ليله القبض على زهره (مكتمله)

🌺٥/زهره وشعور غامض 🌺

القت زهره جسدها على السرير وهى تتنفس بصعوبه وتحاول ان تتذكر ماحدث فى هذا الصباح فهى لاتركز جيدا

وتذكرت تحذيرات والديها من عواقب عدم النوم وهاهو كل ماكان يقولون عنه طلع صحيح فهى عرضت وظيفه على شخص لاتعرفه

والمضحك فى الامر هو حامد الذى اعتبر نفسه مدير اعمالها وقام باختبار خالد فى القياده بل قام بوضع تصور عن المبلغ الذى يجب ان يتقضاه شهريا قبل ان يتلفت لها غامزا بعينه كافيه كده علشان ميطمعش                                        

شعرت زهره بألم عنيف فى راسها فالصداع يكاد يفتك بها فتحاملت على نفسها وذهبت للحمام واخذت من الصيدليه  الصغيره اقراص مضاده للالم ومسكنه                          

وتوجهت زهره لغرفه الملابس ونزعت ملابسها بصعوبه وارتدت بيجامه سميكه حتى تستطيع ان تتغلب على الرجفه التى تهز كيانها باكمله  ثم زحفت للفراش وسرعان ما غرقت فى غيبوبه وهى لا تشعر باى شئ
🔱🔱🔱🔱🔱🔱

وفى مركز المراقبه 🛎
وبالتحديد فى الفيلا المجاوره لزهره والتى كانت لحسن حظهم معروضه للايجار وفى خلال اسبوع اصبحت مركز كامل للمراقبه واصبحت ممتلئه بالشاشات والاجهزه الحديثه فى مجال المراقبه والتابعه لاداره مكافحه المخدرات
🔮🔮🔮🔮🔮🔮🔮🔮🔮🔮🔮

نظر انور الى شاشه المراقبه وراقب زهره التى تبدو شاحبه وهو يتسأل :

انور بشفقه :  مسكينه يا ترى احمد
عمل فيها ايه

احمد  بسخريه من خلفه : يا حنين ايه يا واد الطيبه ديه كلها

التفت انور إليه وقال له بجديه : لا بجد مالها عامله كده ليه دا الصبح كانت زى الورده المفتحه ودلوقتى لونها اصفر وشاحبه جدا

احمد بضيق من موقف انور  : يعنى ايه يا ابنى متفهمنى انت مع مين بالضبط

انور بحماس  : طبعا معاك يا عم بس عايز افهم ايه اللى حصل بالضبط

احمد ببرود :   ابدا يا سيدى كل الحكايه استغلينا قله نومها مع عدم التركيز اللى هى فيه وفهمناها انها وافقت انى اتعين عندها سواق

ومش حتصدق يا ياض دا انا حقبض منها اد مرتبى مرتين على الاقل

انور برجاء  : والنبى متشغلنى معاك يا احمد يا حبيبى

احمد ساخرا : ومالو يا حبيبى بكره باذن الله حكلم المدام وخليها تشوفلك شغل حلو زيك كده

انور وهو غارق باحلام اليقظه : شكرا يا احمد ياحبيبى

لكنه سرعان ما صرخ عندما صفعه احمد بقوه على كتفه صارخا فيه :  ايه متفوق ياض ايه اللى حصلك انت ظابط يا حبيبى ظابط فاهم