يوميات جيران 💓.

الحلقة 32 + 33

- روايَـة : يوميات جَيران.
- عَائشة أحمد المنصّوري.
- الحَلقة : 33 + 32

-----------------------------------

في الحلقة السابقة 31 :-

كل شي كان باهت لحد ماجى اليوم يلي ممُكن يدخل الفرحة في الشارع  :-

خلود : امي انا صليت استخارة وموافقة ع جبريل
نجاح : روروروري هذا اليوم يلي نراجي فيه😍
خلود ابتسمت وسكتت.
نجاح : اهم شي تكوني راضية ي بنيتي
خلود ردت قصتها ورا وذنها : لا راضية اكيد
نجاح حطت يدها ع كتفها وابتسمت : ياااارب يهنيك
خلود : بس انا عندي شرط قوليه ل بابا
نجاح : شنو؟
خلود : نبي نحضر دكتوراه برة
نجاح : إن شاء الله هانقوله ونشوفو رأي جبريل.
خلود تنهدت : تمام....وطلعت من المطبخ وهي متريحة جزئياً بعد صلت استخارة لكن خايفة جبريل يرفض ويضيع يلي خططتله.

نادية خشت ع جيهان في الدار : فاضية؟
جيهان سكرت اللابتوب : كنت نقرا الجامعة قربت خلاص وبناخذ فكرة ع كل شي .
نادية قعمزت جنبها ع السرير : مرات حاجة نشوفوها نحن بوجهة نظرنا غلط بس بعد نسمعو كلام الطرف الثاني نلينو ونوافقو
جيهان ربعت يديها وضحكت : مش فاهمة شي اني ي دكتورة وضحي
نادية تنهدت : اني بنكلم سعاد ونقوللها اننا موافقين
جيهان : 😨😨😨😳😍
نادية ضحكت : خيرك عيونك قريب يبلطو؟
جيهان شافتلها بصدمة : تدوي جد؟
نادية : اي امالا نسهوك
جيهان حطت يدها ع راسها : بس كيف اني كنت فاقدة الامل من انك توافقي
نادية تنهدت : مش عارفة كلامك يومها اقنعني.
جيهان دمعت من الفرحة وحضنتها بقوة : بججد ي ماما اني فرحانة هلباا الحمدلله واخيراَ وافقتي.
نادية بعدت منها وبنبرة حادة قالت : بس اني مش مسئولة لو في يوم ندمتي
جيهان اختفت ابتسماتها : كيف؟
نادية : انسي بس في النهاية ردي بالك
جيهان ابتسمت بفرحة : المهم انك وافقتي وصدقيني ي ماما مُعاوية مش زي ما انتي متخيلتيه طيب هلبا واني متأكدة هايحافظ عليا.
نادية : إن شاء الله يكون هك...بنمشي نكلم سعاد ندويلها.
جيهان هزت براسها : تمام
نادية ابتسمتلها وصبت
جيهان صبت لحقتها : ماما
نادية لفت شافتلها : نعم
جيهان : آني اسفة هلبا ع كلامي يلي قوتهولك
نادية : مافيش زعل بين البنت وامها صح😊
جيهان : صح
نادية : خلاص بري اقري
جيهان هزت براسها وقعمزت ع السرير لما شافت امها طلعت فتحت تليفونها وردت ع مُعاوية لقاته مُقفل تنهدت وصبت بتوتر تصنت ع امها شن بتقول.

سعاد تشرب في قهوة مع مُعاوية : اقسم بالله اسملا عليه بلال هذا كان اجوزها وقعدت هك لعند الظهر ترقدله توا تجينا من اول يوم
مُعاوية ضحك : مزالت صغيرة البنت ي امي
سعاد : لا وحياتك ماهي صغيرة...وتنهدت وسكتت
مُعاوية لاحظ امه اضايقت : كنك ؟
سعاد رفعت راسها فيه ودموعها قريب ينزلو : زعما عُمر في شن يدير توا؟ 💔
مُعاوية اضايق بس ضحك حب يغير الجو : ي يهيج ي ياكل
سعاد تنهدت : ربي يوفقه يااارب معش كلمك؟
مُعاوية : لا امس غير كنت نحكي معه وتس واموره لوز
سعاد : كان تعرف امس لما مشيت ل المستشفى مع بوك عشان نقيس الضغط من شفت؟
مُعاوية بأنتباه : من؟
سعاد : نادين خطيبة خوك كان تشوف حالة وجها ي مُعاوية تحلف عليها عندها شي مرض شين عفانا الله
مُعاوية : عليش كنها؟
سعاد : وجها اصفر ودنيتها شايلة وطول وانا مقعمزة معاها وهي تحكي عَ عُمر انا شاكة انه خوك يكذب وهو يلي مسيبها عشان قصة المشية يعني كذب قصة ماتفهمناش
مُعاوية : لالالا ماعنده عليش يكذب
سعاد : الله اعلم....رن تليفونها حطت فنجان القهوة ع الطاولة ورفعاته.
مُعاوية : من؟
سعاد : هذي نادية انظر كنها
مُعاوية بلع ريقه وقرب من امه
سعاد : كنه لونك تغير بسم الله !
مُعاوية : الولية هذي رعب اقسم بالله 😂
سعاد ضحكت وردت : الو ي نادية شن الاخبار
نادية : الحمدلله وانتي
سعاد : بخير في نعمة شن اخبار جيهان
نادية : مليحة
سعاد : وشن اخبار رشا....
مُعاوية : لخصي
سعاد : 😒
نادية : الحمدلله الكل في نعمة...اني كلمتك بخصوص موضوع جيهان ومُعاوية
سعاد : اها خير إن شاء الله ؟
نادية : بنقولك انه احنا موافقين امتى ماتحبو تديرو شي رسمي نشترفو بيكم
سعاد فرحت : باااهي الحمدلله ربي يتمم ع خير ان شاء الله نتفاهم مع الحاج ونعطيك علم
نادية :  وانتي طيبة ... يلا سلام
سعاد : مع السلامة...وسكرت