يوميات جيران 💓.

الحلقة 23

- روايَـة : يوميات جَيران.
- عَائشة أحمد المنصّوري.
- الحَلقة : الثالــــــــثة والعشرون 23 " اضافية " .

-----------------------------------

تفاعلو وافتحو نيتي ع الكتابة❤

في الحَلقة السابـــقة 22 :-

في العشية :-

جو هل علاء حددو العرس بعد شهرين طبعاَ خلود قعدت في المستشفى عشان ماتتلاقاش معاهم وتتجنب جميلة قاعدات سعاد وفاطمة وبعد روحو هل علاء جت نادية تبارك والبنات في الدار يهدرزن.

نادية خذت رشفة من فنجان القهوة : لا ي حنى هاتلحق شهرين تبدا تشري هاتخلص بسرعة إن شاء الله
نجاح : إن شاء الله يااارب وللهِ شاغله همها
فاطمة  : لا ماتخافيش إن شاء الله تكملي
نادية : إي ونحن موجودين وهانساعدوك
فاذمة + سعاد : اكيد
نجاح : نعنكن ماتغيبن إن شاء الله نساعدكن في عرس عويلتكن.
فاطمة : ياااارب وفي عرس جيهان ومُعاوية
نادية شرقت في رشفة القهوة
سعاد فنصت في فاطمة
فاطمة توترت : ءأء شكلك مش عالمة ي نادية؟😅
سعاد + نجاح : 😨
نادية ضحكت بصدمة : هههههه لا نندري....وسكتت وهي مصدومة وتتحلف ل جيهان.

جنى : اوووووووف يعني كان حكيت ع حد معناها نحبه؟
جيهان : من اول اليوم وانتي تدوي عليه لهدرجة مستاحشته؟
جنى : لأ طبعاً غير نحكي وخلاص
سوسن : خلاص كبسناك تحبيه معش تنكري
جنى : اوووووف مبردكن
جيهان : استحاشت خلود☹
سما : في شغلها تتعب مسكينة
جنى فتحت تليفونها : اكيد مش حصلت عريس  وبطلت تشتغل
البنات زرتهن الضحكة.
جميلة شافتلها : شن قلتي ي جنى؟
جنى : سلامتك☺
جميلة تأفأفت وصبت.
جنى : مريضة
جيهان تضحك : انتي عاد كل ماتشوفيها ضروري تلقحي
جنى : منرفزتني
سما : منرفزتك غير انتي بالنسبة ل خلود خلاص ولا كأنها خلود يلي كانت تبكي ليل نهار عليه
جنى : احسن ماعندها ماتبي فيه
جيهان : أي صدقتي
سوسن شفتلها وغمزت : شخبار الحُب
جيهان تنهدت : مليح هلبا
سما ضحكت : مكبدة بكل البنت بحتن عيونها كيف لمعن
جنى : مش غير هيا مكبدة حتى خوي 24 ساعة يحكي عليها خلاص القصة تمت ع المكشوف
جيهان حطت يدها ع قلبها : ادعلي ي بنات بس يجمعنا ربي وللهِ نموت كان خداني غيره
جنى ضحكت : ع اساس مُعاوية يبي يخليك؟ اطمني وإن شاء الله ماتقعدي الا له.
جيهان : ياااااارب
سوسن : عارفة انتو.

نادية خشت ووجها مايتفسرش : جيهان هيا
البنات شافنلها
جيهان : خليني طشة بس
نادية فنصت : هيا قلت
جنى : خليها ي اعميمة مزال بدري
نادية ابتسمت بالسيف : مرة ثانية إشاء الله.....وشافت ل جيهان : هيا
جيهان صبت : دقيقة
نادية : نستناك برة ....وطلعت
جيهان شافت ل البنات : ابصر شن مدايرة اني
جنى : عليش؟
جيهان تلبس في وشاحها : نعرفها اني لما ماما يبدا وجها هكِ معناها ناويتلي مشكلة في الحوش
سما : شن دايرة انتي؟
جيهان : وين نندري