زوجى الحبيب قررت تعذيبك (مكتمله)

🍰🍵٩/حفله عشاء🍵 🍰

القى حازم نظره اعجاب على كاميليا التى كانت تتحرك فى المطبخ بانوثه طاغيه ناشره عطرها الخلاب كلما تحركت فى كل مكان حولها

وعندما استدرات اليه ولاحظت نظراته الحاره اليها ارتبكت

ولكنها تمالكت نفسها بسرعه لتساله ساخره : اؤمال فين الطاجن الفخارى بتاعى اوعى تكون اكلته هو كمان

حازم بضحك : انتى بتقولى فيها فعلا انا واسامه الصبح كنا حنعمل كده والله

واخدنا قرار انا وهو بما انك جارتى وبتطبخى الاكل الجامد ده احنا حنزود عدد مرات جلسات الجيم الاسبوعيه

كاميليا ببرود وهى تحاول ان تخفى سعادتها لكلامه : وهو كان حد قالك ان انا اتبنتكم لا يا بايا متخدوش على كده

حازم بضحك : ياه يا كاميليا طلعتى بنى ادمه وانا اللى كنت فاكرك ملاك ربنا بعته علشان تنقذينى من التشرد واكل الشارع

كاميليا بضحك لم تستطيع اخفاؤه : الملائكه فى السما يا حبيبى مش على الارض

حازم بسعاده : اخيرا قلتيها يا حبيبتى

كاميليا باستغراب : قولت ايه انا بالضبط

حازم وهو يرفف برموشه متنهدا : قلتى حبيبى يا كاميليا ياه طالعه من بؤقك زى السكر

كاميليا بضحك : اطلع بره يا حازم اظن انك اتعشيت اقصد افترست كل الاكل ونظفت الاطباق على الاخر وخلاص مفيش حاجه هنا صالحه للاكل

حازم بمكر : لا لسه فاضل انتى وانا واثق انك لذيذه جدا

كاميليا وهى تجاريه فى المزاح رافضه الشعور بالاحراج لكلامه المزدوج المعانى : دا كده قلب فيلم رعب من افلام اكلى لحوم البشر يا حازم

ضحك حازم بقوه لخفه دمها الغير متوقعه ثم نظر اليها فى اعجاب وهمس فى رقه : بس انا مش حمشى غير لما اعرف القوه الخارقه اللى كانت عندك امبارح بالليل ايه سببها بالضبط

وهنا جلست كاميليا واختفت الابتسامه المرحه من على شفتيها الرائعه

ونظرت الى يدها المتشابكه حول كوب قهوتها قائله

كاميليا : طبعا حصل المتوقع زى ماانت قلت بالضبط كان غذاء لمحاوله الصلح بنا

حازم بقلق : واتصلحتى يا كاميليا

هزت كاميليا راسها برفض : لا اتطلقت و رسمى كمان

حازم بفرح شديد : بحد طيب ديه حاجه حلوه جدا الف مبروك

كاميليا باندهاش : ومالك سعيد قوى كده ليه

حازم مبتسما : ابدا اصل بكره الظلم والخيانه بكل صورها

وعلشان كده ساعدتك على الرغم من ديه حاله انسانيه مش جنائيه او قضيه ابتزاز زى سحر صاحبتك