الأعمى

البارت الثامن عشر(حلم جديد)

- نادى الظابط 2م

نرى  اميره تجلس على احد التربيزات تشرب عصير وهى سرحانه وكان يسير بقرب منها ادهم ثم يشاهدها من بعيد فيتقدم نحوها ويقف بجانبها
ادهم : عامله ايه
اميره :(تنظر باستغراب وببتسامه ) ادهم ازيك
ادهم :الحمد الله ممكن اقعد معاكى
اميره : (تشاور بايدها وبتسامه ) طبعا اتفضل
ادهم : انتى عضوه هنا
اميره : لا قطعه تذكرة
ادهم : ههههههههه ممكن نعرف سبب تشريفك فى نادينا المتواضع
اميره : بصراحه لان ده المكان الوحيد اللى متاكده ان محدش هيجى فيه يعرفنى
ادهم  ليه
اميره :محتاجه اقعد لوحدى
ادهم : (يقوم من على الكرسى ) اسف عن اذنك
اميره : اقعد اقعد مقصدش
ادهم : مش عايز اكون مضايقك
اميرة : لالا بالعكس اقعد بقى
ادهم : (يجلس ) ماشى ايه احكيلى عاملتى ايه الفتره اللى فاتت
اميره : سافرنا ايطاليا
ادهم: واو
اميره ؛ ايه نظره الحقد دى
ادهم:(بمزاح ) بحسدك بصراحه انا هموت على اجازه مش عارف نفسى اروح حتى جمصه
اميره : جمصه هههههههههه بقولك انت اللى مش حابب تسافر متمثلش معلش يعنى البلد مش هتخرب لو سيادة وكيل النيابه ادهم عمران اخدلو اجازه يومين
ادهم : ههههههههههه بصراحه اه اصلى غلبان وسنجول ومش لقى حد ياجى معايا , اصحابى بيجو بمراتتهم يا البنات اللى مرطبتين بيهم وانا بقعد عزول
اميره : يا حرام صعبت عليا خلاص هتبرع وجاى معاك
ادهم : اكون ممنون لسعاتك يا فندم هههههههههههه
اميره : (بالاطة) ... العفو
ادهم : هههه احكي لى بقى عامله ايه دنيتك ماشيه ازى
اميره : والله تمام هو موضوع فعليا صعب كل متفكر ان كان بيبنى وبين حبل المشنقه شعره اموت من الخوف
ادهم : اميره انتى اللى خلقتى الشعره دى بكدبك
اميره : بقولك ايه غير الموضوع انا جاية اغير جو
ادهم : طيب انتى ليكى فى البولنج
اميره :امممم عمرى ما جربنه
ادهم ::طب تيجى معايا واعلمك
اميره : موافقه بس بشرط
ادهم  : اللى هو
اميره  اللى هو بعد متعلمنى نلاعب بعض ولما اكسبك وهكسبك مافيش كلام تنفذلى اى طلب اطلبه منك
ادهم : بس كدة اعتبرى نفسك كسبتى من دلوقتى
اميره : قشطات يلا بينا

- صاله البولنج 5 م

وبالفعل يقوم ادهم بتعليم اميره العبه وهم يضحكاون واثناء شيل اميره الكوره تقع منها وتقع معها ويضحكان جدا واخره وهو ينظر لها بتسبيلة واعجاب بعد الانتهاء
اهم : بابتسامه ايه ده وامال لو بتعرفى كنتى عملتى ايه
اميره : هههههه يعنى انت مخسرتش نفسك
ادهم : هههههههههه لا طبعا
اميره : عينى فى عينك
ادهم :اهو ههه ها ايه بقى الطلب
اميره : بص انا بفكر ارجع اذاكر وخلص الرساله فايعنى محتاج اروح مصلحه السجون وكدة اقابل حالات ممكن تساعدنى
ادهم  :بس كدة
اميره :بس كدة
ادهم :حاضر
اميره :متشكره جدا

شقه اميره 8 م

تدخل اميره الشقه والام تجلس فى الراسبشن ومعها ياسمين
الام : ايه يا مرمر كنتى فين
اميره :(.تجلس ) روحت النادى حتى قبلت ادهم
الام : هو ادهم عضو
اميره : لا روحت نادى تانى
ياسمين: ياسلام على الصدفه
انيرة : بنتك دى خفه جدا
ياسمين : المهم ايه اللى حصل
اميره : ولا حاجه اتكلمنا شويه وبس
ياسمين : ماما احنا لازم نعزمه على الغدا الراجل كان جدع مع مرمر ماسبهاش
الام : طبعا هقول لخالد
لقطات سريعه لاميره وادهم وهم يجلسون فى النادى و يتحدثون واخره وهم يتحدثوا على التليفون ويضحكوان واخره وهو معها فى السجن وهى تقوم بمقابله المساجين واخره لاميره وهى بتذاكر)
ادهم -
ادهم كان يساعد اميره للخروج من حالتها النفسيه السئ ظل بجانبها يساعدها ويهتم بها وبتفاصلها حتى اصبحت افضل واقوه
- ولما لا فهو يحبها من اول نظره عندما راها عند دخولها عليه المكتب فاميره اصبحت حلمه الجديد - لكن هل ادهم اصبح حلم اميره الجديد سنعرف