سار العمل فى فيلا احمد وزهره على قدم وساق
وذلك بعد ان وضعت زهره تصميمات جميله لديكور الفيلا وقام محمد بتعين فريق كامل لتنفيذ اوامر ورغبات زهره بلا نقاش وكان محمد قد اخبرها فى وقت سابق عن شراؤه لهذه الفيلا التى كانت تجاور فيلتهم ويشتركون معا فى الجنينبه والبسين عندما كان احمد صغيرا وظل طول حياته يحلم بان يقطن احمد هذه الفيلا عندما يتزوج يوما ما حتى لا يحرم من وجوده فى حياته وان يكون قريبا منهم عند وصول الأحفاد ولكنه نظر إليها بجديه قائلا فى لطف : بس لو الفيلا مش عاجبكى يا زهره ممكن نشترى فيلا تانى فى اى مكان تحبيبه
وكان رد زهره أنها ألقت نفسها فى حضنه قائله : وهو فى مكان احسن من كده يا اونكل محمد وبعدين ما الأماكن الحلوه كتير لكن الأهم من الأماكن الناس اللى حتعيش معاك فى الاماكن دى وانا عمرى ما حلاقي جيران زيكم ابدا يا اونكل
فضحك محمد بسعاده وضمها إليه بحنان قائلا : يا ابن المحظوظه يا احمد الواد ده حظه من السماء بنت قمر وعاقله وطيبه كمان
وهنا تقدم احمد منهم هو وشاجى قائلا : شوفتى يا ماما حاضن مراتى ازاى وبيقولها كلام حلو انا مستحيل اسكن جنبكم ابدا
وانتهى الشجار المرح بينهم عندما أعلنت زهره أنها مستحيل أن تبتعد عن اونكل محمد لانها تحبه بشده وهنا ضحك محمد بشده ونظر إلى ابنه المكبوت بالغضب والغيره مازحا : شفت زهره قالت ايه اطلع منها يا حضره الضابط احسن لك واخد زوجته وذهب خارجا تاركا زهره وأحمد والذى نظر إليها مبتسما : بحبك يا زهره
زهره برقه : وانا كمان بحبك قوى يا خالد
🥂🧚🥂
وبنهايه الشهر الاول كانت تقريبا الفيلا جاهزه للفرش بعد انتهاء أعمال الديكور الذى صممته زهره والذى حاز على اعجاب الجميع
وعندما طلبت زهره من احمد الذهاب معها لشراء الاثاث
رفض قائلا بلطف : حبيبتى انا مش بفهم فى المواضيع ديه خالص يعنى مفيش فايده من انى اروح معاكى خالص
زهره بضيق : يعنى ايه هو انا حاعيش فى الفيلا ديه لوحدى
احمد مراضيا اياها : انا اسف فعلا يا حبيبتى بس صدقينى عندى ضغط شغل علشان اعوض الاجازه المرضيه اللى اخدتها وكمان علشان الاجازه اللى حاخدها علشان شهر العسل
زهره بحزن مستتر وهى تبتسم : مفيش مشاكل يا احمد انا حاعمل كل حاجه لوحدى وتركته وانصرفت بدون اضافه كلمه اخرى تاركه احمد خلفها يشعر بالقلق لأنها نادته احمد مش خالد فهذا أصبح له بمثابه مقياس لمعرفه مزاج زهره عندما يتعامل معها
💫🌟💫
فكرت زهره فى طلب المساعده من شاجى وذلك على سبيل التقرب منها اولا واكتساب محبتها ثانيا وخصوصا انها ستسكن قريبه منها وكل ما كانت تريده زهره هو بأن تحبها شاجى وأن تعيش فى وسطهم بسلام
أنت تقرأ
ليله القبض على زهره (مكتمله)
Hài hướcظنت زهره بانها ماتت عندما مات زوجها الحبيب وبعد موته بعام تكتشف انه لم يكن كما كانت تظن وتتحول حياه زهره الحزينه الى مغامره هى بطلتها والرائد احمد هو بطلها ترى ماذا سيحدث عندما تلتقى زهره الرقيقه بالضابط المتعجرف احمد والذى تفضل هى ان تناديه خالد
