#_رواية_سجناء_القدر.
الحلقة 9 l طَيِفْ مِنَ المَاضِي .
للكاتبة / أم الـــعــز / بتول خالد المجراب
___________________________
الماضي لا يبقي في الماضي فجأه يخرج و يأتي
___________________________
_ اسمي شيرين اسم الأب **** أسم الام *** اللقب **** !!! عشت مع أمي وبوي 19 السنة و بعدها هربت أعلي أمل إني نلقي خوي ولقيته ساعدته هلبا بشخصية مجهولة وخليته يعيش صارت حرب في بلادي تلخبط حال البلاد ومنها فقدت أثر خوي و وأخيرا وبعد سنة لقيته
مجد l يا سيدة شيرين بعد كل هذا العناء لقيناه وهوا توا في المستودع
شيرين l وأخيرا يا خوي حنتلاقوا بعد سنيين
مجد l السيارة جاهزة نستنوا في أمر منك باش نتحركوا
شيرين l تمام توا نقدروا نمشوا .... تنهدت وهيا تستني بفارغ الصبر ان تشوف خوها مشت ركبت السيارة .......
____________
#جهاد_جلال
جلال l خش لمكتب جهاد وهوا منزل رأسه بخيبة
جهاد l شافله بإستغراب وقال ..... خيرك
جلال l أنيس
جهاد l وقف وعلامات الخوف بدت ترتسم على وجهه..... خيره ؟!
جلال l الحراس الي قدام الباب كلهم ماتوا
جهاد l بخوف أكبر ! .. وأنيس ؟!
جلال l أنيس خطفوه
جهاد l مفيش حد يقدر يدير شيء زي هذا إلا المافيان الحقير فارس ... ضرب يده اعلي المكتب بغضب .... تواا بيورطوا أنيس في الموضوع ... قام رأسه بخوف ... لازم ننقذوا أنيس لازم ننقذوا خوي !!
انفتح الباب فجأه !!
الشرطي l دف الباب برجله و خش وهو وموجهه سلاحهه اعليهم
جهاد l شاف لجلال وبعدها قال بتصنع .... تفضل يا حضرة الشرطي قعدت واقف ....
_________________
أركان l فتح عيونه بالشويه وانصدم لما شاف زينة مربوطه قدامه قدم من جنبها وقعد يهز فيها بالشوية ويقول بصوت واطي ... زينة نوضي زينة
زينة l فتحت عيونها وحطت يدها اعلي رأسها بوجع ... شافتله ... أركان !! أنا وين ؟!
أركان l ......
_________________
أنيس l فتح عيونه بوجع لقي روحه مربوط ومقعمز اعلي كرسي سمع صوت الباب انفتح سكر عيونه ودار روحه قاعد مافاقش ....
مجهول l وهو يتكلم بالتلفون .... قتلك لازم يموت أركان لازم يموت ... ايه هذا أخر كلام عندي كانه أركان بيقعد عايش احني بننتهوا
