يحدث بالقرب منا

البارت الثامن

#يحدث_بالقرب_منا

آية : بلال عووفني شبيك
بلال : وين اعوفج الا مخبل انا واعوفج
آية : من خوفي نترت ايدي منه بقوة ..اخذت جنطتي ومشيت اريد اطلع ما حسيت غير جرني من شعري بقوة حتى الشال فلت ولزم ايدي لواها وره ظهري ..اااااييي عووفني بلال الله يخليك عووفني ..وجهه جان وره راسي مباشرة تقرب من يم اذني وحجه
بلال : ولج صارلي شكد اخطط لهاليوم وترديني اعوفج ..صيري حبابه حتى نخلص بسرعه وترجعين للبيت
آية : حجه هيج وانا احس جسمي كله قشعر .. صحت بعلو صوتي ..ووووصخ قذذذذر وخرررررر ..سد حلگي وشمرني على القنفة ردت اگوم صار فوگي .. شكو قوة جانت عندي طلعتها بالصريخ احس حتى بلعومي تجرح گدما صرخت ...ووووووخرررررر ياااااا عااااااالم ياااااااناااااااس الحگوووني.. حط ايده على حلگي وصاح
بلال : صووووتج ولج ..صيري حبابه لا اراويج نجوم الظهر
آية : گمت اناشغ بالبجي ساد حلگي وبس عيوني تتوسل بي وهو ماكو ولا تحرك .. بحركه سريعه شگ بدايه الجبه مالتي وظل ينهش برگبتي مثل الحيوان ..انا شفته هيج وكمت ارفس جواه اريده بس يوخر ..خرمشته دفعته ماكو ظل مستمر كدما دافعت عن نفسي تعبت قوتي كلها راحت حسيت جسمي رخه هاي هيه استسلمت ..بهاللحظه كرهت نفسي الحبت هيج واحد فكرت بأمي يا ترى تستاهل بنيه غبيه مثلي اكيد بس يعرفون كلها راح تسبها وراح تلومها حتى لو ميته مراح تخلص منهم زين ابوي يستاهل السويته بي راح ينزل راسه من وراي وهو خلص عمره يدافع عني ..يا رب ساعدني ما عندي غيرك يا الله يا رب اخذ روحي قبل لا يسويلي شي يارب ..كمت اناجي وابجي بحرگة ..حسيت بي ينزل على صدري ..هنا حسيت من صدگ راح اخسر كلشي.. لزمته من شعره ودفعته بكل قوتي ما اعرف منين اجتني هالقوة او احتمال ﻷن حسباله استسلمت فبسرعه اندفع..وگع من القنفة وانا كمت بسرعة
بلال : بعصبية.. نعلعلا يووومج
آية : لزمني من شعري بقوة يريد يرجعني .. اريد افلت منه ماكو ..اخر شي شفت الجكه مالت الماي بسرعه شلتها وركعتها براسه .. ما اشوف غير هو طاح والكزاز والدم تطشر بالگاع ..ركضت بسرعه للباب ردت افتحه ما كدرت مقفول ..ضليت افتر بالبيت مثل المخبله اريد فد مكان اطلع منه ماكو ..نسيت حتى ادور على المفاتيح ..شفته ضل يتحرك ويون خفت يكعد ..ركضت لوحده من الغرف مدري شلون صار تلفونه كدامي على الميز اخذته ودخلت لغرفة وقفلتها علي .. فتحت التلفون وانا ارجف اريد بس ادك على اي احد ياخذني منا ..فتحته بي رمز..
الصخاام الصخمج آية ..هسه شلون يا ربي دخيلك ساعدني يا الله دخيلك يارب ما عندي غيرك.. ما اعرف شلون اجه ابالي غدير والسوته بالتلفونات .. فتحته مرة ثانيه شفته نمط رجعت سديته حتى اشوف اثر الاصابع مالته ..جان مبين الشكل سهل بس ممسوح شوي منه ..حاولت اول مره مصار ..سويته مره ثانيه وانفتح ..من الفرحه ضليت ابجي وايدي ترجف ..فتشت على رقمي ماكو ..تذكرت رفاه من كالت مسوي حظر لرقمج ..يا ربي منين الگه الارقام المحضورة .. ما جنت هلكد اعرف للتلفونات الحديثه ..بس فتشت بي لحدما لكيتهن شلت الحظر عن رقمي ودكيت بلكت يشوفه رعد ويجاوب ..حطيت التلفون على اذني وايدي ترجف ..طلع مغلق ..لا يا ربي لا ..دكيت مرة ثانيه هم مغلق ..كعدت بالگاع مأيسه ..عضيت اصبعي وضليت ابجي شسوي هسه شسوي يا ربي ..سمعت حركه بره متت خوف ..بس لا كعد هذا .. ضليت اباوع للارقام ادك على رفاه لا لا هي وياه لو ما تعرف اخوها شناوي مجانت خلتني اروح وياه لوحدنه ..تذكرت رقم رعد هم حاظره طلعت الارقام المحضورة انا ما حافظته بس اخر رقم فتحت الحظر عنه ودكيت ... يدك وانا بكل دكه گلبي يدگ الف دگه ....
رعد : جنت گاعد بالبستان عندي شغل والعمال والفلاليح وراسي يريد ينفجر خاصه بعد ما سألت على الي اسمه بلال وعرفته واحد سگط والشارع كله يشهدله.. شوي والمح البنات جايات من المدرسه ..استغربت آية مو وياهن مشيت بأتجاهن بسرعه ..حجيت بعصبية .. آية وينها ؟؟
غدير : بأستغراب.. شنو وينها مو انت اجيت عليها اخذتها
رعد : ضيگ عيونه بشك .. منهو گلج هالحجي ؟
غدير : صديقتها
رعد : اهاا اي صح انا خذيتها
غدير : اي جا شبيك موكفنه وتسأل بينا
رعد : فوتي للبيت والله كريم
غدير : مشيت شوي بعدين رجعتله ..صدك ليش اخذتها هم تخربطت
رعد : بعصبية.. غددديرررر فوووتي جوة
غدير : دخيلك ربي فايتين عمي ما يصير نسأل
رعد : رحت ركض للسيارة شغلتها ..اريد اطلع وصارت سيارة احمد بوجهي
احمد : هلا رعد شلونك
رعد : الحمد لله..ها خلصتوا
احمد : اي خلصنا
رعد : جاا مبررروك والله يتمملكم على خير
احمد :  الله يبارك بيك واليوم الالك
رعد : لا يابه شايل هالموال من راسي
احمد : هههههه لا انصحك تخلي براسك
رعد : هههههه خلينا الكم ما نريده.. ظل يحجي وانا بالي يم آية اريده بس يروح حتى اتحرك..اخر شي نزل ريحانه وراح وانا سقت بسرعه اريد اوصل لبيت هالسگط هذا وانا بالطريق دك علي رقم .. هذا رقمه اول شي فكرت بي هذا يريد يهددني بيها ..فتحته واجاني صوتها