زوجى الحبيب قررت تعذيبك (مكتمله)

💫٦/مشاعر غامضه 💫

نظرت كاميليا الى حازم نظره متردده وهى تنظر الى هاتفها لا ترغب فى الرد عليه

ولكن حازم نظر اليها بتشجيع حتى تجيب على الاتصال

فتنهدت واخذت نفس عميق واجابت ببرود : ايوه يا ايهاب فى حاجه

اجابها ايهاب بقلق قائلا : كاميليا انتى فين انتى كويسه يا حبيبتى طمنيني عليكى ارجوكى

صرخت كاميليا فيه بغضب نارى : لسه فاكر حضرتك تطمن على سلامتى دلوقتى يا بشمهندس ايهاب

اجابها ايهاب بالم قائلا : ارجوكى يا كاميليا انا مش ناقص انك تعاملينى بغضب انا محتاجك جنبى قوى دلوقتى لانى محطم

اجابته كاميليا ببرود ساحق : اسفه يا ايهاب انت ملكش اى حقوق عندى انت خسرتها لما خنتنى ودلوقتى عايز منى ايه اغمرك بحنانى علشان محطم

صرخ ايهاب باكيا كالاطفال : تصورى ان الحقيره طلعت حامل من واحد تانى وكانت عايزه تستغلنى وتفهمنى أن الجنين ابنى انا شفتى طلعت حقيره ازاى

اجابته كاميليا ببرود قائله : معلش يا ايهاب ربنا يعوضك المره الجايه بست احسن منها بكتير تعوضك خسارتك دى

صاح ايهاب بالم نافيا بقوه : لا يا حبيبتى انا مستحيل عيونى تشوف واحده تانيه غيرك انا خلاص اتعلمت الدرس كويس وعرفت قيمتك

صاحت كاميليا بغضب نارى الان : لا يا ايهاب بيه عيونك الحلوه شافت وحبت واتجوزت وخانت فملوش لازمه الكلام دا دلوقتى وان كان على قيمتى انا عارفها كويس قوى

واضافت بعنف

وعلى فكره كاميليا الهبله الصغيره خلاص كبرت وبقيت خلاص غير متاحه ليك وزى ماقولتلك امبارح انا عايزه ورقه طلاقى فى اقرب فرصه ومش حتنازل عن الطلاق ابدا فاهم

اجابها ايهاب بتوسل وانكسار قائلا : ارجوكى يا حبيبتى ادينى فرصه تانيه انا عايز اشوفك و اتفاهم معاكى مش حينفع الكلام فى التليفون

اجابته كاميليا بغضب وعنف قائله : انا اسفه مفيش بيننا تفاهم يا ايهاب لأن كل ذره حب كانت ليك جوايا خلاص ماتت لما اتاكدت من خيانتك ليا وكفايه انك امبارح سبتنى امشى عادى ومهتمش بسلامتى ولا ايه حيكون مصيرى لما اخرج من بيتى فى نصف الليل وانت عارف انى مليش حد هنا اروح عنده لانك كنت بس مهتم انك تثبت ان ابن صباح يبقى ابنك انت مش هو ده اللى حصل يا بشمهندس

اجابها ايهاب بضيق قائلا : انا كنت فاكر انك عند سحر لكن لما اتصلت بيها وقالت انك مش عندها فخفت جدا عليكى يا حبيبتى

صاحت كاميليا بسخريه غاضبه : واضح ان مشاعرك ناحيتى بتجئ متاخر اوى يا بشمهندس ايهاب يعنى تندم بعد ما تخنى وتقلق عليا بعد ما سبتنى امشى بالليل متاخر لوحدى وتكتشف انك بتحبنى قوى ومتقدرتش تستغنى عنى بعد ما اتجوزت عليا
حقيقى انا اكتفت منك خلاص واضافت فى شراسه قائله : سلام ومن فضلك متصلش بيا تانى الا لما نروح للماذون وكلها كم يوم وحاجئ اخد حاجتى من عندك فى الفيلا