Unicode
#Glitch
SHATTER .7
(Awakening)
အခြေအနေများမှာ ရုတ်ချည်းပင်ငြိမ်သက်သွားလေပြီ။ ဟန်သာမှအားယူကာထလာပြီး ထွဋ်လူ၏အနားတွင်ထိုင်ကာ ခန္ဓာကိုယ်အားစမ်းသပ်ကြည့်လိုက်ပြီး ဦးဒီပအား...
"ဘယ်လိုလုပ်မလဲ...ယက္ခညီနောင်ကိုသူစားမိလိုက်ပြီ"
သူမလေသံကစိုးရိမ်နေဟန်...ဦးဒီပလည်းသူ၏ကောက်ရိတ်ဓါးကြီးကိုမြေကြီးတွင်ထောက်လျက်အားယူကာဖြည်းဖြည်းချင်းတိုးကပ်လာပြီး ထွဋ်လူ၏နဖူးပေါ်သို့လက်တင်ကာမျက်လုံးများမှတ်၍အာရုံခံကာစမ်းသပ်လိုက်ပြီး...
"ငါလည်းအတိအကျမပြောနိုင်သေးဘူး...သူ့ကိုယ်ထဲမှာglitch တွေမတည်ငြိမ်ဘူးဖြစ်နေတယ်...ပြီးတော့ အင်မတန်အဖျက်စွမ်းအင်များတဲ့ ယက္ခညီနောင်ကိုစားလိုက္မိတာဆိုတော့ awakening များဖြစ်ခဲ့ရင် အတော်ကိုထိန်းသိမ်းရခက္မယ်... "
"ကျွတ်.. ဒါဆိုရင်သူ့ရဲ့ Relicကရော"
ဟန်သာကမေးလိုက်သည်။ ဦးဒီပကခေါင်းကုတ်ပြီး...
"ဒါလည်းတပ်အပ်မပြောနိုင်ဘူး...pure glitch တွေရဲ့ ဖန်တီးကွန့်မြူးနိုင်စွမ်းကိုညည်းလည်းသိရက်သားနဲ့..ခန့်မှန်းရခက်တယ် ငါတို့စောင့်ကြည့်ရမှာပဲ"
ထိုစဉ်မှာပင် ...
"ဘာတွေလဲဗျာ...ဘာpure glitchတုန်း ခင်ဗျားတို့ကဘာတွေလဲဟင် နတ်ဒေဝါတွေလား"
အသံလာရာသို့ဟန်သာနှင့်ဦးဒီပတို့ လှည့်ကြည့်လိုက်ရာ ကောင်းကောင်းနှင့်ကျော်ရဲဆိုသူနှစ်ယောက်...
"ဟင်...ရှင်တို့...ကျွန်မတို့တည်းတဲ့ဟိုတယ်ကနှစ်ယောက်"
ဟန်သာ၏စကားကိုကျော်ရဲက...
"ခင်ဗျားလည်းကျုပ်တို့တည်းတဲ့ဟိုတယ်ကပဲလေ...ရုပ်သေးပွဲညကလေ ကျုပ်မှတ်မိတယ်"
ကောင်းကောင်းက...
"ကျုပ်တို့ကယက္ခညီနောင်ဆိုတဲ့ လူနှစ်ယောက်ကို ဒုစရိုက်သမားဘာညာထင်လို့ မသင်္ကာတာနဲ့နောက်ယောင်ခံလိုက်လာတာဗျ...အဖြစ်အပျက်တွေကိုလည်းအကုန်မြင်ပြီးပြီ ...ဘ၀မှာဒါမျိုးတွေ ဒီလိုအစွမ်းနဲ့လူသားတွေဆိုတာ ရုပ်ရှင်တွေထဲမှာပဲတွေ့ဖူးတာ.. အံ့ဩလွန်းလို့ပါဗျာ"
YOU ARE READING
Glitch
Sciencefiction" We are all living in a simulation or more like a Matrix, programmed by someone or transcendental organizations beyond our reach"
