سراديب الهوى

البارت الرابع عشر

#سراديب_الهوى

للكاتبة بان الأعرجي

البارت 14

ونس..

اقترب سراج من بيتي وصل حد الباب واني جامدة بمكاني بس اباوع بعيوني ومسطورة لسة ما مستوعبة هذا سراج شنو يريد ايسوي وهو ما مهتم ولا يمة يباوعلي ومبتسم رجل داخل البيت ورجل برة صار وجهي ابوجهه..
_ياا سراج اشدسوي...
_فوتي...

ابحركة خفيفه صار قريب مني ابخوف رجعت لورى ..دخل وسد الباب ابهدوء..
كمت افرك بدية من الخوف..وعيوني طايرة على سطوح بيوت الجيران اخاف واحد يشوفنه..
_حباب سراج روح بداعت امك لتسويلي مشكلة
_اشبيج اشبيج اترجفين قابل راح اكلج ولو انتي صدك مال اكل..عسل وكيك شنو هالجمال ولج اووف
_خوف وخجل وعيوني تتهرب منه حباب روح..
_ماشي رايح بس ردت انطيج شغلة شفتها وعجبتني
_شنو هية
_هاج انتي بعدين شوفيها..
انطاني علاكة لونها احمر ما اعرف شنو بيها..اخذتها وايدي ترجف اصلا ما فكرت اناقشة واكولة ما اريدها لن جان كل همي اشوكت يطلع من البيت ويروح..
باوعلي وهو مبتسم اتقرب مني حيل وعطرة ترسني بيني وبينة شعرة..وعيوني بعيونه صار يباوعلي بنظرات خدرانه وعيونه تتنقل بين عيني وشفتي..اتقرب ديبوسني واني غمضت عيوني حييل..جان يضحك ويبتعد عني..وما باسني.

_.يلا راح اروح شوفي الهديه وانطيني رايج بيها...هزيت راس ب نعم...اشرلي بيدة باي وطلع..
ركضت سديت الباب وجسمي كله يرجف..يمة ما صدكت عدت سلامات ريكي نشف خلي اشرب ماي راح اموت...دخيلك ربي اشديصير وياي..

جنة..
اندكت الباب اعرف هذا سراج..ركضو الجهال يتسابقون حتى يفتحون الباب ويتلكون سراج..
جنت واكفه اباب المطبخ واراقبهم من بعيد..دخل وهو فرحان وعيونه تلمع وطاح بوس للجهال عبالك اول مرة يشوفهم بحياته..باوعلي وكال شلونج جهنم
_زينة ما شاء الله اليوم الوجه امنور وتضحك..
تعال اتفضل...

_يعني متكيفين تشوفيني فرحان
_على حسب السبب
_شنو قصدج
_شفتها مو
_اختفت ضحكته وكلب وجهه والضوجة مرسومة على ملامحه ما جاوبني ودخل لغرفتة..

متت قهر يعني صار يشوفها قبل الكل ..حتى قبل ميشوف امة ..
لازم اهدء الوضع حتى اعرف احجي ويا وما اخلي يصير عصبي لازم افهمة تفكير ونس الوصخ واكشفها على حقيقتها..

اليوم سراج ناوي يكشفني بالكوة...منا سالفة الموبايل اخاف يشوفه ماجد ويكولي امنين جبتي انوب جايبلي هدية بله شكول وشحجي..
فتحتها جايبلي تراك نسائي شتوي لونه  احمر..موديله كلش حلو وامبين غالي..بي فتحات من جانب الزند  ومطبوع قلب من الشذر على الصدر وبجامته حصر..ما فرحت بالهدية لن صعب عليه اتقبلها اخاف يشوفها ماجد ويسالني منيلج شنو اجاوبة..خابرت سراج حتى ارجعله الهدية..

_ هلا بحبي هلا... هلا بريحه هلي هلا بلي الي

_قاطعت صوته وهو يغني..سراج اريد احاجيك بس لا تزعل مني
_اهووو هم مغثة  احجي شكو
_شوف اني كوة قبلت الموبايل ولسه ما اعرف اشلون راح اضمة بدون ميشوفه ماجد وهسة جايبلي ملابس اذا شافهن شراح اسوي حباب تعال اخذة ما اريدة
_صدك تحجين يعني اتردين هديتي
_شسوي لازم تفهمني
_هذا آخر كلام عندج (صار يحجي ابعصبية )
_شنو قصدك
_جاوبي هذا اخر كلام تردين اترجعي؟
_اي ما اريدة
_صار شمري بالزبل ..