#سراديب_الهوى
للكاتبة بان الأعرجي
البارت 12
اخذت قرار بحياتي مراح افكر بسراج ولا ادخل ويا بعلاقه لن نهايتي راح اتكون على ايدة...جنت اقنع ابنفسي هاي هيه هو هذا الصح الي لازم يصير عيب وحرام عليه افكر بي..وبنفس الوقت جنت مقهورة ومكسورة وما اعرف ليش..
جنت دا اغسل اماعين..اجاني كذا اشعار..
_اكيد هاي امي وتريد تسألني على ابو طيبة..
بس طلعت غلطانة لا هذا سراج مراسلني على الوتساب ٠💔🤦🏽♀️..دازلي فديو اغنية والمصيبة الفديو 🔞 بوس واحضان..
بله هسه هذا شنو احجي ويا..
اكتب واسحك ايدي ترجف..جان ادزله بصمة صوتية.
_صدك جذب وتاليها وياك انوب طابلي من الوتساب شبسرعه احفظت رقمي بس مو صوجك صوجي اني دكيت عليك من رقمي وبعدين شنو هذا الفديو متستحي؟
_لا ما استحي...حبابه ونس خليني احجي وياج فدوة والله اريدج ومجاي العب عليج والله شاهد على كلامي..
_صدك لا كالت جنة امخبل
_لا ياقندرة يا جهنم اشحجت بعد عليج الله
_كمت اضحك 😂 بله هسه هذا شنو ارد عليه..
_الووو وين رحتي ونس وناسة..
_موجودة صافنه على حظي المصخم انوب وناسة الحمد لله والشكر ..
_فدوة رحتلج بس استفسار بسيط يعني امج ما لكت غير هذا الاسم وشنو معناه..
_ما اعرف والله بس يمكن مثل ما كلت وناسة
_والله اني لو من الحجية اسميج عسل اوووف الله
_هههه كون اتسمعك امي لمن اتكول حجيه جا فتحت راسك بالجفجير
_اكول امنين جايبه هاي القوة بيناتنة الحجي ونس انتي اتخوفين..
_ها يعني انته اتخاف مني...
دزلي بصمة بصوت خجول هادئ ويضحك ابفرح..
_هههه اني ما اخاف بس من اثنين ربي وانتي...
اول مرة واحد ينطيني اهتمام وثقة عالية ابنفسي والاهم ينطيني مساحة للراي..انجذبت اكثر واكثر لمعاملته اليه..
_شو ساكته احجي خلي اسمع صوتج الحلو
_ما عندي شي احجي
_لعد اسمعي.....
كام يغنيلي بصوته ابد ما جنت متوقعه عندة هيج موهبة 😅صوته ايخبل كلش حلو...بقيت ساكتة واسمع الحانة جان يغنيلي بأغنية ما سامعتها امبينه من الاغاني القديمة..نسيت نفسي وبقيت امركزة ويا اشلون ايجر الكلمات بكل احترافية..
_ها نمتي
_لا والله مصدومة معقولة هذا صوتك
_اي وانتي ما امحلفتني
_هههه لا والله يعني من صدك حلو وعندك موهبة
_هاا يعني اقدم على ذا فويس
_اي ههه
_زين اتصوتيلي لو لا
_ابتسمت ابخجل وما جاوبته
_احجي يمعودة مو شلعتي كلبي
_اي اصوتلك
_جان يعيط بصوت اويلي عليك يابة متت وما شفتني ااخ
_هههههه
شبعني ضحك جان اسمع صوت ولد يمة وهو يكول
_لك سراج اشبيك وعلي عبالي هجمو عليك انتحارين اشبيك اتصيح جنك امخبل
_اااه اي والله اتخبلت
_ويامن كاعد تحجي
_وي امي
_عمي ترى جذاب يوميه ويه وحدة
_امشي لك ابن النعال لتفتري عليه وجذب
أنت تقرأ
سراديب الهوى
Romanceمن سلسلة الحب الحرام نبعت خطيئتي انا في عين المجتمع خائنة وفي عين نفسي عاشقة ...لا تلوم قلبي فلا سلطان لي عليه اقرء قصتي واستمع الى روايتي ...ولا تعجب من ما ستقرأ...
