Unicode
#Glitch
Shatter.10
(The first born of the first born)
"ကျုပ်ဒါတွေစိတ်မ၀င်စားဘူး...ပြီးတော့ တစ်သက်လုံးစွန့်ပစ်ထားခဲ့ပြီးအခုမှ ရုတ်တရက်ပေါ်လာပြီး ငါကမင်းအဖေပါလို့ပြောတဲ့သူကိုဘယ်လိုယုံရမလဲ"
"နားထောင်လိုက်စမ်းသားတော်...အဖေတို့ဟာ တာ၀န်တွေကိုပုခုံးပေါ်ထမ်းထားရတဲ့သူတွေ၊ ဟောဒီကမ္ဘာကြီးကိုထိန်းသိမ်းရတဲ့ အက္ကလ(Akkala') မျိုးနွယ်လို့ခေါ်တဲ့ Glitchတွေကိုစားသုံးတဲ့သူ..glitchလူသားတွေပဲ"
ရဲတိုက်ကြီး၏ဧည့်ခန်းဆောင်ကျယ်ကြီးထဲတွင် ထွဋ်လူနှင့် အနှိုင်းမဲ့ပုဂ္ဂိုလ်၊ဧကရာဇ်တစ်ဖြစ်လည်း သူ၏တစ်သက်တာတွင် ရှိသည်ဟုပင်မသိခဲ့ရသော ဖခင်ဖြစ်သူတို့စကားအချေတင်ပြောနေကြလေသည်။ ဧကရာဇ်ကသလင်းကျောက်ဖြင့်ပြုလုပ်ထားသော သူ၏ပုလ္လင်ပေါ်မှဆင်းလာကာ ထွဋ်လူ၏ပုခုံးအား ဖျစ်ညှစ်လိုက်ရင်း...
"မင်းဟာ pure glitchဖြစ်တဲ့အတွက် အက္ကလမျိုးနွယ်တွေကိုဦးဆောင်ရမယ်င့ါသား...ငါ့ရဲ့ပုလ္လင်ကိုမင်းဆီလွှဲပြောင်းပေးဖို့အချိန်ကျလာပြီ"
ထွဋ်လူကဧကရာဇ်၏လက်အားတွန်းဖယ်ကာ...
"ကျုပ်တို့သားအမိကိုဘာဖြစ်လို့ပစ်ထားခဲ့ရတာလဲ... ကျုပ်ဟာ glitchလူသားဆိုရင် အစကတည်းကခင်ဗျားနဲ့ခေါ်လာလို့ရတာပဲ...ခင်ဗျားဟာအနှိုင်းမဲ့ပုဂ္ဂိုလ်ဆို...ခင်ဗျားရဲ့စကားတစ်ခွန်း ခင်ဗျားရဲ့အမိန့်ပဲမလား၊ တစ်သက်လုံးအေးအေးချမ်းချမ်းနေလာခဲ့ပြီး အခုကျမှ ဒီလိုအဖြစ်အပျက်ကြီးတွေနဲ့ glitchလူသားတွေရုတ်တရက်ပေါ်လာ၊ သေပြီ မသေဘူးမှန်းတောင်မသိခဲ့ရတဲ့ အဖေဆိုတဲ့လူက အဲ့ဒီ glitchလူသားတွေရဲ့ဘုရင်... ကျုပ်ဒါတွေစိတ်မ၀င်စားဘူး၊ဖခင်တာ၀န်မကျေတဲ့သူကိုလည်း အဖေအဖြစ်အသိအမှတ်မပြုနိုင်ဘူး...ကျုပ် ဟန်သာကို ခေါ်ပြီးပြန်မယ်"
ဧကရာဇ်ကသက်ပြင်းအရှည်ကြီးမှုတ်ထုတ်လိုက်လေ၏။
"ဟူး......"
သူ၏မျက်လုံးများက ရီဝေကာဆွေးလျနေဟန်...ထို့နောက်သူက တိုးညင်း တည်ငြိမ်သောလေသံဖြင့်...
YOU ARE READING
Glitch
Fantascienza" We are all living in a simulation or more like a Matrix, programmed by someone or transcendental organizations beyond our reach"
