🏡 Home 🏡
Part-4 (Unicode+Zawgyi)
'Papa . . . Papa'
Peachy ရဲ့ နှုတ်က ထွက်လာတဲ့ အသံပီပီသသလေး
အလုပ်သွားဖို့ မှန်ရှေ့မှာ Necktie ချည်နေတဲ့ Ji မျက်ခုံးပင့်သွားမိတယ် ရင်လည်းဖြတ်ကနဲ ခုန်သွားပြီး Peachy ကို ငုံ့ကြည့်လိုက်မိတယ်
အမွှေးပွကြမ်းခင်းပေါ်မှာ ထိုင်ဆော့နေတဲ့ သားဟာ သူ့ကိုမော့ကြည့်ရင်း ခေါ်လိုက်တာ
သေချာတယ် သူကြားလိုက်တာ
သူ သားအနားကို ချက်ချင်းရောက်သွားမိပြီး သားကိုပွေ့ချီမယူလိုက်တယ်
'သား . . . Papa ကို ခေါ်လိုက်တာလား . . . ထပ်ခေါ်ပါဦး သားလေးရယ် Papa လို့လေ Papa '
'Papa . . .'
သားရဲ့ နှုတ်ခမ်းပါးပါးရဲရဲလေးတွေ လှုပ်ရှားပြီးထွက်လာတဲ့ စကားသံလေးဟာ ကမ္ဘာပေါ်က အေးမြဆုံးသော စမ်းချောင်းလေး သူ့ရဲ့ နားထဲကတဆင့် ရင်ထဲထိ နက်နက်ရှိုင်းရှိုင်း စိမ့်နေအောင် စီးဝင်သွားသလိုပဲ ကြက်သီးလေးတွေပါ ထသွားမိတယ်
ဒီအချိန်သူ့မျက်နှာပေါ်က ကြည်နူးပီတိ အပြုံးဟာ ကမ္ဘာပေါ်မှာ အချိုဆုံးဖြစ်နေလောက်ရဲ့
သားရဲ့ ပါးရဲရဲအိအိလေးကို ခပ်ကြာကြာလေး နမ်းမွှေးနေမိတယ်
ဒီအချိန်မှာ Daisy လေးကို မျက်နှာသစ်ပေးပြီး ရေချိုးခန်းထဲကထွက်လာတဲ့ Ri က
'Oppa . . . ခုထိ အောက်မဆင်းသေးဘူးလား . . . အလုပ်နောက်ကျဦးမယ် ဒီနေ့ Meeting ရှိတာကို . . . သွား သွား မနက်စာ ဆင်းစားနှင့်တော့ . . . သားကိုပေး မျက်နှာသစ်ပေးရမယ်'
Ri က သမီးကို အိပ်ရာပေါ် အသာချထားလိုက်ပြီး သားကိုချီဖို့ လက်လှမ်းရင်း သူတို့အနားရောက်လာတယ်
'သားရေ Peachy လေး . . . Papa ကို Papa လို့ခေါ်ပြလိုက်ပါဦး Papa . . . Papa'
Peachy က သူ့လက်သေးသေးနုနုလေးတွေနဲ့ Ji ရဲ့ မျက်နှာကို အုပ်ကိုင်လိုက်ရင်း
'Papa . . . Papa'
အံ့သြလွန်းလို့ ထင်ပါရဲ့ Ri ရဲ့မျက်လုံးအစုံဟာ ပြူးကျယ်သွားပြီး ပါးစပ်ကိုလက်နဲ့တောင် အုပ်လျှက်သား
