- روايَـة : يوميات جَيران.
- عَائشة أحمد المنصّوري.
- الحَلقة : الثــــــَّامنة والعشــــرون " 28 " .
-----------------------------------
معليش ع التأخير بس الضي حالة اقسم بالله + تفاعلو ع الحلقة هذي هيا عشان نكتب حلقة اخرى وع حسب التفاعل انزل❤
في الحلقة السابقة 27 :-
وصل حوشهم وسلم عَ هله يلي صدمتهم وفرحتهم كبييييييييرة بأنه يشوف..... امه يلي انهارت لما شافته هك تضبط وتعاود فيه....موقف يستحيل وصفه❤
مُعاوية كر جنى ع جنب : نبي جيهان.
جنى مزالت مصدومة وتشوفله : في شنو؟
مُعاوية : نبي نشوفها
جنى : يعني شايفني 😭😭
مُعاوية مسح ع شعرها وضحك : مش واضحة بس يلي واضح عندي انك مزلتي طشة
جنى مسحت دمعتها وضحكت
مُعاوية : هي سقدي كلميها
جنى : حاضر.....وكلمتها وبعد اصرار كبيرة منها جت وهي مش عارفة انه مُعاوية جاي
خشت من باب الجنان وهي تنادي ل جنى لفت حد يقرب منها ومبتسم...ابتسمت جيهان بفرح ومن كثر فرحتها مااستغربتش كيف مُعاوية يمشي طبيعي؟😂
جيهان بعيون مدمعة : مُعاوية...وقربت تبي تحضنه بعدين فطنت ل روحها ووخرت : امتى روحت؟
مُعاوية ربع يديه : شعرك القهوي كله برة ي مدام
جيهان بدت تخشش في شعرها : مانتبهتش وبعدين انت... ورفعت راسها فيه...ها؟😨😨😨😨
مُعاوية ضحك وهز براسه طلع نظارته من جيبه ولبسها ورد ربع يديها : هو الدنيا كلها ابيض في اسود عندي بس هانعرف نطلع شكلك....وقرب منها حط يده ع وجها : هذا وجك ...ورفعها ل راسها ويحكي بهدوء : وهذا راسك
وحطها ع الشعيرات يلي طالعه وخشهن : وهذا شعرك يلي طالع ل الشارع.
وحطها ع عيونها : وهذينا عيونك
وحطها ع خدها : وهذينا خد......
قاطعاته جيهان بحضن قوووووي وهي تبكي بغزارة كأنه كان رايح منها وتوا لقاته : مش مصدقة اقسم بالله اتت تشبح يعني تشبح فيا خلاص وووه عليا😭😭😭....وبعدت منه بسرعة : اسفة اسفة
مٌعاوية متخزرط كيف حضناته : 🙂😂😂😂😂
جيهان حطت يدها ع وجها وبدت تبكي : مش مصدقة
مُعاوية قرب منها وضحك حول يدها : صدقي خلاص
جيهان رفعت عيونها فيه وقعدت تشوفله اول مرة مُعاوية يقعد يشوفلها ومعلق عيونه فيها.
قعد مٌعاوية يفتح في عيونه ومركز يحاول يشوف شن لون عيونها لدرجة دمع وعيونه وجعهن.. وخر سلح النظارة وبدا يفرك في عيونه بصوابعه.
حيهان خافت : خخ. خيرك حبيبي؟
مُعاوية نزل يده وابتسم : لا تمام
جيهان تشوف ل مُعاوية وفرحااااانة : بنروح اني
مُعاوية زعل : خليك مزلت ماشبعت منك
جيهان : ماما هاتحس بغيابي.
مُعاوية : تمام بس لازم تجي بعدين باتي داير عشاء
جيهان : اكيد لو ماما وافقت.
مُعاوية : تمام
جيهان ابتسمت وهي كان تلقى تقعد ومُعاوية نفس الشي 🥺 : باي
مُعاوية ابتسم وقرب منها همس في وذنها بالضبط : نحبك❤
جيهان سخنت وقريب اغمى عليها😂لفت مشت بخطوات هادية تبي تطلع من الجنان.
مُعاوية حط يده في جيوبه وضحك.
جيهان وصلت لعند الباب ومسكاته لفت شافت لِ مُعاوية وابتسمتله
مُعاوية رفع يده اليمين ودارلها باي 👋
جيهان طلعت وسكرت الباب وراها.
مُعاوية قدام خطوات وفتح الباب اطمن عليها انها خشت حوشهم تنهد وسكر الباب ورد لِ الحوش .
عَائشـة أحمد المنصــــــــــَّوري.
---------------------------------------------
YOU ARE READING
يوميات جيران 💓.
General Fiction- رواية يَوميات جيران ; رواية من الخيال عائلية اجتماعية تطرح عدة مواضيع بعيدة كُل البعد عن بعض ، تحكي ع 4 بيوت كل بيت هانحكو عَ جميع إفراده يلي عايشين فيه ، هانشوفو فيه ألفة الجيران وحبهم ل بعض وكيف يعتبرو نفسهم اهل مش جيران 💓. لِـ عَائشـة احمد ال...
