BOOK 3: Janelle, The Brave Princess [COMPLETED]

Angel With A Shotgun Series #3: Janelle, The Brave Princess

"Kapag nagkita ulit tayo pagkalipas ng ilang taon at puwede na, papakasalan kita."

Halos gabi-gabing ginagambala si Janelle ng pangako sa kanya ng isang batang lalaking hindi man lang niya matandaan ang mukha. Kahit anong pilit niyang paghalungkat sa kanyang utak ay ang labi lang nito na may matamis na ngiti ang kanyang nakikita sa panaginip.

Pinangako niya sa sariling maghihintay siyang bumalik ang batang lalaki sa panaginip niya. Natagpuan niya ang mga palatandaan sa katauhan ni Isaac. Pilit niyang pinapaamin ito sa pangako nito sa kanya labinlimang taon na ang nakakalipas.

Pero hindi niya akalaing mahuhulog siya sa ibang lalaki. Sa lalaking tinutukan niya ng baril nang isang gabing inakala niya na isa itong magnanakaw. Ginulo ni Ethan ang kanyang puso na nangakong maghihintay sa pangako ni Isaac na papakasalan siya.

Susundin niya ba ang pangakong binuo ng batang lalaki sa puso niya o ipagpapatuloy ang pagmamahal na nakita niya kay Ethan?

DS: July 14, 2018
DF: August 3, 2018