Sylvian High: School for Underground Society

Chapter 23

Chapter 23: Acitivity

Kinabukasan ay maaga akong nagising. Kaagad akong dumiretso sa cr para maligo. Pagkatapos ay kaagad akong nagbihis at pinatuyo ang buhok ko gamit ang blower.

Pagkalabas ko ng dorm ay halos lakad takbo na ang ginawa ko papuntang classroom. It's not that I'm late, kailangan ko lang talagang mahanap kaagad si Shaun tungkol sa pag alis ni Mr. Buenaventura.

Sa sobrang aga ko ay halos tatlo pa lang kami sa classroom. Naglakad na lamang ako papunta sa desk ko at kaagad na umupo. Dahil wala pa ang iba, napagdesisyonan kong makinig muna ng music habang nakatingin lamang sa bintana.

Sampung minuto na ang lumipas bago pumasok ang Science teacher namin. Kaagad niya kaming pinagawan ng activity.

"Okay class, group yourself into five" saad ng aming guro. Kaagad namang nag-grupo grupo ang mga kaklase namin.

Napabaling ako sa kaliwang bahagi ko nang makitang pinalilibutan ang groupo nila Shaun ng mga kaklase naming mga babae.

Base sa aking nakita ay gusto ata nilang maka-groupo sila. Apat na kasi sila at kulang sila ng isa. Psh. Are they really that obsessed to them? Di ba pwedeng mag aral sila ng maayos at wag pairalin ang kalandian nila?

Napailing na lamang ako at humarap lamang sa harap habang naka earphone pa rin ako. Bahala na kung sino gustong maka groupo ako. Kung wala edi mas masaya. Solo nalang ako para walang istorbo.

Habang nag-uusap ang iba sa mga napili nilang kagroupo ay may isang lalaking nakasalamin ang lumapit sa akin. Panay ang ayos niya sa kaniyang salamin habang ang isang kamay niya naman ay may dala dalang isang libro. Lumapit ito sa akin na tila nahihiya pa.

"U-Uhm, p-pwede ba tayong m-magka groupo?" utal utal niyang tanong.

Inalis ko naman ang earphone sa tenga ko at ngumiting tumingin sa kaniya. Mukhang okay naman siyang maging ka-groupo.

"Sure--"

"No, Kira will be on our group"

Kaagad nabaling ang tingin ko sa lalaking bigla na lamang nagsalita sa likod ko.

Bigla namang napaatras yung lalaking nakasalamin ng makita kung sino ito. Nanginginig ang kaniyang katawan at dahan dahang tumango.

"P-President" nanginginig sa takot na saad niya. Tinaasan lamang siya ng kilay ni Shaun.

Masama kong tinignan si Shaun. Ba't ba siya nandito? Ang dami dami niyang pwedeng pagpilian kanina.

"I said Kira will be on our group" ulit niyang saad.

Di nakasagot ang lalaki kaya may babaeng kaagad na hinila siya.

"S-Sa amin na lang si Gerald, President" nakayukong saad nung babae at kaagad na hinila yung Gerald patungo sa grupo nila.

Pagkaalis nila ay biglang kinuha ni Shaun ang kamay ko at hinila patungo sa desk nila. Naabutan naman naming nagtatawanan sila Garett at Niell habang si Zachary naman ay napapailing lamang sa kaingayan ng dalawa.

Kaagad naman din akong binitawan ni Shaun at prenteng umupo na sa upuan niya. Kaagad na napatingin sa amin ang tatlo.

"Yun oh! Kagrupo natin si Kira!" ani Niell na tuwang tuwa pa. Ba't ba laging tawa to ng tawa?

"Naks naman. Lakas natin ah!" ani Garett at biglang siniko si Shaun na seryoso lamang na nakatingin sa harapan.

"Maupo ka na, Kira" napatingin ako kay Zachary ng tinuro niya ang isang bakanteng upuan. Wala namang akong magawa kungdi ang umupo.

"Kawawa naman si Gerald. Mukhang ayaw niya sa grupo nila Shane" wala sa sarili kong saad habang nakatingin sa direksyon kung nasaan nakaupo si Gerald.

Nakababa ang ulo nito at yakap yakap ang librong kanina niya pa dala dala. Nasa may dulo siyang parte at nakaupo. Tila ang out-of-place niyang tignan. Naguusap ang apat at tila hindi man lang nila sinasali si Garet sa usapan.