷﻴﺦ ﺍﺧﺒﻄﻨﻲ ﻃﻠﻜﻬﺎ .. ﻃﻠﻜﻬﺎ
ﻫﺸﺎﻡ : ﺍﺗﺼﺪﻛﻴﻦ ﺑﺲ ﻧﺎﻗﺼﻨﻲ ﺧﺒﻠﺔ .. ﻋﻨﺪﻱ ﻭﺣﺪﺓ ﺷﺮﻳﺔ ﻭﺍﻟﺜﺎﻧﻴﺔ ﺟﺎﻫﻠﺔ
ﺻﻔﻴﺔ ﺿﺤﻜﺖ ﺑﺒﺮﺍﺀﺓ : ﺷﻴﺦ ﺣﻴﺘﺰﻭﺝ ﺣﺒﻠﺔ ...
ﻫﺸﺎﻡ ﺿﺤﻚ ﻋﻠﻴﻬﺎ ﺭﻏﻢ ﺣﺰﻧﻪ ﺗﺨﻠﻲ ﻳﻀﺤﻚ ﻫﺎﻟﺼﻔﻴﺔ .....
ﻣﺸﺖ ﺍﻳﺎﻡ ﻭﺭﺍﺣﺖ ﺍﻳﺎﻡ ﻭﺣﻮﺭﺍﺀ ﻭﻫﺸﺎﻡ ﻧﻔﺲ ﺣﺎﻟﺘﻬﻢ ﺑﺲ ﻳﻬﺘﻢ ﺍﻟﻬﺎ ﻭﻳﺨﺎﻑ ﻋﻠﻴﻬﺎ ﻭﻋﻠﻰ ﺍﻟﻄﻔﻞ ﺑﺲ ﻧﻔﺴﻪ ﺣﺰﻧﻪ ﻣﺎﺗﻐﻴﺮ ﻭﺍﻷﺑﺘﺴﺎﻣﺔ ﻣﺎﻳﺒﺘﺴﻤﻬﺎ ﻏﻴﺮ ﻣﺠﺎﻣﻠﺔ ...
ﻭﻫﻲ ﻧﻔﺲ ﺣﺎﻟﺘﻪ ﻭﻣﻼﺣﻈﺘﻪ ﻛﻠﺶ ﺯﻳﻦ ﻣﻮ ﻣﺘﻘﺒﻠﻬﺎ ﻭﻻ ﻣﺮﺓ ﺣﺎﻭﻝ ﻳﺘﻘﺮﺏ ﻣﻨﻬﺎ ﻣﻦ ﺑﻌﺪ ﻫﺬﺍﻙ ﺍﻟﻴﻮﻡ ﺍﻟﻲ ﺻﺎﺭﺕ ﺑﻲ ﺣﺎﻣﻞ ...
ﻛﻠﺶ ﺗﻌﺒﺎﻧﺔ ﺣﺎﻟﺘﻬﺎ ﻭﺍﻟﺤﻤﻞ ﺣﻴﻞ ﻣﺘﻌﺐ ﻋﻠﻴﻬﺎ ﻭﻛﻠﻪ ﺑﺎﻟﺤﻤﺎﻡ ﺗﺘﻘﻴﺄ ﻟﻮ ﻛﺎﺿﻴﺘﻬﺎ ﻧﻮﻡ ﺍﻟﺼﺒﺢ ﻭﻣﻦ ﺗﻜﻌﺪ ﻛﻠﻪ ﺗﻌﺒﺎﻧﺔ ﻭﺩﺍﻳﺨﺔ .. ﻭﺃﻟﻢ ﺑﻄﻨﻬﺎ ﻣﺎﻳﻨﺤﻤﻞ ﻭﻣﺤﺎﻟﺒﻬﺎ ﺷﺎﻋﻼﺕ ﻧﺎﺭ ...
ﻭﻋﻤﺘﻬﺎ ﻛﻠﺘﻠﻬﺎ ﺭﺍﺡ ﺍﺧﺬﺝ ﻟﻠﺪﻛﺘﻮﺭﺓ ﻧﺸﻮﻑ ﻟﻴﺶ ﻫﻞ ﺍﻷﻟﻢ .. ﻫﻲ ﻫﺴﺔ ﺑﺎﻟﺸﻬﺮ ﺍﻟﺜﺎﻟﺚ ﻣﻦ ﺍﻟﺤﻤﻞ ... ﻭﺑﻄﻨﻬﺎ ﻫﻮﺍﻱ ﻛﺒﺮﺍﻧﺔ ﺑﺎﻟﺮﻏﻢ ﺷﻬﺮ ﺍﻟﺜﺎﻟﺚ ....
ﻭﺍﻟﻜﻞ ﻣﻼﺣﻈﻴﻦ ﻫﺎﻟﺸﻲ ﻋﺒﺎﻟﻚ ﻭﺣﺪﺓ ﻋﻠﻴﻬﺎ ﺧﻤﺴﺔ ﺍﺷﻬﺮ ﻭﺑﺎﻟﻜﻮﺓ ﺗﻤﺸﻲ ﺛﻜﻴﻠﺔ ﻛﻠﺶ .. ﻣﺎﺭﺍﺣﺖ ﺩﻛﺘﻮﺭﺓ ﻭﻻ ﻣﺮﺓ ﻫﻲ ﻋﻤﺘﻬﺎ ﺟﻢ ﻣﺮﺓ ﺗﻜﻠﻬﺎ ﺣﺘﻰ ﺍﻣﻬﺎ ﻣﻦ ﺗﺮﻭﺡ ﻷﻫﻠﻬﺎ ﺗﻜﻠﻬﺎ ﺍﻭﺩﻳﺞ ﺩﻛﺘﻮﺭﺓ ﻣﺎﺗﻘﺒﻞ ﺗﻜﻮﻝ ﻣﺎﺑﻴﻪ ﺣﻴﻞ ﻭﻣﺎﻛﺪﺭ ﺍﻛﻌﺪ ....
ﺍﻏﻠﺐ ﻭﻗﺘﻬﺎ ﻣﺴﺪﻭﺣﺔ ﻭﻫﻮﺍﻱ ﺗﺨﺘﻨﻚ ﻣﻦ ﺗﻨﺴﺪﺡ ﻭﻣﻦ ﺗﻜﻮﻡ ﺑﺎﻟﻜﻮﺓ ... ﻭﺑﻌﺪﻫﺎ ﻧﻔﺴﻬﺎ ﺣﻮﺭﺍﺀ ﻣﺎﺗﻐﻴﺮﺕ ﻣﺎ ﻋﺒﺎﻟﻚ ﺭﺍﺡ ﺍﺗﺼﻴﺮ ﺍﻡ .. ﺍﻡ ﺩﻣﻴﻌﺔ ﻭﺑﺲ ﺗﺒﺠﻲ ﺑﺲ ﻟﻮﺣﺪﻫﺎ ﻣﺎﺗﻈﻬﺮ ﺩﻣﻮﻋﻬﺎ ...
ﻭﻇﺎﻣﻪ ﻗﻬﺮﻫﺎ ﺑﻜﻠﺒﻬﺎ ﻣﻦ ﺗﺤﺲ ﺑﻬﺸﺎﻡ ﻣﺎﻣﺘﻘﺒﻠﻬﺎ ﺗﺒﺠﻲ ﻋﻠﻴﻪ ﺗﻈﻦ ﺑﻄﻞ ﻳﺤﺒﻬﺎ ﺑﺴﺒﺐ ﻫﺎﻟﺴﺎﻟﻔﺔ ﻭﺗﻤﻮﺕ ﺣﺴﺮﺓ ﻋﻠﻴﻪ ﻭﻋﻠﻰ ﻧﻔﺴﻬﺎ ...
ﺍﻳﻤﺎﻥ ﻛﻠﺘﻠﻬﺎ ﻋﻤﺘﻬﺎ ﻋﻦ ﻣﻮﺿﻮﻉ ﺍﻟﻄﻼﻙ ﻭﻣﺎﻗﺒﻠﺖ ﻛﺎﻟﺖ ﻣﺎﺭﻳﺪ ﺍﻃﻠﻚ ﺍﺭﻳﺪ ﺍﺑﻘﻪ ﻫﻨﺎ ﺣﺘﻰ ﻟﻮ ﺍﺑﻘﻪ ﻫﻴﺞ ﻣﻮ ﻣﺸﻜﻠﺔ ﻗﺎﺑﻠﺔ ... ﻭﺻﺎﻳﺮﺓ ﺍﻧﻌﺰﺍﻟﻴﺔ ﻛﻠﻪ ﺑﻐﺮﻓﺘﻬﺎ ﻭﻋﻤﺘﻬﺎ ﻫﻲ ﺗﻬﺘﻢ ﻟﻠﺠﻬﺎﻝ ...
ﻫﺎﻣﻠﺔ ﻧﻔﺴﻬﺎ ﻛﻠﺶ ﺑﺤﻴﺚ ﻣﻼﺣﻈﻴﻨﻬﺎ ﺍﻟﺒﻨﺎﺕ ﻛﻠﺶ ﺯﻳﻦ ﻭﻳﻜﻮﻟﻮﻥ ﻟﻴﺶ ﻫﻴﺞ ﺍﻳﻤﺎﻥ ﺻﺎﻳﺮﺓ .. ﻭﻣﻦ ﺗﻜﻌﺪ ﺍﺑﺤﺪﻫﺎ ﺗﺸﻮﻑ ﺍﺷﻴﺎﺀ ﺗﺨﻮﻑ ﻭﺗﺴﻤﻊ ﺍﺷﺨﺎﺹ ﻳﺼﻴﺤﻮﻥ ﻋﻠﻴﻬﺎ ....
ﻣﺮﺍﺕ ﺗﺤﻠﻢ ﺑﻌﺰﺍﻡ ﻳﺠﻲ ﻳﺨﻨﻜﻬﺎ ﻭﻳﻜﻠﻬﺎ ﻟﻴﺶ ﺍﺗﺰﻭﺟﺘﻲ ﺍﺧﻮﻱ ﻭﺧﻨﺘﻴﻨﻲ ﻭﻫﻲ ﺗﻤﻮﺕ ﺭﻋﺐ ﻭﺗﻜﻌﺪ ﻣﻦ ﺍﻟﻜﺎﺑﻮﺱ ﺗﺮﻛﺾ ﻋﺎﻟﻀﻮﻯ ﻭﺗﺤﺲ ﺑﻀﻴﺠﺔ ﺧﻠﻚ ﺩﻭﻡ ....
ﻛﺮﺍﺭ ﻓﺘﺢ ﺟﺒﺲ ﺭﺟﻠﻴﻨﻪ ﻭﻣﺘﺤﺮﺭ ﻭﺍﺭﺗﺎﺡ ﺍﺧﻴﺮﺍً ﻣﻨﻬﻦ ﻭﻣﺸﻪ ﻋﻠﻰ ﻋﻜﺎﺯ ﻓﺘﺮﺓ ﺑﺲ ﻋﺎﻓﻬﺎ ﺿﺎﺝ ﻟﺘﻜﻮﻝ ﻣﻌﻮﻕ ...
ﻭﺍﺧﻴﺮﺍً ﺍﻧﻔﻜﺖ ﺟﺒﺴﺔ ﺍﻟﺠﻔﺎﻑ ﻣﺎﻟﺘﻪ ﺍﻟﻤﺴﻜﻴﻦ ﻫﻬﻬﻬﻬﻬﻪ ﻭﻫﻮ ﻭﻧﺴﻤﺔ ﻋﺼﺎﻓﻴﺮ ﺍﻟﺤﺐ ...
ﻣﺨﻠﺪ ﻭﺭﻗﻴﺔ ﺍﺣﻠﻰ ﺍﺛﻨﻴﻦ ﺻﺤﻴﺢ ﺣﺒﻬﻢ ﺑﻲ ﺧﺒﺎﻝ ﺑﺲ ﻳﺨﺒﻞ .. ﺭﻗﻴﺔ ﻏﻴﺮﺕ ﻣﺨﻠﺪ ﻫﻮﺍﻱ ﺣﺘﻰ ﺩﺭﻭﺳﻪ ﺻﺎﺭ ﻳﻬﺘﻢ ﺍﻟﻬﻦ .. ﻭﻳﻨﺘﻈﺮ ﺗﺨﺮﺟﻬﻢ ﺑﻔﺎﺭﻍ ﺍﻟﺼﺒﺮ ﺣﺘﻰ ﻳﺘﺰﻭﺟﻮﻥ ...
ﻭﺍﻟﻴﻮﻡ ﻫﻮ ﻳﻤﻬﺎ ﻭﻛﺮﺍﺭ ﻣﻄﻠﻊ ﺭﻭﺣﻪ ﻛﻠﻪ ﻛﺎﻋﺪ ﻳﻤﻬﻢ ﻭﻳﻜﻠﻪ ﺍﺭﻳﺪ ﺍﻃﻠﻌﻬﺎ ﻟﺮﻭﺣﻚ ....
ﻣﺨﻠﺪ : ﺣﺒﻴﺒﺘﻲ ﻣﺸﻴﻨﻪ ﻧﻄﻠﻊ ﺍﺣﺴﻦ ﻣﻦ ﻣﻜﺎﺑﻞ ﻛﺮﻳﺮ ﻭﻳﻜﻌﺪ ﻳﻨﻘﺺ ﻋﻠﻴﻨﻪ ﺍﻟﻜﻌﺪﺓ .. ﻋﻠﻰ ﺍﻷﻗﻞ ﻧﺎﺧﺬ ﺭﺍﺣﺘﻨﻪ ﺑﺎﻟﺴﻮﺍﻟﻒ
ﻛﺮﺍﺭ : ﻭﻳﻦ ﺗﻮﻟﻮﻥ ﻫﻬﻬﻬﻬﻪ
ﻣﺨﻠﺪ : ﻧﺸﺮﺏ ﻋﺼﻴﺮ ﺑﻤﻜﺎﻥ
ﻛﺮﺍﺭ : ﺍﻱ ﻭﺍﻟﻠﻪ ﻋﻄﺸﺎﻥ ﻳﺎﻟﻠﻪ ﺍﻣﺸﻮ
ﻣﺨﻠﺪ : ﺑﻄﻠﻨﻪ ﻧﺮﻭﺡ .. ﻛﻮﻡ ﺍﺷﺮﺏ ﻋﺼﻴﺮ ﻳﻢ ﻣﺮﺗﻚ . ﺭﺍﺡ ﻧﺮﻭﺡ ﻧﺘﻤﺸﻪ
ﻛﺮﺍﺭ : ﺍﻱ ﻋﻔﻴﺔ ﺧﻮﺵ ﻓﻜﺮﺓ ﻫﻢ ﺍﻃﺒﻊ ﺭﺟﻠﻴﻪ ﺻﺎﺭﻟﻲ ﻳﻮﻣﻴﻦ ﺗﻮﺟﻌﻨﻲ
ﻣﺨﻠﺪ : ﺍﻧﺘﻪ ﻣﻮ ﺑﺮﺟﻠﻚ ﺑﻼﺗﻴﻦ ﺷﻠﻮﻥ ﺗﻤﺸﻲ ﻋﻠﻴﻬﺎ ﻫﻮﺍﻱ .. ﺑﻄﻠﻨﻪ ﻧﺮﻭﺡ .. ﺭﺍﺡ ﻧﺮﻭﺡ ﻧﻨﻄﻲ ﺍﺑﻮ ﺍﻟﻤﻮﻟﺪﺓ ﻓﺎﺗﻮﺭﺗﻪ ﻣﺎﻝ ﺍﻟﺴﺤﺐ
ﻛﺮﺍﺭ : ﺗﺴﻮﻱ ﻓﻀﻞ ﻫﻢ ﺍﻧﻪ ﺍﻧﻄﻲ ﻓﻮﺍﺗﻴﺮ ﻣﺎﻝ ﺑﻴﺘﻨﻪ ﺍﺑﻮﻱ ﺷﻜﻠﻪ ﻧﺎﺳﻴﻬﻦ .. ﺳﺘﻮﺓ ﺧﺎﺑﺮﻧﻲ ﺍﺑﻮ ﺍﻟﻤﻮﻟﺪﺓ ﻳﻜﻮﻝ ﺍﺭﻳﺪﻫﻦ
ﻭﺭﻗﻴﺔ ﺧﺮﺑﺎﻧﺔ ﺿﺤﻚ ﻋﻠﻴﻬﻢ ....
ﻣﺨﻠﺪ ﺗﻨﺮﻓﺰ : ﻭﺍﻟﻠﻪ ﺟﺬﺍﺏ .. ﺭﻗﻴﺔ ﺍﺣﺠﻲ ﻛﻠﻤﺔ ﺟﺎﻱ ﺍﺣﺲ ﺍﻧﻪ ﺧﺎﻃﺐ ﻛﺮﺍﺭ ﻣﻮ ﺧﻄﻴﺒﺞ
ﺭﻗﻴﺔ : ﺷﻜﻮﻝ ﻭﻟﻚ ﻏﻴﺮ ﻫﻮ ﺍﻟﺤﻜﻮﻣﺔ ﻭﺍﺑﻮﻩ ﺍﻟﺪﻭﻟﺔ ﻣﺎﺑﻴﺪﻱ ﺷﻲ ﻋﻠﻴﻬﻢ ﻫﻬﻬﻬﻬﻪ
ﻣﺨﻠﺪ : ﻻ ﺑﺎﻟﻠﻪ ﺗﻬﻨﻴﻨﻪ ﺑﺎﻟﺨﻄﺒﺔ .. ﺍﺑﺸﺮﺝ ﺍﻟﻌﻮﺭﺓ ﺣﻤﺪﻳﺔ ﺗﺰﻭﺟﺖ ﻭﺍﻟﺠﻜﻤﺔ ﻓﺨﺮﻳﺔ ﻛﺒﻠﺖ ﻭﺍﻟﻌﻮﺑﻪ ﻓﻮﺯﻳﺔ ﺷﺎﻓﺘﻨﻲ ﻭﺍﺗﺨﺒﻠﺖ .. ﺍﻧﻪ ﻣﺄﻳﺲ ﺑﺎﻵﺧﺮ ﻳﻤﻜﻦ ﺗﻜﻠﻮﻟﻲ ﺩﻳﺮ ﻭﺟﻬﻚ ﻭﻣﺎﻋﺪﻧﻪ ﺑﻨﺎﺕ ﻟﻠﺰﻭﺍﺝ
ﻛﺮﺍﺭ ﻣﺎﺕ ﺿﺤﻚ : ﻻ ﺍﻓﻪ ﻋﻠﻴﻚ ﺍﺯﻓﻬﺎ ﺍﻟﻚ ﺑﻨﻔﺴﻲ ... ﺑﺲ ﻫﺎﺍ ﺍﺫﺍ ﺍﺟﺘﻨﻲ ﻭﺍﺷﺘﻜﺖ ﻋﻠﻴﻚ ﻳﺎ ﻭﻳﻠﻚ ﻭﺍﻥ ﺍﺟﺖ ﻛﺎﻟﺖ ﺿﺮﺑﻨﻲ ﺍﻧﻌﻞ ﻭﺍﻟﺪﻳﻚ ﻭﺍﻥ ﺇﺟﺖ ﻭﻛﺎﻟﺖ ﺳﺒﺎﻧﻲ ﺍﻧﻌﻞ ﺳﻠﻔﻰ ﺳﻠﻔﺎﻙ
ﻣﺤﻤﺪ : ﻋﻤﻲ ﻣﺎﺭﻳﺪ ﻋﻤﺘﻚ ﺧﻠﻬﺎ ﺍﻟﻚ ﻳﻤﻌﻮﺩ
ﺭﻗﻴﺔ ﺿﺤﻜﺖ : ﻭﺍﻟﻠﻪ ﺑﺰﻋﺖ ﺭﻭﺣﻪ ﻛﺮﻳﺮ ﻛﺎﻓﻲ ﻫﻬﻬﻬﻬﻪ
ﻛﺮﺍﺭ : ﻫﻬﻬﻬﻪ ﻛﺴﺮﺕ ﺧﺎﻃﺮﻱ .... ﻭﻋﺎﻓﻬﻢ ﻭﻃﻠﻊ ...
ﺗﺤﻀﺮﺕ ﻭﺗﻤﺸﻲ ﺑﺘﻌﺐ ﻭﺗﺮﻳﺪ ﺗﻄﻠﻊ ﻣﻦ ﺍﻟﻐﺮﻓﺔ ﻫﺸﺎﻡ ﺍﺟﻪ ...
ﻫﺸﺎﻡ : ﻫﺎ ﺑﻮﻳﻪ ﺭﺍﻳﺤﺔ ﻭﻳﻪ ﺍﻣﻲ ﻟﻠﺪﻛﺘﻮﺭﺓ
ﺣﻮﺭﺍﺀ : ﺍﻱ ﺷﻴﺨﻲ
ﻫﺸﺎﻡ : ﺍﻧﻪ ﺍﺧﺬﻛﻢ .. ﺍﻧﻄﻴﻨﻲ ﺍﻳﺪﺝ ﺍﺳﺎﻋﺪﺝ
ﺣﻮﺭﺍﺀ ﻣﺎ ﻣﺪﺕ ﺍﻳﺪﻫﺎ : ﺷﺴﺎﻟﻔﺔ ﻣﺎﻛﺪﺭ ﺍﻣﺸﻲ
ﻫﺸﺎﻡ ﺳﻜﺖ ﻭﺑﺎﻭﻋﻠﻬﺎ ﺑﻨﻈﺮﺓ ﻏﺮﻳﺒﺔ ﺍﺳﺘﻐﺮﺑﺘﻬﺎ .. ﺩﺍﺭ ﻭﺟﻬﻪ ﻭﺭﺍﺡ ﻭﻫﻲ ﺻﺎﺣﺖ ﻟﻌﻤﺘﻬﺎ ﻭﺭﺍﺣﻮ ...
ﻭﺻﻠﻮ ﻳﻢ ﻋﻴﺎﺩﺍﺕ ﺍﻟﺪﻛﺎﺗﺮﺓ ...
ﻧﺰﻟﺖ ﺍﻟﺤﺠﻴﺔ ... ﻭﺭﺍﺩﺕ ﺗﻨﺰﻝ ﺣﻮﺭﺍﺀ ...
ﻫﺸﺎﻡ ﺍﻟﺘﻔﺖ ﻋﻠﻴﻬﺎ ﻭﺭﻩ : ﻟﺤﻈﺔ ﻟﺤﻈﺔ ﻣﻮ ﻛﺎﻳﻠﺞ ﻣﺎﺗﺤﻄﻴﻦ ﻋﻄﺮ ﻣﻦ ﺍﻃﻠﻌﻴﻦ
ﺣﻮﺭﺍﺀ : ﻭﺍﻟﻠﻪ ﻣﺎ ﺣﺎﻃﻪ ﻋﻄﺮ ﻭﺍﻟﻘﺮﺁﻥ
ﻫﺸﺎﻡ : ﺍﻱ ﻋﻔﻴﺔ ﻋﻠﻴﺞ .. ﻳﺎﻟﻠﻪ ﻧﺰﻟﻲ ﻋﻠﻰ ﻛﻴﻔﺞ ﻣﻮ ﺗﺘﻜﻮﺩﻳﻦ
ﺣﻮﺭﺍﺀ : ﺷﻨﻮ ﻫﻞ ﻛﺜﺮ ﻓﺎﻫﻴﺔ ﺍﻧﻪ
ﻫﺸﺎﻡ : ﻭﺍﻛﺜﺮ .. ﻳﺎﻟﻠﻪ ﺍﻟﺤﺠﻴﺔ ﻭﺍﻛﻔﺔ ﺑﺎﻟﺸﺎﺭﻉ ...
ﻧﺰﻟﺖ ﻭﺭﺍﺣﻮ ﻭﺣﺠﺰﻭ ﻭﻛﻌﺪﻭ ﻳﻨﺘﻈﺮﻭﻥ .. ﻭﻻﺣﻈﺘﻬﺎ ﻋﻤﺘﻬﺎ ﺗﺒﺎﻭﻉ ﻋﻠﻰ ﺑﻨﻴﺔ ﺑﻴﺪﻫﺎ ﻃﻔﻞ ﻭﻳﺒﺠﻲ ﺑﻬﺴﺘﺮﻳﺎ ﻭﻣﺤﺘﺎﺭﺓ ﺷﻠﻮﻥ ﺗﺴﻜﺘﻪ ...
ﺍﻡ ﻫﺸﺎﻡ : ﻳﻤﻪ ﻻ ﺗﺨﺎﻓﻴﻦ ﺍﻻﻡ ﺗﺘﺤﻤﻞ ﻭﻳﺼﻴﺮ ﺻﺒﺮﻫﺎ ﺑﻜﺪ ﺍﻟﺒﺤﺮ ﻭﺗﺸﻴﻞ ﺟﻬﺎﻟﻬﺎ ﺑﻌﻴﻮﻧﻬﺎ
ﺣﻮﺭﺍﺀ ﺍﻟﺘﻔﺘﺖ ﻟﻌﻤﺘﻬﺎ : ﻭﺍﺫﺍ ﺍﻟﻤﺮﺓ ﻟﻮﺣﺪﻫﺎ ﻋﻤﺘﻲ
ﺍﻡ ﻫﺸﺎﻡ : ﻟﻴﺶ ﻟﻮﺣﺪﺝ ﻣﻮ ﺍﻧﻪ ﻣﻮﺟﻮﺩﺓ ﻳﻤﻪ
ﺣﻮﺭﺍﺀ ﺑﺤﺰﻥ : ﺍﻗﺼﺪ ﻭﺍﺫﺍ ﺑﺪﻭﻥ ﺯﻭﺟﻬﺎ ﺗﻜﺪﺭ ﺗﺮﺑﻲ ﻃﻔﻞ ﻭﺣﺪﻫﺎ
ﺍﻡ ﻫﺸﺎﻡ : ﻳﻤﻪ ﺍﺳﻢ ﺍﻟﻠﻪ ﺷﻬﻞ ﺍﻟﺤﺠﻲ .. ﺑﻴﻜﻢ ﺷﻲ ﺍﻧﺘﻲ ﻭﻫ
ﺍﻟﺪﻛﺘﻮﺭﺓ : ﺍﺷﻮﻑ ﺑﻄﻨﺞ
ﺣﻮﺭﺍﺀ ﻭﺧﺮﺕ ﺍﻟﻌﺒﺎﻳﺔ ﻋﻦ ﺑﻄﻨﻬﺎ .. ﻭﺍﻟﺪﻛﺘﻮﺭﺓ ﻛﺎﻟﺖ ﻣﺎﺷﺎﺀ ﺍﻟﻠﻪ ﺑﻄﻨﺞ ﻛﺒﻴﺮﺓ ﺑﺎﻟﻨﺴﺒﺔ ﺍﻟﺞ ﺍﻟﺸﻬﺮ ﺍﻟﺜﺎﻟﺚ ﻭﺍﻭﻝ ﻃﻔﻞ .. ﺧﻠﻲ ﻧﺴﻮﻳﻠﺞ ﺳﻮﻧﺎﺭ ﻭﻧﺸﻮﻑ ...
ﻭﺻﻌﺪﺗﻬﺎ ﻋﻠﻰ ﺍﻟﺴﺪﻳﺔ ﻭﻃﻠﻌﺖ ﺑﻄﻨﻬﺎ ﻭﺣﻄﺖ ﺍﻟﺠﻬﺎﺯ .. ﻭﺻﺎﺭﺕ ﺗﺤﺮﻛﻪ ﻋﻠﻰ ﺑﻄﻨﻬﺎ ﻭﺳﻜﺘﺖ ﺷﻮﻱ ...
ﺍﻟﺪﻛﺘﻮﺭﺓ : ﺣﻮﺭﺍﺀ ﺟﻨﻪ ﺍﻛﻮ ﻧﺒﺾ ﺛﺎﻧﻲ .. ﻟﺤﻈﺔ ﺍﺗﺄﻛﺪ .. ﺍﻱ ﻣﺎﺷﺎﺀ ﺍﻟﻠﻪ ﻋﻨﺪﺝ ﺍﻛﺜﺮ ﻣﻦ ﺟﻨﻴﻦ .. ﺑﺲ ﻟﺤﻈﺔ ﺍﻛﻮ ﺷﻲ ﺑﻌﺪ
ﺣﻮﺭﺍﺀ ﺧﺎﻓﺖ ﺳﻤﻌﺖ ﺗﺆﻡ .. ﺑﺲ ﺍﻡ ﻫﺸﺎﻡ ﺳﻤﻌﺖ ﻭﻓﺮﺣﺖ ﺣﻴﻴﻴﻞ ...
ﺍﻟﺪﻛﺘﻮﺭﺓ ﺑﺄﺑﺘﺴﺎﻣﺔ : ﻣﻮ ﺛﻨﻴﻦ ﻫﺬﻭﻝ 3 ﺍﺟﻨﺔ ﻋﻨﺪﺝ .. ﺑﺲ ﺧﻠﻲ ﺍﺗﺎﻛﺪ .. ﻭﻇﻠﺖ ﺗﻔﺮ ﺍﻟﺠﻬﺎﺯ ﺷﻜﺜﺮ .. ﻭﻛﺎﻟﺖ ﺍﻱ 3 ﺍﺟﻨﺔ ﻋﻨﺪﺝ ﻣﺎﺷﺎﺀ ﺍﻟﻠﻪ ...
ﺍﻡ ﻫﺸﺎﻡ ﻭﺍﻛﻔﺔ ﻭﺍﻟﻔﺮﺣﺔ ﻧﺰﻟﺖ ﺩﻣﻮﻋﻬﺎ .. ﻭﺫﻛﺮﺕ ﺍﺑﻨﻬﺎ ﻋﺰﺍﻡ .. ﻭﺑﺠﺖ ﻓﺮﺣﺔ ﻻﺑﻨﻬﺎ ﻫﺸﺎﻡ ﺍﻧﺤﺮﻡ ﻣﻦ ﺟﻬﺎﻟﻪ ﻭﺍﻟﻠﻪ ﻋﻮﺿﻪ ....
ﺍﻟﺪﻛﺘﻮﺭﺓ ﻛﺎﻟﺖ ﻣﺎﺷﺎﺀ ﺍﻟﻠﻪ ﺑﻌﻤﺮﻫﺎ ﻭﺍﻭﻝ ﺑﻄﻦ 3 ﺗﻮﺍﺋﻢ .. ﻭﻛﻠﺘﻠﻬﻢ ﺑﺲ ﺑﻬﺎﻟﺸﻬﺮ ﺻﻌﺐ ﻧﺤﺪﺩ ﺟﻨﺴﻬﻢ ﻭﻫﻤﻪ 3 ﻭﻛﺎﻟﺖ ﻟﺤﺪ ﺍﻵﻥ ﻧﻤﻮﻫﻢ ﻃﺒﻴﻌﻲ .. ﻭﺍﻧﻄﺘﻬﺎ ﻣﺜﺒﺘﺎﺕ ...
ﻛﻠﺘﻠﻬﺎ ﻫﻮﺍﻱ ﻳﺼﻴﺮ ﻋﺪﻫﻢ ﺍﺳﻘﺎﻁ ﻟﻠﺘﻮﺍﺋﻢ ﺑﺴﺒﺐ ﻋﺪﻡ ﻗﺪﺭﺓ ﺗﺤﻤﻞ ﺍﻟﺠﺴﻢ .. ﻭﺍﻧﺘﻲ ﺻﻐﻴﺮﺓ ﺩﻳﺮﻱ ﺑﺎﻟﺞ ﻭﺍﺭﺗﺎﺣﻲ ﺑﻼ ﺗﻌﺐ ﺯﺍﻳﺪ ...
ﻭﺍﻛﺜﺮ ﺍﻻﺣﺘﻤﺎﻟﻴﺔ ﺭﺍﺡ ﺗﻮﻟﺪ ﺑﻌﻤﻠﻴﺔ .. ﺧﻞ ﺗﺮﺍﺟﻊ ﺩﻛﺘﻮﺭﺓ ﻛﻞ ﺷﻬﺮ ﻭﺗﺤﺪﺩ ﺍﺫﺍ ﻃﺒﻴﻌﻲ ﺍﻭ ﻋﻤﻠﻴﺔ ...
ﻃﻠﻌﻮ ﻣﻦ ﺍﻟﺪﻛﺘﻮﺭﺓ ﻭﺣﻮﺭﺍﺀ ﺧﺎﻳﻔﺔ ﺟﺎﻧﺖ ﻭﺍﺣﺪ ﻭﺧﺎﻳﻔﺔ ﻫﻨﻮﺏ ...3 ﻭﻇﻠﺖ ﺗﻔﻜﺮ ﻭﺍﻟﺨﻮﻑ ﻣﺴﻴﻄﺮ ﻋﻠﻴﻬﺎ ...
ﻭﺍﻡ ﻫﺸﺎﻡ ﻣﺎﺗﺼﺪﻙ ﺗﺸﻮﻓﻪ ﻛﺒﺎﻟﻬﺎ ﺣﺘﻰ ﺗﻜﻠﻪ ﻭﺗﻔﺮﺣﻪ ... ﻭﺍﺟﻪ ﻋﻠﻴﻬﻢ ﺑﺲ ﺧﺎﺑﺮﺗﻠﻪ ﺣﻮﺭﺍﺀ ...
ﺍﻭﻝ ﻣﺎﺻﻌﺪﺕ ﺍﻟﺤﺠﻴﺔ ﺑﺎﻭﻋﺘﻠﻪ ﻭﻋﻠﻰ ﻭﺟﻬﺎ ﻓﺮﺣﺔ ﻭﺍﺑﺘﺴﺎﻣﺔ ﻣﺎﻟﻴﺔ ﻭﺟﻬﻬﺎ ... ﻭﺻﻌﺪﺕ ﺣﻮﺭﺍﺀ ...
ﻫﺸﺎﻡ ﻳﺒﺎﻭﻉ ﻋﻠﻰ ﺣﻮﺭﺍﺀ ﻣﻦ ﺍﻟﻤﺮﺍﻳﺔ ﺍﻟﻲ ﻛﺒﺎﻟﻪ : ﺍﻱ ﺷﺼﺎﺭ ﺷﻠﻮﻧﻪ ﺍﻟﻄﻔﻞ .. ﻭﺷﺒﻴﻬﺎ ﺣﻮﺭﺍﺀ ﺳﺎﻛﺘﻪ
ﺍﻡ ﻫﺸﺎﻡ ﺑﻔﺮﺣﺔ : ﻳﻤﻪ 3 ﻣﻮ ﻭﺍﺣﺪ .. ﻣﺒﺮﻭﻭﻭﻙ ﻳﻤﻪ ﺍﻟﻠﻪ ﻳﺤﻔﻈﻬﻢ ﺍﻟﻚ
ﻫﺸﺎﻡ ﺍﺑﺘﺴﻢ : ﺻﺪﻙ ﻭﺍﻟﻠﻪ ﻳﻤﻪ ﺑﺪﺍﻋﺘﺞ ﻣﺎﺗﺸﺎﻗﻴﻦ
ﺍﻡ ﻫﺸﺎﻡ : ﻭﺍﻟﻠﻪ ﻳﻤﻪ ﺑﺪﺍﻋﺘﻚ ﻣﺎﺷﺎﻗﻪ
ﻫﺸﺎﻡ ﺑﻔﺮﺣﺔ : ﻳﻌﻨﻲ ﺭﺍﺡ ﻳﺠﻮﻧﻪ 3 ﺻﻐﺎﺭ ﻓﺪ ﻧﻮﺑﻪ ﻫﻬﻬﻬﻪ
ﺣﻮﺭﺍﺀ ﺍﻧﻔﺠﺮﺕ ﺑﺎﻟﺒﺠﻲ ....
ﻫﺸﺎﻡ ﺍﺧﺘﻔﺖ ﺃﺑﺘﺴﺎﻣﺘﻪ : ﺧﻴﺮ ﺑﻮﻳﺔ ﻟﻴﺶ ﺍﻟﺒﺠﻲ ﺷﺼﺎﺭ
ﺣﻮﺭﺍﺀ ﺑﺒﺠﻲ : ﺧﺎﻳﻔﺔ
ﻫﺸﺎﻡ : ﻭﻟﻴﺶ ﺧﺎﻳﻔﺔ ﻳﻌﻤﺮﻱ
ﺣﻮﺭﺍﺀ ﺑﺒﺠﻲ : ﻳﻌﻨﻲ ﻭﺍﺣﺪ ﻭﺍﺳﻤﻊ ﺑﺎﻟﻜﻮﺓ ﻳﻄﻠﻊ ﻭﺍﻟﻤﺮﺓ ﻛﻠﺶ ﺗﺘﺄﺫﻩ ﻫﻨﻮﺏ 3 ﺷﻴﻄﻠﻌﻬﻢ ﻫﺎﻱ ﺍﻣﻮﺕ .. ﻭﺗﺒﺠﻲ ﻣﻦ ﺻﺪﻙ ..
ﻫﺸﺎﻡ ﺿﺤﻚ : ﻭﺍﻟﻠﻪ ﻳﺎﻟﻠﻪ ﻛﺎﻋﺪﺓ ﺗﺒﺠﻴﻦ ﺗﻔﻜﺮﻳﻦ ﺷﻴﻄﻠﻌﻬﻢ .. ﺍﻟﻠﻪ ﻛﺮﻳﻢ ﺑﻮﻳﺔ ﺍﻟﻠﻪ ﻛﺮﻳﻢ ﻣﻨﺎ ﻟﻤﻦ ﻳﻄﻠﻌﻮﻥ ﻭﻗﺖ .. ﻭﺭﺑﺞ ﻳﺴﻬﻠﻬﺎ
ﺍﻡ ﻫﺸﺎﻡ ﺿﺤﻜﺖ ﻋﻠﻴﻬﺎ : ﻛﺎﻟﺖ ﺍﻟﺪﻛﺘﻮﺭﺓ ﺗﻮﻟﺪ ﻋﻤﻠﻴﺔ ﻋﻠﻰ ﺍﻻﻛﺜﺮ ﻭﺗﺸﻮﻑ ﺑﻌﺪ .. ﻻﺯﻡ ﻧﺮﺍﺟﻌﻬﺎ ﻛﻞ ﺷﻬﺮ ...
ﻫﺸﺎﻡ ﻣﻮ ﻣﺼﺪﻙ ﺣﻮﺭﺍﺀ ﺑﻴﻬﺎ 3 ﻭﻓﺮﺡ ﺣﻴﻞ ﺻﺎﺭﻟﻪ ﺷﻜﺜﺮ ﺭﻭﺣﻪ ﻣﻘﻤﻮﺗﻪ ﻭﻣﺨﻨﻮﻙ ...
ﺭﺟﻌﻮ ﻟﻠﺒﻴﺖ ﻭﺍﻟﻜﻞ ﻋﺮﻑ ﺣﻮﺭﺍﺀ ﺭﺍﺡ ﺗﺠﻴﺐ 3 ﺗﻮﺍﺋﻢ ﻭﻓﺮﺣﻮ ﻭﺍﻭﻝ ﻣﺎ ﻛﺮﺍﺭ ...
ﻭﻳﻜﻠﻪ ﻳﺎﺑﻪ ﻣﺎﺷﺎﺀ ﺍﻟﻠﻪ ﻋﻠﻴﻚ ﺍﺳﺪ ﺑﻄﻦ ﻭﺣﺪﺓ ﺳﻮﻳﺘﻬﻢ ..3 ﺑﻌﺪ ﺑﻄﻨﻴﻦ ﻭﻧﺴﻮﻳﻠﻨﻪ ﺭﻭﺿﺔ ﺍﻃﻔﺎﻝ ....
ﻭﻫﺸﺎﻡ ﻳﺨﺮﺏ ﺿﺤﻚ ﻋﻠﻰ ﺳﻮﺍﻟﻒ ﻛﺮﺍﺭ .. ﺍﻣﺎ ﺣﻮﺭﺍﺀ ﻣﺘﺨﻮﻓﺔ ﻭﻛﺎﻋﺪﺓ ﺗﻔﻜﺮ ﺻﺪﻙ 3 ﺷﻴﻄﻠﻌﻬﻢ ﻟﻮ ﻛﺎﻟﺖ ﻃﺒﻴﻌﻲ ﺍﻟﺪﻛﺘﻮﺭﺓ ﻣﻮ ﻋﻤﻠﻴﺔ ....
ﺍﻳﻤﺎﻥ ﻛﺎﻟﻌﺎﺩﺓ ﺑﻐﺮﻓﺘﻬﺎ ﻭﺻﺎﻓﻨﻪ ﺑﺤﻴﺎﺗﻬﺎ ﺷﺴﻮﺕ ﻭﺷﺴﺘﻔﺎﺩﺕ .. ﻇﻠﺖ ﺗﻔﻜﺮ ﺗﻄﻠﻚ ﻭﺗﺮﻭﺡ ﻳﻢ ﺍﺧﻮﻫﺎ ﺑﺮﻩ ﺍﻟﻌﺮﺍﻕ ...
ﻧﺴﻤﻪ ﻭﺣﻮﺭﺍﺀ ﻛﺎﻋﺪﺍﺕ ﺑﻐﺮﻓﺔ ﺭﻗﻴﺔ ...
ﺭﻗﻴﺔ : ﻓﺮﺣﺎﺍﺍﺍﻧﺔ ﻟﻬﺸﺎﻡ ﺣﺒﻴﺒﻲ ﺍﺧﻮﻱ ﻳﺴﺘﺎﻫﻞ ﻭﺍﻟﻠﻪ ﻋﻮﺿﻪ .. ﻳﻮﻡ ﻟﻨﺴﻮﻣﻪ ﺍﻟﺤﻠﻮﺓ
ﻧﺴﻤﺔ : ﻻ ﺍﺣﻨﻪ ﻫﺴﺔ ﻣﺎﻧﺮﻳﺪ .. ﺍﻭﻝ ﻧﺨﻠﺺ ﻛﻠﻴﺘﻨﻪ ﺍﻧﻪ ﻭﻫﻮ ﻭﺑﻌﺪﻳﻦ ﺍﻟﺠﻬﺎﻝ
ﺭﻗﻴﺔ : ﺍﻱ ﺑﺮﺍﺣﺘﻜﻢ ﺍﻟﻤﻬﻢ ﻫﺸﻮﻣﻲ ﺣﻴﺠﻴﺐ ﺟﻬﺎﻝ ﻳﻔﺮﺣﻮﻧﻪ .. ﺷﺎﻓﺖ ﺣﻮﺭﺍﺀ ﺻﺎﻓﻨﻪ .. ﻫﺎ ﺣﻮﺭ ﻭﻳﻦ ﻭﺻﻠﺘﻲ
ﺣﻮﺭﺍﺀ ﺍﻧﺘﺒﻬﺖ : ﻫﺎﺍ ﺷﻜﻠﺘﻮ
ﻧﺴﻤﺔ ﺿﺤﻜﺖ : ﺳﻼﻣﺘﺞ .. ﻛﻮﻣﻲ ﺭﻭﺣﻲ ﻳﻢ ﺍﻟﺸﻴﺦ ﻋﻴﻨﻲ ﺍﺫﺍ ﻛﺎﻋﺪﺓ ﻳﻤﻨﻪ ﻭﺑﺎﻟﺞ ﻭﻳﺎﻩ
ﺣﻮﺭﺍﺀ ﻋﺒﺴﺖ : ﻋﻨﺪﻩ ﺭﺳﻞ ﺟﺎﻱ ﻳﻼﻋﺒﻬﺎ
ﺭﻗﻴﺔ : ﻫﻬﻬﻬﻬﻬﻪ ﻭﺍﻧﺘﻲ ﻟﻴﺶ ﺗﻐﺎﺭﻳﻦ ﻋﻠﻴﻪ ﻣﻦ ﺭﺳﻞ ﻭﻟﺞ ﻋﻮﺑﻪ
ﺣﻮﺭﺍﺀ : ﻭﻟﺞ ﻳﺎﻏﻴﺮﺓ ﻫﺎﻱ .. ﺍﻧﺸﻐﻞ ﺑﺎﻟﻲ ﺑﺎﻟﻮﻻﺩﺓ ﻭﺍﻟﻠﻪ ﻻ ﺗﺒﺠﻮﻧﻲ .. ﺷﻴﻄﻠﻊ ﻫﺎﻟﺜﻼﺛﺔ ﻳﻤﻜﻦ ﺍﻣﻮﻭﻭﺕ 😭😭
ﻧﺴﻤﺔ : ﻟﺞ ﺧﺒﻠﺔ ﺗﻔﻜﺮ ﺷﻴﻄﻠﻌﻬﻢ .. ﺍﻟﻠﻪ ﻛﺮﻳﻢ .. ﻭﺑﻌﺪﻳﻦ ﻳﻤﻜﻦ ﻳﺸﻜﻜﻮﻥ ﺑﻄﻨﺞ ﻭﻳﻄﻠﻌﻮﻫﻢ
ﺣﻮﺭﺍﺀ ﺑﺨﻮﻑ : ﺷﻠﻮﻥ ﺗﺤﺠﻴﻬﺎ ﺑﺪﻭﻥ ﺣﺮﻛﺔ ﻛﻠﺐ .. ﻫﺎﻱ ﺍﻟﻔﻜﺮﺓ ﻫﻢ ﻣﺮﻋﺒﺘﻨﻲ ﻳﻌﻨﻲ ﺭﺍﺡ ﺍﻇﻞ ﺑﺎﻟﻌﻤﻠﻴﺔ ﻭﻣﺎﺩﺭﻱ ﺑﻨﻔﺴﻲ ﻭﻳﻤﻜﻦ ﺍﻣﻮﺕ .. ﺍﻭﻭﻑ ﺑﺤﺪﻩ ﻛﻠﺒﻲ ﻣﻘﻤﻮﺕ ﻫﻨﻮﺏ ﺳﺎﻟﻔﺔ ﺍﻟﺘﻮﺍﺋﻢ ﻗﻤﺘﺖ ﻛﻠﺒﻲ ﺍﻛﺜﺮ
ﺭﻗﻴﺔ : ﻟﻴﺶ ﺍﺳﻢ ﺍﻟﻠﻪ .. ﻭﻟﺞ ﻣﻮ ﺯﻳﻦ ﻛﻮﻟﻲ ﺍﻟﺤﻤﺪﻟﻠﻪ ﻫﺎﻱ ﻧﻌﻤﺔ ﺭﺑﺞ
ﺣﻮﺭﺍﺀ ﻛﺎﻣﺖ : ﺍﻟﺤﻤﺪﻟﻠﻪ ﻭﺍﻟﻠﻪ ﻛﺮﻳﻢ .. ﺗﺼﺒﺤﻮﻥ ﻋﻠﻰ ﺧﻴﺮ .. ﻭﺭﺍﺣﺖ ﻃﻠﻌﺖ ﻣﻦ ﻏﺮﻓﺔ ﺭﻗﻴﺔ ﻭﺷﺎﻓﺖ ﻫﺸﺎﻡ ﺑﻌﺪﻩ ﻛﺎﻋﺪ ﺑﺎﻟﺼﺎﻟﺔ ﻭﺑﺤﻀﻨﻪ ﺭﺳﻞ ...
ﺻﺪﻙ ﺗﻐﺎﺭ ﻣﻦ ﺭﺳﻞ ﻣﻦ ﻳﺤﻄﻬﺎ ﺑﺤﻀﻨﻪ ﻭﻳﻼﻋﺒﻬﺎ .. ﻇﻠﺖ ﺗﺒﺎﻭﻋﻠﻪ ﻭﺿﺎﺟﺖ ﻛﻠﺶ .. ﺍﻟﻴﻮﻡ ﻳﺎﻟﻠﻪ ﺷﺎﻓﺖ ﻫﺸﺎﻡ ﺍﺣﺴﻦ ﻳﻀﺤﻚ ﻭﻳﻪ ﺍﺑﻨﻪ ... ﻭﻫﺴﺔ ﺟﺎﻱ ﻳﻀﺤﻚ ﻭﻳﻪ ﺭﺳﻞ ...
ﻭﺗﻜﻮﻝ ﻳﻤﻜﻦ ﻣﺎﻟﻲ ﻧﺼﻴﺐ ﺑﻬﺎﻟﻀﺤﻜﺎﺕ ﻭﺍﻟﺤﺐ ... ﺭﺍﺣﺖ ﻟﻠﻐﺮﻓﺔ ﻣﺎﻟﺘﻬﺎ ﻭﺗﺮﻳﺪ ﺗﻨﺎﻡ ...
ﻫﺸﺎﻡ ﺟﺎﻥ ﻳﺪﺭﻱ ﺑﻴﻬﺎ ﺗﺮﺍﻗﺒﻪ ﻭﻳﻪ ﺭﺳﻞ .. ﺑﻮﺳﻬﺎ ﺑﺨﺪﻫﺎ ﻭﻛﻠﻬﺎ ﻳﺎﻟﻠﻪ ﺭﻭﺣﻲ ﻟﻤﺎﻣﺎ ﺗﻐﺴﻠﺞ ﻭﺗﻨﺎﻣﻴﻦ .. ﻭﺭﺍﺣﺖ ﺭﺳﻞ ﺑﻌﺪ ﻣﺎ ﺑﺎﺳﺖ ﻋﻤﻬﺎ ....
ﻛﺎﻡ ﺭﺍﺡ ﻟﻠﻐﺮﻓﺔ ﻭﺩﺧﻞ ﺷﺎﻓﻬﺎ ﻣﻄﻔﻴﺔ ﺍﻟﻀﻮﻯ ﻭﻛﺎﻟﻌﺎﺩﺓ ﺗﻴﺐ ﻟﻤﺒﺔ ﻣﻔﺘﻮﺡ ﻭﺑﻌﺪﻫﺎ ﺗﺨﺎﻑ ﻣﻦ ﺍﻟﻈﻠﻤﺔ ﻭﺑﻌﺪﻫﺎ ﺗﺸﻮﻑ ﻛﻮﺍﺑﻴﺲ ...
ﺭﺍﺡ ﻏﺴﻞ ﺑﺎﻟﺤﻤﺎﻡ ﻭﺑﺪﻝ ﻭﺩﺧﻞ ﺍﻟﺴﺮﻳﺮ ﻭﻳﺎﻫﺎ ﻭﺍﺩﻧﻪ ﻋﻠﻴﻬﺎ ﻭﺣﻀﻨﻬﺎ ﺣﻴﻠﻞ ﻭﺑﺎﺱ ﺧﺪﻫﺎ ...
ﺣﻮﺭﺍﺀ ﻣﺎﻛﺎﻣﺖ ﺗﻠﺒﺲ ﻻ ﺑﺮﻣﻮﺩﺓ ﻭﻻ ﺗﺮﺍﻙ ﻻﻥ ﺿﻴﻜﺎﺕ ﻋﻠﻰ ﺑﻄﻨﻬﺎ ﻫﻞ ﺍﻳﺎﻡ ﻛﻠﻪ ﻓﺴﺘﺎﻥ ﻧﺺ ﺭﺩﻥ ﻭﻛﺼﻴﺮ ﺟﻮﻯ ﺍﻟﺮﻛﺒﺔ ﺑﺸﻮﻳﻪ ....
ﻫﺸﺎﻡ ﺣﺎﺿﻨﻬﺎ ﺣﻴﻴﻞ : ﺭﺍﺡ ﺗﺼﻴﺮﻳﻦ ﺍﻡ ﺟﻬﺎﻟﻲ
ﺣﻮﺭﺍﺀ ﺑﻬﻢ : ﺍﻳﻲ ﺍﺣﻠﻰ ﺷﻲ ﺍﻛﻮﻥ ﺍﻡ ﺟﻬﺎﻟﻚ ...
ﻇﻞ ﻳﺸﻢ ﺑﺸﻌﺮﻫﺎ ﻭﺧﺮﻩ ﻭﻇﻞ ﻳﺸﻢ ﺭﻛﺒﺘﻬﺎ .. ﻃﺒﻊ ﺑﻮﺳﺔ ﺧﻔﻴﻔﺔ ﺑﺤﺐ ...
ﻫﺸﺎﻡ ﺿﺎﻕ ﺍﻟﺼﺒﺮ ﺑﻲ ﻳﺮﻳﺪ ﻳﺒﺪﻱ ﺻﻔﺤﺔ ﺟﺪﻳﺪﺓ ﻳﺮﻳﺪ ﻳﻨﺴﻪ ﺍﻟﺼﺎﺭ ﻛﻠﻪ ﻭﻳﺒﺪﻱ ﺑﺼﻔﺤﺔ ﺑﻴﻀﺔ ﻭﻳﻪ ﺣﺒﻪ ﻭﺍﻡ ﺟﻬﺎﻟﻪ ...
ﻫﺸﺎﻡ ﻫﻤﺴﻠﻬﺎ : ﻣﺸﺘﺎﻗﻠﺞ ﺑﻌﺪ ﺣﻴﻠﻲ
ﺣﻮﺭﺍﺀ : ﻭﺍﻧﻪ ﻣﺸﺘﺎﻗﺘﻠﻚ ﺷﻴﺨﻲ .. ﻣﺸﺘﺎﻗﻪ ﻟﺸﻴﺨﻲ ﺍﻻﻭﻟﻲ ﺍﻟﺤﻨﻮﻥ ﻭﻟﺪﻓﻮ ﺍﻳﺪﻩ ﻣﻦ ﻳﺤﻀﻨﻲ ... ﺑﺎﻭﻋﺖ ﺑﻮﺟﻬﻪ ﻭﺣﻄﺖ ﺍﻳﺪﻫﺎ ﺑﻠﺤﻴﺘﻪ ...
ﻭﻣﺎﺣﺴﺖ ﻏﻴﺮ ﺑﻠﺤﻴﺘﻪ ﻋﻠﻰ ﻭﺟﻬﻬﺎ ﻭﻳﺒﻮﺳﻬﺎ ﺑﻬﻴﺎﻡ ..... ﻭﺷﻮﻱ ﺻﺎﺭﺕ ﻟﻤﺴﺎﺗﻪ ﺗﺘﻤﺎﺩﻩ ... ﻭﻧﺴﻪ ﻧﻔﺴﻪ ﻭﻳﺎﻫﺎ ...
ﻭﺧﺮﺗﻪ ﻭﻇﻠﺖ ﺗﺘﻜﻠﺐ ﻣﻌﺪﺗﻬﺎ ﻭﻛﺎﻣﺖ ﻟﻠﺤﻤﺎﻡ .. ﻭﻇﻠﺖ ﺗﺘﻘﻴﺄ .. ﻭﻃﻠﻌﺖ ﺑﺘﻌﺐ ...
ﺣﻮﺭﺍﺀ : ﺍﺳﻔﺔ ﺿﻮﺟﺘﻚ ﻣﻮ
ﻫﺸﺎﻡ ﻓﺘﺢ ﺍﻳﺪﻳﻪ : ﻻ ﻳﺮﻭﺣﻲ ﺍﻧﺘﻲ ﺗﻌﺒﺎﻧﺔ .. ﺗﻌﺎﻱ ﺑﺤﻀﻨﻲ ..
ﺭﺍﺣﺘﻠﻪ ﺑﺘﻌﺐ ﻭﺣﻀﻨﺘﻪ .. ﻭﺑﻘﻮ ﺷﻮﻱ ﻛﺎﻋﺪﻳﻦ ﻭﻧﺎﻣﻮ ...
ﺍﻟﺼﺒﺢ ﻛﺎﻣﻮ ﻟﻠﺼﻼﺓ ﻭﺻﻠﻮ ...
ﻫﺸﺎﻡ ﺭﺟﻊ ﻟﻠﺴﺮﻳﺮ ﻭﻫﻲ ﺑﺤﻀﻨﻪ ﻭﺭﺟﻊ ﺍﺗﻘﺮﺏ ﻣﻨﻬﺎ ﺑﺤﻨﻴﺔ ﻭﺣﺐ ... ﻭﺭﺍﺩ ﻳﻠﻤﺴﻬﺎ .. ﺗﺨﻴﻞ ﺻﺮﺧﺎﺗﻬﺎ ﺗﺴﺘﻨﺠﺪ ﻭﻫﻲ ﻃﻔﻠﺔ ﺑﻴﻦ ﺍﻳﺪﻳﻦ ﺷﺨﺺ ﻛﻠﺐ ﻭﺳﺎﻓﻞ ... ﻭﺗﺨﻴﻞ ﻧﻔﺴﻪ ﻣﺜﻠﻪ ﻭﻳﺴﺘﻐﻠﻬﺎ ...
ﺿﺎﺝ ﻭﺍﻧﻘﻬﺮ ﻭﺧﺮ ﻋﻨﻬﺎ ﻭﻛﺎﻡ ﻭﻫﻮ ﻳﺴﺐ ﺍﻟﻜﻠﺐ ﺍﻟﺴﺎﻓﻞ .. ﻭﻫﻲ ﺗﺴﻤﻌﻪ ﻭﺳﺪﺕ ﺫﺍﻧﻬﺎ ...
ﻭﻃﺎﺣﻦ ﺩﻣﻮﻋﻬﺎ ﺑﺤﺮﻛﺔ ... ﻭﻃﻠﻊ ﻣﻦ ﺍﻟﻐﺮﻓﺔ ﻭﻫﻲ ﺑﻘﺖ ﺗﻨﺤﺐ ﻋﻠﻰ ﺣﻈﻬﺎ ﻭﺍﻟﻲ ﺻﺎﺭ ﺑﻴﻬﺎ ﻭﺑﻬﺸﺎﻡ ....
ﺑﻌﺪﻫﺎ ﻛﺎﻣﺖ ﺑﺘﻌﺐ ﻣﻦ ﺍﻟﻔﺮﺍﺵ ﻭﻟﺒﺴﺖ ﻣﻼﺑﺴﻬﺎ ﻭﺗﺮﻳﺪ ﺗﻄﻠﻊ ﻳﻢ ﺍﻟﺒﻨﺎﺕ ﺗﺴﺎﻋﺪﻫﻢ ... ﺳﻤﻌﺖ ﺻﺮﻳﺦ ﻭﺻﻴﺎﺡ ﻭﺑﺠﻲ ...
ﺣﻴﻠﻬﺎ ﺭﺍﺡ ﻭﺻﺎﺣﺖ ﻫﺸﺎﻡ ............... ﻳﺘﺒﻊ