ကိုယ်ပိုင်လေယာဉ်တစ်စင်းက ခမ်းနားကြီးကျယ်သောစံအိမ်တည်ရှိရာ အနောက်ဘက်တောအုပ်အလွန်မှာ လေယာဉ်ပြေးလမ်းတစ်ခု၌ဆင်းသက်လာသည်။ ပြေးလမ်းနှင့်လေယာဉ်ဘီးပွတ်မိသံဟာ အသံတွေဆိတ်ငြိမ်လှသောတောင်ကုန်းထက်မှာ ကျယ်လောင်သယောင်ရှိလေသည်။
စောင့်ကြိုနေနှင့်ကြသော ကားငါးစီးဆီမှလူများကလည်း အရေးကြီးသောလူပုဂ္ဂိုလ်အားကြိုဆိုဖို့အတွက် လည်တဆန့်ဆန့်ရှိနေကြသည်။ ကိုယ်ပိုင်လေယာဉ်ငယ်၏တံခါးပွင့်လာပြီး လှေကားကမြေပြင်ပေါ်ကိုအရင်ရောက်လာသည်။ ထို့နောက်မှာတော့ အားလုံးကငါးနာရီကြာရပ်စောင့်ခဲ့ရသော လူပုဂ္ဂိုလ်မှာ စတိုင်နက်ပြာရောင်ကို အညိုခပ်ဖျော့ဖျော့အင်္ကျီလက်ရှည်နှင့်တွဲဝတ်ကာ စတိုင်ကျကျဆင်းလာသည်။
" ပြောထားတဲ့အတိုင်း ဟိုတယ်ကိုဝယ်လိုက်ပြီလား "
Gucciတံဆိပ် နေကာမျက်မှန်ကိုချွတ်လိုက်ပြီး ပုံမှန်အချိန်မှာဝတ်လေ့ရှိသော ဒေါ်လာတစ်သောင်းခွဲကျော် Rolex celliniလက်ပတ်နာရီကို တစ်ချက်ကြည့်လိုက်သောမျက်ဝန်းတွေက စူးရှကာရက်စက်သည့်အသွင်သဏ္ဍာန်အလား။ သို့သော် လူအများကကြောက်ရွံ့ရလောက်အောင် စူးရှလေးနက်လှသောမျက်ဝန်းရဲ့အလွန်မှာ စိတ်ပူသယောင်သောအရိပ်အငွေ့တို့ပြည့်နှက်နေသည်။
" ဟုတ်ကဲ့ ဝယ်လိုက်ပါပြီ ဒုဥက္ကဋ္ဌ "
" လူသိအောင်လုပ်ကြသေးလား "
ကားအနက်ရောင်ဆီကိုလျှောက်နေသောခြေလှမ်းတွေက ခဏရပ်လိုက်သည်နှင့် အနောက်မှလူများမှာချက်ချင်းရပ်ရလေသည်။ ဒုဥက္ကဋ္ဌဆိုသော ထိုလူမေးလိုသမျှသိလိုသမျှကို မဆိုင်းမတွဖြေဖို့ရန်လည်းအသင့်ဖြစ်နေရသည်။
" သူတို့ဘက်ကတော့မှာထားသလိုပဲ နှုတ်ပိတ်နေကြပါတယ် ဒုဥက္ကဋ္ဌရောက်တော့မှ..... "
" ပေးမသိနဲ့ ! "
ခပ်ပြတ်ပြတ်ပြောလိုက်သော အမိန့်ဆန်ဆန်စကားသံကြောင့် ပြောလက်စစကားအားမပြောရဲတော့ဘဲ ချက်ချင်းပင်ဦးညွတ်လိုက်ကြသည်။ သွေးအေးသော ရက်စက်လှသောထိုသူအား မကြောက်ရွံ့သောသူဆိုတာမရှိပေ။
" အိမ်တော်ကိုပြင်ဆင်ထားပြီးပါပြီ ဒုဥက္ကဋ္ဌ "
" အင်း ကားသော့ပေး "
နောက်နားကပြောနေသောသူမှာ ဒရိုင်ဘာအသစ်ထံမှ ကားသော့တောင်းနေသောဒုဥက္ကဋ္ဌအားကြည့်ပြီး ကားသော့ကိုပေးလိုက်ရန် မျက်နှာရိပ်ပြလိုက်လေသည်။ ခရီးရောက်မဆိုက်၌ အိမ်တော်မှာအနားမယူသေးဘဲ တစ်နေရာကိုသွားလိုနေသည်ကို လုပ်သက်ရင့်နေသောလက်ထောက်မှာ ချက်ချင်းသဘောပေါက်နှင့်ပေသည်။
" ဂရုစိုက်ပြီးသွားပါ ဒုဥက္ကဋ္ဌ "
လက်ထောက်ကထိုသို့ပြောလိုက်ပြီး ကားပေါ်တက်ကာမောင်းထွက်သွားသော ဒုဥက္ကဋ္ဌ၏ကားအား လက်ထောက်နှင့်အတွင်းရေးမှူးမလေးနှင့်အတူ ကျန်သောသူများပါရပ်ကြည့်နေခဲ့ကြသည်။
ဖြူ သောအသားအရည်မှာ မသိမသာထင်းနေသောအကြောတချို့က စီယာတိုင်ကိုဆုပ်ကိုင်ထားသည့်အခါ သိသာစွာထင်းလို့လာသည်။ တင်းတင်းစေ့ထားသော ခပ်ရဲရဲနှုတ်ခမ်းတစ်စုံက စူးရှကာပြတ်သားလွန်းတဲ့မျက်လုံးနှင့်အပြိုင် ခက်ထန်မှုတွေပြည့်နှက်နေသည်။
မျက်မှောင်ကိုကြုတ်လို့ထားရင်း ကားလမ်းကြောကိုမကြည့်ဘဲမောင်းနေသော ထိုဒုဥက္ကဋ္ဌဆိုသူ၏အရှိန်အဝါမှာ ပေါ့သေးသေးမဟုတ်ကြောင်းသိသာလေသည်။ လိုချင်သောခရီးရောက်ဖို့ကိုသာ စိတ်ထဲကလောကြီးနေသောထိုသူသည် တစ်ချိန်တုန်းကထိုသို့သောလူသားတစ်ယောက်မဟုတ်ခဲ့ပေ။
ချောမောကာပြေပြစ်သောမျက်နှာကျနှင့် မေးရိုးသွယ်သွယ်ကထင်းလို့နေကာ မတိုလွန်းသောဆံပင်ကိုသေသပ်စွာလှန်တင်ထားပြီး နဖူးပြေပြေပေါ်ဝဲကျနေသောဆံစတချို့က ထိုသူကိုဆွဲဆောင်မှုတစ်မျိုးရှိစေသည်။ ငါးပေတစ်ဆယ်ဆိုသောအရပ်က ပိန်သွယ်သယောင်ရှိသောကိုယ်နှင့် သိသိသာသာကွဲထွက်မနေဘဲ အတော်လေးကြည့်လို့ကောင်းပေသည်။
မကြာခင်မှာ လှမ်းမြင်တွေ့နေရသောဟိုတယ်ဆီကို ရောက်တော့မည်ဆိုတဲ့စိတ်ကြောင့် ပင်ပန်းသမျှတွေကိုအမှုမထားဘဲ တင်းတင်းစေ့ထားလေ့ရှိသော ထိုသူနှုတ်ခမ်းရဲရဲလေးက ကွေးညွတ်လို့လာခဲ့သည်။ စီယာတိုင်ကိုဆုပ်ကိုင်ထားတဲ့လက်က ကားကိုကွေ့ကာမောင်းလိုက်ရင်ပဲ မြင်နေရသောဟိုတယ်ဝင်းထဲကို ဆိုက်မြိုက်စွာရောက်လေသည်။
ထိုသူရဲ့ကားအနက်ရောင်က ဟိုတယ်ဝင်းထဲမှာရပ်သည်ဆိုရင်ဖြင့် အကြောင်းကြားထားကြသောထိုသူတပည့်တွေကြောင့် ချက်ချင်းပင်တန်းစီလို့လာသောလူတန်းကြီးအား ကားပေါ်ကဆင်းလျှင်ဆင်းချင်းမှာမြင်တွေ့ရသည်။ ငွေကြေးအရာတင်မကဘဲ ရက်စက်သောနေရာတွင်ပါနာမည်ကျော်သော ဒုဥက္ကဋ္ဌဆိုသောသူသည် လူတစ်ယောက်အတွက်တော့ ခြွင်းချက်ဖြစ်ခဲ့ပြန်သည်။
ကားပေါ်ကဆင်းလာသော ထိုသူ၏ခြေလှမ်းကျယ်တွေက မရောက်ခင်ကပင်ကြိုသိထားခဲ့သော အခန်းနံပါတ်တစ်ရာ့ခုနှစ်ဆီကို တန်းစီကာစောင့်နေသောလူတွေအားဂရုမထားကာ တန်းတန်းမတ်မတ်သွားနေခဲ့သည်။ ဘယ်အရာတွင်မဆို သွေးအေးအေးဖြင့်စဉ်းစားဆုံးဖြတ်တတ်သောထိုသူမှာ လူတစ်ယောက်ကြောင့်ဆိုရင် စဉ်းစားဥာဏ်တွေပျောက်သွားရအောင် အလောတကြီးနှင့်အရူးလိုဖြစ်ရသည်။
အရာအားလုံးပေးပါလျက်နဲ့ မင်းကပြေးထွက်ရက်တယ်.....
တဖြည်းဖြည်းတက်လို့သွားသော ဓာတ်လှေကားက ဟိုတယ်၏သုံးလွှာမြောက်မှာ အချက်ပေးသံတစ်ခုနှင့်အတူ ရပ်တန့်ကာသွားသည်။ ပွင့်လို့သွားသောတံခါးနောက်မှာ အစောပိုင်းကခက်ထန်ခြင်းတွေကွယ်ပျောက်ကာ အခန်းနံပါတ်တစ်ရာ့ခုနှစ်ရှေ့ကိုမသွားဝံ့တဲ့သူရှိနေခဲ့သည်။
..............................................................
အခန်းတံခါးခေါက်နေသံကြား၍ ညအိပ်ဝတ်စုံကိုသေချာကြိုးပြန်ချည်ကာ နှစ်ယောက်အိပ်ကုတင်ကနေဆင်းလိုက်သည်။ ကပိုကရိုဖြစ်နေသောဆံပင်တို့ကို စည်းနှောင်ဖို့မစဉ်းစားတော့ဘဲ တဒေါက်ဒေါက်ခေါက်ပြီး အသံမပေးသောတံခါးချပ်ရှေ့ကိုလျှောက်လာခဲ့သည်။
" ဘာမှမမှာထားပါဘူး အခန်းမှား ! "
ခါတိုင်းတွေလိုပင် မတောင်းဆိုဘဲရောက်လာတတ်တဲ့ အမှတ်မှားသောဝန်ဆောင်မှုတွေလို့သာထင်ပြီး ဒီတစ်ခါတော့ငြင်းဆန်ရမည်လို့တွေးရင်း တံခါးကိုဖွင့်ရင်းပြောလိုက်သည်။ မည်သူမည်ဝါဆိုတာမကြည့်မိဘဲပြောနေသော ဆင်းနီ၏အသည်းပုံနှုတ်ခမ်းလေးက အခန်းရှေ့မှာရပ်လို့နေသောထိုသူကြောင့် အံ့အားသင့်သောအမူအရာတို့ဖြစ်သွားခဲ့သည်။
မျက်ခုံးနက်နက်လေးက ကြည့်နေရင်းကနေကွေးလို့သွားကာ အလိုမကျခြင်းဆိုတာကိုဖော်ဆောင်နေသည်။ ဖြူ ဝင်းသောမျက်နှာလေးမှာလည်း ခက်ထန်ခြင်းတို့ဖြစ်တည်လာကာ အစွမ်းကုန်တွန့်ချိုးထားသောမျက်ခုံးအောက်က ညှို့မျက်ဝန်းတစ်စုံကတော့ အမုန်းတရားကိုဖော်ကျူးလေသည်။ အသည်းပုံနှုတ်ခမ်းရဲရဲလေးကထွက်လာမယ့် စကားတို့မည်သည်မှာတော့ ဘယ်လိုမှပင်နူးညံ့ဖွယ်ရာမရှိတော့ပေ။
" ခန်ဘုံစိုင်မင်း !..... ရှင်အဆုံးထိ လူတစ်ယောက်ဘဝကိုချုပ်ကိုင်ချင်သေးတာပဲ ရှင်တော်ပါတယ် "
ခန်ဘုံစိုင်မင်း ထိုသူက ဆင်းနီဘဝကိုအဆုံးသတ်ထိ နှောင့်ယှက်နေဦးမည့်ဝဋ်ကြွေးတစ်ခု။ အရင်ဘဝကတင်ခဲ့တဲ့အပြစ်ကြွေးတွေကို ဒီလူကအတိုးရောအရင်းပါယူမည့်သူလို ဆင်းနီကိုအလွတ်မပေးတတ်သည့်သူ။ ထိုသူအငွေ့အသက်တွေ အရိပ်အယောင်တွေမမြင်ရမယ့်နေရာကို လွတ်မြောက်ပြေးထွက်နိုင်ပြီမထင်ပေမဲ့ လွယ်လွယ်နဲ့ဖမ်းမိလိမ့်မည်လို့မထင်ခဲ့တာအမှန်။
" ကိုယ်ခဏလောက်ဖက်ထားမယ် ပန်ဆင်း "
တောင်းဆိုသလိုနှင့် အမြဲတမ်းအနိုင်ပိုင်းတတ်သည့် ခန်ဘုံစိုင်မင်းကို ဆင်းနီဘယ်သောအခါမှ ချစ်နိုင်လိမ့်မည်မဟုတ်ပေ။ တင်းကျပ်စွာမပွေ့ဖက်ထားတဲ့ ပြေလျော့လျော့သူ့လက်တစ်စုံက ဆင်းနီကိုခပ်သာသာလေးဖက်ထားလေသည်။ မုန်းလွန်းလေသောထိုသူရဲ့ အထိအတွေ့တစ်ခုစီတိုင်းက ဆင်းနီအတွက်တော့ အိပ်မက်ဆိုးတစ်ခုမျှသာပင်။
" ရှင်ကျွန်မကိုဖက်ထားတာကို ဖယ်ပေးနိုင်မလား ခန်ဘုံစိုင်မင်း "
အေးတိအေးစက်ပြောလိုက်သောဆင်းနီစကားကို ထိုမုန်းရသောသူကအမြဲလက်ခံတာတော့ နားလည်ရခက်သည့်ကိစ္စဖြစ်နေသည်။
" ရှင်အရမ်းတော်ပါတယ် ခန်ဘုံစိုင်မင်း ကျွန်မအတွက်တော့စိတ်ပျက်စရာကောင်းတာတစ်ခုပဲ "
" ကိုယ်တောင်းပန်ပါတယ် ပန်ဆင်း "
ခက်ထန်ကာသွေးအေးရက်စက်သော သူ့ပုံစံနှင့်မလိုက်ဖက်စွာ သူ့အသံကကြည်လင်ပြီးနားထောင်ကောင်းနေသည်။ တခြားသူတွေအတွက်တော့ နားလည်ရခက်လောက်ပေမဲ့ ဆင်းနီအတွက်ကတော့ သူ့အသံအနေအထားနှင့်သူ့ပုံစံကို ခေါင်းထဲနည်းနည်းလေးမှပင်ရှိမနေခဲ့ပေ။ ဆင်းနီခေါင်းထဲအချိန်ပြည့်ရှိနေတာတစ်ခုတည်း ထိုတစ်ခုတည်းကလည်း သူနှင့်ကွာရှင်းပြတ်စဲဖို့သာ။
" No no ! ရှင့်လိုတော်တဲ့သူက လုပ်ပြီးရင်တောင်းပန်တတ်တဲ့ပုံစံမဟုတ်ဘူး မတောင်းပန်ပါနဲ့ "
" ပန်ဆင်း ကိုယ် ! "
ဘယ်သောအခါမှ မျက်နှာချင်းဆိုင်စကားပြောလေ့မရှိသော ဆင်းနီနှင့်သူကြားမှာ အခေါ်အဝေါ်တစ်ခုက နားထဲကန့်လန့်ဖြစ်လို့နေသည်။ ထို့ကြောင့် တစ်ခုခုကိုပြောဖို့တာစူနေတဲ့သူ့ကို ဆင်းနီကလက်တစ်ဖက်ကာပြလိုက်ပြီး။
" ကျွန်မနာမည်ကို အလွယ်တကူမခေါ်ပါနဲ့ ခန် ဘုံစိုင် မင်း "
ဆင်းနီစကားကြောင့် မျက်နှာတစ်ဖက်လွှဲသွားတဲ့ထိုသူက အတန်ကြာအကြည့်လွှဲထားရာကနေ ဆင်းနီမုန်းပြီးသိနှင့်နေသောစကားကိုဆိုလာခဲ့သည်။
" ကိုယ်မင်းကိုလက်မှတ်မထိုးပေးနိုင်ဘူး မင်းကြိုက်တာပြောကိုယ်လိုက်လျောပေးနိုင်တယ် ဒီကိစ္စကိုတော့ "
" ကျွန်မထင်နေပြီးသားပါ ရှင့်ဘက်ကမပြောင်းလဲသလို ကျွန်မဘက်ကလည်းရှေ့တိုးနေဦးမှာပဲ ရှင့်လိုလူအတွက်ကတော့ ငွေဆိုတာပဲသိတဲ့လူဆိုတော့ ငွေနဲ့ပဲသိမ်းပိုက်လို့ရမယ်ထင်နေမှာပဲ "
ဆင်းနီပြောသမျှကိုအသံတိတ်နားထောင်နေပြီး ပုံမှန်လုပ်နေကျသူ့အပြုအမူတွေအတိုင်း ဘာမျှဆက်မပြောဘဲလှည့်ထွက်သွားခဲ့သည်။ မိန်းကလေးတိုင်းရဲ့အမြင်မှာ တပ်မက်ဖို့ကောင်းလောက်အောင် ပြီးပြည့်စုံတဲ့အမျိုးသားတစ်ယောက်ဖြစ်နိုင်ပေမဲ့ ဆင်းနီအတွက်တော့ တသက်လုံးပျောက်ကွယ်သွားစေချင်တဲ့သူသာဖြစ်လိမ့်မည်။
ဒီအမုန်းကိုအစပျိုးလိုက်တဲ့သူကရှင်ပဲ ခန်ဘုံစိုင်မင်း.....
............................................................
မနက်ပိုင်းမှအိပ်ဖြစ်သောပလ္လင်အတွက် ကော်ဖီတစ်ခွက်နှင့် နေ့လယ်ခင်းကိုအစပြုလေသည်။ အောက်ထပ်ကရော အပေါ်ထပ်ကပါစီညံနေတဲ့ပတ်ဝန်းကျင်မှာ ပလ္လင်ဘာလို့လာနေမိလဲတွေးမိလျှင် အကြည့်တို့ကဝရံတာတစ်ဖက်ဆီကိုရောက်သွားစေသည်။
အမြဲတမ်းကာပိတ်ထားလေ့ရှိသော နက်ပြာရောင်လိုက်ကာစက ဝရံတာမှာကို့လို့ကန့်လန့်နိုင်အောင်ဖြစ်နေပြီး လူအမြင်မှာတော့တစ်မျိုးလေးဖြစ်နေသည်။ ဘယ်လိုအတွေးနှင့် ဝရံတာကိုပါလိုက်ကာစနှင့်ကာပိတ်ထားမှန်း ပလ္လင်မတွေးတတ်အောင်ဖြစ်ရသည်။ အလင်းရောင်မရှိဘဲ သူဘယ်လိုများနေ့နှင့်ညကိုခွဲခြားလဲဆိုတာ စိတ်ဝင်တစားလည်းဖြစ်မိသည်။
" ..... "
ပလ္လင်နှုတ်ခမ်းက ပြောတော့မယ့်စကားတစ်ခွန်းကိုမပြောတော့ဘဲ မသိမသာလေးကွေးညွတ်အောင်ရယ်ရင်း ကော်ဖီခွက်ကိုကိုင်ကာ ဝရံတာအထဲဘက်ကိုဝင်လာလိုက်သည်။ ရေပေါ်ဆီဘဝနှင့် အတော်လေးကျဉ်းလွန်းတဲ့နေရာမှာ လာနေနေကြတဲ့သူမတို့နှစ်ယောက်က တူညီမှုလေးတော့ရှိသားလို့ ပလ္လင်တွေးနေမိသည်။
အရင်ကဒီအချိန်လောက်ဆိုရင် အဆက်တွေထဲကတစ်ယောက်ယောက်နှင့် တစ်နေရာရာမှာအချိန်ကုန်နေလောက်ပြီ။ အခုတော့ ကော်ဖီခွက်ကိုဧည့်ခန်းလို့မဆိုသာတဲ့စားပွဲမှာချပြီး ပျင်းတိပျင်းရိဖြစ်နေရသည်။ လုပ်စရာဘာမှမရှိသောကြောင့် ဝရံတာကဝင်လာသောနေရောင်ကိုသာကြည့်ပြီး အချိန်ကုန်အောင်အိပ်ရချေဦးမည်။ ဒီမှာနေလာတဲ့ခြောက်ရက်လုံးမှာ ပလ္လင်အခန်းထဲအောင်းရင်းသာ အချိန်ကုန်အောင်အိပ်တဲ့အလုပ်သာရှိခဲ့သည်။
ခြောက်ကပ်ကပ်အခန်းကျဉ်းလေးကလည်း ကျယ်ဝန်းတဲ့နေရာမှာနေရတဲ့ အထီးကျန်ဆန်ခြင်းနှင့်အတူတူသာဆိုပေမဲ့ တိုက်ခန်းတံခါးကိုလှမ်းကြည့်လိုက်တဲ့အချိန်ကျရင်တော့ နွေးထွေးသောခံစားချက်ကိုရစေသည်။ တစ်ယောက်တည်းအိပ်စက်ရမှာကို ကျင့်သားမရသေးပေမဲ့ ရှစ်နှစ်တာအတွင်းမှာ ဘာခံစားချက်မှမရှိဘဲတွဲခဲ့တဲ့အဆက်ဟောင်းတွေနဲ့စာရင် ဧည့်ခန်းကဆိုဖာမှာအိပ်ရင်း တံခါးပေါက်ကိုငေးပြီးအိပ်ရတာက နွေးထွေးသယောင်ရှိသေးသည်။
အမှတ်မရှိသေးဘူးလား ရွှေပလ္လင်စံ.....
အတွေးထဲကစကားလုံးအချို့နှင့်အတူ ပလ္လင်ဆိုဖာပေါ်လှဲအိပ်ပြီး အင်္ကျီလက်အောက်ကအမာရွတ်ကို ခပ်ငေးငေးလေးစိုက်ကြည့်နေလိုက်သည်။ ပလ္လင်ပြောင်းလဲသွားသောအမှန်တရားနောက်မှာ အမာရွတ်လေးတစ်ခုကလည်း ကဏ္ဍတစ်ခုကပါဝင်နေခဲ့သည်။ ဘာကြောင့်ဆိုတာမဟုတ်ဘဲ ဘာလို့ဆိုတာတွေကို ပိုနားထောင်ရအဆင်ပြေတယ်လို့ထင်တဲ့ပလ္လင်က နာကျင်စရာတွေကြောင့် သွေးအေးတတ်သွားတာဖြစ်သည်။
အစစ်အမှန်တွေလည်းရှိခဲ့မယ် အတုအယောင်တွေလည်းပေါများတဲ့ မာယာလောကအလယ်မှာ ချဉ်းကပ်လာသောမိန်းကလေးတိုင်းကို အပျော်သဘောဖြင့်တွဲရင်း သွေးအေးအေးပင်ကစားခဲ့သည်။ စိတ်ထဲငြီးငွေ့လာသည့်အခါ အလွယ်တကူပင်ချန်ထားပစ်ခဲ့ပြီး အလွယ်တကူပင်မေ့ပျောက်သွားသောပလ္လင်က လူတစ်ယောက်ကိုတော့ခြွင်းချက်မရှိလွမ်းနေတတ်ခဲ့သည်။
ထိုသို့သောပုံစံနဲ့ ရှစ်နှစ်လောက်အချိန်ကုန်ဆုံးလာခဲ့တဲ့ ရွှေပလ္လင်စံဆိုတာ ဟန်ဆောင်လှည့်ဖြားခြင်းတွေတတ်မြောက်သွားပြီး အတိတ်ကိုမေ့နိုင်ဖို့ လူတိုင်းကိုကစားခဲ့သူတစ်ယောက်။ တပါးသူရဲ့စိတ်ကိုကစားရင်း နာကျင်အောင်လုပ်ခဲ့ရင်း တစ်ဖက်မှာလည်း အတိတ်ကနာကျင်စရာတွေနှင့် နေသားကျအောင်နေထိုင်ရန်ကြိုးစားနေခဲ့သူတစ်ယောက်ပင်။
တစ်ချိန်ကငေးကြည့်နေတတ်တဲ့ ပါဝါမျက်မှန်တပ်လေ့ရှိတဲ့ကောင်မလေးက အခုတော့ရင့်ကျက်သွားခဲ့ပြီ။ မဖော်ပြသင့်တဲ့အချစ်ဆိုတာကို အယုံအကြည်မရှိတော့တဲ့ကောင်မလေးအဖြစ် ကောင်းကောင်းကြီးနေထိုင်နိုင်ခဲ့ပြီ။ တစ်ချိန်ကနာကျင်ခဲ့ရတဲ့ ပါးတစ်ဖက်အလျော်အစားကိုရော နှလုံးသားအလျော်အစားကိုရော အမာရွတ်လေးစဖြစ်တည်လာကတည်းက ချန်ထားနိုင်ခဲ့ပြီလေ။
" ဘယ်တော့မှ ချစ်တယ်မပြောတော့ဘူး..... လွမ်းလာရင် ငေးကြည့်နေလိုက်တာကပိုကောင်းမှန်းသိသွားပြီ "
ဆွေးလျနေသောစကားသံက ကျလို့သွားသောမျက်ရည်တစနှင့်အတူတိတ်ဆိတ်လို့သွားပြီး မှေးပိတ်လိုက်သောမျက်ဝန်းတစ်စုံရဲ့အပြင်က မျက်တောင်လေးကတော့စိုစွတ်လို့လေသည်။ တည်ငြိမ်အေးစက်သွားသောမျက်နှာလေးက နာကျင်ရတဲ့အတိတ်တွေကြောင့် ကျင့်သားတကျအေးစက်တတ်လာသည်။
ပလ္လင်အတွက်အချစ်ဆိုတာမရှိဘူးမဟုတ်လား.....
............................................................
KAMU SEDANG MEMBACA
နှလုံးသားထဲကအဖြေ ( or ) Heart rate ( Z + U )
Romansaအချစ်တွေသက်ရောက်မှုရှိမရှိဆိုတာ ဝဲဘက်ရင်အုံထဲက အဖြေကအဓိကပါပဲ။ အချစ်တွေသက်ရောက်မှုရှိမရှိဆိုတာ ဝဲဘက်ရင်အုံထဲက အဖြေကအဓိကပါပဲ။
