#سراديب_الهوى
للكاتبة بان الأعرجي
البارت 13
ونس..
ابلحظات طلعت روحي من جسمي رجلية اتحولت الى قطع من الجليد ما اكدر احركهن كلشي بداخلي طفة واني اسمع ماجد يكولي افتحي موبايلج...
زين شفتح وشراح ايشوف يا مصيبة منهن صور سراج التارسات الجهاز لو مراسلاتانه المليانه غزل وحب ضحكاتي ويا لو عدد المكالمات طول اليوم ويا
شفتح وشراح اكول شنو عذري وبيا تبرير اكدر اقنع ماجد...
وجهي اصفر وشفتي ترجف وعيوني مشبوحه من الخوف ترست الغلايه ماي حتى اسوي الشاي...
_اشبيج ساكته متردين؟؟
_التفتت عليه وعيوني بعيونه بصوت هادئ ها
_تعالي فتحي جهازج
_ليش
_شنو ليش اريد احجي ويه ندى دا احجي وياهه وموبايلي طفه خلص شحنه
_لا بعدني ابخطر شلون افتحه اله اتقدمت بخطواتي واخذت الموبايل منه حتى افتحه درت وجهي على السنك وضهري على ماجد اجتني فكرة شيطانية جان اشمر الموبايل بداخل الغلاية البيها ماي واحترك الجهاز وكلشي بي😆😆..عطت يااااا
_طفر من مكانة وصاح شكو اشبيج..
_موبايلي وكع بالماي..وسويت نفسي متأثرة ومقهورة حيل ..يبووو عليه بس لا احترك
_وينه شو....رجعت ليورة وايدي على حلكي وزعلانه اريد ابجي..
طلعه ماجد وهو يقطر ماي..حاول يشغلة ماكو مطفي والشاشة سودة كال
_احترك بعد ميفيد..
_لا لتكول حرامات كل صورنا وصور كيان موجودة بي..يا ربي.
_غير انتي فاهية ايدج مشلوله متعرفين اتلزمي عدل.
_هسه شراح اسوي
_تردين اصلحة الج لو تردين جهاز جديد
_لا شلون تاخذه للمصلح هو بعد احترك وميفيد هذا حضي الاغبر
_باجر اجيبلج جهاز..خلي اطلع الشرايح وذبي بالزبل
_ماشي بصوت زعلان..
اخذت الشرايح وضميتهن..والجهاز ضميته ما ذبيته كلت خاف واحد يلكاه ويصلحه ويشهر صورنا كلشي يصير ...ماجد ما شك ابشي وتصرفاته طبيعية..
بالي يم سراج هسه يتخبل ابتسمت بيني وبين نفسي..اشكد احب عصبيتة لمن يخاف عليه بس هالمرة خطية مراح اخوفه عليه كسر كلبي وكلت لازم انطي خبر لجنة اتكول لسراج جهازي احترك حتى ميبقى بالة يمي ويحرك الدنيا..
انتظرت لمن طلع ماجد من البيت لبست حجابي ورحت لبيت جنة...
اليوم سراج ينزل من الدوام وطبختلة اكثر طبختين ايحبهم..تمن ومرك فاصوليا ودولمة لاجعه على كولته😅 انتظرة بفارع الصبر وهاي اول مرة يسويها سراج وميخابرني ويكولي جنة راح اجي اليوم بس اني اعرف وقتة وحاسبتلة واليوم موعد اجازته...دا احضر بالاكل واندك الباب...
منو..
_اني..ونس
بداخلي(ضجت حيل صرت اكره صوتها واكره شوفتها اشرايدة هاي )
فتحت وابتسمت غصب عني..هلو ام كيان اتفضلي
_الله يسلمج..دخلت تعالي جنة مستعجلة كلش
_خير شكو
_مبايلي احترك
_فد فرحت وكيفت حتى ضحكت وهيه انتبهت عليه
وعوجت حلكها..
_المهم اريد اتصل بسراج من جهازج
_اسفه ما عندي رصيد
_تحجي ابكل صلافه وثقه...مو رصيد على الوتساب
_اشتردين من سراج بله موبايلج و احترك هوة شعليه
_ليش انتي متعرفين سراج اذا يوم ما احجي ويا لو ميسمع صوتي يحرك الدنيا حرك (تحجي بمكر)
_ابتسمت وكتلها ماشي اتصلي بي هاج الجهاز..
أنت تقرأ
سراديب الهوى
Romanceمن سلسلة الحب الحرام نبعت خطيئتي انا في عين المجتمع خائنة وفي عين نفسي عاشقة ...لا تلوم قلبي فلا سلطان لي عليه اقرء قصتي واستمع الى روايتي ...ولا تعجب من ما ستقرأ...
