#سراديب_الهوى
للكاتبة بان الأعرجي
البارت 17
جنة..
اتصل بيه حسام وجان صوتة فرحان...
_الوو جناتي
_عليك الله كول لكيتو سراج
_كولي ان شاء الله اتصل بينة ضابط وكال اكو خبر عن سراج تعالو..
_يا رب الله بجاه موسى بن جعفر نلكاه ويرجعلنة بالسلامة
_امين يارب العالمين كلت ابشرج ادري بيج ضايجة على سراج
_اوووف كلبي نار عليه راح ابشر خالتي خطية
_لا اولادها ميقبلون خلي انشوف شنو الخبر وبعدين نحجي
_ماشي الله عليك حسام لمن تسمع شي خابرني
_صار حياتي
خلي اتصل اب ونس وابشرها خطيةهاي راح اتموت من البواجي..
اليوم الثالث وسراج ماكو بديت افقد الامل بشوفتة مرة ثانية اليوم ماجد ما طلع لشركة ما اعرف ليش ما سألتة مالي خلك صرت اختل بالحمام لمن ابجي على سراج حاولت ابين واخلي نفسي طبيعية بس ما كدرت مديروح عن بالي ولا لحظة💔🥺..
دك جهازي..وصاح ماجد...
_ونس تعالي هاي ام امير تتصل..
طلعت بركض هاي جنة اكيد عدها خبر عن سراج..اخذت الجهاز ابسرعه وطلعت لبرة...ابلهفة. كتلها..
_عليج الله كولي رجع
_على كيفج..ان شاء الله يرجع اتصل بينة ضابط وكال اكو خبر عن سراج والولد راحو يشوفون شنو ويارب خير
_يعني ما رجع
_اشبيج ونس اتوقعتج راح اتفرحين بهذا الخبر
_ماكو شي يفرحني غير شوفت سراج..
_خلي عندج ثقه برب العالمين وادعيلة..
_اووف...حسيت ماجد دخل للمطبخ مباشرة غيرت الكلام..فدوى لكلبج حبيبتي متقصرين اشكرج على السؤال..
_يا سؤال اشبيج .....(البيست لمن اتبنچر 😂🤭)
_صرت زينة اشكرج
_هااا زوجج هنا ياا عزة راح ننفضح يلا باي
_مع السلامة حبيبتي
شافني ماجد وسألني ..
_شنو اتريد ام امير
_دتسألني اشلون صرت خطية ضال بالها علية
_اي...اني رايح لشركة لن ماكو احد بيها
_اتعمدت السؤال ليش وين حسام مو بالشركة؟
_اي طلع راح يشوف كرايبة مدري منو يله اتأخرت باعي لتنتظريني على الغدة عندي شغل
_ماشي الله وياك..
كلبي شب ناررر كاعدة انتظر والدقايق تاخذ من عمري اصعب شعور بالدنيا هو الانتظار..حالي مثل حال المحكوم وهو ينتظر حكم القاضي يا ينطيني حريتي لو يحكم علية بالموت لحظات صعبة حيل مرة اتفائل واكول راح يجي ومرة اتشائم واكول شنو يعني اكو خبر عن سراج ليش ما كالو سراج موجود ولكيناه معقولة صاير بي شي اووف راح اموت...
مرت ساعه...
ونس ادك عليه واني ادك على حسام حركنا الدنيا لحد ما رفعه وكال...
_والله رجعنا ولكينا والله بس رحميني وهاج احجي ويا..
كعدت بالكاع ما مصدكة شنو اشكلت...اجاني صوتة بهدوء وتعب كال
الوو ها جهنم شلونج...
كمت اشهك وابجي...ولك هاي صدك انته لو اني بحلم ولك وينك دمرتنا ولك ونس راح اتموت عليك..
_ااه اكلج روحي لبيت اهلي ولتحجين شي لاي شخص وتكولين اني رجعت فهمتي قصدي
_ها ليش ولك خالتي اشحالها اشلون ما اكلها هسة محل مفاجئتاك يا صدك تحجي
_صبرني يالحمزة ابو حزامين..لتحجين لاي شخص جيرانج اصدقائج الكائنات اهلج واهلي خطر علية.
_هااا تقصد ونس ياا صدك خطر عليك يعني شنو امهدديك
_لا..روحي لاهلي ولتحجين شي احنه رايحين لهناك بعد ما اوصيج
_اي افتهمت ما اكول ل ونس اوووف ما مصدكة رجعتلنا والله جنت اكلهم العار ميموت محد يصدكني
_الله يطيح حضج لج تعبان لضوجيني.
_هههه ماشي يلا رايحة مع السلامة
أنت تقرأ
سراديب الهوى
Roman d'amourمن سلسلة الحب الحرام نبعت خطيئتي انا في عين المجتمع خائنة وفي عين نفسي عاشقة ...لا تلوم قلبي فلا سلطان لي عليه اقرء قصتي واستمع الى روايتي ...ولا تعجب من ما ستقرأ...
