Unicode
Zawgyi
ခေါင်ရိုင်း အလုပ်သို့ပြန်လာရင်း တစ်လမ်းလုံးစဉ်းစားလာခဲ့မိသည်။ထိပ်ထားစံဆိုသောမိန်းကလေးသည် ဒီအတိုင်း ချစ်သောကို ခဏတွေ့ချိန်ချစ်စရာကောင်းတယ်ဆိုပြီးနမ်းသွားတာလား ၊ ဒါမှမဟုတ်ဘယ် လိုသဘောမျိုးနဲ့နမ်းသွားတာလဲတွေးနေမိ၏။ချစ်စရာလေးမြင်လို့နမ်းတယ်ဆိုရင်တောင်ခွင့်မလွှတ်နိုင်။ချစ်သောဟာ ပေါပေါပဲပဲကောင်လေးတစ်ယောက်မဟုတ်။ကိုယ်ချစ်ရသူကို ပိုင်ဆိုးပိုင်နင်းလုပ်တာမျိုးကိုခေါင်ရိုင်းလက်မခံနိုင်။
" လင်းထွန်း...အဲ့ထိပ်ထားစံဆိုတဲ့မိန်းကလေးရဲ့အဖေအကြောင်းသေချာစုံစမ်းခိုင်းလိုက်။လက်ရှိသူ့ရဲ့ ရာထူးနဲ့အခြေအနေကို ဘယ်သူထောက်ခံပေးထားတာလဲ။သူတို့ဘယ်လိုအခြေအနေရှိလည်းဆိုတာရယ် သူ့သမီးရဲ့ကိစ္စတွေရယ်ကို အတွင်းကျကျသိရအောင်စုံစမ်းပေးလို့။ပိုက်ဆံဘယ်လောက်ကုန်ကုန်ရအောင်စုံစမ်းခိုင်းလိုက်"
" ဟုတ်ကဲ့ပါ သူဌေး"
" အင်း....ဒါနဲ့ ဟိုကလေးတွေအဆင်ပြေလား"
" ဟုတ် ပြေပါတယ်သူဌေး....ငယ်လည်းငယ်သေးတော့ သွက်သွက်လက်လက်လေးတွေပါပဲ"
" သူတို့ကငါ့အတွက် အထူးပုဂ္ဂိုလ်တွေနော်။လူမှုရေးတွေနဲ့အလုပ်ထဲမှာသူတို့ကို စိတ်မရှုပ်စေနဲ့"
" ဟုတ်"
ဒဏ်ရာရထားတုန်းကအလုပ်တွေမလုပ်ဖြစ်ခဲ့နာကြောင့် ခေါင်ရိုင်းအလုပ်တွေပုံနေရသည်။ခရီးသွားလုပ်ငန်းပရောဂျက်ကိုလည်းစတင်နေပြီမို့ ခေါင်ရိုင်းအလုပ်ထဲကိုလည်းအာရုံစိုက်ရပေဦးမည်။သို့သော် ဘယ်အရာ တွေဘယ်လိုအရေးကြီးကြီး ခုချိန်မှာတော့ သူ့အတွက်ချစ်သောကအရေးအကြီးဆုံးပင်ဖြစ်၏။
......................၊
" ဘာလဲ ဒီကလေးက"
" ချစ်ဖို့ကောင်းတယ်မလား"
" အင်း ရုပ်လေးကတော့အတော်ချစ်စရာလေးပဲ"
"ငါသူ့ကိုလိုချင်တယ်"
" ဘယ်လို"
ထိပ်ထားစံပြောလိုက်သော စကားကြောင့် သူမ၏သူငယ်ချင်းများက အံ့ဩတကြီးဖြစ်သွားကြ၏။အမြဲပြဿနာရှာတက်သော သူတို့၏သူငယ်ချင်းမသည် ခုရောဘာတွေလုပ်ချင်နေပြန်လဲ မစဉ်းစားတက်ပေ။
YOU ARE READING
ချစ်သောရိုင်း/ခ်စ္ေသာ႐ိုင္း ( Complete )
General Fictionမင္းရဲ႕အခ်စ္ေတြက ငါ့အတြက္အေပါစားဆန္တယ္တဲ့လား။ မင်းရဲ့အချစ်တွေက ငါ့အတွက်အပေါစားဆန်တယ်တဲ့လား။ Start - 8.12.2020 End - 10.1.2021
