زوجى الحبيب قررت تعذيبك (مكتمله)

🌪٨/جنون كاميليا 🌪

خرج حازم من شقته متجها لشقه كاميليا مفكرا يا ترى هديت من نوبه جنانها ولالسه

بس هو مش حيقدر ينزل شغله من غير مايشوفها وكمان ياكل من الكيك اللى رحته منتشره فى كل العماره ودق الجرس بتردد

نظرت كاميليا من العين السحريه لتكشف ان حازم المستفز هو من يطرق بابها الان

القت نظره سريعه على نفسها فبلوزتها الزقاء جميله وبنطلونها الجينز يبدو رائعا عليها

وفتحت الباب بعنف وكتفت يدها امامها قائله فى سخريه. :  ايه دا انت لسه ساكن معانا هنا فى العماره دا انا قلت اكيد انك عزلت

حازم بابتسامه وهو يلتهمها بنظراته : اد كده وحشتك يا كاميليا متخفيش يا حياتى انا مستحيل اسيبك واعزل ابدا

كاميليا بارتباك من كلامه الذى على الرغم من انه قاله بطريقه المزاح الاانها شعرت بالصدق فيه

ونظرت اليه بقوه حتى تستطيع قراءه افكاره ولكنه دفعها فى لطف داخل شقتها واغلق الباب خلفه

كاميليا بضيق من تصرفه : ممكن افهم حضرتك جاى على الصبح عايز ايه مع انك عملت نفسك امبارح مش من البلد ديه

حازم ضاحكا بمرح : حطى نفسك مكانى يا كاميليا السكان كلهم اتصلوا بالحاج صالح صاحب العماره علشان يشتكوا من الدوشه اللى حضرتك عملتيها وعايزنى اقول ان ليا صله بيكى لا طبعا

كاميليا بغيظ : بقى كده اومال دلوقتى حضرتك مش خايف لحد منهم يشوفك هنا ولا انهم يعرفوا انك انت اللى جبتنى هنا وساعدتنى انى اخد الشقه ديه من الحاج صالح الحقير

حازم بمزاح : ابوس ايديكى يا كاميليا متقوليش انى اعرفك خالص ارجوكى
لانهم اكيد فى نوبه جنانك الجايه حيطلبوا مستشفى المجانين ومش بعيد يخدونى معاكى لما يعرفوا الصله اللى بينا

كاميليا بغضب : اطلع بره يا حازم مش عايزه اشوف وشك

حازم بمرح : لا يا كاميليا مش حطلع بره غير لما اكل كيك من اللى انتى عامله

كاميليا باستغراب : وانت عرفت منين انى انا اللى عامله الكيك العماره كبيره ويمكن يكون حد تانى غيرى هو اللى عمله

حازم بضحك : لا مفتكرش انا ساكن هنا من شهرين اواكتر تقريبا محصلش فى العماره اى مشاكل غير لما حضرتك سكنتى فيها

واكيد كل السكان بيسالوا نفسهم ايه اللى حصل بالضبط

كاميليا بحرج : بجد يعنى فعلا انا كنت مزعجه قوى كده امبارح

انفجر حازم ضاحكا : مزعجه ديه كلمه بسيطه جدا عن اللى انتى عملتيه يا مدام كاميليا

قصدك كنت اعصار كنت بركان كنت زلزال حاجه كده من الكوراث الطبيعه اللى بتصيب الناس اللى عايشين فى هدوء وسلام ‏امنين