Unicode
ထွဋ်လူမှာဟန်သာ၏ အတင်းဆွဲခေါ်မှုနောက်သို့မလိုက်ချင် လိုက်ချင်ဖြင့်ပါလာလေသည်။ ထို့နောက် သူတို့ဧည့်ခန်းတွင်ပြန်ထိုင်လိုက်ကြပြီး ဟန်သာမှ ဆက်ကာ...
" ရှင့်ကိုကျွန်မစောင့်ကြည့်နေတယ်လို့ပြောခဲ့တယ်နော်...တကယ်တော့ အဲ့ဒီလိုသဘောမဟုတ်ဘူး ကျွန်မဆက်ပြောပြမယ်"
ထွဋ်လူငြိမ်သက်စွာနားထောင်နေလေ၏။ သူ့စိတ်ထဲတွင် ရှက်နေတာလည်းပါသည်။ မိန်းမလှတစ်ယောက်က ဇိုးကနဲ ဇက်ကနဲ လက်ကိုဆွဲကိုင်ခံရတာကို အဘယ်ပုရိသက ရင်မခုန်ပဲနေမည်နည်း။ ဟန်သာက ထွဋ်လူဖြစ်နေသည်ကို သဘောပေါက်သည့်အလား ပြုံးစိစိဖြင့် မသိကျိုးကျွံပြုကာ စကားကိုဆက်လေသည်...
" ကျွန်မဒီကိုရောက်လာတာglitch point တွေကြောင့်ပဲ... အခုတလောမှာ အဲ့ဒီလှိုင်းတွေဟာ ရန်ကုန်လိုမြို့ကြီးတွေ ဘက် မှာခဏခဏဖြစ်ပေါ်နေတယ်... ဒါဟာအရမ်းထူးဆန်းတယ်... အထူးသဖြင့်ရှင့်အိမ်နားတစ်ဝိုက်... အရှင်းဆုံးပြောရရင် ရှင့်ဆီကလှုံ့ဆော်လိုက်လို့များ Glitch point တွေဟာကြွလာတာလားလို့ ကျွန်မနဲ့ ရှင်ပထမဆုံး ဆုံပြီးတဲ့နောက် မှာစဉ်းစားမိတယ်"
ဟုရှင်းပြလေရာ ထွဋ်လူမှာ တအံ့တဩဖြင့်...
"ဟင်...ဘယ်လို ဘယ်လို...ငါနားမရှင်းဘူး ငါ့ဆီက ဟုတ်လား...ငါကသာမန်လူလေ"
ဟန်သာကခေါင်းကိုခါရမ်းရင်း...
"မဟုတ်ဘူးထွဋ်လူ... Glitch point တွေဟာ အင်မတန် ရှားပါးတဲ့pureဖြစ်တဲ့ glitch ဖြစ်တည်မှုက လှုံ့ဆော်လို့သာဖြစ်ပေါ်လာရတာ... အဲ့ဒီ pureဖြစ်တဲ့ glitch ဟာရှင့်ခန္ဓာကိုယ်ထဲမှာ ကိန်းအောင်းနေပြီး... အချိန်တစ်ခုရောက် မှသာလျှင် သို့မဟုတ် တစ်ခုခုရဲ့လှုံ့ဆော်မှုကြောင့် ထကြွလာတယ်လို့လောလောဆယ်ကျွန်မယူဆထားတယ်... ကျွန်မလဲ ဒီလောက်ပဲ ပြောနိုင်တယ် ... ကျွန်မဘ၀မှာ ဒါဟာ ပထမဆုံး pure glitchကိုဇီ၀လူသားအစစ်မှာ ကိန်းအောင်းနေတာ ကြုံဖူးတာပဲ"
ဟုသူမကလေးလေးနက်နက်ပြောလေသည်။ ထွဋ်လူမှာ သူမ၏အခိုင်အမာ ပြောနေပုံကြောင့် ငြင်းဆန်ရန်ခက်ခဲနေသော်လည်း ယခုအထိတော့ လက္မခံနိုင်သေးပေ။ သူမကပင်ဆက်လက်၍...
YOU ARE READING
Glitch
Ficção Científica" We are all living in a simulation or more like a Matrix, programmed by someone or transcendental organizations beyond our reach"
