Unicode#
Shatter.9
(The Abandoned Child)
ပိစိကသူ့ကိုပြုံးပြီးကြည့်နေသည်။ပိစိမှာသူနှင့်ခင်မင်ကျွမ်း၀င်ခဲ့စဉ်ကနှင့်မတူပဲများစွာကွဲပြားခြားနားနေလေသည်။သူ့ပုံစံကအလွန်တည်ငြိမ်ရင့်ကျက်နေဟန်... ထို့နောက် ဆက်ခ် (sak')တစ်ဖြစ်လည်း ပိစိက...
"မင်းသိပ်အံ့ဩနေတာလားသူငယ်ချင်း...မင်းလည်းအများကြီးပြောင်းလဲသွားပါတယ်ကွာ...မင်းကpure glitch ငါကအခုတော့ အသင်းတော်ရဲ့ Eldtha' အဆင့်....ဆက်ခ် ပေါ့ကွာ"
"မင်း...မင်းက ဘယ်လိုလုပ်ပြီးအသင်းတော်ရဲ့..."
ပိစိကခေါင်းညိမ့်ကာပြုံးလိုက်ရင်း...
"မင်းအနားမှာ...မင်းကိုစောင့်ကြည့်ဖို့အတွက် အရှင့်ရဲ့အမိန့်အရငါရှိနေခဲ့တာပါ"
"စောင့်ကြည့်ဖို့...ဟုတ်လား"
"ဟုတ်တယ်...ဒါပေမဲ့စောင့်ရှောက်တဲ့သဘောပါ...ငါကိုယ်တိုင်တောင်မှ မှတ်ဉာဏ်တွေခဏဖယ်ထုတ်ခံခဲ့ရပြီး အတိတ်မေ့နေခဲ့တာလေ..သာမန်ဘ၀အဖြစ်...မင်းရဲ့အခင်ဆုံးသူငယ်ချင်းအဖြစ် မင်းအနားမှာရှိနေခဲ့တာ၊ ဟိုအဖြစ်အပျက္မတိုင်ခင်အထိပေါ့"
"အသင်းတော်ကဘာရည်ရွယ်ချက်နဲ့ ငါ့ကိုအခုလိုတွေလုပ်ရတာလဲ...ပြီးတော့ဟန်သာကိုရောဘာလို့ဖမ်းခေါ်သွားရတာလဲ "
ထွဋ်လူဒေါသသံဖြင့်မေးလိုက်သည်။
"မင်းစိတ်ကိုခဏလျှော့ပြီးငါပြောတာနားထောင်စမ်းထွဋ်လူ... အဲ့ဒီတုန်းကခိုကို အသင်းတော်က မင်းရဲ့ခန္ဓာကိုယ်ထဲက glitchတွေနိုးကြားလာအောင်ဆွပေးတဲ့မောင်းခလုတ်အနေနဲ့မင်းဆီလွှတ်လိုက်တာ... ဒါပေမဲ့အစီအစဉ်ကလွဲချော်သွားပြီး ငါဟာလည်းအတိတ်မေ့နေခဲ့တဲ့အတွက်အခုလိုတွေဖြစ်သွားတာပဲ...မင်းသိတဲ့အတိုင်းpure glitchဟာ အထိန်းအကွပ်မဲ့သွားရင်အန္တရာယ်ရှိတယ်...ပြီးတော့glitchလူသားတွေအကြောင်းကို လူတွေသိလို့မဖြစ်ဘူး...ဒါကြောင့် အချိန်မီအသင်းတော်ကမင်းကိုထိန်းသိမ်းဖို့စီစဉ်ခဲ့တာ"
"ဒါဆိုကိုဇော်လတ်တို့... အေးမို့တို့..ကရော..."
"စိတ်မပူပါနဲ့...သူတို့ရဲ့ဘ၀၊ငါတို့နေထိုင်ခဲ့တဲ့ပတ်၀န်းကျင်မှာငါတို့နှစ်ယောက်ဟာဘယ်တုန်းကမှမရှိခဲ့သလိုဖြစ်အောင်သူတို့ရဲ့မှတ်ဉာဏ်တွေကို အသင်းတော်က ပြုပြင်လိုက်ပြီးပြီ...ငါတို့ရဲ့ဖြစ်တည်မှုကိုသူတို့ရေးရေးလေးတောင်မသိနိုင်တော့ဘူး"
YOU ARE READING
Glitch
Sci-fi" We are all living in a simulation or more like a Matrix, programmed by someone or transcendental organizations beyond our reach"
