يحدث بالقرب منا

البارت الثالث

#ارجوان
رعد : هاااي ياااهو الجابهااا هنااا
غدير : كلنا كمزنا من نبرة صوته وتصرفه..اباوعله عصبي كلش وآية من صدمتها ضاله صافنه وعيونها مغورگة
اقبال : يمه اسم الله شبيك
رعد : بعصبية.. تعررفين كلش زين شبيه.. يلااا ريحااانه وين صرتي
ريحانه : هاي اجيت على كيفك
آية : اخذ الاوراق من ريحانه وطلع
ريحانه : شبي هذا ليش عصبي
اقبال : ماكو شي .. يمه آية عذري هذا يجوز عده شي بالشغل علمود هيج صار عصبي
آية : هزيت راسي بأي وانا ممقتنعه بحجيها
غدير : هسه عوفن رعد على صفحه وتعاي افرج بالبيت
آية : ابتسمت بوجهها ورحت وياها كعدت تسولف هواي وانا بالي يم الموقف الي صار ..ليش وشصار حتى حجه هيج 
غدير : شوفي حبيبه الفوگ شقتين وحدة بيت عمي علاء والثانيه لأبوج اما احنه شقتنا تصير منا جوة والباقي كله لعمتي وبيبي وللخطار اليجون ..والديوان معزول من البيت لوحدة ..ابوي معروف بالعشيرة وهواي ناس تجي وخطار فسويناه
آية : زين ليش ماعازلين كل واحد لوحده احسن
غدير : لا خيه فهيمه شلون تقبل تريد الويلاد كلها يمها ..وعلى فكرة كل شقة بيها درج ينزل على الصاله مالت البيت يعني محد يطلع لو ينزل الا تشوفه فهيمه خاتون ومو بس هذا الغدة والعشا كلنا سوه
آية : لعد ليش مسوينها شقق اذا هيج بس يكبرون البيت
غدير : على اساس حتى كل واحد ياخذ راحته بشقته ..بس وداعتج مماخذين راحتنه ابد يا طابين يا طالعين .. المهم فهيمه مرتاحه لو تدرين كم مرة تعاركت انعام علمود تعزل بحدها بس وين ياهو اليقبل
آية : ليش انعام بعدها تتعارك
غدير : هههههه اي بعدهم كلهم على حطه ايدج
آية : بس رعد تغير
غدير : ولج لا تخلين ببالج ..مثل ما كالت امي عده يجوز مشاكل بالشغل ترى من رحتي ظل يومين ما يحجي وي احد ..وبعدين اكلج شي وما تكولين
آية : اي كولي
غدير : بهمس .. هو لحد هسه ما يحجي وي ابوج
آية : بأستغراب.. ليش!!
غدير : يعني بعد ليش ﻷن وداج للبصرة
آية : بتنهيدة.. اهاا .. وراها راوتني كل الشقق من جوة كلش حلوات و واسعات بيهن غرف هواي .. كملنا فره ورجعنا للمطبخ نسولف .. بهالاثناء دخلت عمتي حميدة وانعام من الباب الخارجي وياهن ولد صغير يطلع عمره 8 سنوات
غدير : عوجت حلگي .. خلصن فراره بالسوگ ولفن علينه
آية : هذا منو وياهن ؟؟
غدير : اخوج حسن
انعام : ولج سكينه جيبيلي ماي راح اموت من عطشي
آية : ركضت سكينة جابت ماي ﻷمها وعمتها .. عمتي وهي تحجي انتبهت علي
حميدة : بأستغراب.. هاي ياهي ؟
اقبال : بت عماد
انعام : فتحت عيونها على وسعهن.. آية!!
هناء : اي شبيج مخترعة
انعام : لطمت على رجليها .. سويتها يا عماد سويتها من الله لا يوفقك
آية : راحت ركض لغرفة بيبي .. ما سمعت شي بس الصياح مالها وانا خايفة ينعاد الي صار قبل و يرجعوني للبصرة ..عمتي باوعتلي ..هزت ايدها وراحت .. طلعت انعام من الغرفة بس شنو شكلها يخوف خزرتني واخذت بتها الصغيرة وصعدت للشقة مالتهم
غدير : يمه موش مرة تشتري المشاكل مشتره
ريحانه : آية لا تهتمين الها هي وي الكل هيج .. وانتي ست غدير تعاي ساعدينا شوي بدل الحجي على فلان وعلان
غدير : گادرات بس على غدير الفقيرة
ريحانه : اي كلش ..تعاي بلا حجي
آية : كملن تحضير وصبينه الغدة التمينا كلنا بس الوجوه ما تتفسر تحس على شوي وينفجرون
عدنان : جا رعد وينه
اقبال : خابرته گال ابدوا انا جاي
آية : ستوها كملت عمه وطب هو
اقبال : يلا وليدي تعال اكعد
رعد : اي والله ميت من الجوع
آية : كعد يم عمي عدنان ..كف ارداناته حتى ياكل ..باوع لجهتي اول ما شافني عقد حواجبه ..نفض ايدي وگام
اقبال : ها يمه شبيك
رعد : نتر .. شبعت
آية : حجه وطلع بعصبية
عدنان : هذا شبي ؟؟
اقبال : مدري توه گال جوعان شو بسرعه بدل رايه وكال شبعت
آية : ضليت آكل وانا ساكته .. ادري هو گام بس شافني ..بس ليش شمسويتله انا .. خلصنا اكل وشربنا جاي ..شوي وصاحلي بابا
عماد : بويه آية تعاي يمي هنا
آية : رحت يمه .. ها بابا
عماد : وين خليتي غريضاتج ؟
آية : بعدها جنطتي بالمطبخ
عماد : شوفي بعد ابوج انا موصي النجار قبل اسبوع على جربايه وكنتور الج اخليهن بغرفة سكينه هي جبيرة وتسعجن اثنينجن وان شاء الله العصر تكمل واخلي الولد يشدونها
آية : بهمس.. بس بابا اخاف ازعج سكينه ومتقبل
عماد : لا بويه انا كايللها و وافقت
آية : ابتسمت.. لعد اذا هيج تمام
عماد : هههه يلا اخذي جنطتج هسه للغرفة
آية : ماشي ..اباوع ﻷنعام تباوعلنا وتخوزر بينا .. رحت  لسكينه حاجيتها وكالت تعاي وراي مشيت وراها لحدما وصلنا للغرفة ..جانت صدك جبيرة ومرتبه
سكينه : ابوي كال هنا راح يخلي الجربايه وهنا الكنتور
آية : هزيت راسي بأي .. سكينه ما بيها ازعاج اذا كعدت وياج بنفس الغرفة
سكينه : لا
آية : سكينه جانت هادئه كلش انتبهت عليها من اول ما اجيت وهي مشاركتها بأي حديث قليله  .. ضلينا نحجي عن الدراسه والمدرسه وهالسوالف.. فززنا صوت باب الشقة انطبگ طبگة كلش قوية شوي وسمعنا صوت صياح ...