Unicode
#Glitch
Shatter.11
(The beginning of the end)
"ဟီးဟီးဟီး ခွပ်ခွပ် ခွပ်...ကျီ ဂျစ် ဂျစ် ဂျစ်..."
မြင်းဟီသံ၊မြင်းခွာသံများနှင့်အတူတောင်ပံခတ်သံကြောင့် သူကျောပေးနေရာမှ...
"နောက်ဆုံးတော့ ဒီနေရာမှာဒီလိုအဖြစ်အပျက် မျိုးပဲထပ်ပြီးရင်ဆိုင်ရအုံးတော့မှာပေါ့...ဟမ်...မြင်းနက်ရှင်"
ဟုဆိုရင်းလှည့်ကြည့်လိုက်လေသည်။ထိုသူက သူ၏အနက်ရောင်မြင်းကြီးပေါ်မှဆင်းလာပြီး...
"Hemra' ကိုအခုလိုပြန်လည်ချေချရတာ အရင်တုန်းကနေ့ရက်တွေကိုတောင်လွမ်းမိသကွာ ...နော့ပီရူ"
ဟုမြေပြင်သို့ဖြည်းညင်းစွာဆင်းသက်လာသော ဂဠုန်ငှက်ကြီးတစ်ကောင်အားမေးဆတ်ကပြကာဆိုလိုက်လေသည်။ ထိုဂဠုန်ငှက်ကြီးမှာမြေပေါ်သို့ရောက်ရောက်ချင်းမှာပင် glitchများဖြစ်ပေါ်လာကာ မဟာရာဂျာ စော်ဘွားများ၀တ်ဆင်လေ့ရှိသော အဆောင်အယောင်များနှင့် ချောမောသော အိန္ဒိယအမျိုးသား အဖြစ်ပြောင်းလဲသွားလေတော့သည်။ ထို့နောက်သူက...
"ဗလက်ဒရာကြီးတောင် အရင်လိုမာန်တွေသိပ်မ၀င့်တော့သလိုပဲနော် ..."
ဆိုသောခနဲ့တဲ့တဲ့စကားဖြင့်နှုတ်ဆက်လိုက်လေသည်။ ဗလက်ဒရာက ခပ်ယဲ့ယဲ့ပြုံးကာ...
"ငါ့ကိုခနဲ့ဖို့သပ်သပ်မင်းလာခဲ့တာလားပီရူ...မကြာခင်မှာ ဆန့်ကျင်ဘက်အရာနှစ်ခုဟာယှဉ်လျက်တည်နေမဲ့အချိန်ကိုရောက်လာတော့မယ် အဲ့ဒီအချိန်မှာ..."
ဗလက်ဒရာ၏စကားအားပီရူကဖြတ်၍...
"ကမ္ဘာပေါ်မှာကွယ်ဝှက်နေတဲ့အရာတွေအားလုံးခေတ္တပေါ်ထွက်လာမယ်၊ ပဋိပက္ခအရာတွေပေါင်းစည်းမယ်...အက္ကလတွေအတွက်ဆိုရင်
ဧကရာဇ်တစ်ပါးပေါ်ထွန်းခြင်း သို့မဟုတ် သေဆုံးခြင်း blah blah blah ...ဒါတွေအားလုံးကျုပ်သိပြီးသားပဲ...ကျုပ်ဟာပုရောဟိတ်တစ်ပါးပဲ ခင်ဗျားရှင်းပြနေစရာလိုသေးလို့လား"
"အခုမင်းကပုရောဟိတ်ဟုတ်တော့လို့လား သူခိုးရ"
ထိုစကားကြောင့်ပီရူမှာဒေါသထွက်သွားပြီး ဗလက်ဒရာနားတိုးကပ်သွားကာ မျက်နှာချင်းဆိုင်လိုကပြီး...
YOU ARE READING
Glitch
Science Fiction" We are all living in a simulation or more like a Matrix, programmed by someone or transcendental organizations beyond our reach"
