سراديب الهوى

البارت الأخير

#سراديب_الهوى

للكاتبة بان الأعرجي

البارت الأخير

جنة..
صدمني حسام بكلامة...
_اذا ام كيان اطلكت تتوقعين سراج يتزوجها؟؟
_بقيت مذهولة وصافنة ابوجهه ما اعرف شنو ارد وهو جان ابقمة البررود ويحجي بكل هدوء..
_اشبيج شو ساكتة ..  
_  ام  ..ام...بقيت اتلعثم بكلامي..متت من الخوف وعبالك اني النفضحت مو ونس..بلعت ريكي وكتلة جنت تعرف؟
_ضحك...هههههه..اي اعرف كولشي لعد شنو الكدامج طفل عمرة خمس اسنين مثلا
_ليش بقيت ساكت
_سكتت لن اريد اشوفكم لوين راح توصلون بلعبكم شغلة وحدة كسرتني هو موقفج انتي ابد ما جنت متوقعها منج واشكم مرة نبهتج وكتلج جنة اذا اكو شي احجيلي ولضمين عليه جنت دا انطيج فرصة حتى متتعاقبين ويه ونس وسراج بس شنو انتي خدعتيني وضليتي تمشين وراهم ونسيتي الحلال والحرام ونسيتي اكو رب راح يحاسبج مثل ما راح ايحاسبهم لانج شريكة وياهم ابكلشي..
_كلامة جان كله صحيح ومنطقي فعلا اني شريكة بغلطتهم..انفجرت بدموعي وكمت ابجي..والله ما اكدرت احجي خفت والله صعب عليه كلت ما اريد اخرب بيتها وخاف رجلها يقتلها واخش ابخطيتها وهمين خفت من سراج جان ايهددني وادري بي كلشي ايسوي تذكر الحادث مال سيارة ماجد؟
_ادري سراج سواهه و من هذا الموقف اني عرفت علاقتهم واكشفت كلشي.
_شلون عرفت
_اول شي شفته  لمن طك عليها الطباخ جان خايف ويرجف عليها بس ما خليتها ابالي ابد والثانية لمن شفته شايط ويركض لبيتها حتى يخلصها من ايد ماجد ومشيتها كلت سراج ابو الغيرة اكيد راح يفزع لمرة وحيدة..وميسكت وهو يسمع صياحها  ..بس الي لفت انتباهي حادث السيارة لمن رحنة نشوف الكامرات جان كولشي ما امبين...زين الي كسر السيارة غير يمشي و يطلع من الفرع اذا جان جاي من غير مكان..واحنه حتى خيالة ما لمحناه ما واضح وهذا دليل انو الي كسر السيارة قريب منها وبصفها يعني طلع لو من بيتي لو من بيت ماجد..ومنا بديت اشك بيكم واراقبكم لحد ما سمعتج مرة تحجين ويه سراج وهو معصب وخله وطلع من البيت..واعرفت بعلاقتهم ومتت قهر اول شخص انصدمت بي هو انتي جنة ما جنت متوقعها منج حيل اتأذيت واجت ايام اكره اباوع ابوجهج وصرت اعتبرج خاينة مثل ونس..
_والله ما خنتك وعمري ما راح اخونك لن احبك واموت عليك
_ضحك بأستهزاء 😏 وكال اشلون أئمن بيج وانتي جنتي اشجعين ونس اتخون رجلها اشلون اثق بيج وانتي جنتي اتساعدين سراج حتى يتواصل ويه حبيبتة الشريفه..هااا
_والله ما الي ذنب 😭😭😭
_البواجي مراح اتفيدج..جنة اني هسة ما اثق بيج منا لباب البيت واعتبرج مثل ونس واسمعي يبت الناس اني ما قصرت وياج ابشي ولا فد يوم أذيتج   والله يعلم اشكد احبج بس انتي لعبتي بالنار واليلعب بنار لابد يحترك بيها ..جنة اذا ونس اتطلكت  واتزوجت سراج انتي متبقين على ذمتي وانتهى الكلام...

جبل وكع على راسي...شنو ..اني راح اخسر اولادي وبيتي لخاطر سراج و ونس همة ايعيشون بسعادة واني اضحي ابحياتي ورجلي ..لا فدوة لطلكني والله مالي دخل بيهم واكطع علاقتي نهائيا بيهم حتى السلام اكطعها وياهم بس لا اطلكني ابوس ايدك ورجلك لتطلكني اترجاك..
_الكلام العندي كلته وانتي شنو يطلع بيدج سوي
_صدك تحجي حسام اني جنة حبيبتك اشلون تكدر اتعيش ابدوني جاوبني ينطيك كلبك اتعوفني زين واهلي  واهلك شراح اتكولهم..