يحدث بالقرب منا

البارت الرابع

#ارجوان
انعام : يااا هاي بس لا آية كلتلها لا تصعدين بس لا سوتها وصعدت
غدير : هو سمع هيج وعيونه صارت بگصته .. بس هي ما تسوي شي مانعينه عنها
انعام : جا مجذبه انا .. كالت اريد اشر هدومي كتلها شريهن بالترك كالت ليش ما اشرهن فوك كتلها الولد ميقبلون بس هذا ما ادري بيها مراح تسمع الكلمه
غدير : لا انتي جذابه. .بعدني ممكمله وصاح بيه رعد
رعد : غديرررر وحگ الله اذا ما سكتي اكسرج تكسر .. حسسسين ..حسسين
حسين : اجه يركض بخوف.. ها رعد رايد شي
رعد : روح صيح ﻵيه من فوگ 
حسين : من شقتنا قصدك
رعد : بعصبية.. لاااا من فوگ السطح
حسين : بأرتباك.. ماشي ماشي ....
آية : كملت ستوني جاي انزل ولاگاني حسين شكله خايف وكل شوي معدل نظارته .. بأستغراب.. شبيك
حسين : رعد يصيحلج جوه
آية : ليش؟؟
حسين : بأرتباك.. ما ادري نزلي وشوفي
آية : تمام .. نزلت وراه للصاله .. اباوع كلهم ملتمين ورعد واگف بالنص وجوهم ما تطمن صدگ بهاللحظه سيطر عليه الخوف ..التفتت علي .. كالو رايدني
رعد : تعاي هنا يمي
آية : مشيت بأتجاها من الخوف رجليه كامت وحدة تطگ بالثانيه
رعد : ضيگ عيون بشك .. شبيج خايفه ؟؟
آية : حجيت بصوت يرجف ..  مخايفة
رعد : لا مبين مخايفة .. عمتج مو كالت لا تصعدين ليش صعدتي
آية : مفهمت كلامه .. هااا
رعد : بعصبية.. ليشششش صعدددتي فوگ
آية : بخوف .. اشر الملابس
رعد : بعصبية .. مو نبهوووج ما تصعدين
آية :  بأستغراب ..منو نبهني؟؟ .. انا حجيت هيج وما حسيت غير راجدي من قوته احس فكي انكسر
اقبال : رررعد ايدك
ريحانه : دفعته من صدره وسحبتها لحظني .. حرام عليك هيج تسوي بيها .. لزم راسه بأيدي اثنينهن باوعلها  وطلع بره .. رفعت وجهه بأيدي..آية باوعيلي اكو شي يوجعج .. سحبت نفسها مني وصعدت فوگ تركض
غدير : باوعت ﻷنعام من فوگ لجوة .. الله ينتقم من الجان السبب ..صعدت فوگ وره آية وعفتها تصيح
انعام : انا شدخلني ولج مو كلتلها لا تصعدين
اقبال : حتى لو صدگ حجيج ما يصير تحجين هيج كدامه
انعام : هسه صارت براسي والله يا ربي فوگ الزين الاسوي
فهيمه : خليها حتى تتعلم ما تصعد بعد لتالي
ريحانه : عفتهن يحجن وصعدت وره البنات ..دخلت للغرفة لكيت آية مغطيه روحها بالبطانيه وتبجي بخنگه انكسر خاطري عليها وغدير واگفة على صفحه
غدير : شبي اخوج تخبل
ريحانه : ما ادري والقرآن عقلي راح ينفجر شبي هيج شغيره ما اعرف
غدير : بسيطه خلي يصبرلي انا اعرف شسوي
ريحانه :ديربالج تسوين شي .. اشرت براسي على
على آية حتى تحاجيها
غدير : حبيبتي آية كافي بجي والله بس يجي ابوي اكله على السواه بس لاتبجين
آية : غدير ..شهگت ..روحي حبابه اريد ابقى وحدي شوي
غدير : التفتت على ريحانه ..هزت براسها .. ماشي ارتاحي هسه واذا تردين اي شي صيحلي .. طلعنا من الغرفة وانا اعصابي فايرة .. انا الها انعامو الحقيرة
ريحانه : ما الج دخل انتي الكبار يتصرفون
غدير : منو يتصرف حبيبتي شوفي اذا ما السالفة كلها انضمت .. لظهر ورجعتلها لگيتها على نفس الحاله .. آية حبابه گومي راح يصبون الغده تعاي تغدي ويانه
آية : عفية غدير عوفيني
غدير : افففف ماشي براحتج.. نزلت يمهم
اقبال : ها ما نزلت ؟
غدير : لا ما قبلت
اقبال : صخام الصخمني هسه شنگول لعمج والله اذا دره بالسواه رعد يگلب الدنيا على روسنا
غدير : خلي يدري حتى بعد يفكر الف مرة قبل لا يمد ايده على اي وحدة
اقبال : سكتي انتي ما ناقصين مصايب رحمه لله ..
غدير : من صبينه الغده كعدوا كلهم طبعا ما عدا رعد ..اباوع لعمي يباوع بالوجوه
عماد : جا آية وينها
اقبال :  بأرتباك .. شوي مصخنه احتمال طكتها فلاونزه
عماد : جا ما گلتن ..بويه سكينه روحي ساعدي اختج خلي تحضر روحها حتى اخذها لدكتور
غدير : اباوع لعمي شلون خايف ..سكينه تباوعله وتبالع بريگها
اقبال : لا ماكو داعي اطيتها حبايتين هسه ..اذا ما صارت زينه عود اخذها
عماد : انا صار الزوم اشوفها اخاف حالتها مو زينه
فهيمة : كمل الغده يمه  وبعدين روح شوفها
عماد : لا يمه خاف بيها شي هاي سكوتيه ما تحجي
غدير : عمي گام وكلها ضلت تباوع بقلق وراه بس الولد وابوي محد يدري بالسالفة ..
آية : اباوع لروحي بالمرايا عيوني مورمه وخدي احمر حتى صاير بي زراگ شوي ليش شسويت انا حتى يضربني .. فززني بابا من دخل فجأة
عماد : هاا بويه بيج شي  كالوا مريضة
آية : بلعت ريگي .. اي شوي
عماد : يوجعج شي اوديج لدكتور للمستشفى
آية : لا ماكو داعي شوي واصير زينه
عماد : بأستغراب.. شبي خدج
آية : كلبي وكع بين رجليه من الخوف.. جاوبت بأرتباك  .. هاا بابا ..اخاف ﻷن جنت نايمه على هالجهه
عماد : بويه ما يصير شوفي شصاير بيها ..جر حسرة ..جنج امج من كد ما بيضة من تكعد من النوم دووم صفحه من وجهها تصير حمرة
آية : ابتسمت بوجهه .. انت جنت تحبها؟؟
عماد : بتنهيدة.. اي
آية : لعد ليش تطلگتوا .. اباوع لعينه دمعت
عماد : بويه اذا احتاجيتي شي كليلي
آية : عافني وطلع ..ليش يتهربون من هالسؤال شنو صاير قبل ومحد يقبل يحجي بي
قطعت سلسله افكاري غدير بدخلتها
غدير : والله ما كدرت آكل جبت حصتي وحصتج حتى ناكل سوه
آية : والله ما الي نفس
غدير : لخاطري حبابه
آية : بتنهيدة..  ماشي لخاطرج .. حطت الاكل بالگاع ستونه مدينه ايدنا ودخلت تماضر
تماضر : هاا خاينات تاكلن بدوني
غدير : سلاما قولا من رب الرحيم .. حتى هنا لاحگتني
تماضر : ميلي منا سويلي مجال اكعد
غدير : هاج اكعدي
آية : ابتسمت على تصرفاتهن .. كعدن ياكلن ويسولفن ما بطلن سوالف لحدما دك تلفوني ..طلع خالي .. الو هلا خالو شلونك ..الحمد لله انتو شلونكم .. اي مرتاحة الحمد لله.. هو هم زين .. يوصل ..سلملي على خاله فاطمه والبنات ..الله وياك
غدير : هذا خالج
آية : اي
تماضر : هنيالج عندج تلفون
آية : بأستغراب.. ليش انتوا ما عدكم
غدير : لا خيه ندخل كليه يلا
تماضر : والمبطلات يعرسن يلا
آية : ليش ؟
غدير : يكولون ما يفيدجن هسه
آية : اهاا .. بعد ما كملنا غدير حجتلي السالفه كلها شلون انعام حجت علي كدام رعد وانا هم حجيتلها الصار
غدير : اياا حقيرة والله عرفتها جذابه
آية : مو مهم اخوج حتى ما سألني عن السبب
غدير : مدري شبي صاير مخبل ما يتفاهم...