يوميات جيران 💓.

الحلقة 2

- روايـَة ، يوميات جَيران.
- عَائشة أحمد المنصوري.
- الحلقـة ، الثانيـة "2"
_______________________

في الحَلقة الأولى وقفنا عند رشاد ومراته وبنته جيهان وتوا هانعرفكم عليهم :-

رشاد بزنس مَان كبير جداً ومعروف في الغرب شغله ثم شغله ثم شغله راجل يحب الفلوس بطريقة كبييييرة ممكن يدير إي شي لإي حد مقابل مبلغ مالي كبير ، حياته في مراته وبنته يشوف روحهم فيهم ويعتبرهم الشي الوحيد الأهم من الفلوس 🤷🏻‍♀️😂.

نادية دكتورة إسنان أمرأة تحب المظاهر بدرجَة لا توصف كل يلي يهمها مظهرها يكون شيّك قدام الناس وماننكروش برضو إنها طيبة.

جَيهان بنتهم الوحيدة مُ98 تقرا طبّ حلمها طب بيطري تعشق الحيوانات موووووووووت بنية طيبة
وخدومة تحب تساعد متواضعة ل ابعد حد واجتماعية ومحبوبة بين الناس عكس باتها وامها تماماً .

""""""""""""""""""""""""""""""""

نردو لِ شارع الأبطال :-

الحَاج عبدالمنعم راد من محله شاف مُعاوية مقعمز في كرسي قدام حوشهم قرب منه وقعمز في الكرسي يلي جنبه.

الحاج عبد المنعم : اووو مُعاوية عاش من شافك
مُعاوية إبتسم : اهلين عمي عبدالمنعم كيف حالك
الحاج عبد المنعم : الحمدلله كيف حالك انتَ؟
مُعاوية : الحمدلله
الحاج عبد المنعم : ليش مقعمز بروحك
مُعاوية : لا كان معاي عُمر بس مش عارف وين عدا
الحاج عبد المنعم : اها كويس اطلع وغير جو مانبيكش تقعد حابس روحك في الحوش واجد
مُعاوية إبتسم : إن شاءالله
الحاج عبد المنعم يشوف ل وجه مُعاوية المبتسم وشافق عليه.
مُعاوية : أحم مش يعني اني اعمى ي عمي تقعد تشوفلي بشفقة هك
الحاح عبد المنعم انصدم وقعد يشوفله : ءهه😨
مُعاوية ضحك : صح مانشوفش بس نحس لما سكتت قلت اكيد قاعد يشوفلي بشفقة ماتخافش علي إنا تمام
الحاج عبد المنعم : ولله ي وليدي....
عُمر طلع من الحوش : اووو عمي نورتنا
عبد المنعم شاف ل عُمر : اهلا اهلا عمر...وصبى : نستأذن نا
مُعاوية : اذنك معاك
عمر : خليك كسد معانا شوي
عبد المنعم : لا عندي شغل نبي نكمله مع السلامة
مُعاوية ، عمر : سلام
عمر قعمز جنب مُعاوية : معليش سيبتك بروحك
مُعاوية : لا عادي
عمر : باتي كان يحكي مع أمي في التليفون توا
مُعاوية : خير كنه
عمر : لا غير يطمن
مُعاوية : وماقالش امتى جاي؟
عُمر : الفترة هذي قال.
مُعاوية : كويس
عُمر سكت وشاف ل الحوش الجديد وحط كراع على كراع : ولله مخدوم خدمة سمحة
مُعاوية : شنو؟
عُمر : حوش جيرانة الجدد
مُعاوية : خلاص كملوه !
عُمر : عمي فتحي قال احتمال يسكنو اليوم فيه
مُعاوية : وشن عرفه هو؟
عُمر : ماهو هو يلي ساعدهم صديق له أعتقد صاحب الحوش
مُعاوية : اها.. عمر نقولك
عُمر شافله : قول
مُعاوية : كلا طلعلي تليفوني من جيبي
عُمر : شن تبي فيه؟
مُعاوية : غير طلع
عُمر مد يده وطلعه له من جيبه : اهو
مُعاوية : أفتحه
عُمر قربه منه : شنو الباسورد
مُعاوية : يرا اشحط روحك واحكي كويس فكنا من كلام البنات
عُمر : باسورد كلام بنات؟ تمام شنو الرمز السري استاذ مُعاوية.
مُعاوية إبتسم : 12/4/1995❤
عُمر يكتب فيه : العب ي سيدي تاريخ ميلادها
مُعاوية إبتسم.
عُمر : اهو فتحته
مُعاوية : خش على الواتساب
عُمر : خشيت
مُعاوية : مافيش اي رسالة
عُمر : لا في واجد وفي رسالة من رغد😉
مُعاوية فرح : شن هيا؟
عُمر : ريكورد
مُعاوية : 🤨
عُمر : تسجيل صوتي😊
مُعاوية مد يده : عطيني وحط أصبعي ع التسجيل عشان نفتحه
عُمر : توا نفتحه لك نا ونسمعو مع بعضنا
مُعاوية : عمررر عطيني وطير
عُمر : باهي ...وعطاه وحطله اصبعه عليه بعدين صبى
أما مُعاوية فتح تسجيل رغد وقعد يسمع وهو فرحان ومبتسم : مُعاوية لما تفتح كلمني لأني انشغلت عليك كلمت اختك جنى بس قالتلي انك كويس ف ليش مسكر خير ان شالله.
مُعاوية إبتسم : عمممرررر
عمر جاه : نعم
مُعاوية : كلمها لي
عمر خذا التليفون : حاضر
مُعاوية : وتمشي بعدها
عمر : حاضر.....واتصله ومده له ومشى.
عائشة أحمد المنصوري.