إلى أين تصل

20

و الله حقه مجتبى من يسميني ام دميعة و ادور دراما ... امداني اني اعدل نفسي مو؟؟ وحدة و سألت سؤال شكو اتعارك وياها

بودي اضرب روحي راجديات لمن تتأدب ، شهالدراما الزايدة شكو مكبرة كلشي العقل شبي ينغلق

گمت و صعدت للطابق الثالث الي بي عيادة طبيبي ، جاي امشي على الدرج تخلت ايد على ايدي نزيت و التفتت لگيت مجتبى

سألني و هو مقوس حواجبه ـ شبيچ نزيتي؟ و امي وين؟

جاوبته مستغربة ـ چا انت ما رحت لمحلك !

رد ـ لا

وصلنا العيادة و صارت امي بوجهي
بإيدها تحاليلي و يمها عباس ، دنگت من شفته حتى صرت ورة مجتبى و الله فشلة منه

صافح مجتبى و نزل ، امي انطت مجتبى تحاليلي و هزتلي راسها بتوعد

مجتبى سألها ـ هاي شتسوي جوة؟

جاوبته امي ـ اختنگت من الجو و نزلت

فتنا يم الطبيب بالضبط نفس حچي عباس ، گطعوا عني علاج القلب و انطاني علاج لكليتي و كتبلي نظام غذائي جديد

من رجعنا صعدت لغرفتي بعدني هستوني اريد افوتها

سمعت مجتبى يحاچيهم ـ لحد يندگ بيها ، حتى لو تتخبل لا تحاچنها ، گطعوا علاج القلب علمود علاج كليتها الاكل مالتها كله صحي

ادنيت على الدرج و مجتبى كمل كلامه ـ الأكل تشيللنه و تخللنا گدامها و لحد تگول شنو ما تشتغل ، تتحملنها غصباً عليچن

اختي "تبارك" ردت عليه ـ بس مرتك تعوفها بحالها وهي تصير زينة

زوجة اخوية گلتلها ـ انچبي ادبسزز

صاح مجتبى بيهن ـ اني شجاي اسولف شبيچن انتتتن؟

فتت بدلت ملابسي و تمددت كلش مالي خلگ ، فرفرت بالأنستا شفت اعلان لـ"مسلسل تركي" شو حبيت اشوفه ، شفت منه عشر حلقات بيوم واحد

و صلاتي فضيحة ، اصلي و بالي يم المسلسل ياما نسيت سور و ركعات و ثاني يوم گعدت اكملة حتى صلاة الظهر ما صليت

بعد ما شفته سرحت بخيالي و تفكيري و صرت من الكآبة اگول"شبيها لو ظافر ما سوة سوايته "

فتحت انستا و طلعت حسابه باوعت صوره و ستورياته چان مسوي تاك لصاحبه ابو تركيا كاتبله بي ـ بس هالكم شهر و اطير يمك و الا بعد ما اعتب العراق

شنو راح يسافر برا العراق؟ داخلي صار مثل المعركة
جزء مني زعلان لان راح يسافر و جزء يگلي شنو تزعلين خيولي و يعاتبني

حرب داخلية بس اني كلش استسلمت حتى گعداتي قلت وية أهلي و لدروس الحوزة بعد ما ادخل ، سويتلها كتم هاليومين

صرت اعيش بخيالي وية البطلة و احاول اربط حياتها بية ، صرت اخلي محمد بمكان البطل صرت اتخيلة يجي و يعتذر و ينتهي كلشي ، و بس يخلص المسلسل يصير عندي اكتئاب